Ke Aloha Aina, Volume IV, Number 5, 29 January 1898 — Page 8

KE ALOHA AINA

POAONO. IANUARI 29, 1898.

 

HE MOOLELO WALOHIA

NO KE

Keikiakii Alabati

Ke Kaeae a o Peleane.

:A ME KA:

Ui Madelina.

 

Ke Kukui Uwila o Ainapo

Hoohenoia no KE ALOHA AINA

  O keia hana nui, i lawelaweia i ka hora elima oia kakahiaka, aole i kani ka hora ehiku, aia hoi, aohe hana i koe a ua mea hana paleumauma kila la e kali iho ai.

  Nolaila, ua hoihoi ponoi aku la oia i na mea a pau i ka ona nona ia waiwai, a mamua hoi o kona hele ana, ua uku aku la oia i kona mau paahana a pau, i ka huina o elima tausani dala, e palima ana hoi i ke kauwa hookahi, he uku makana kiekie loa a ko lakou haku i haawi ai no hookahi hora wale no a oi.

  Ua hoea aku la kanaka hana paleumauma kila imua o ka Haku o ke Kakela o Tamesa, me na mea a pau ana i makemake ai, a i kona kilohi ana iho, aohe wahi a kona maka e hoohalahala ai.

  Kakahiaka nui maoli kau hana, a ua hooko ia hoi elike me ka kaua i kuka pu ai, nolaila, ke makana hou aku nei au ia oe, i keia huina dala, i like me ka mea mua, a me he mea la, oia no paha ka piha pono ana o ke kumukuai o kela kapa.

  I ka pau ana o keia mau mea a pau, a hoi aku la hoi ke kanaka hana kapa kila me ka hauoli, o ka wa no ia o ka makuakane o ua kaikamahine la i hele koke aku ai e hoike, ua pau na mea a pau i ka hana ia, a o ka mea wale no i koe, oia kona hoao ana, ina paha ua kupono elike me kana i manao ai.

  I ka wa i lohe ai o ka ui o ka Lokowai i keia mau olelo a kona makuakine, he mea e kona hauoli nui, a no kona piha loa i ka hauoli ua haalele koke aku la oia e ikemaka i na mea a pau a kona makuakane i hooko ai.

  I ko laua wa i hoea io aku ai maloko o ka rumi a lakou i kuka ai ma ia wanaao, aia hoi, e waiho ana na mea a pau me ka makaukau, a i kana nana ana iho, ua kulike loa ia me ka mea ana i makemake ai.

  Ia wa, pane koke ia aku la oia i kona makuakane, e kii koke ia aku kona makuahine, e hele mai maloko oia rumi, no kona hoao ana i na paha ua hiki kupono iaia ke aahu ia mau mea, no ka hele ana ma keia huakai hoolauna me ke aloha.

  He mea oiaio, ua hooko ia ka makemake o ua kaikamahine la, a ua hoea io mai hoi kona makuahine elike me kana olelo, a oia hoi ka wa a ua kaikamahine la i lalau iho ai i ua mau aahu nei ana i makemake ai a paa ae la ma kona lima.

  A o na aahu hoi ana e kahiko ana wehe ae la oia ia mau mea mai kona pauku kino aku, a o kona mau owili lauoho hoi, ua hoopaa ia ia me kekahi pine omau gula, a o kona wa koke no ia i komo iho ai i na aahu a pau ana i kauoha ai, a me kona kau ana ae i kona papale kila maluna o kona poo e hoike mai ana i kona oiwi kilakila o kulana keikikane, aole hoi he kaikamahine e like me kona hanau ana.

  I ka wa i paa ai na mea a pau maluna o kona kino, ka mea hoi a kaua e ka mea heluhelu e menemene iho ai, mamuli o ka iini i haalele ia ai ka hiehie o ka nani, a ke imi nei hoi i ke alahele e hoi ai ka manu pili kepau i kana alihi.

  He oiaio, o ke kilakila a me ke kulana koa, oia kana e mili lima nei imua o ke alo o kona makuakane, me ke kulana, me he mea ia ua aloalo mua iloko o ke ehu kakahiaka o kekahi mau hoouka kaua weliweli.

  Lalau iho la oia me kona mau lima palupalu, i kana pahikaua gula, e ku ana imua o ke alo o na makua, a hoohulihuli ae la elike me ka hana ana a kekahi keiki i piha kona mau elona i ke oolea.

  A oiai hoi oia e mili lima ana me keia mau mea, oia no ka wa a ua ui la o ka Lokowai Tamesa i pane aku ai me kia malie, i ka i ana aku:

  Ke hele nei au ma keia huakai hele, no ka hooko ana i kou makemake e kuu makuakane ahonui, a ke moni nei hoi au i na hoino ia mai a pau e alai mai ana manua o ko’u alahele no ka pono o ke kumuhana a kakou i hoolala ai.

  A o ka manawa a’u e hoi mai ai, he mea hiki ole ia ia’u ke hoike aku o ka wa hea la ia, he wa paha no kekahi wa pokole, a i ole, no kekahi wa pokole, a i ole, no kekahi manawa loihi aku paha.

  Aka, e hoomanao no nae olua, a mai hoohewahewa, o ka hana a’u e lawe nei, he hana ia na kekahi keikikane, aole hoi na ke kaikamahine, e like me ko’u ano nei.

  Aka, o ka iini i hui ia me ka makemake, oia ke kumu nana i hoolilo ia’u i kane, i mea no’u e launa pu ai a kuka olelo pu me ka ui opio o ke kuahiwi.                   .

  I ka pau ana o ka lakou mau kamakamaiiio ana, ua liuliu like ae la lakou no kona hele ana a kau aku maluna o kona @o, oiai hoi kona mau makua e hoike mai ana i ke aloha walania iloko o ko laua mau puuwai.

  I ko lakou wa i hiki aku ai makahi a kona lio e ku ana, aia hoi, ua hoolawa ia na mea a pau me ka makaukau, e laa na pono ai, a me kekahi ie ili i piha i ka waina maemae i wahi o hoi no keia huakai hele.

  I keia wa no hoi i @ ii ae ai oia e kau iluna o kona lio, me ka honi pu ana aku i ka hu o kona mau makua, oiai hoi na waimaka e iho makawalu wai ana mai kona mau papalina mai, a pela pu hoi me kona mau makua, na mea hoi i hooip@loa ia aku ke kaumaha a me ka ehaeha ma@@@@ o kona.

  O keia wa oia no ka hora 11 ponoi o ke kakahiaka, ka wa hoi a ua ui la o ka lokowai i haalele iho ai i na paia eehia o ke Kakela ana i noho ai mai kona mau la opio mai.

  A iloko o na puili aloha hope loa ana i kau ae ai oia maluna o kona lio, a hele aku la ma ke alahele ana i hoomaopopo ole ai, aka, o ka iini, oia ka mea nana e pailaka nei iaia, oia ka mea nana e hoopololei i kana wahi e hele nei.

  Kaalo hope aku la na wehi pua oloko o kona home kuahiwi, a eia hoi oia ke holo aku nei iloko o ka huikau o ke kaona o Ladana, me kona uhimaka kila i hoopaa ia maluna ona.

  A oiai hoi oia e maalo ae ana mamua o na poe e hele ana ma ke alanui ua huli mai la lakou a nana maluna o keia holo’io o ke kapakila e kamoe ana no kahi i maopopo ole ia lakou kana wahi e hele nei.

  Aka, aole nae oia i kaohi mai i ka holo ana o kona lio, a ua like hoi kona maalo ana iho mamua o o ke alo o na poe a pau e nana mai ana iaia, me he aka kino wailua ala no kekahi mea kino uhane.

  I ke kani ana ae o ka wati o ka hora 12 o ke awakea, mai ke towera mai o ke kulanakauhale o Ladana, aia oiaia wi ma ke kua aku o ke kalanakauhale, e kamoe ana hoi no ke alahele kuahiwi, kahi ana i makemake ai, malaila oia i hoomaha iho ai no kekahi mau hora, i hiki ai iaia ke hoonee aku i kana apana hana i hoolala mua ai.

  I kona komo pono io ana aku iloko o ka wehi o ka ululaau, ua lele iho la oia mai luna iho o kona lio, a haawi pu aku la hoi i wa hoomaha no kona holoholona ahonui, me ka hoolala pu ana, i kahi a ka huakai a ka Hooilina Moi a me ke keiki opio e hele ai.

  Aka, oiai no nae oia e noonoo ana iloko ona, aia hoi, ua ike aku la oia i keia poe e holo mai nei maluna o ko lakou mau @io, ma kahi ana e hoolulu nei, a o ua poe la aia no hoi ke Keikialii Alabati a me kona mau ukali, malalo o na hookele ana a ke keiki opio noho kuahiwi.

  Holo pololei mai la lakou ma kahi ana e noho ana, a na ia mea hoi i kaohi mai i ua poe hololio nei e ku iho no ke kamailio pu ana me keia holoho o ke kapa kila.

  I ko lakou ku ana iho, ua haawi koko mai la lakou i na panai ana o ke aloha, a pela no hoi oia i haawi aku ai, elike me ke ano mau o ka hui malihini ana o kekehi a me kekahi.

 

Wikiwiki!! Wikiwiki!!

 

Keia ka wa e Kuai ai i na l ole Huluhulu

MA KAHIO

L. B. KERR

KA MEA HOOLAKO I NA KANAKA.

  Eia ke kuai nei me kahoemi nui i ike oleia mamua.

HELEHULEHU O NA WAIWAI HOU.

  Me he mea la e haawi wale ia ana.  Mai kali hookahi minute.

  E hele mai mamua o ka pau loa ana o kela mau kumukuai.

  Na MIKINIHUMUHUMU e hooliloia aku no ma na uku liilii ia no ma ka mahine.

L. B. KERR.

HONOLULU – ALANUI MOIWAHINE – HONOLULU

  Ua kaa mea mai la na hookaau olelo ana, ma ka aoao o ke Keikialii i ka ninau ana mai penei:

  E ke kanaka malihini, e hele ana kau huakai he e no hea, a i ole, mai hea mai nei oe?

  O keia ninau a ke Keikialii, oia kana i houluulu koke ae ai i kona mau manao maikai a pau, a pane aku la i ka mea nana ka ninau, i ka i ana aku:

  He malihini au mai na apana manao mai ko oukou kulanakauhale nei aku, aka, no ka manao e ike i kekahi mau wahi mamao mai ko’u one kulaiwi mai, oia ke kumu nana i kono mai ia’u e hele auwana ma na wahi mehameha kanaka ole.

  Ua halawai no hoi me na inea ma ke alahele, aole nae ia he mea e hoemi ia mai ai o ko’u huakai hele, a hiki wale iho la no i ko kakou halawai pu ana he alo a he alo.

  Aole anei oe e oluolu ana e hele pu ma ka makou huakai hele, no ka hele hoolanalana ana ma ua pae mauna o Pelekane nei, no ka hele ana ma hana alualu holoholona, a pela aku. 

  He mau manao maikai kela, a o kekahi no hoi ia o na hana a ko’u luaui makuakane i a’o mai ai ia’u, a ke hauoli nei ko’u uhane, ua loaa ae la ko’u mau hoahele no ka huli hope ana aku ma ke alahele kuahiwi.

  I ka wa i pau ai o kana kamailio ana, ua kau ae la oia maluna o kona lio, a oia no hoi ko lakou wa i hele pu aku ai, me ke komo pu no hoi o na manao hoohuoi iloko o ke Keikialii a me kona mau ukali pu.

  Aka, ua hiki ole nae ia lakou ke ninau, oiai, aole ia he hana maikai mamuli o ke kahiko piha ana o keia hololio iaia iho me ke kapa kila.

  Ua ulu mai no iloko o lakou ka hoomaopopo ana, he mea keia, ua lehia i ka milimili ana o ka pahikaua a me ka laau ihe, ma ke ano o kona kulana, a me ke kulana hiehie maopopo o ke kulana koa.

  Iloko o keia wa a lakou e holo nei, ua komo pono aku la lakou iloko o na laau loloa o ke kuahiwi a ke iho aku la hoi ka ia i ka ilikai.

  Ua kaa aku la ko lakou pailaka na ma@@@ @@@ @@@@@@@@@ k@ keiki opio nono kuahiwi, e aloalo ana i ka hihipea o na laau loloa o ke kuahiwi, me ka pilikia ole.

  I ko lakou kau ana aku iluna o kekahi ahua, e kiei ana ilalo o kekahi oawa hohonu, ua nonoi aku la ke Koikiahi, e hoaumoe lakou ma ia wahi @ po @ hiki i ke ao ana a ua lilo no hoi ia he mea maikai i ka manao o ke keiki opio.

  Ua imi hele aku la lakou i wahi kupono no lakou e moe ia po, a hiki i ka wa i loaa aku ai o kekahi kumu laau nui, i hoopuni ia kona kino me na wahi kupono e hiki ai ke moe iho ia po a hiki i ke ao ana.

 

OLELO HOOLAHA.

  E IKE auanei na kanaka a pau i keia, owau o John Mitsuhashi Iapana, e noho ana ma Pahoa, Pun@ Ke papa aku nei au i na mea hale kuai o kela a me keia ano, aole e hoaie i kuu wahine i mare ia, oia o Mrs. Piipii w.  Ina oukou e hoaie ana iaia, ai aila, maluna no o oukou ko oukou poho, no ka mea, ua haalele kumu ole mai oia ia’u a me na keiki a maua, a ua mahuka aku oia me kana kane manuahi.

Owau iho no,

JOHN MITSUHASHI.

 

OLELO HOOLAHA.

  Owau, o Kekaula Keokio Omokaa, Kona Heme, Hawaii, ka mea i hookohu pono ia mai e Ielemia Kiekie i kahu malama aina no Omokaa i oleloia maluna.  Nolaila, ke kue loa nei au i ka hoolaha lalau a Kekuhao i hoike ae nei ma ka Helu l o ka nupepa KE ALOHA AINA. 1898, nona ka ka aina Omokaa.  He lalau wale no ia i kahi e no na makahiki 42, aole i ka aina nei.

Ko’u oiaio.

MRS. KEKAULA KEOKI,

Omokaa, S. Kona, Hawaii, Jan. 17 1898.    Jan. 17.    tf.

 

KAU ELUA

O NA

Kaa Hehi Wawae.

MA KA PAKA

CYCLOMERE

E HOOMAKA ANA I KA

Poaono, Ianuari 29.

Poe Ike Heihei Hou.

Mau Loina Hoohoihoi.

 

  Uku komo laulaha, 25 keneta; Uku komo me ka noho, 50;  Na Pahu e no ho ai o eono a eiwa paha poe.

  E hemo ana na puka pa hola 7 p.m.

 

  Ke kuai ia nei na noho ma ka Hale kuai o Wall Nichols Ma.

 

Holo na Kaa Nunui a ka Puka pa.

Ian 19   tf.