Ke Aloha Aina, Volume IV, Number 31, 30 July 1898 — Page 8

KE ALOHA AINA

POAONO, IULAI, 30 1898

 

HE MOOLELO WALOHIA

--:NO KE:--

Keikialii Alabati

----

Kaeaea o Pelekae

--:A ME KA:--

Ui Madelina.

----

Ke kukui Uwila o Ainapo

-----

Hoohenoia no KE ALOHA AINA

Aka, e hoike aku ana au ia oe me ka hookamani ole, ua hiki mai la kaua i ka pahu hopu o ka noho ana malalo o ka noho ana he mau kane wale no, aole hoi i wahine kekahi, e like me ka hono kokoolua ana o ke kane me ka wahine,

No kaua i keia wa, e hoopau loa ia kou noho ana malalo o ke ano huna, a e hoikeike ia ae hoi ko ka ua noho imua o ka lehulehu, a pela hoi au i kane nau.

Ae hooko ia ana ia hana iloko o eia was a kaua e kamailio nei, a nolaila, e hoomanao oe, ua pau kou mau la o ka noho pio ana.

O ka pa ana aku o keia mau olelo iloko o na pepeiao o ka Ui o ke kapa kila, ua kuku'i iho la oia ilalo a haawi mai la i na hoomaikai ana he nui imua o ka mea na na kakou i hana, me ka pane ana mai hoi pepei:

Ae, e kuu hoaloha oiaio, ua loihi ae nei na makahiki o ko'u noho ana malalo o ka lanakoi a ka manao, e lawe mai au ia oe a hoopili mai ma kuu umauma, i kuleana hoi no'u e hiki ole ai i kekahi mea ke hono ia oe e kaili mai a'u aku.

Nolaila, ua like na mea a pau e keakea ana mamua o ko'u aiahele i mea ole, a no ia kumu no hoi oe i ike mai ai ia'u e noho ana imua o kou alo, me ke akenui e loaa ka wa e hooko ia ai o ko'u makemake.

I keia minute a kaua e kamailio nei, ke o mai nei na manao ohohia o ka hauoli iloko o'u, oia hoi, ua maopopo ia'u, na'u oe, a pela hoi au pau.

I ka pau ana ae o keia mau kuka olelo ana, au noho iho laua e kukai no na mea pono a laua e hana ai no ia manawa, a oia hoi ka ke Keikialii Aleferdo i pane mai ai i kona hoa,

He oiaio, eia kaua ke hookoke aku nei i ka manawa kupono no ko kaua hoohui ia ana he koko hookahi iloko o ke kuikahi no ka wa mau loa.

Ma ke ano, aole i kupo no ia kaua ke noho huna elike me keia ke ano, o lilo hoi ia i mea hoowahawaha ia no ko kakou kulana pakahi.

He hana hiki wale no keia ke hooko ia i ka manawa pokole, a e ike koke no oe iloko o ka imu ana a ka maka e kaawale aku ai keia mau mea a pau mai ko'u kino aku.

O keia mau kukai olelo ana mawaena o laua, au hanaia ia me ka ike ole ia mai e hai, o laua wale iho no a nalo i ke ehuehu a ka ino.

I ka wa i kaawale ae ai o na aahu kane e uhi ana i kona ano wahine mailuna a hala ilalo, oia no ka wa mua loa a ke Keikialii Aleferdo i hoopa aku i ke kino o ka Ui o ke kapa kila i kaawale no la ka uhi e huna ana i kona kino mailuna a lalo.

A he mea oiaio loa hoi, o na manao e hoo@@ni ana i ka lana malie ana o ko laua mau puuwai, ua pii ae la ia me he ao Naulu la e oeoe ana i ka laua mau iwihilo pakahi.

Puka mai la he mau ao olinolino o ka hoomahie maluna o ko laua mau helehelena pakahi, ua eha la ua i ka eha lima ole a ke aloha, e hoonawe malie ana ia loko hana nui pau ole i ke ana ia.

O keia hoopaia ana aku lao ke kino wahine o ka Ui o ke kapa kila aia hoi, ua hoike mai la kona mau hiona maka i ka hauoli palena ole o kona pkwai no keia mau hana maika a kona hoaloha.

I ka mao ana ae o na manao e uluku ana iloko ona, akahi no oia a pane mai me na huaolelo ku i ka hoonanueu kino penei:

Ua loiai ae nei na la a kaua i noho hamau ai me ka loaa ole he mau manaolana ana iloko o'u, e hoea mai ana he manawa no kaua e kukai olelo pu ai ma na mea e pili ana i ko kaua noho ana.

Aka, ke puana ae nei me ua hauoli, ua hiki mai la au i ka hopena o ka hana a'u i aumo wahine ai no keia mau makahiki kaahope aku la.

No'u iho mailuna a lalo, aole ia e kala kahiko i lilo ai nau, i ke sekona mua loa no a'u i ike ai i kou mau helehelena maloko nei o keia Paalii.

He oiaio, ua hookokoke loa ia mai ka hopena o na mea a pau a'u i hana wahine ai me ka hoomanawanui, a ke manaopaa nei au, e hookoia ana ia me ka hala ole.

A ua makepono no hoi ka alo ana o keia kino wahine mahope o ko'u meheu, a hiki i ko kaua wa e hoohui ia ai iloko o ka derta hemolele o ka matesemonia, ka mea hoi e hiki ole ai i kekahi poe ke maweho ae no ia hana.

O ka'u keia e kalokalo mua ae nei, a maila o hoea io mai na hooko ana o ke kokoia o ka manawa, alaila, ua pau ka auwana wahine ana o keia kino maluna o ka ili o ka honua. E hoomanao no hoi oe e kuu hoa kakele o keia mau kaiaulu a kaua i hoomanawanui ai me ka inea.

Ua uumi iho au i na manao uilani e lapa-koi ana ia loko me ka hoomanawanui, a i kahi manawa, ua aneane loa no e hookola na manao manao kuko maluna o ko'u kino.

Aka he kupanaha ko ke Akua mana, i kona hoomalielie ana i ko kaua mau manao, i lilo ai ia i mea paumaele ole ai ko kaua wahi moe ma keia hope aku.

Pela no hoi au e kana ua ole nei i ka hooko pono ia ana o na kanawai o ka maluhia, ma keia noho ana a kana ma keia mua aku, ina e hooloihi ia mai ana ko kaua mau la.

I ka wa i pau ae ai o na kamailie ana a au ui la o ke kapa kila, ua komo kuhohonu aku la ia mau olelo iloko o ka puuwai o ke Keikialii Alefereda, a kokoke loa e kulai pu ia ke kupaa o ha manao o ua Keikialii la.

Aka, elike me ka hikiwawe o na manao iloko ona, pela oia i hoopau ae ai i kona ano pioo a ke ano maa mau, e hoike mai ana hoi, me he mea la, aole i pili i ke kepau kapili manu a ka Ui o ka Lokowai Tamemesa.

Ua lilo hoi keia manawa a laua e kamailio nei, i wa no laua pakahi e noonoo ai no ke ano o ko laua noho ena ma ia mua aku.

Ua hoohalaia he manawa loihi o ko laua kuka ana, a mamua ae hoi ko ke Keikialii Alefereda haalele ana aku i ka rumi kahi a laua e kamakamailio nei, ua pane hou aku la oia i kona kokoolua, i ka i ana aku penei:

He mea oiaio loa, eia ke nee nei ka manawa imua, a ua kupono loa hoi ia'u ke hoike ae, ua makaukau na mea a pau, a i hakalia wale no i ko kaua manawa e noho aku ai.

I ka pau ana o keia mau kukai olalo ana, oia no ka wa i haalele koke aku ai oia i kona kokoolua, a kamoe aku la ma ka rumi o kona makuahine e noho ana.

I ka wa a kona makuahine i ike mai ai i na hona o kana keiki e ku aku ana imua o kona alo, ua hoohauoli nui ia oia ma o kona ike ana mai i na helehelena mahiehie maluna o kana keiki.

A oia hoi ka kona makuahine i pane mai ai me ka ninaa pu ana mai:

He manao aeei kekahi e hekau nei maluna o kou kino, a oiai no hoi, he mea maa mau, o na makuahine i kukonukonu ko lakou aloha no ka lakou mau lei i mailani nui ia, e ike mua ana lakou i na ouli helehelena mamua o ka puka ana mai o na manao huna mailoko mai o ko lakou mau puuwai.

Ke kanalua ole nei hoi au i ka hoike ae, aia he nanehuna iloko o kou puuwa kahi i lolii ai, a oia hoi ka'u e makemake nei e lohe pono i kou manao mai ka mua a ka pau ana, a he mea pono loa hoi e hoike ia mai ano.

O keia mau olelo i hoopukaia mai la, au komo pono mai la ia iloko o……

 

KUAI HOEMI NUI O NA WAIWAI

--:MA KAHI O:--

B.F. EHLERS & CO. Painapama

E hoomanaola o na Waiwai no lakou na kumukuai e hoike ia aku nei malalo iho, ua hoemi ia mai, aole hoi ia o na kumukuai o na wa i hele ae nei. He lehulehu wale na Waiwai e ae i hoemi ia, e hele mai e ike no oukou iho.

Pale Peku Huluhulu Puka he $3.00, 5.00, 5.50 o ka paa.

Na kulakoa maikai loa he 25 ia i ke $1.00

"Kakini maikai loa o na Wahine he 3 paa i ke $1.00,

"o na Kane he 3 paa i ka 25 keneta.

"Hainaka o na Lede a me na Opio he 3i ka .25 keneta.

"Lole Auau o na opio he $1.50, ko na makua he $3.00.

"Kinamu, mai ka 10 a hiki i ka 20 ia i ke 1.00.

Na Palule Wahine o na waihooluu like ole mai ka .25, .50 .75 a hiki i ka $1.50 o ka mea hockabi.

Na Palule Keokeo o na kane ma ka 50 keneta a hiki i ka $2.00.

Na Mikilima Silika mai ke 50 keneta a pii aku,

Na Mikilima Lilina he 10, 20 a me 25 keneta o ka paa.

 

Na Ribine, Lihilihi, Huluhulu Falanela, Kakina, Haineka a me na Tawele, ua hoemi ia iho ke Kumukuai.

 

e hele mua mai ma ko makou halekuai a'e makaikai no oukou iho mamua o ke kipa aku ma na wahi ooa aku. Mamuli o ka pele o keia mau la ke kumu i hoemi laai o ko makou mau waiwai i ana i na mea a pau e hele mai ana i ko makou halekuai nei.

 

Keena Hana Papale: Ua makaukau loa makou e hoolako ako i na Lede a pau e makemake ana i mau Papale hou, i hoohiwahiwa ia me na pua like ole o kela a me keia ano, he emi loa ke kumukuai.

B. F. LHILERS&Co.

ALANNI PAPU, HONOLULU

 

… na pepeiao o Alfereda, a oiai hoi, o ke kumu no ia o kona hiki ana aku.

Nolaila, me ka hookakalia hou ole iho, ua hoike aku la oia i ka manao huna imua o kona makuahine, me ka i pu aku hoi me ka hookamani ole:

Ane, au hoea mai la au imua ou me pa manao huna. a'u hoi i manao ai, e lohe mua oe, mamua o na poe e ae.

E hoike aku au ia oe me ka hopo ole, eia maloko nei o ka halealii kekahi kaikamahine ui loa, a oi palua aku kona nani mamua a kou mau helehelena e kuu makuahine.

Aole ane hoi e kupono e li o oia i hoa kaana no'u ma oeia noho kino ane.

A nolaila, ua manao au, o ka hoea ana mai o na uila o ka pomaikai elike pu me keia, he mea hiki ole ia ia'u ke hookaulua hou aku.

----

KUAI AINA A KA LUNAHOOPONOPONO.

----

Elike me ke kauoha a ka Hon. A. perry, Lunakanawai ekahi o ka Aha Kaapuni, Apana ekahi, i kakau ia ma ka la 13 o Iune, 1898.

E kuai ana ka mea nona ka inoa malalo ma ke kudala, ma ke Taona o Hilo, ke hiki aku i ka la 15 o Aukake, 1898, kekahi mau apana aina ma Kaunaloa me Kalapana, ma Puna, na apana e pili koke ana i ke awa ku moku oia wahi.

No na mea i koe, e ninau ia W.R. Kakela e noho nei ma Honolulu, a i ole, e ninau ia Hitchcock me Smith na Loio, ma Hilo a ma Puna ia F. W. Throm.

EMMA A. NAWAHI

Lunahooponopono Waiwai

Honolulu, Iulai 15, 1898.

---

BOROKA

$10,000 MA KA $10,00

Waiwaipaa

---

Ua makaukau e Hoale aku @@ Moraki i ka poe a au, he mau @@@ waipaa hihia ole ko lakou.

Ua makaukau e huli maloko o @o Buke Aupuni, i na Aina pohihini ma na ano a pau a ine ka hooponopono ana i na Aina e paaia nei me ke kuleana ole.

Ua makaukau e hana i na Palapala Kuai, na Palapala Hoolimalima na Palapala Moaraki a me na Palapala o kela a me keia ano i ku i ke kanawai.

E ohi la no na Aie o kela a @@ kala ano ke waiho ia mai. E hooko@@ no na kauoha me ka eleu.

Ke kono aku nei i na makamaka a pau e kipa mai ma ko maua Keena Hana, ma ka Hale ma Ewa o ka Hale pule o Kaumakapili, Alanui Beritania. JOHN PREDERGAST, (Kapamawano.) WILLIAM MOSSMAN, (Mokimana)

Honolulu, Mei 24, 1898 3m d@@ k

-----

KA MOMI O KA PAKIPIKA

--

He nupepa Puka Pule me ka moolelo hoonane no na Home Hawaii i unuhi pono ia mailoko mai o kekahi mau buke moolelo kaulana loa, a e hoopuka pu ia aku ana no me ko lakou mau kii pakahi iho, po ka hoowehiwehi ana i kona kino lahilahi no ka pomakai o ka lehulehu, a e hoopuka pu ia aku ana ma kekahi mau mea pili akeakamai, lulu i kela a me keia Poalima, o na Hebedoma a pau.

E hoomaka ana ka helu mua i keia pule ae, ma ka Poalima la 29 o Iulai, 1898.

NO KE KOPE HOOKAHI--.10

No na kauoha pepa a me na hookaa dala apa, e hoouna mai i na mea no laua na ino malalo iho nei:

HE KUIKE KA RULA

He mea pono e loaa koke mai na kauoha i ole oukou e nele e na makamaka i na helu mua.

IOELA K. KAMAKEA

Lunahooponopono

GEO. HAILI,

Hope Lunahooponopono