Ke Aloha Aina, Volume IV, Number 46, 12 November 1898 — Page 8

KE ALOHA AINA

KE MOOLELO WALOHIA

NO KE

Keikialii Alabati

Ke Kaeaea o Pelekane

A ME KA

Ui Madelina

Ke Kukui Uwila o Ainapo

 

Hoohenoia no KE ALOHA AINA

            O ke ku kohana ana iho o ke Keikialii opio me kona hoa paio ole, a oiai hoi oia e paa ana i ke kino make o kekahi o na powa ma kona lima.

            Ka mea kaua hoi nana i hoopii ae i ka weliweli nui iloko o kona mau enemi, a ola keia a kaua e ike la i ka pau i ke auhee, no keia mau hana wiwo ole ana i hana ai.

            I kona ike ana iho, ua mehameha ke kula, aohe lele pueo, oia no kona wa i lele koke iho ai mailuna iho o ke kua o ka lio ana i ka mai ai , a nana aku la iaia me na manao ulumahiehie o ka hauoli.

            Hoomanao ae la oia i kona lio punahele ma ko laua home makuahine, ka olali hoi o na ululaau o Pelekane, a aia la oia i hea i keia wa ana i kaawale mai ai, kokoke e piha ka makahiki.

            I kona wa i kaawale aku ai mailuna aku o ke kua o au lio ala, ua ike ia aku la ke kupololei o kona mau hulu poo, e kuuwelu ana mamua o kona mau maka i huna ia aku e keia mau hulu loloa e uhi ana ia mua o kona umauma.

            Ua ike ia aku ia he mau hiohiona huhu ma na maka o ua lio ala, aka, aole nae oia i hoao mai e hana ino iaia, ma ka hoao ana paha e mahuka mai iaia aku.

            Ma keia ano, ua hoopau ia ae la kona mau manao kanalua no ka hana ino mai o kona lio hou iaia, a i ole, mahuka aku paha mai kona alo aku.

            Nolalia, ua noho hoomaha iho la oia no ka hopaha hora a oi ka manawa, no ka nana ana aku heaha la na mea e hoea mai ana mahope iho oia wa.

            A oiai oia e hoomaha, oia no kona wa i lohe aku ai i ke phapoha mai o na kapuai, a oia kana i haupu ae ai, o kekahi puulu paha keia o kona mau enemi i hele ai e holo ai mai ona aku.

            O keia no hoi ka wa i liuliu ae ai oia e kau maluna o kona hoi no ka hoomakaukau ana iaia iho, elike me kona ano mau.

            Aka, ua hoopau koke ia nae ia mau manao, mamuli o kona ike ana aku i kahi aliikoa pahaahaa e oiliili mai ana maloko mai o na launahele, me ka lakou mau pahi a me na ihe e hauwalaoa ana maluna o ko lakou mau poo, me ka ulumehiehie nui.

            He mea oiaio, o na kanaka koa a piha maka'u ole, he poe punahele loa lakou imua o ke alo o ko lakou mau haku me ka pa@lani nui ia.

            A oiai hoi lakou e hookokoke loa aku nei ma kahi a ka opio e hoomaha ana, aia ka lakou mau ihe ua hele a kokoke loa e pahu mai i ka opio.

            A in a no paha aole kona lehia ma ia hana, ina no la @a ai manu o Kini Peki. Aole hoi e hihi, o ka ka opio ai ia i ao ai a ailolo i kona wa kamalii.

            Me ka piha makau ole, ua ku ae la ia iluna a kahea aku la me ka leo nui:

            E na hoaloha, e emi aku ihope no ko oukou mau oia, a ina aole pela, e hahai no ka poino mahope o ko oukou mau kapuai.

            A o keia no hoi ka wa o na mea a pau i kaohi like aku ai i na kaulawaha o ko lakou mau lio, me ka nana pu mai i ka oiwi kilakila o ka opio e ku aku nei me kana pahi a me ka ihe i makaukau e hooinu aku maluna o lakou.

            Hooho ae la lakou me ka hauoli, me ka puana ana ae, e ola mau loa ka hololio maka'u ole oloko o na ululaau o Irelani nei.

            A pela iho la i hui hou ae ai lakou no ka lua o ka manawa, oiai na kiowai koko o ka poe i make hoeha ia e lana ana me ka manaonao.

            A oia hoi ka lakou e nana @ei me na maka i hoopahaohao ia, a me na umauma hoi i hoopihaia me ka hauoli, a hoomanao ae lakou no na mea e pili ana i ke alii opio o Pelekane i lawe malu ia ai e ke alii powa.

            O keia ka waa na poe holo lio i lele iho ai mailuna ihu o ko lakou mau lie no ka haawi ana i manawa hoomaha pokole no ko lakou mau lio iho.

            A oiai no lakou e noho ana pela, au pane aku la ka hololio opio i kona mau hoa, i ka hoomaoe ana aku:

            Ua manao au, e waiho malie kakou i na poe make a hoeha ia o ka kakou mau hoaloha e waiho mai nei a hiki i ka wa e pau ai o ka kakou mau hanai. Aka, e hoomanao ia nae he hana maikai no kakou ka haawi ana aku i na kokou i ka poe i hoeha ia.

            O keia mau olelo maika a @@ kou hoaloha opio i hoike aku @@, oia ka lakou i apono like mai ai me ka lokahi.

            Me ka manaoio hana, huli like aku la lakou a pau ma kahi o na poe i hoeha ia, he heluna nui o na poe i hoehaia, e moe ana ilalo me ka uwe ana.

            A oia hoi ka wa o kela e mo keia e haawi ana i na hoomaemae ana i @a haawi ana i na hoomaemae ana i na hilihili koko e kau ana maluna o ko lakou mau kino pakahi.

            He mea weliweli ka ike ana aku i na kino make o ka poe i loaa pono aku i ka hauna pahi a ko lakou hoaloha opio, e waiho pu ana ma ka aoao o ka poe i hoeha ia.

            A ma ko lakou noonoo maikai ana, na hoonohoia iho la he 100 o ko lakou poai, e noho e malama i keia poe.

            A o ka wa no hoi ia i eleu ae ai o na poe i koe iho no ke Kakela o na powa, kahi hoi e hiki ole ai ke huopee aku ka ike aloalo ihe, a me ka ouiu pahikaua ana.

            I keia wa no hoi ikeia aku ai kekahi poe hololio me ka lakou mau pahikaua e hulali ana i ka maka o ka la.

            O ka lakou wahi e hele mai nei aia ia maluna o kekahi kahua akea a nani hoi i ka nana aku, e hoohaloa ana i na enemi e hiki aku ana ma ia mau wahi.

            Aia wa koke no i lohe ia aku ai ke kani o ka leo o-le, ei ae ke kipi ke kapapa hele mai nei ma na kualono o ko lakou home kuahiwi, a lakou i moeuhane ole ai, e lilo aku ana ko lakou wahi iloko o ka lima o ko lakou mau enemi.

            A o keia no hoi ka wa i hoike aku ai o ka opio ia lakou, e kali lakou nona ma ia wahi no ka wa pokole a hoea hou mai oia.

            I ka pau ana no oia mau olelo aia hoi, ua nalo aku la oia iloko o ka imo ana o ka maka me ka hikiwawe loa.

            A aia hoi kona mau hoaloha ke nana la i ka holoilo ahinahina e kuupau la i ka holo iluna o ke kula manu nenee, e paikau ia ana e na koa powa.

            A o ka wa no hoi ia i puoho lie mai ai na leo o ua poe powa nei me ka awa ana, he kipi eia ua hoea mai, imua no ka haawi ana aku i ka hoopai o ka make malana oua.

----

NA MAKE O KE KULANAKAUHALE NEI

------

            Ma ka Poaha nei, i hoike ae ai o C.B. Reynold, ka Agena o ka Papai ka nui o na make o ke kulahakauhale nei o ka mahina o Okatoba i hala aku la, au hiki aku ka nui o na make i ke 74, penei:

Na Hawaii……….. 27

Amerika…………. 18

Pake………………12

Iapana…………….11

Pukiki…………….3

 

Beritania 1 a me 2 o na lahui e ae. He lehulehu o keia poe i make iho la he poe malihini.

-----

Ka Laau Kaulana

'ILIKINI KIKAPU.'

E Loaa no ma ka Halekuai Laau o

Hobron Drug Co.,

Agena ma Hawaii Nei.

Kihi o na Alanu papu me moi.

KUAI HOOPAU NUI!

MA KAHIO

B. F. Ehlers & Co.

(PAINAPA MA.)

----

E hoomau hou ia ana ke kuai hoemi

Hookahi Mahina Wale No

----

E kuai hoemi ana makou i na Waiwai malalo iho me ka nana ole i na poho.

----

            Na Makalena Laalaau mamua 15 keneta o ka i-a, ua hoemiia no 8 a 10 i-a i ke 1.00.

            Na Makalena Laalaau mamua 8 i-a i ke 1.00; ua hoemiia no ka 10 a me 12 i-a i ka 1.00.

            Na Makalena Laalaau mamua 10 i-a, ua hoemiia he 14 a me 15 ia i ke 1.00.

****

            Na Batina Laalaau mamua 7 i-a ke 1.00 i keia wa he 10 i-a i ke 1.00.

****

            Na Kalakoa Paina Waihooluu paa loa 36 iniha laula 7, ia i ke 1.00.

****

            Na Kakini o na Wahine mamua 3 paa i ke 1.00, ua hoemiia he 5 paa i ke 1.0.

            Na Kakini o na Kane mamua 3 paa i ke 1.00, i keia wa 5 paa i ke 1.00.

****

            Na Libine wai la iniha laula 15 keneta, 2 iniha laula 20 keneta, 2@ iniha laula 25 keneta, 3 iniha laula 30 keneta.

****

            E hoomanao no hookahi pule wale no keia kuai hoemi nui. Nolaila, e hele koke ae malaila me ka haakalia ole i loaa ai ia oukou na waiwai hou no ke kumukuai haahaa loa.

B. FEHLERS & Co.

ALANUI PAPU, HONOLULU

-----------

HE KUAI HOOPAU NUI LOA

----

Lihilihi, Libine a me na Lole Aahu.

…… MA KAHI O…….

L. B. KERR

No Hookahi Pule Wale No.

            Na Lole Huluhulu Farani, mamua 50 keneta, i keia wa 25 keneta o ka i-a.

            Na Oganadi Farani Ano Hou 5 keneta o ka i-a.

            Na Kalakoa Nainaooke, 5 keneta o ka i-a.

            Na Lole Keokeo o kela a me keia ano, he 5 keneta o ka i-a.

----

O Keia mau Waiwai he Emi

Nolaila, e komo mai, a e kuai no oukou iho.

L.B. KERR

Alanui Moiwahine. Honolulu

------

HAWAIIAN WINE CO.

FRANK BROWN, Luna Nui.

----

28 me 30 Alanui Kalepa, Honolulu HI

----

UA HAALELE KUMU OLE MAI

------

            E ike auanei na kanaka a pau owau o ka mea nona ka inoa malalo iho nei, ke hoole loa aku nei au i ka uku ana i na ale i hanaia ma ko'u inoa e ka'u wahine mare, Mrs. Kaniu Koki, no ka mea, ua haalele kumu ole mai oia ia'u. A o ka mea e kue ana i keia leo, maluna no on a na pho a pau.

            Owau no me ka oiai,

            MOSES KOKI

            Waimea, Hawaii, Oct. 24, 1898.

OLELO HOOLAHA

------

            Ke hoikeia @@@ nei ka lohe i na mea a pau na hoopau ia ka noho luna ana o Mr. Kamakee maluna o na aina o Pukoo i a me 2, ma Molokai, a ke kauoha ia nei ka poe nona na holoholona o kela a me keia ano e lawe a hookaawale aku i ko lakou mau holoholona mai luna aku o ia mau aina mamua o ka la hope o ka mahina o Novemba o keia makahiki, a o na holoholona e loaa ana maluna o ka aina mahope o ia la e hanaia no elike me ke kuhikuhi o ke Kanawai. No na me ia koe e ninau ia S. K. Kupihea, ma Pukoo, Molokai.

W. L. Wilcox

Honolulu, Okatoba 31, 1898

oct 31-1m dly wkly