Ke Aloha Aina, Volume IV, Number 53, 31 December 1898 — Page 5
| This text was transcribed by: | Erica Deguzman |
| This work is dedicated to: | My sister Julia DeGuzman |
KE ALOHA AINA
na paina lehulehu i malama ia ma na home a me he mea la, oia no paha ka panina ano nui no keia la kamahao i hoea mai a nalo aku la, ka mea hoi a kakou e hauoli nei, no ka loaa a@@ oia pomaikai ia kakou.
@e hookuu ae nei makou i ka hoike ana aku i na mea ano nui o ke@a @a, a ke kalokalo ae nei, e hoolo@hi hou ia mai ko kakou inau la, a hiki i ka loaa hou aia ia kakou he mau la Karisimaka lehulehu ma keia mua aku.
--------
AIA KE NOONOO IA LA.
--------
Ma ka Miowera i loaa mai ai ka lono mai Wasinetona mai ana aia ke noonoo la ka Senate i ke ano o ke aupuni o na Paemoku o Hawaii, nei e like me ka hoike a na Komisina Hawaii, aka, na hoo paneeia aku nae me ka pau ole i ka hauaia a ka Poakahi mai.
--------
HOOPAAHAO IA NO KA HOOWAHAWAHA I KA AHA.
--------
Eia o Loio Geo. A. Davis ke pea nei maloko o ka halepaahao o Kawa. malalo o ke kauoha a Lunakanawai Perry, uo kona hoowahawaha i ka Aha, a ua hookau aku i ka hoopai maluha ona he uni la hoopaahao, a eia hoi oia ke hoao nei e hooloheia kona hihia.
Ma ka Poaono nei, ua hoopai ia o Loio Davis he $50 no kona hoowahawaha i ka Aha mamuli o kona kakau ana i kekahi mau mea e pili ana i ka hana pono ole o ka Aha ma ka hihia o Porter kue i ka Hui Kuai Puaa Hawaii, no kona hoopuka ana i kekahi mau olelo piha inaina imua o ka Aha, a no ia kumu ua hookau ia mai ka hoopai umi la hoopaahao maluna ona.
----------
PAA HOU NO I KA HOPUIA ME KA OPIUMA.
-------
Ma ke ahiahi Poalima nei, ua paa hou iho la i ka hopuia he haole no luna o ka mokuahi Auaeteralia no ka hoopae malu i ka opiuma i ka makai kiai awa.
O Kanahi, ka makai e kiai ana ma ka puka pa mauka nei, i ka wa o keia haole i hele mai ai me ka manao e puka iwaho, aka, ua paa kokeia aku la oia e ka makai a hoomakaia aku la e huli.
I keia wa no i holo aku ai ke kolohe me kona manao e pakel@ ana, aka, ua paa koke aku la nae kona kuka ia Kanahi, a ia wa i hoolei puepuu mai ai ua haole la, aole uae i hookuu aku ka makai i kana pio a hiki i ka wa i hea mai ai o na kokua.
Ua loaa maloko o ka poli o keia haole he eha tini opiuma, ua lawe koke ia mai oia no ka halewa@ no ka hoopaa ana.
---------
HOU IA I KA PAHI.
-------
Ua malamala ae he hou pahi manaonao mauka ae nei o Leleo ma ka po Paskahi nei, e kekahi kauaka ona s@ @@@ O ka mea i hou ia i ka pah@ @@@ olelo ia ae he malama sualpa oia ma kona hale. Ma ke ahiahi, ua @oea aku la he elua mau kanaka a kuai aku la i ke suaipa, aka, mahope iho ua hoea hou aku ia ua mau kanaka nei, a noi aku la e haawi la mai i sualipa no laua a i ka hooie ia ana mai, na hooulu hakaka ae ia laua me ka ona o ka hale, a hou iho ia iaia i ka pahi, Ua hoike ia mai ka lohe ia Kapena Paka, a ua laweia @ku ka mea i hoehaia no ka hale wai. He hookahi o na kanaka ona i hopuia, a me he mea la i keia la e hopu ia ai ka elua. Aole i loaa ka pahi i hooko ia ai o keia hana limakoko.
--------
HALA IA MAKUAHINE ALOHA AINA.
-------
Ma ka hora 11 o ka pa Sahati nei, i haalele mai ai i keia ola ana o Mrs. Mikala Kaulia, ke kahuhanai ponoi o Mr. Jas K. Kaulia, mauka o Kapalama, mahope o kona kaa mai ana no kekahi manawa i hala ae nei. Ua hoolewaia aku kona kipo make ma ka auina la Sabati nei, a nalo aku la ma ka ilina o Maemae. He makuahine aloha aina oiaio oia a hiki kona make ana, a ua nui no hoi na poe i aloha iaia. Ke komo pu aku nei makou me ke kane, ke keiki a me ka ohana o ka mea i hala aku ia ma ke kumakena pu ana, a ke noi ae nei i na Mana Lani e hoomama mai i ko kakou mau kaumaha.
--------
MAKE ILOKO O KE KAI.
--------
Ma ka Poaha o keia pule aku nei, ua piholo a nalowale loa iloko o ke kai, Nakookoo, he luina no luna o ka moknahi Iwalani ma Kilauea, Kauai. Mamuli o ka huli ana o kona waapa e kau ana i na nalu e poi ana me ka ikaika. Ua manaoia ua uhi ia oia e ke one kona kumu i make ai, he kanaka o Nakookoo i keia kona lehia ma ka au ana iloko o na kuaau nalu, a he ehiku hoi ona makahiki o ka holoholo ana maluna o na mokuahi o ka Hui o Waila ma. Ua pakele mahunehune aku ke ola o kekahi mau luina e ae, o luna o ka waapa, a aole hoi i loaa kona kino make a hiki i keia la.
-------
HE KILOKILO HAWAII.
-------
Ua hoohanohanoia aku e kekahi @@ puakea o Beni Lota Puaulani Namakaokeahi me ka inoa hooheo he "Kilokilo Hawaii."
--------
KA BUKE MOOLELO HAWAII
E HAKUIA E KA
Moiwahine Liliokalani
ma Wasinetona.
Pai a hoopukaia e Li a me Shepord
o Bosetona, Amerika Huipuia
---------
Unuhooa no ka pomuikai o na poo helu
hele o KE ALOHA AINA.
MOKUNA XIII.
KO'U NO HO KAHU AUPUNI ANA.
--------
A mamuli o ka ikaika a me ka makaala ponoia ana o keia mau rula, i ka wa i hoopauia ae ai o ka hoomaluia ana, aole he mai i hoike ia mai ua puka ae mawaho aku. Aka he ikaika nae kona laha ana ma ke kulanakauhale o Honolulu, a maloko o laila he ewalu haneri @ loaa i ka mai, a ma kahi o ekolu ha neri noe i make.
Mahope o ka ae ia ana o na poe a pau e kaahele, ua ulu hou ae la ko'u manao no ka holo nou ana aku i Hilo. A nolaila, me kekahi pu@lu hoahele nui, ua hoomaka aku la au ma keia huakai.
Ua hele mau aku o Mrs. Pauahi Bishop, ke Kama'liiwahine R@te, a me ko lokou mau ukali pilikino, a ua kono aku no hoi au i ka Ba@a Alii Hawaii no ka ukali pu ana n a ka'u huakai, a oiai, he mea nui ia'u ke mele, aka, mamuli o ko'u makemake e hoohauoli i ko'u mau hoaloha a me ko'u poe kanaka ma kela mokupuni, he mea hoi a'u i hoomapopo ai he kakaikahi loa kona ike ia ana malaila, me ko'u h@@inai ana e makemake ana na mea a pau.
Iloko keia o ka mahina o Augate, he eono mahina mahope o ko'u makaikai mea ana i ke kahe ana o ka pele. Ua loaa hou aku no ia'u o Mauna Loa iloko o kona kulaua hooweliweli, a he ekolu mau auwai ahi e iho mai ana ma kona mau aoao. A nolaila, e noho ana na poe o Halo me ka makau nui i kela a me keia la no ka hoea mai o ke ahi i ko la@ou mau ipule, a o ko lakou mau ola hoi e hoopoino la ana e na muliwai ahi.
He ku i ka nani na hiohiona i kou wa e holo ai ma ka eoao o ke kahawai pele, i ka wa e iho ana ma na alawai, a e hoopiha ana i na loko wai me ka pohaku pele, a hoolilo aiua iliwai like.
Ma kahi mau wahi, ua na koho ia ma kahi o hookahi mile ka laula, a o ka loihi, aole e hiki ke ike ia me ka maka, he hoikeike ahi nui keia na maka, he hoikeike ahi nui keia na ke Akua, a he kakaikahi loa kona keia ina ma ka honua nei, a aole no hoi i ike hou a k@e wale @o ma ka kua pele m Mauna L a.
-------
(E nana ma ka aoao e@ima.)
-------
E HAUOLI
HAPE NUIA!!!
-------
Ina he makemake kou e hauoli e pono oe e kuai i kou Papale a me kou Lole Karisimaka ma kahi o
N. S. SACHS DRY GOODS CO.
-------
E loaa no ia oe na PAPALE me na LOLE ma ke kumukuai emi loa.
-------
Ua makemake oukou e kuai i Waiwai i ko lakou wahi pololei i hoouna ia mai ai.
-------
E HOOKOE IA NO KAU DALA KE KUAI MA KO MAKOU HALEKUAI.
-------
E naue mua mea i ike ia makou ina he makemake kou i kekahi mea
-------
N.S. SACHS DRY GOODS CO.
Alanui Papu. Helu 520.
--------
HALEKEAKA OHANA
THE ORPHEUM.
-------
Keaka i na Po a pau
-------
NA POE AKAMAI HANA KEAKA O KA PAPA EKAHI.
-------
E himeni la ana he mau Mele Hou.
He mau Hulahula Ano Hou.
Na Hoomakakeaka e ae.
-------
Eia na Noho Mua ke kuai ia nei ma ka i iaiekaa Baikikala Pacific Cycle & Co's.
-------
E hamama ana ka puka hora 7:30 Hoomaka ma ka hora 8:00. Na Noho Mua, 50 keneta; uku komo 25 keneta.
-------
E HOOLOLIIA ANA NA HANA I KA POAKOLU A ME POAONO.
-------
T.V. KING, LUNA NUI.
------
OLELO HOOLAHA.
-------
Ma keia ke hoikeia aku nei ka lohe na mea a pau he mau ole ko lakou ia H. W. Hop Wo, o Kamaole, Kula, Maui, e uku koke mai mamua a @ ole ma ka la 1 o Ianuari, 1899, A i ole pelu, e ohi ia aku ana no ia.
dec 16-3ts H. W. Ho. Wo.
-------
OLELO HOOLAHA.
-------
E ike auanei na hooilina o Kaupena (k) ke nana mai i keia Olelo Hoolaha, owau o Kahanawale (w) o Waialua, mokupuni o Oahu, ka moopuna ponoi a kahawalu (w), a o Kahawalu (w) oia no ka wahine mare a Imaui (k), oia wahi hookahi no i make kauoha ole, a he mau apana aina ko Imaui (k) e waiho nei ma Waialua, Oahu, a he kaikaina ko Imaui (k) e ole ana mahope o ka make ana o Imaui (k) oia o Kaupena (k). A no ka mea, mahope iho o kumake ana o Imaui (k) a hiki i keia la, na ko'u makuakane ponoi a me a'u pu i uku i ka auhau aupuni maluna o ua mau apana aina la, nolaila ke kono aku nei au i na hooilina o Kaupena (k) e hele mai, a e uku mai ia'u i ka hapalua o ua mau @hau aupuni la a e kuka pu no nei me a'u ma k@u whai no ho ma Paalaa, Waialua, Oahu. E hoolohe i keia
O wau no me ka oiaio,
KAHANAWALE (W).
Paalaa, Waialua, Oahu, Dec 6, '98.
dec. 7 - 4ts wkly
--------
T. McCANTS STEWART.
(Ko na Aha Hookolokolo o Nu Ioka)
LOIO A KOKUA MA KE KANAWAI
KEENA HANA: Ma ka Hale o Spreckies. Rumi Helu 5. Alanui Papu, Honolulu.
dec 12 - 3m dly