Ke Aloha Aina, Volume IV, Number 11, 12 March 1898 — Page 1

KE ALOHA AINA

 

KANUPEPA KE ALOHA AINA

 

E hoopuka mau ia aku ana mai ka Poakahi a ka Polima o na pule a pau o kela a me keia mahina.

 

Ka Uku Pepa, he 20 keneta o ka pule.  No ke hope hookahi, he 5 keneta.

 

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

 

E pai ia no na Olelo Hoolaha, na kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku pepa

 

E hoouna pololei mai i na Nuhou na Kumumau o na Olelo Hoolaha, na Kanikau a me na Mele Inoa i ka Lunahooponopono o keia Pepa.

 

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi moa kapakapa ke ole e hooike mai i ka Lunahooponopono i kona inoa ponoi

 

Ka Nupepa Puka Pule

 

Ke – Aloha – Aina.

 

Hookahi makahiki ………………      $2.00

Eono mahina …………………….     $1.00

Ekolu mahina ……………………        .50

Hookahi mahina …………………        .20

 

EMMA A. NAWAHI.

Puukuo

Ke – Aloha – Aina

EDWARD L. LIKE.

Lunahooponopono a Hope Puuku

S. P. KANOA.

Hope Lunahooponopono.

 

O na kauoha Nupepa me na hookaa Dala, e hoona pololei mai i ka Puuku ma Honolulu.

 

Nuhou Kuwaho.

 

MAKE KE KEIKIALII TAI VAN KOON.

 

            Wasinetona, Feb. 24.  O ke Keikialii Tai Van Koon, ka makuakane o ka Emepera o Korea, ua make mai nei oia ma ka la 22 o Feberuari.  O ke Keikialii Tai Van Koon, ua noho oia i Kahu aupuni i ka wa opiopio o keia moi e noho moi mai nei no Korea.  E kanikau ana ke Kuhina Korea e noho nei maanei no 30 la.

 

HE HIOHIONA ANO E

 

            Salina, Feb. 21.  Ua loaa aku ia Tom Watson, e noho nei ma Corral de Terra i kopa wa e hele ana maluna o ka uwapo o Salina ma ka la inehinei kekahi buke nui Baibala ohana i weho hamama ia ma ka buke a joba, ua kakia ia na kini eha i kekahi ka la o ka uwap@, na hoon@i ia hoi me kekahi hae Amerika e kuowela ana.  na hoohiki #le ia ko Watson @ onoo no keia mau hiohiona ano e, nolaila ua hele aku oia e hoike i na luna aupuni oia kela nakauhale.  Ua hoea aku o Hope Makai Ne@hih i na wahi la i keia kakamaka a hoomaka aku la e huli ia loko o ka muliwai, mamuli o ka hoohuoi ia ana, ua lawe ae iaha ke mea nan@ i hana i keia hana i kona ola, aka, aole nae he wahi mea i loaa.

 

KUKELE PONOI O SEPANIA I KONA MOKUKAUA.

 

            Madarida, Feb. 21.  Ua kauoha aku la ke aupuni o Sepania e kukuluia i mokukaua hou nona ma ka pa kapili ma Cadiz, Sepania, nona ka loa he 238, laula he 36 kapuai, a nona hoi ke kaumaha he 2000 tona.

 

            He kolana wikani kona i manao ia ai e kapili, oia hoi, o ka manoanoa o ka hau malalo aku o ka iliwai he ewalu hapaumi iniha maluna iki ae o ku oliwai he 3.2 iniha ma kahi o ka mekini a maluna ae o laila he 4 miha ka manaonoa.

 

            E lawe ana oia he eha 5.6 iniha pukuniahi kani pinapinai, eha pu 4 iniha kani pinapinai a me eha pu liilii kani hikiwawe no.  A e hoolako pu ia ana oia me elua puka hookuu topido.

 

            Ua olelo ae o Adimarala Bermejo, eia o Sepania ke makemake nei e kukulu hou i ekolu mau mokukaua hou nona.

 

HE PEPEHIKANAKA MAINOINO.

 

            Atlanta, Feb. 22.  He lono kuikawa kai hoea mai i ka nupepa Constitution mai Kolumebia mai e olelo ana.  O kekahi pepehikanaka mainoino loa, na hana ia ae ia e na iiikeokeo ma Lake City, Williamsburg County, ma ka hora 1 o keia wanaao, i ka wa i pepehi ia ai o ka luna leta, he negero, me kana bebe e hii ana ka wahine a me ekolu kaikamahine.

 

            O Baker, ka inoa o keia Paele, a ua kohoia i luna leta he ekolu mahina i hala ae nei.  O Lake City he 40 kanaka e noho ana malaila, a o ka hapanui he poe negero.  Ua kue aku kekahi poe iaia, aka aole no nae he nui loa.  Ma kela po Poalua aku nei, ua hoea kekahi poe ma kona home a kipu aku la, aka, mamuli o ke kiekie loa aole he ola i hoopoino ia, a mamua koke iho no oia wa, ua i oi aku na Senate T @maa a me VeLaurin o e Lunamakaainana Th@rt n@ ka luna leta nui e hoopau ia Baker, no ka mea, he okoa kona @ aka, aole nae i hoolohe a ia noi.

 

            Ma ka hora 1 o keia wanaao ua hoea hou aku la kekahi poe ili keokeo n@ lakou ka huina maluna aku o 100 no kahi o Baker a puhi aku la i ke ahi, a i ka wa a ke ahi e hama ana i ka hale oia no ka wa o Baker a me kona ohana i holo aku ai iwaho, aka ua haiawai koke no nae lakou me na poka a ka lokoino a pau iho la lako i ka loku ia, a mailoko mai o na poe ehiku e noho ana maloko o ua hale la he elua i pakele mahunehune mai ke ol@ me ka loaa pu no o na palepu maluna o ko laua kino.

 

KIPU I KANA IPO A LAWE @ KONA OLA,

 

            Okalana, Feb. 23.  Ma ka 1:30 o keia wanaao ua kipu aku o Herry Williams he paele i kana ipo nona ka inoa o Ethel Gray, he kaikamahine haole, a mahope koke iho no ua lawe oia i kona ola.  Ua komo ke aloha iloko o ka @aele no keia kaikamahine, a ua noi mau aku hoi e mare laua ma ka po nei, ua hoea mai i kahi o ke kaikamahine a hoohala iho la he maau hoa me ia, a i keia wanaao nae ua loheia aku la ke poha ana n ai o kekahi mau Ieo pu a i ka hele ia ana aku ua ike ia iho la ua make laua a elua maloko o ka rumi kuke.

 

KA HOIKE A NA POE LUU.

 

Havana, Feb. 22.  Ma ka hoike a na poe luu ma kahi o ke kino o ka moku i halawai me na ulia poino, ua nahaha liilii na apana hao, a ua pepee hoi kekahi, a maloko hoi o laila, i loaa aku ai he 100 kino make e laua ana iloko o ka opu o ka moku, aka, mamuli nae o ka hihia o ka hao aole he hiki ke lawe ia mai iwaho.

 

KAUOHA IA NA WAHI HANA PU WILI.

 

            Nu Ioka, Feb. 21.  Ua hoea aku he lono kuikawa i ka nupepa Herald, e ololo ana, ua loaa aku la i ka hui hana pu American Ordnance Co., he kanoka mai ke aupuni aku o Amerika Huipuia i keia auina la, he 47 pukuniahi wili a Hotchkiss me ka hakalia ole.  Ua ohiia he mau kanaka lehulehu no ke kokua pu ana mai a me he mea la, iloko o kekahi mau mahina pokole wale no e pae ai keia mau pukuniahi.

 

HOOMAKAUKAU IA NA MOKUKAUA AMERIKA.

 

            Nu Ioka, Feb. 21.  He lono kai hoea aku i ka Herald e ololo ana.  E hoomak aku ana ka hoomaemae ia ana o na mokukaua Minneapolis, Miantonomah a me Katahdin, he puulu kanaka nui ke hoea ae ana no ka hoomaemae ana ia lakou, no ka wa o ke kauoha e hoea mai ana.

 

AA HE WAHINE AMERIKA E HELE I KE KAUA.

 

            Stockton, Feb. 25.  O Miss Lou Heid, he wahino ako lanoho e hana nei ma ke alanui Weber, ua hoouna aku oia he leta ia Kapena Johnson, o ks puali A, i kona makemake e komo iloko o kona puali e hele imua o ke kahua kaua no ka hoopakele ana ae i ka hae o Amerika mai ka hoohaahaa ana a na Sepania, a e kapae hoi i kana upa no ka wa e poha io ae ai o ke kaua.

 

E NOHO ANA KA VICZAYA NO HAVANA.

 

            Nu Ioka, Feb. 24.  I ka la apopo e holo aku ai ka mokukaua Sepania Viczaya no Havana, ua hoea aku ke Kanikela Kenerala Sepania Alturs Baldsano e noho nei ma Nu Iuko imua o Kapena Eulate o ka mokukaua Sepania Viczaya me na leta, a he hookahi e kanoha ana iaia e haalele koke iho ia Nu Ioka me ka hakalia ole

 

KAUOHA IA NA AMERIKA E HAALELE IA HAVANA.

 

            Havana, Feb. 22.  O na Amerika e noho nei ma Havana, ua kauoha malu ia aku lakou e hoouna aku i ko lakou mau ohana i kahi e maluhia ai.  O keia mau makaala ana, mamuli no ia o kekahi mau hoohuoi ana e ulu mai ana he haunaele mawaena o na pualikoa kue i na Amerika i ka wa e hoea mai ai o na lono oiaio e pili ana i ke kumu i piholo ai o ka mokukaua Maine.

 

LOAA KEKAHI MAU WAIWAI O KA MOKU POINO I NA POE LUU.

 

            Havana, Feb. 22.  Ma ka halawai ana a ka Aha Hookolokolo no ka huli pono ana i ka poino o ka mokukaua Maine, he poe luu i houna ia ilalo okahi aka Maine e waiho ana.

 

            Mawaena o na mea i loaa ia lakku i keia la, he mau lako hoonani dala i haawi makana ia mai e ka mokuaina o Mkine a me ke kiaha e na poe oia mokuaina e noho la ma Nu Olina i kona wa i hoea hope aku ai ilaila.  Ua lawe pu mai lakou i na pu raifela, no pahikana a me kiekahi mau waiwai e ae.  O ka hae nui o ka mokukaua Maine na loaa aku ia ma na kahakai o Casa Blanca ma kekahi aoao aku o ke kai kuono.

 

            Ua manao ia he elua manawa i pahu ai o ka mokukaua, o ka mua, ua hoala ae oia i na poe e hiamoe ana, ,a o ka lua, na opa pu ia nku a paluhe liilii.  Ua hoomaopope ia keia ma ke ano i loaa aku ai.  E okuu ana kekahi poe iluna o ko lakou ahamaka a o kekahi poe hoi e manamana ana na lima, me he mea la, e hoomakaukau ana e lele ilalo.

 

            Ua make kekahi poe e waiho nei maloko o ka Haukipila, mamuli o na palapu i loaa ia lakou ma keia ulia poino.

 

KA HUI KAA UWILA

 

            Iloko o ka halawai ana o na lunahoohana o ka hui kaa uwila hou e manao nei e kukulu i laina kaa uwila no ke kulanakauhale nei, ua ike ia iho la ua pau na hana, a pau i ka hoolaia ia o ka waiho wale aku no koe i ke noi.

 

            O ka manao o ua hui la e hoomaka ana lakou i ke kukulu ana i keia laina kaa maloko o hookahi makahiki mai ka wa o ae ia mai ai me na lako ano hou a pau e pili ana i ka hoomoe ana i ua ano kaa la, A e paa hoi i ke kukulu ia iloko o ekolu makahiki ho 15 mile no ke kaa uila.

 

            Ua hooholo ia aole e oi aku maluna o elima keneta ka uku kaa o na kanaka makua, a o na keiki hele kula e hapalua oia auhau ana, He 5 keneta o na makua mai Moanalua ahiki i Kapiolani Paka,

 

            Ua loaa i kekahi pake e eli ana ma ka hale o Arthur Fitzgerald, he wahi lua dala iloko o ka lepo, a ua hoopihaia me ka hapaumi (5 keneta) nona ka huina waiwai io aia maluna ano o ka $14. ua laweia aku ia e David Kaapa no ka halewai, mamuli o ka manaoia ana no ka hui kaa hapaumi keia dala i aihueia mai ai.