Ke Aloha Aina, Volume III, Number 7, 13 February 1897 — Page 5

KE ALOHA AINA

 

KA ALOHA AINA, POAONO, FEBERUARI 13, 1897.

 

Kapalakiko nei i ka malama aku nei o Dekemaba, o kela makahiki, a ua ike aku hoi iaia me ka naau makee oiaio, me he mea la, aia no Oia iluna o Kona nohoalii kahi i @o@o hoomalu ai i kona poe lahuikanaka.

            A ua lilo hoi Kona kipa ana mai i Amerika nei i mea e hoopioloke ai i ka manao o ka poe e kokua aku nei i ke aupuni limanui e ku la ma Hawaii, aka, o ka hapanui o ka poe e noho ana ma keia kulanakauhale, ua haawi koke aku lakou i na mahalo ana a nui Nona, me ke noi pu aku, e ae ia aku lakou, e ike aku laia.

            Aka, no ka pokole o ka manawa, a me ka awiwi o Kana huakai hele, ua kaupale ia ka manawa uo ka lehulehu e ake aku ana e ike kino a e kamailio pu me la, aole nae ia i lilo i mea nui, oiai aole o na poe o keia wahi ke kuleana o Kona kipa ana mai.

            He hikimau mai no kana leta ia'u a ua hoopiha mau ia kou naau i ka hauoli i na wa a pau, e hoikeike mai ana i ke ano o Kona noho a hele ana, ma Kana huakahi hele, me ka hoohalawai mau ia e na makamaka he lehulehu wale.

            I keia la, ua kipa aku au ma kahi o ko'u hoaloha, a oiai maua e nanea ana ma ke kamakamailio pu ana, aia hoi, ua hoohikilele like ia ae la maua a i elua, ma ke kani koele ana mai o na hua kikeke o ke telegarapa, e anapu mai ana i na mamale oleoe awiwi, ua hiki ae la ka Moinahine o Hawaii, i ke kulanakauhale Pooaupuni of Warinetoka, ua hni a launa kuka kamailio pu ma Peresidena Kahlivalana.

* * * * *

            O ka hora 4:30 p. m. ia o keia la, ka wa hoi i loaa mai ai ia maua o keia lono telegarapa, a no ko'u manao, he mea nui keia, i oi aku mamua o na mea a pau, nolaila, ke awiwi nei au e kakau aku i keia leta ia oe a n@u hoi e hoike awiwi aku imua o ka lahui Hawaii, ua ike ia mai la Oia ma ke ano, me he mea la aia no Oia ke noho hoomalu la maluna o kona lahui.

* * * * *

            Ke hooki nei au i ke kaka@ ana i keia leta no ka mea, o ka hora 10:30 p. m. keia o ka po, aka, mamuli o kou manao hauoli, ua hiki ole ia'u ke kaohi iho ka hoike ana aku ia oe i keia mea.

            E hoike hou aku ana no a@ ina e loaa hou mai ana he mau mea hou ano nui, mai ka Hikina mai, ma ka moku ahi e haalele iho ana ia Kapalakiko o keia mau la aku, e loaa hou aku ai ka'u leta ia oe.

* * * * *

            Baldwin Hotel,

            Kapalakiko, Cal.

            Feberuari 2, 1897.

* * * * *

            Aloha oe:

            Mamuli o ka loaa hou ana ia'u o ka wa kupono e hoouna hou aku ai i leta nau, nolaila, ke awiwi nei au e kakau iho maluna o ke aiai o keia kanana pepa, no ka haawi ana aku ia oe i na lono e lele ai kou hauoli, a o ka lahui holookoa no paha a pau o Hawaii, ka aina a'u i hoohiki iho ai iloko o ko'u mau iwi no na la e hoea mai ana, a ola ka'u e hookauwa ae nei ia'u iho malalo o ke aloha i na makamaka a me na hoaloha i hoopoinoia e ka manao alanu o ka poe nana i kaili ae i ka noho ana hooponopono o ko oukou aina, a me kakou a pau.

            Hookahi wale no a'u mea e hoike aku ia oe, oia hoi ma mea e pili ana i ka Moiwahine Liliuokalani, a me Kona mau hoa e noho mai la i ke kulanakauhale Poo Aupuni o Wasinetona, kahi a kakou a pau e hiaai aku nei, o ka pu-a mai o ka lono hauoli, a eia iho ka lono telegarapa awiwi loa i loaa mai ia'u, i ka hora 4:55 p.m. o keia auina la, mai kekahi mai o ko'u mau hoaloha ma Wasinetona.

            Wasinetona, Feb. 1.  O ka Moiwahine Liluokalani o na Paemoku o Hawaii, ua kipa hou ae Oia ma ka Hale Keokeo i keia auina la.  Aia no me Ia Kona mau hoahele, a me Kana Kakauolelo ponoi, Julian Palmer.

            O keia hui ana he pokole, i oi ole aku mamua o ka 20 min@te, aka, he koikoi nae na malamaolelo i kukai ia mawae na o na poai elua, e hiki ole ai ke ike ia aku ka io oia mau olelo, aka, aia no nae he mau mea e hauoli ai, no kou manao e kuu hoaloha.

            Aole ka Moiwahine i halawai aku me Peresidena Kalivalana, oiai, o keia kono na Mrs. Kalivalana ponoi iho no ia, mamuli o kona hoouna ana aku i kekahi palapala kono e noi aku ana i ka oluolu o ka Moiwahine, no ke kipa ana mai ma ka Hale Mana Hooko i ka la a me ka hora i hoakaka ia maloko o ua palapala kono la, a ua apono aku hei ka Moiwahine i keia noi.

            Ua kipa aku oia e ike ia Mrs. Kalivalana me ka piha hauoli o ka manao, me he mea la he mau hoaloha kahiko laua i kaawale loihi, a akahi no a hui hou.

            Ma ka aoao o ka Moiwahine Kona mau ukali ekolu, a ua alakai ia aku lakou a pau iloko o ka Rumi Ulaula o ua Hale Mana Hook ola.

            Ua noho pu iho la ka Moiwahine Liliuo0kalani me Mrs. Kalivalana maluna o ka noho koki i kokoke aku ma kekahi ipuka aniani, a kamakamailio pu iho la laua, ma kekahi mau mea i maopopo ole i na mea a pau, mawaho ae o laua, no kekahi mau minute keia hui kuka pu ana o laua.

            A i ka wa i pau ai o kana kamailio ana me ke Aliiwahine, ua ku ae la oia a hoolauna aku a iaia iho me na ukali Hawaii o ke Alii, iloko o na hookaau olelo ana me ka hauoli, no kekahi mau minute, mamua o ko lakou huli hoi ana aku no luna o ke kaa a lakou i holo mai ai, a huli hoi aku la no ko lakou hotele i noho ai.

            E hoike aku au ia oe, aole o Peresidena Kalivalana i komo pu mai ma keia ike alii ana, no ka mea, ke kono keia na kana wahine ponoi, a pela iho la i kaawale aku ai oia mailoko aku o ka rumi e malama ia ana ke anaina ike alii e kana wahine, aka, aole nae ia he mea nui i kona manao, no ka mea, ua ike no oia, he hana ia iwaena o ka poai o na poe kiekie ma keia noho ana, a aole no hoi i maopopo ia laua ke kaona o ka laua hui a kuka kamailio pu ana.

            Ua kipa aku ke Kakauolelo pilikino ma ka Hale Ahaolelo Kaukanawai o ke aupuni, elike me na kono i loaa mai iaia, no ke kipa ana aku o ka Moiwahine ma ia Hale hanohano o ka lehulehu, i ka la apopo.

            O ka hora 2 o ka auina la kona wa i kipa aku ai iloko o ua hale hanohano la o ka lehulehu, a oia hoi ka wa a Senate Lodge, i pahola mai ai i ka lokomaikai palena ole o na hoa o ua hale la, he wahi no ka Moiwahine a me kona mau hoahele i hookaawale wale ia no, no na hoa o ka Ahaolelo Senate a me ko lakou mau hoalooa ponoi.

            O Julian Palmer, ke kakauolelo ponoi o ka Moiwahine, ua haawi ia mai ke kauoha iaia no ka hoolauna ana aku i ke Aliiwahine, elike me na olelo a Senate Lodge, ua hamama ka puka o kela rumi kapu, i kupono wale no no na hana po noi a ia poe loea kau kanawai a oia nae kahi i haawi ia mai la no ke Alii Aimoku o Hawaii, a me kona mau hoahele e alo hoomanawanui ala i ke anu o keia mau mahine huihui o ka Hooilo.

            O keia iho la na mea hiki ia'u ke hana, oiei au e noho ana me ka hoomanao mau, i kela wahi aina hoopahaohao uuka o Hawaii, a oiai hoi, aole i pio ka mana@lana iloko o ka puuwai o na kanaka no ka hoihoi hou ia ae o ko lakou Moiwahine i hao wale ia kona mau pono, a i imi mai nei hoi i kahi e kaana ia ai o Kana koi no Kona Nohoalii, a me ka pono o Kona lahuikanaka.

            A ke kanalua ole nei au i ka hoike aku ia oe, a nau hoi ia e hookomo aku maloko o ka nupepa Ke Aloha Aina , i ike iho ai na mea a pau, o na poai like ole elua, e noho ana maluna o ka lepo of Hawaii, ua kokoke loa mai ka hopena o na hana, maluna o ka poe nana i hao, a i kipaku mai i kekahi poe Aloha Aina, e kuewa maluna o ka lepo pala-haiaha o Amerika nei, me ka haawi pu mai i na huaolelo kaupale, "aole e hehi hou na kapuai iluna o Hawaii uuku" a no'u iho, ua hiki ia'u ke hoike aku ai oe, me ke kanalua ole, ua kokoke loa mai ko'u wa e keehi hou aku ai ma kapuai wawae iluna o ka lopo o kuu anina a'u i hookama ai.

            Mai pihoihoi kou manao no keia mea, no ka mea, ke lele mai nei ke ao o ka hauoli mai ke kulanakauhale Poo Aupuni mai o Wasinetona, maloko o ka uwea telegarapa, e hoike mai ana, ua kokoke loa ka wa e ike hou ia ai ke ao aina o ka lanakila maluna o na kapakai of Hawaii.

            Nolaila, e hoopau i na manao kupikiipikio, e pale aku i na leo hoomalimali, a mai ae aku i ke komo ana aku iloko o na Ahahui Hoohui Aina, aohe ia me a ma Kapalakiko nei, na hauwawa, e pili ana no ia kumuhana i kuu wa e noho ana malaila, he nele loa ia maanei.

            E houna hou aku ana no au i na lono telegarapa a pau, e pili ana ia ka ka Moiwahine mau hana e noho mai la i ke ehuehu o Wasinetona, ma kekahi mokuahi o keia mua aku.

            Kou hoaloha.

 

HE MAU KOMISINA HOU.

            Manuunuu ua mea he Komisina, e hoouna ia aku ana no Wasinetona, mamuli o ka noho ana o ka Ahakuka o keia aupuni e noonoo i ka lakou mea e naha ai, no ke kumuhana Hoohui Aina, a ua apono lakou, e hoouna io aku no i Wasinetona, elike me keia hoouna mu loa ia ano ai o Kakina ma, no ia kumuhana hookahi, no.

            Ua olelo ae ka nupepe Hoko, i hakalia wale no ko lakou hoouna ia aku no laila no ka loaa ole mai o ke kauoha ma a Haki mai, a ke loaa mai no ka, o ka holo koke no ka ia, me ka hoohakalia hou ole iho, a kahi wa hou aku.

            O ka makou e kaunui nei, e hoolilo ia keia mau mea apau i mea ole, a o na kuko ana o keia poe, no ka hook@ io ia mai o keia kumuhana palaualelo a lakou i ha ai i mea ole, aia @a ila ko makou hauoli, me ka hilinai mau aku, o Iehova o na kaua, oia ko kakou Hoola.

 

HAUOLI MAU MAKOU.

            Ua lilo ko makou mau manao heluhelu e ka-ua aku ana i ka lahui, mai puni i na hoowalewale a na enemi, a mai hoohuikau pu aku hoi iloko o ka pohai o na iliohae, o pau ko lakou mau io a me na koko i ke omo ia, me ke akenui ia, e hoonalo wale loa aku ai hoi la kakou, mai ko kakou ku ana maluna o ke kahua a kakou e kupaa nei a hiki i keia la, oia hoi ko kakou aloha i ko kakou aina.

            No ko kakou aloha i ka aina, aloha i ke alii, ua haalele aku kakou i na momi i onou ia mai imua o ko kakou mau alo, me ka nana ole i ko lakou lilelile ana, a oia mau haawina maemae a pau, iloko o ka umauma o na kanaka Hawaii, oia ka Ke Aloha Aina e lei nei me ka ulumahiehie.  I nui ke aho, a mai hoi hope elike me ka wahine a Lota, ke kukulu ia i @ia paakai.  E hoomanao i keia, a mai poina.

 

Na Palapala

            Aole e ili maluna o makou ke koikoi o na @hewa ana no keia mau manao i hoopukaia malalo o keia poo, aka, e ili no ia maluna i na poe na lakou i kakau mai.

 

O MAKEE ALII KA OE ?

Mr. Lunahooponopono;

            Aloha @e:

            Ua heluhelu au i ka manao o "Makee Alii," ma ka nupepa "Ke Aloha Aaina Olaio" puka ia a puka pule i hala, a ua ike iho ia i ke poo manao "Lapuwale" i kakou inoa ia e Makee Alii.  Owai keia wahi Makee Alii o ka Puuku no anei oia pepa, a nana na olelo e hike me keia:  "Ka Moiwahine i hoop@u ia," oiai oia e noho Lunahooponopono ana no ka pepa.  Owai kana e kuamuamu nei ?  O ke Alii Aimoku po a ka lahui.  Aole anei ua pili ka huaolelo "Lapuwale" iaia ponoi no, aole i na Lunahooponopono kamalii a lakou i k@pa wai ai.

            Owai ka lapuwale ? O na Lunahooponopono kamalii anei a lakou i kapa mai ai ?  Ao'e ! Aole loa no.  A owai ia ? o ka Lunahooponopono no ola mau la, no ka mea, nana no i kakou a hoolaha akea ie maloko o "Ka Aloha Aina Olaio," i kana mau olelo penei "Ka Moiwahine o Aigupita," @@@@ ke ano ou mea ? Eia, he ino, he pelapela, he haumia, he hoomanakii, a me ka hana i @@ hana hookaumeha maluna o ka lahui, e like me Parao i ka lahui Iseraela.

            E Mr. Lunahooponopono, e ae mai oe e ninau ae i kou poe heluhelu a e @@@@ pu aku i ka'o me kau mau pane, a na lakou ia e kakou ae ia oe.

            He Makee Alii anei ia mau olelo a @a lunahooponopono la e kapa ana, ka Moiwahine i hoopau ia?  Aole. A heaha ka hoi? He hoohenehene, he manao @@@ he hailiili, he hoouhiuhi ana i ka hueolelo kipaku ia.  He Makee Alii anei keia hoolaha akea ana ? Aole aole loa.  Alaila, heaha ka kuaolelo kupono e kapa aku ai ?  He lapuwale, pili pono no i ke poo manao o ua o Kakee Alii, i koko hewa ai no na Lunahooponopono kamalii.

            @@@@, he lapa@@@@ o na lap@wale, @@@@ waha Makee Alii, ao@ e hoime nei o na Lunahooponopono o Ka Aloha Aina, aole au ? @@@, he ahi @@@ a laua i @o@o ai, a ha he alii a owai ua alii la i @@@ ia ai ? Kua@e ia iho.

            M. W. @@@@@.

            Honolulu, Feberuari 4, 189@.