Ke Aloha Aina, Volume III, Number 24, 12 June 1897 — Page 6

KE ALOHA AINA

 

6          KE ALOHA AINA, POAONO, IUNE 12, 1897.

 

HE UHANE HOOKALAKUPUA.

            Tombstone, Arikona, Mei 26.  Ua pahola ae kekahi lono no kekahi uhane lapu i hoea mai mai ka lua maina mai o Bronco, he ekolu mile ma ka hikina-hema aku o keia kulanakaulahe.  He nui na poe kamaaina i hooiaio ae i keia lono e pahola nei, a mamuli hoi o ka hoea mau ana mai o ke'a mau lono ua hoouluhua mau mai ia i kekahi poe, a nolaila, ua iho aku la kekahi poe iloko o ua lua maina la no ka papaku o lalo no ka nana i ka uhane hoopahaohao o ka po, a wahi a kekahi mea i ike maka ua hoike ae oia penei:

            He elua hora mahope iho o ka napoo ana o ka la, ua ikeia aku kekahi kino pahaohao olinolino a keokeo o ke ano kanaka e hele ae ana ma kahi o na wahi i elii@, ma na ala ololi, a me ka hookokoke pu mai i ka waha o ka lua.

            He nui na  poe noho kuahiwi a me na poe o ka waoakua i hoao e hopu iaia, aka, aole nae i hooko ia ko lakou makemake.  Ua ki aku lakou iaia me na pu no na manawa he lehulehu wale, a i kahi manawa ua hookokoke loa mai ola ia lakou.  Ua hoopuni ae lakou iaia me ka manao e paa ana ia lakou i ka hopuia, aka, i kona wa e ike ai i kona kulana kupilikii, oia no kona wa e nalo aku ai, a hoea hou mai la ma kekahi wahi okoa aku.

            I ka waenakonu o ka po, pau ae la kana holoholo ana a iho aku la i ka elua o ka lua no ka hana ana, malaila, e loheia aku ana ke koele mai @ kana hamare, ke olo mai i ka papa a me ka hoopahu ana i ka pohaku.

            Ua hana oia me ka hoomaha ole, me he mea la, ua loaa iaia na pomaikai, a @ ka leo kani oeoe o kana mau mea hana, ua @iki ke loheia e na poe a pau e kokoke ana ma ua maina la, me he mea la, he mea io.

            O keia lua dala Bronco, he moolelo weliweli kona a mai laila mai paha keia uhane lapu hookalakupua i hoea mai ai.  I na la mua o ka loaa ana o keia maina, ua oleloia oia kekahi o na lua dala waiwai loa ma ka apana o Tombstone.  He nui na pepehikanaka i hanaia maloko o keia maina.  Ma ka makahiki 18@0 ua loaa aku he elima mau kino make.  Mahope mai ua lilo keia maina he home no na poe powa, a malaila no hoi i ulu ae ai o kekahi hookahe koko weliweli loa mawaena o lakou no kekahi kaa dala a lakou i powa ai, ua hakaka lakou a hiki i ke kanaka hope loa.

 

E HOEA AE ANA PAHA I KAPALAKIKO

            Mamuli o ko Peresidena Makinile manao, a me na kono hoi a kekahi o kona mau hoaloha o na mokuaina o ke Komohana nei, ua manao oia, e holo mai ma na wahi i loaa aku o ke kono aia, mai na Aha Hooko Nui mai o na kulanakauhale ma ia mau aina, no kona kipa aku e hoomaha ma ia mau wahi, elike me na lo@o i wawa ia ae e hol@ mai ana oia a hiki i ke ku@akauhale o Loko Paakai, ma ka mokuaina o @a, iloko o keia kau @ha@a, nolaila, ua manao wale ia e na poe koho @ aku, aole oia @ hele ana a oi aku mamua oia w@hi nana oia i kono mai.  Ua waiho koke aku nei ko ke kulanakauhale o Kapalakiko @e n@ iaia e holo mai no laila, mai ka poai aku o na Komite @ ka poe kalepa, a eia iho ke ano nui o ka lakou leta i hoouna aku ai:

            Kapalakiko, Mei 27, 1897. - Hon. William Makinile, ka Peresiden@ o na Mokuaina Huiia o Amerika Huipuia, Aloha. - O makou o na Ko@te o ka poai o na Ahahui Kalepa o Kapalakiko, ma na hana hoeueu a hooholomua i ke kulana hana iloko o ka aina, ke nonoi aku nei i kou oluolu, e kipa mai ma ko makou mau kaiaulu ma na kapakai o ka Pakipika, ma o kou kipa ana mai ma kahi o ko makou Lunakanawai Nui o ko kakou Repubalika ma Kapalakiko nei, a e loaa no hoi ia oe he mau mea e hoohauoli ia ai o kou manao, i kou wa e hoea mai ai @auei, oiai keia kau mehana e pahola nei ma na kapakai komohana o ka Pakipika nei.

            O ko makou mau anoi kuikawa, oia no kou heea kino ana mai e ka Peresidena, ma na kapakai o ka Pakipika, a e komo pu ana hoi iloko o kou hoo manao ana, ka Ipuka Gula o Kapala kiko, ka mea i loaa ole ma na wahi e ae o na mokuaina malalo o kou malu, ma keia Ainapuniole, a oia hoi ka na poai he nui o ka poe kalepa o keia aoao e nonoi aku nei i kou maliu mai e hoea kino mai ianei.

            Ke makemake nei makou e ike heaha la ke kulana holomua no kakou aina ma keia lihi o ka moana Pakipika, ma ko makou kulana kalepa, ma ka lilo ana mai o ke alawai oki o Nicaragua a me na Paemoku o Hawaii, (he lalau ia manao huhewa o ua poe haakei la o Kapakipika.)

            Ua hiki ia makou ke haawi aku ia oe i na hookipa pumehana ana o ke aloha oiaio iloko o kakou pakahi, a oi mamua o kekahi kulanakauhale e ae ma ke Komohana nei.

            Malala o ka manao hilinai, e maliu mai ana no oe i ka leo nonoi haahaa a kau mau kauwa hoolohe.

            Na ka Ahahui Kalepa @ Kapalakiko, ma o Hugh Craig la ka Peresidena a me W. L. Merry, ke Kakauolelo a Puuku.

 

KA HOIKE HUI O NA KULA SABATI O KA MOKUPUNI O OAHU, MA KAWAIAHAO MA KA HORA 10 A.M. O KA POAONO, IUNE 5, 1897.

            Mr. E. P. Aikue ka Lunahoomalu a mea alak@i i na hana hoike, me ke kokua ana o ka Rev. E. S. Timoteo, a o S. K. Mahoe k@ Kakauolelo.

            Hoomaka ia na hana me ka himeni ma ka aoao @o o ka Hoku Ao Nani a me ka pule a ka Rev. E. S. Timoteo.

KULA SABATI O WAIKANE.

            Ka lakou haawina i hoike ai, oia no ka haawina o Aug. 1896, ma ka Buke "Ka Hoahana," na himeni, ma ka H. A. N. a me kekahi mau himeni e ae.

KULA SABATI O @AUULA.

            Haawina i hoike ai, ka haawina o Sept. 1896, ma ka Buke "Ka Hoahana." na himeni, ma ka H. A. N.

            HIMENI H@: - Hoku Ao Nani, aoao 168.

@A BANAI O KAWAIAHAO.

            Ua mele mai lakou hookahi himeni, a ma nana aku ia lakou, ua like lakou me he mau Opua la i Awalau.

KULA SABATI O WAIALUA.

            Ka lakou haawina hoike, oia no ka haawina o Nov. 1896, ma ka Buke "Ka Hoahana," na himeni; mai na Buke haole like ole mai, i haku ia ka olelo pili ia Iesu, ka luakini mau loa.

KULA O KEONEULA.

            Ua mele mai lakou he elua mau himeni.

NA HAIOLELO HOEUEU.

            Hon. W. H. Rice, i Kauai a me Rev S. L. Desha, Kahu o ka ekalesia o Haili, ma Hilo.  Mai ko laua mau waha pakahi mai i kahe mai ai na huaolelo waimeli hoeueu, a hoolana manao no na hana Kula Sabati.

KULA SABATI O MAKUA.

            Ka lakou haawina hoike, oia no ka haawina o Ianuari, 1897, ma ka Buke "Ka Hoahana," na himeni ma ka H. A. N.

LULU DALA.

            O ka huina o na dala i lulu ia e na Kula Sabati a me kekahi mau kokua mawaho, he $55.00.

NA KULA SABATI O KAWAIHAO I HOOKAAWALE IA MA NA MAHELE,

            (a)        KULA SABATI O PUAIKALANI

            Ka lakou haawina hoike, oia ka haawina o Feb. 1897, ma ka Buke "Ka Hoahana," na himeni, ma ka olelo haole.

            (e)        KULA SABATI O WAIKIKI

            Ka lakou haawina hoike, oia ka haawina o Feb. 1897, ma ka Buke "Ka Hoahana," na himeni, ma ka H. A. N.

            (i)         KULA SABATI O MANOA.

            O ka lakou haawina i hoike ai, oia no ka haawina o Feb. 1897, ma ka Buke "Ka Hoahana," na himeni, mai na himeni Hawaii kahiko mai a me kekahi himeni e ae.

            (o)        KULA SABATI O PAUOA.

            He haawina pualu ka lakou haawina hoike, a ua mele mai lakou i na himeni ma ke ano opera.

            (u)        KULA SABATI PACIPIKA AKAU

            He haawina pualu no hoi ka lakou haawina hoike, na himeni, mai na buke himeni like ole mai.

            (h)        KULA SABATI O KAMOILIILI

            O ka lakou haawina hoike, oia ka haawina o Feb. 1897, ma ka Buke "Ka Hoahana," na himeni, ma ka olelo haole

            HIMENI HUI: - Hoku Ao Nani, aoao 208.

KULA SABATI O EWA

            O ka lakou haawina i hoike ai, oia ka haawina o Maraki, 1897, ma ka Buke "Ka Hoahana," na himeni ma ka olelo haole.

KULA SABATI O KALIHI AME MOANALUA

            Ka lakou haawina hoike, ka haawina o Aper. 1897, ma ka Buke "Ka Hoahana," na himeni, mai na buke himeni like ole mai.

KULA SABATI O KAUMA@APILI

            Haawina i hoike ai, ka haawina o Mei, 1897, ma ka Buke "Ka Hoahana" na himeni, mai na himeni like ole mai.

NA MANAO @AI@.

            Na Rev. S. Kapu, ke Kahu o ka ekalesia  o Wailuku i haawi mai i na manao paipai hope loa, maluna @ ka haawina.  No ke kukulu ana o Solomona i ka luakini ma Ierusalema, a wahi @a, oiai oia @ noho ana he Kahukula S@bat@ Nui no na Kula Sabati o na Koolau, Oahu, ua papahi aku oia i ka @oa, "Keahionakoolau," maluna o ke Kula Sabati @ Waialua, a ano hoi, ke papahi hou aku nei au i inoa hou maluna o ke Kula Sabati o Waialua, oia hoi, "Kauwilaonakoolau"

            A mahope o na manao paipai a ke Kahu o ka ekalesia o Wailuku, ua hoike ia aku ka huina dala i lulu ia a me ka huina nui o ka poe a pau i komo iloko o na @ana hoike oia la, e like me ka papa hoonohonoho mahope ae nei, alaila, he

            HIMENI HUI: - Himeni 603, Buke Hawaii.

            Alaila, ua hookuu ia na hana me ka pule a Rev. S. Kapu.

NA DALA I LULU IA, PENEI:

Kula Sabati o Waikane           $6.00.

     "       "     " Hauula,     4.00.

     "       "     " Waialua,   3.10.

     "       "     " Makua      6.75.

     "       "     " Ewa,         3.35.

(a) "       "     " Puaikalani   4.00.

(e) "       "     " Waikiki       1.80.

(i)  "       "     " Manoa       1.75.

(o) "       "     " Pauoa         2.45.

(u) "       "     " Pakipika Akau        50.

(h) "       "     " Kamoiliili   .25.

(k) "       "     " Makiki        1.40.

      "       "     " Kalihi me

                       Moanalua,         2.80.

      "       "     " Kaumakapili       4.60.

Na Ahahui Euanelia me Kula Sabati, 6.35.

Na hoa o ka Ahaolelo,            2.00.

Ka lehulehu,    3.80.

Haawina hoopiha,       .10.

                                    _________

Huina                          $55.00.

KA HUINA O NA HAUMANA, PENEI:

Kula Sabati o Waikane,          20.

   "        "   Hauula,            6.

Kula Hanai o Kawaiahao,       79

Kula Sabati o Waialua,           35

Kula o Keone@la,      39

Kula Sabati o Makua, 21

(a) "       "    Puaikalani,      37

(e) "       "    Waikiki,          20

(i)  "       "    Manoa,          25

(o) "       "    Pauoa,            16

(u) "       "    Pakipika Akau,           9

(h) "       "    Kamoiliili,      20

     "       "    Ewa, 40

     "       "    Kalihi me Moanalua 35

     "       "    Kaumakapili,            63

Na Kahu Kula Sabati Nui o ka }

Mokupuni o Oahu,                   }           2

                                                __________

Huina                                      467.

S. K. MAHOE.

Kakauolelo,

 

@E MAU KAA HEHI WAWAE ANO HOU.

            Ua hana ia mai nei ma Glasgow, kekahi ano kaa hehiwawae hou loa, aia a hookomo oe i kou uku o ke kau ana maluna ona ma kekahi wahi i hookaawale ia, alaila, hiki iaia ke lawe ia oe

            O ka penny (peni) hookahi ua @awa ia no ka lawe ana he elima mile, a ke pau ia mau mile, e ku malie ana ua kaa la me ka holo hou ole aku, a hiki i @ou wa e hookomo hou ai i peni.

 

            Ma ke kakahiaka o ka Poakolu nei, ua hoopaiia he pake @o io la hoopaahao me ka hana @ no ka a@, ua loaa aku oia maloko o ka pa o ke K@ Kalania@aole, me eha hinai, he elua nae i piha i ka mana@o, a he @lua hoi aole i piha loa.

 

PAINA LUAU NA KA HUI HOOKUONOONO O LAIE-MALOO

MR. LUNAHOOPONOPONO,

Aloha oe:

            Ka elele mama i ke kukini, e a@ai hele ana i na ano mea hou ma keia mau Ailana, a hu aku mao, e oluolu mai ia'u e @akui olelo pu me oe, a oia keia:

            Ma hora 11 a. m., o ka Poaono, Mei 29, ua wehe ae la ka Hui Hookuonoono "Apowailikolehua" o Laie-maloo, he haupa luau na lakou iho no, e imi ana i wahi hana e hookuonoono ai ia lakou, oia hoi, i Halekuai "Keonaonameria."

            Ma ka la i olelo ia maluna ae, i pukaamaka ae ai ko lakou Hui, e kala mai ia'u, ke lilo e nei au i Manu'a, koe ka papaaina.  I kona makaukau ana, na H. N. Kekauoha ka pule, i hakalia no a amama, ka iho makawalu iho la @ ia o na kapala, aia ka pono o ka pae i kula, (piha ka lua o ka inaina).

            Ua ai a lawa i na kohi kelekele a ka puukolu, ua inu hoi a kena me ka wai paila pu me ka pelena, aohe wahi kamawae a ka ua Waahila, ua iliwai like no ka Waiula Iliahi me ka Waikea.

            Malaila ka mea kakau kahi i hamu pu ai, ma ke kono a ka Puuku oia Hui ua kono pu ia no hoi na Hui o Laie wai ka Hui Kalaiaina me ke Aloha Aina.

            Mahope o ka paina ana, ke hoomaka mai nei ke kuai, ke lawe a pa nei kahi poe, he mau i-a ko kekahi, pahu aila mahu ko kekahi, a pela aku, ma keia mea i hihia ai ka umiumi o ka mea kakau ia Keonaonameria (Halekuai).

            Ma keia wa no i waiho mai ai ka Peresidena o ka Hui Kalaiaina i ka leo mahalo i keia Hui, pela mai no hoi ka Hui Aloha Aina, na ke Kakauolelo oia Hui i waiho mai.

            Ma ka hora 7 p.m., he halawai na ka Hui Apowailikolehua, hoomaka ia na hana me ka pule a Saderaka Lua, waiho mai ka Peresidena i na kumuhana.

            1.  E hoolohe ka Hui na ha@a a na @ana a na Komite Hooko i hele ai no Honolulu.

            2.  E auhau ia na lala pakahi i $1 i hale no kakou, he wahi kuka olelo no ka hopena o ka hale, a apono ia no.  Hookuu ia ka halawai me ka pule a ka Peresidena S. W. Kainuawa.

            Ua lawa au maanei, me ka Lunahooponopono ko'u welina piha, me @a keiki @u hua me@ala ko'u anoai hoomau Ke huli hoi nei ke keiki o ka Waianiani a C. B.

Owau no me ka hoalu,

J. L .K. KEALAKU@ILIMA.

Laie-maloo, Iune 1, 1807.

 

HE AHAMELE NUI.

            I ka hora 8 o ka po o ka Poaono ae nei; e malamaia ana he ahamele nui e na haumana o ke kula keikikane o Kamehameha ma ke kahua e kokoke ana i ka hale @oikeike, maloko o ka p@ kula.  E haawi ia ana h@ mau mele na paikau pahikaua, he mau puhi ohe, a pela ak@ malaila.  He @o keneta ka uku komo a me na noho, a me ka uka pu ia o ko lakou oku kaa maluna e @a kaa @apaumi.  O @a loaa @ keia eha mele, no @ hoolawa ana aku no ia i na hemahema o @a Hui Kinipopo o @a kula.