Ke Aloha Aina, Volume III, Number 37, 11 September 1897 — HE PAHAOHAO KO MAKOU. [ARTICLE]

HE PAHAOHAO KO MAKOU.

Ae, pela io no paha hoi, oiai, mai ko ke Kuhina Noho Hawaii Haki hoi ana mai a hiki i keia la, aole i hoolaha pili aupuni ia ae ke panihakahaka ma kona makalua ma Wasinetona no kona manawa i kaawale mai la, a i akaka ole hoi ka loihi ana e noho ai ma na ae kai o Hawaii, no ka mahina hookahi paha, a i ole, no ka ekolu mahina, hapa makahiki paha, a i ole, no ka waiho loa aku no paha i ka hana, mamuli o kekahi kumu ana i manao ai, ua kupono ke waiho aku. E olelo ia mai ana paha makou, heaha ke kumu o ke pahaohao ana, oiai, aia no o Ka kina i Wasinetona kahi i anee ai i ke kahua o ka hana, me ka mana piha kuikawa no ka manawa o keia Luna Aupuni e auwana nei i Hawaii nei? Ma keia wahi, ua hiki no ia makou ke hoakaka piha aku i ko makou manao no keia mea, oiai hoi ke pahaohao e hoonaluea ana i ko makou waihona noonoo, i kumu hoi e hiki ole ai kekahi mau mea kahiko no ua Kakina la, i kona wa e noho Kuhina Noho ana no Hawaii ma ke Aloalii o Wasinetona, a oja iho keia: O keia Kakina ke kanaka mua loa nana i kukulu na pou a me na o'a o ka noho Kuhina ana no ke Aupuni Kuikawa a me Repubalika o Hawaii ma na aina mamao, a o keia no hoi ke Kuhina Noho mua loa o Hawaii, i hoopuka ia kona palapala kipaku mai na Poo Aupuni mai o Amerika Huipuia, i ke au ia Peresidena Kalivalana, a ke paa la kona inoa ma ka papa eleele o ua buke hoomanao o ka Hale Keokeo kahi o ka Peresidena,Makinile e nana pono Ia ia mau mea, (ke ole nae makou e kuhihewa i na ikemaka i hoike la mai.) O ka manao ana ae, ua pani ia kona hakahaka e ua kanaka la e anee la i Wasinetona he hana hiki ole loa ia i keia aupuni ke onou hou aku i ke kanaka i kipaku ino la mai, mai na palena mai o ke Kapitala o Wasinetona, a o ka hoao ana e haawi hou aku i ka momoku ahi e hooi hou aku ai i ka a ana o ke ahi, o kekaki hana pahaohao loa ia a makou e olelo ae nei, he hana hilahila maoli keia. O ka makou upu, e hana ole ia kela hana i mau ai ka maemae o na lima, a i hapala pu ole la hoi iloko o ka eleele o ka laika,