Ke Aloha Aina, Volume III, Number 47, 20 November 1897 — Make Iloko o ka Muliwai. [ARTICLE]

Make Iloko o ka Muliwai.

Ua loaa mai ia makou kekahi lono e hoopilihua ana i ka noonoo, mamuli o ka loaa mau mai o na mea e hoopahaohao ia ai ka noonoo, oia hoi: Ma ke kakahiaka Poalimanei. - Novemaba 12, ua loaa aku ke kino make o Tong Sing, he Pake mea halekuai ma ke Alanui Kaluaopele, e lana ana iloko oka muliwai Wailuku, i kekahi mau kanaka Hawaii elua, a na laua hoi i hapai ae me ka naau aloha i kona kino i kula. O ka manawa hope loa i ike ia ai oia, oia no ka po la Sabati o ka pule i hala, a ma ka hora 10 o ka po ka wa ana haalele hope loa ai oia i kona mau hoaloha no kona home ponoi, a aia hoi ma kona poli he huina o $51 i kona wa i hoi ai no kona wahi ponoi, - I kona wa i loaa aku ai i keia kakahiaka, ua loaa aku kona palule, ua hauhili pu, maluna o kona poo, a o na dala ana i lawe pu ai, ua nalowale. Ua noho ke Kiure Koronero e noonoo i ke kumu i make ai o keia Pake, i keia auina la, aua hooholo lakou, ua māke oia mamuli o ka pepehi ia,'a no ia kumu i hoolei ia ai oia iloko o ka muliwai. Na-na no ka pepehi konaka manaonao ole. Aole i 1 loaa ka mea nana i pepehi ka Pake a hiki i keia la, aka, aole no nae oia e nalo ana, no ka mea, aia no ko ia la mau maka ke nana maluna lilo.