Ke Aloha Aina, Volume IV, Number 1, 1 January 1898 — MOO KAI ME NA KIWI. [ARTICLE]

MOO KAI ME NA KIWI.

Bosetona. Dec. 10. Ua alualu ae kekahi mookai i kekahi waapa i keia la ma Lepee. Me, oiai, keia waapa he hapaha mile wale no ke kaawale mai ka aekai, ua ike aku la na poe o luna i ke kupikipikio mai o ke kai, ma kahi he ekolu hapaha mile ma hope aku o lakou. I kinohi ua manao lakou he makani ikaika ke pa ana malaila, aka, aole no nae i loihi ko lakou hoopahaohao ia ana, no ka mea, ua oili ae la mailoko ae o ke kai ke poo o kekahi nahesa kino nui me na kiwi hao no laua ka loihi o elua kapuai e ku ana maluna pono o kona ihu. A i kona ike ana i ka waapa, ua alualua mai la oia, aka, ua kuemi hope aku nae oia i kona wa i hiki ai ma kahi papau. A o ka waapa hoi ua kuupau aku oia i kona holo no ua o ka aina.