Ke Aloha Aina, Volume IV, Number 33, 13 August 1898 — Page 8

KE ALOHA AINA

POAONO, AUGATE 12, 1898

 

HE MOOLELO WALOHIA

--:NO KE:--

Keikialii Alabati

----

Ke Kaeaea o Pelekane

--:A ME KA:--

Ui Madelina.

---

Ke Kukui Uwaila o Ainapo

--

Hoohenoia no KE ALOHA AINA

E ke alii ka moi na hoa hanohano o kou Ahakukamalu, ka poe hoi nana e kaana ka poe hoi nana e kaana ka pono o ke alii a me ke aupuni.

Malalo o ka leo mana o ke kauoha alii ua hoea ae la imua o kakou a pau ke kauoha, e hoea hoea kino mai imua ou e ka alii, a oia hoi keia a kakou e hoi a e kuka pu nei i keia wa.

Ua maopopo o ia oe e ke alii ka moi, na manao o kela a me keia hoa hanohano o kouu Ahakuka.

A iwaena o keia ana kuka a kakou, ke hoomaopopo nei oe, ua ulu mai na paio hahana ana o na hoa, me ka manao ana, e pii aku maluna o kou kapu alii, a e hehi iho i kou mana alii ilalo mamuli o ka manao o kou Ahakuka.

O keia ka wa i huli hou ae ai o ua poohina nei a nana aku la maluna o kona mau hoa e noho hamau ana a pane heu aku la:

O oe e ke alii, nou ke aupuni a me ka lahuikapaka, a o kou leo ua oi aku ke koikoi mamua o kekahi mau ukana nui e hiki ole ai i keia poe ke auamo.

O ke kanalua ana o ka manao o na hoa o ka Ahakuka, no ko ke alii opio mare ana i ka wahine, he hana hiki ole ia ia makou kou mau makaainana ke kue aku.

No ka mea, i ko kakou wa e hoole aku ai i ko ke alii opio manao he kukala kaua maopopo ia i ke Keikiahi, ka mea hoi e ake nei e mare ia oia me Lekahi wahine a kakou i ike ole aku ai.

No ka mea, o kona kuleana no ia a kakou a pau e hiki ole ai ke keakea aku, ina ia he mea nana i apono ai.

Nolaila, ke nonoi aku nei au ia oukou a pau, i keia wa, e lokahi kakou e apono aku, e mare ke alii opio, i ka mea ana i manao ai, au kupouo no ka hoohanohano i kou noho alii e ke alii.

Mamua hoi o kou kakou hoole maoli ana aku imua o kea alii opio i mea e hoehaeha ai i kona naau, a o ka hope aku oia mea, e ike ana no kakou, e ulu mai ana ka mokuahana mamuli o ko kakou hoopaakiki ana.

A in a aole kakou e hooko ana, elike mo ka'u e nonoi nei imua o ko oukau hanohano, alaila, ua oi loa……

 

KUAI HOEMI NUI O NA KINAMU, KALAKOA ME MAKALENA

------

E HOOMAKA ANA MAKA POAKAHI AUG. 1, 1898

-----

Na Kinamu Lilina e Kuai ia ana he 10,12, 14 a me 16 i-a i ke 1.00

Na Makalena Laalaau hou Loa he 6, 7, 8, 10 a me 16 i-a i ke 1.00

Na Kalakoa Merimaka he 20 i-a i ke 1.00

Na Kalakoa Amerika he 25 i-a i ke 1.00

Pale Paku Huluhulu he 3.00, 5.00, 5.50.

A he heluna nui o na Waiwai e ae e kuai hoemi ina la aku ana mamuli o ke ake la ana e Iona o na wahi kaawale nona Waiwa Hou. E hele Koke mai oukou, no ka mea he manawa pokole wale no keia kuai hoemi.

B.F. EHLERS&Co.

 

….. aku ka pono, ke wehe ia mai ko'u inoa mailoko mai o keia Ahakuka.

O keia mau olelo koikoi a keia kanaka a ku hoi i ka naanao, ua kono koke mai ia i ka noonoo maikai o ka moi Uilama, e nana aku maluna o ke kahua alakai a keia poohina, i piha ka loea a me ke akamai kalai manao.

O keia no hoi ka wa i huli like ai o kona mau hoa a nana pono mai la maluna ona, a oiai hoi laou e noho hamau ana, aia na manao ooloku o ke kupikipikio iloko o lakou pakahi.

Me na manao e ahewa ana no ka lakou mau olelo kue i ke kupono ole o ke Keikialii ke mare, i eu hou ae au elemakule la iluna a pane mai la me keia mau huaolelo ano koikoi:

Ano, ke waiho aku nei au i na hana a pau na oukou e noonoo, o ka mea a oukou i manao ai, ola ka mea e pono ai o ko kakou haku opio oia ka oukou e hana aku ai i kulike ai hoi me ka oukou i makemake ai.

O ka'u olelo hope Ioa keia ma ka aoao o ko kakou haku opio, a o ka nui aku na oukou ia e hana, elike me ka'u i hoike mua aku ai.

O keia no hoi ka wa a ua elemakule poohina la i lalau aku ai i kona papale, a me ka hoopuka hou ole aku i hookahi huaolelo, a huli hoi aku la no kona home me ke k@@ ole aku a lohe pono i na mea e hooholo ia ara.

O keia no hoi ka wa i ku ae ai o ka moi Uilama iluna, a me aa hiohiona kapukapu alii, poha mai la kona leo me ke eehia nui, i ka i ana mai;

He oiaio, ua hoohui ia ae nei ka kou i hookahi, malalo o ke kauoha alii i puka mai a'u aku no ka manao, he mea nui ka kakou e hana ai.

Aka, ano, ua hana anei kakou i ka mea e holopono ai oia hana i waihoia mai iloko o ko kakou mau lima?

Aole! Aole loa!!

Ua hookuee kakou ia kakou iho, me ka hiki ole aku i ka palena o ka kakou mau hana i makemake ai.

A o ka hope, oia no ka haalele ana mai o kekahi o na kanaka noeau a kulana hoopon hoi iloko o kla Ahakuka, mamuli o ka like ole o ko kakou mau manao no kei hana. A'u hoi i manao ai, ua lawa ia no ko kakou hou ana i keia wa, ina ia he mea kupono na kakou e noonoo ai.

Nolaila, a no ka wa e hooko koke ia ai o keia hana, i kulike ai me ka makemake o ke alii.

A ma aole, alaila, e hoike aku ana au i ka mana moi, e a pono ana i ko ke alii opio manao, a i keia wa e lohe pono au i ko oukou mau manao.

I ka wa i noho iho ai o ka moi ilalo, oia no ka wa i olowalu like mai ai o na leo o ka hoa mai o a o. e apono ana i ka manao o ke alii, a e hoihoi ana hoi i ko lakou mau manao kue.

A o keia no hoi ka wa i waiho aku ai o ka moi, no ka noonoo ana, pehea la ka loihi o ka manawa a lila mare ia na alii opio.

Ua hooholo na hoa, na ka moi no e kuka pu me ke alii opio i ko laua la e mare ia ai, aole hoi he kuleana o na hoa no ka noonooana no ia mea.

A o keia no ka wa i hoopau ia ai o ka noho kuka ana o na hoa, a oia no hoi ka wa i hoi pololei aku ai o ka moi Uilama no kahi a ke Keikialii Alefereda e noho mai ana e kali, o ka loaa aku o na hoike mai ka moi Uilama aku.

O keia no hoi ka wa a ka mo! U! - lama i komo aku ai ma kahi a kana moopuna e noho ana, me kali ana o kona hoea aku.

A oiai nae oia e komo aku ana. au hoohikilele ia ae la kona manao, i ka ike ana aku i ka wahine a kapa moopuna e noho pu mai ana iloko o ka rumi hookahi a ke Keikialii e noho ana.

A oia no hoi ka wa a ke Keikialii i hoolauna mai ai imua o kona kupunakane moi me keia mau olelo:

E cou moi alpha, a kupunakane hoi no'u ma ke koko, o keia wahine opio e ku nei ma ko'u aoao hema, oia ka mea a ko'u puuwai i koho ai i kokoolua no'u ma keia noho kino ana.

Ka mea hoi a'u i hoike aku ai ua makaukau loi au a me ko'u uhane holookoa, lawe mai laia, i kokoolua no'u ma ke kino, ke pono ia i ko oukou manao.

He mea oiaio no hoi, aole loa i hanaia kekahi mea e kue ai i komaua koho maluhia ana a hiki i ka wa a'u i waiho aku ai @ ka'u noi ia oe, e pono e noonoo ia ko mau mare ana, i wahi e lilo ole ai ia i mea hoinoino i ka inoa moi a me kou kulani ihikapu.

E hoike piha aku au ia oe i ke kumu a'u i lawe ae ae laia nei i hon@kuwili pu no'u no na la a pau o ko'u ola ana, a ola iho keia:

O keia wahine opio, oia no ka mea e @ahu ana i ke kapakila, a kakou hoi a pau i kuhihewa ai he kane oia.

Aka, o ka mea oi io loa nae, he wahine oia i huna iaia iho malalo o kekahi manao ano nui i hiki ole i kekahi mea ke ike, koe wal no, mamuli o ka uila laki i hiki ai ia'u ke ike, he wahine ka keia e aahu nei i keia kapakila. Me keia mau olelo, e hiki ai ia oe ke ike, ua hana keia wahine i kekahi hana lua ole o ke akamai a he koa maopopo hoi ma na ano a pu a maua i hele ale kakele me ka maua mau pahikaua a me ua laau ihe.

A'u hoi e olelo ae nei, ua kupono au e lawe iaia i wahine na'u, no ka mea, ua aie nui au i kana mau kokua he uui no'u ma wahi a pau a maua i hele ai, a i hakaka ai hoi me na enemi, ua lawe haaheo ae oia me kana pahikaua oi laa a me kana laau ihe ke ola o ka poe e kue aku ana i au no ka hanohano o ke aupuni o Pelekane, ka me hoi i hiki ole mea kino wahine mawaho ae on a, ke hana aku, elike me keia a'u e hoike aku nei, a nau hoi ia e kaana pono iho mai ka mua a ka pau ana.

----

KUAI AINA A KA LUNA HOOPONOPONO

----

Elike me ke kauoha a ka Hon. A. Perry, Lunakanawai Ekahi o ka Aha Kaapuni, Apana Ekahi, i kakau la ma ka la 13 o Iune, 1898.

E kuai ana ka mea nona ka inoa malalo ma ke kudala, ma ke Taona o Hilo, ke hiki aku i ka la 15 o Aukake, 1898, kekahi mau apana aina ma Kaunaloa me Kalapana, ma Puna na apuna e pili kokoke ana i ke awa ku moku aia wahi.

No na mea i koe, e ninau ia W. R. Kakela e noho nei ma Honolulu a i ole, e ninau ia Hitchcock me Smith na Loio, ma Hilo, a ma Puna ia F. W. Thrum.

EMMA. A. NAWAHI

Lunahooponopono Waiwai

Honolulu, Iulai 15, 1898

Ke hoikeia aku nei ma keia, ua hoopanee ia ka la e kudala ai a hiki i ka wa e hoike hou ia aku ai.

------

R. N. BOYD

He Ana Aina, a he Agena Hoopukapuka Aina, Dala, a pele 'aku.

KEENA: Ma ke Alanu Kalepa, pili pu me ke keena o ka Loio Kuhina W.O. Smith.

-----

HE UWATI LOAA

--

Ua loaa he nwati pakeke ma ke alanui alakea, kokoke i ke alanui Moiwahine. Nolaila, o ka mea nana keia uwati e kii koke mai maloko o 15 la me ka uku pu mai i na lilo o ka hoolaha ia ana, a me ka Iuhi o ka malamaia ana ma ke Keena o KE ALOHA AINA.

Honolulu, Iulai 21, 1898.

----

KA HALEKULA A'O MELE

….A…..

COOKE.

Ua hiki iaia ke a'o i ka hookani Piano, ke a'o ana i ka Leo ka Himeni a me ke mele like ana.

E loaa uo oia ma kahi o ka Halepohaku o Love, ma Alanui Papu.

----

W.C. AKANA

Kalauki

--

He Loea Maheleolelo mawaena o ka Lahui Hawaii a me na keiki o ka Aina Pua. He makaukau oia ma ka hana i na Palapala Hoolimalima, na Palapala Kuai a me na hana a pau e pili ana i na Waiwai Paa a me na Waiwai Lewa. He waipahe ma ke kuka ana.

Keena Hana.Ma Kana@ ana, kihi o na Alanui Moi a me Alakea

feb21-1yr.