Ke Aloha Aina, Volume V, Number 1, 7 January 1899 — Page 8

KE ALOHA AINA

 

 

8          KE ALOHA AINA, POAONO, IANUARI 7, 1899.

 

HE MOOLELO WALOHIA NO KE Keikialii Alabati

 

-----

 

Ke Kaeaea o Pelekane A ME KA Ui Madelina.

@wua o Ainapo

 

-----

 

Hooheno @ KE ALOHA AINA

 

     I ka wa a ka opio i kauoha aku ai i ke kanaka puhi o-le no ka hoike ana aku i ka hoailona o ka hoaloha no ke Kakela.

     O ke kauoha i haawi ia aku, ua hooko ia aku ia me ka hikiwawe, elike me ka hana a ia poe i haawiia aku ai.

     Mahope iho o ka hoomaha ana o ka mea puhi o-le, aia hoi, ua lohe hou ia aku la ka leo o ka o-le, e hoike mai ana, aole oia he hoaloha ma na ano a pau, aka, he tiga omokoko no na kualono a me na alu awaawa oia waokele.

     Aole keia i lilo i mea e pihoihoi ai ka manao o ka opio a me kona mau haloha e noho ana me ka makaukau.

     He manawa pokole wale no keia noho ana iho, aia hoi, ua lohe koke ia aku la ke pohapoha mai o na ka puai o na wawae lio e holo pololei mai ana no ke Kakela, ka home hoi nana l hanai iaia mai kona mau la opio mai.

     Aole oia i hoohakalia iho i ka pane ana mai i kana mau huaolelo me ke oolea loa, me koua manao, oia ka oi hookahi,

     Aka, ua kuhihewa ia nae kona manao ana pela, oiai,aole oia i ike i ka halau i ao ia ai ka ikaika o kakahi aoao, a e ike ana oia i kona kuhihewa nui.

     Me ka leo kuoo o ka mea i piha i ka inaina, ua ninau koke mai la oia me na ku ʻ i e nau ana, i ka i ana mai penei:

     Owai ke komohewa nana e noho hookano nei ia loko o ke kulanakauhale a ko ʻ u makuakane i kukulu ai, e pane mai ana,

     Aole he leo i pane ia mai, a oia kona wa i haawi koke ae ai i ke kauoha i kona mau kanaka no ka luku a hooneenee ana i na poe a pau e loaa aku ana ia lakou.

     O kela leo kauoha i haawi ia aku la e ke keiki powa oia i a kona poe kanaka i huli ae ai a hooko aku la, e like me ka hikiwawe e hiki ana ia lakou ke hana.

     O ka wa e haawi ia nei keia mau kauoha, oia no ka wa o ke Keikialii A@ i ike ia aku ai i ka oili ana mai ma kekahi aoao.

     A mamua ae o ka hoomaka ana aku o @a mau powa nei e lawelawe i ka lakou mau hana puni koko, oia no ka wa i paa ia aku ai ke kaniai o ke keiki powa, a paa koke ae la kona mau lima i ka hauhoa ia i ke kaula.

     Kiola aku la oia iaia mai luna aku o ka lio ana e kau ana a haule aku la iluna o ka honua he pio iloko o ka luhi ole.

     Huli ae la oia a holo poolei aku la imua o ke alo o na powa e haia mu ana, a e anehe aku ana h@ mau laau ihe, a me ka hulali o ka lakou mau pahikaua.

     A e like me ka hikiwawe o ke tiga omokoko imua o kapa mea i makemake ai pela no hoi ka kaua opio imua o na koa powa e alo hookahi la iloko ehu a ka ino, a me ka leo nui moakaka kahea aku la oia penei:

     E na keiki a ka lokoino ka poe hoi no loko no uhane i hookomoia me na haawina o ke aloha ole, he poe hoi ua hoolimalima ia e hana i na mea e hoop@o ai i ko oukou mau uhane, oiai no oukou o ola ana.

     E nana i ko oukou haku, a he alakai nei no na hana ino a me ka lapuwale, aia oia ka waiho mai la ma o he pio iloko o kuu lima, a pela hoi au e kauoha koke aku nei ia oukou, e waiho koke ika hoohana ana o ka oukou mau mea kaua, i keia wa ano.

     A ina aole pela, alaila, ua makaukau au e lukuia oukou a pau ma o ka ʻ u kauoha la, e puka koke mai no ka oukou mau hoa i komo pu iloko o keia mau hana ino, a e pepehi mai ia oukou.

     No keia mau olelo, aole lakou i hooiaio koke mai, a oia hoi ka wa i huli koke ae ai ke Keikialii A@reda, i kekahi o na mahele ko@ o na powa e ku makaukau ana ma ko lakou mau kahiko kaua, a hoopuni koke ae la i ko lakou mau hoa iloko o ka manawa pokole.

     A oia ka wa a ke Keikialii i kauoha koke aku ai e hopu koke ia lakou a pau me ka lawe ia o ka lakou mau mea kaua, a elike me ia kauoha, pela i hana ia ai, iloko o ke koko i hookahe ole ia.

     O keia mau ooloku i hana ia iho la iloko o ka wa pokole, ua hoea mai ia iloko o ka maalahi, a pela hoi i hoopau koke ia ai keia uluaoa mawaena o na powa a me na poe o ke Kakela.

     I ka pau ana ae o keia mau mea i ka hana ia, oia no ka wai i kaa ai na hooponopono ana o na mea a pau malalo o ke aliikoa ka mea nona ke kuleana i haawi ia e malama i na mea a pau.

     He mea oiaio, o ke alii powa opio, ua hoopaa koke ia aku la oia maloko o kekahi rumi paa loa, a maloko oia wahi i hoopaa ia ai oia no ka hoea mai o kona wa e hookolokolo ia ai.

     Aohe he mea i koe e lele ai o ka hauli a ua hookuu ia aku la @ a me keia e noho nona iho, a e hana hoi e like me ko lakou makemake.

     O na koa, na aliikoa a me ka lehulehu o na powa, ua piha lakou i ka hauoli, mamuli o ka loaa ana o keia makana o ka noho kuokoa ana ia lakou.

     Ua kauluwela na lanai o ua Kakela ala, a ua ahuwale hoi na pae puu o ua mau kualona la, e hoike mai ana, he po ia no ko lakou hauoli me ko lakou mau haku hou.

     @pikipikipio iloko o na keiki o ua mau kakai mauna la, no ka mea ua hoomaopopo iho la no lakou i ka hiki ole ia lakou ke lawelawe hou i na hana punikoko.

 

-----

 

NA ANOAI LIKE OLE.

 

-----

 

     I keia mahina ae ka la makahiki hou o na Pake,

     O Mauikai pani aku la ma ke awa o ke Kalaudine.

     Eia ke kuai ia nei ma kekahi hakekuai buke, he mele i haku ia no Annie Rose, ka moiwahine o ke hoikeike o Topeka.

     Ma ke kakahiaka Sabati nei i hoomau loa aku ai ka mokukaua McCulloch, ma kana huakai huli hoi no Kapalakiko.

     Ua hala aku la ka mokuahi Kalaudina no na awa maa mau o Kinau, mamuli o kona haule ana no ia no ka hoomaemae ana.

     Ma ke kakahiaka Poakahi i hoea mai ai ka mokuahi Tartar, he 11 la holo mai Iokohama mai, ua lawe mai nei oia he 705 ohua Iapana no keia awa.

     He 87 ka nui o na hihia like ole i hoea aku imua o Lunakanawai Wilikoki i ke kakahiaka Poalua. A mailoko mai oia huina he 36 poe Pake piliwaiwai.

     O kahi maikai a emi loa o na Kii Bebe a me na Kii Paani ona ano a pau ma kahi ia o ke Golden Rule Bazaar. E kipa mai a e makaikai i na Waiwai nui hewahewa.

     I ka Poaono nei i hookuuia mai ai o Herring, ke kanaka i hoopaahao ia ai makai o Kawa, no kekahi mau makahiki i hala ae nei, no ke kipu ana ia D. L. Huntsman, ma o ka ae ana a ke aupuni.

 

-----

 

OLELO HOOLAHA.

 

-----

 

     E ike auanei na hooilina o Kaupena [k] ke nana mai i keia Olelo Hoolaha, owau o Kahanawale (w) o Waialua, mokupuni o Oahu, ka moopuna ponoi a Kahawalu (w), a o Kahawalu (w) oia no ka wahine mare a Imaui (k), oia wahi hookahi no i make kauoha ole, a he mau apana aina ko Imaui (k) e waiho nei ma Waialua, Oahu, a he kaikaina ko Imaui (k) e ola ana mahope o ka make ana o Imaui (k) oia o Kaupena (k). A no ka mea, mahope iho o kamake ana o Imaui (k) a hiki i keia la, na ko ʻ u makuakane ponoi a me a ʻ u pu i uku i ka auhau aupuni maluna o ua mau apana aina la, malaila ke kono aku nei au i na hooilina o Kaupena (k) e hele mai, a e uku mai ia ʻ u i ka hapalua o ua mau auhau aupuni la, a e kuka pu no hoi me a ʻ u ma kou wahi noho ma Paalaa, Waialua, Oahu. E hoolohe i keia

     O wau no me ka oiaio,

          KAHANAWALE (W).

Paalaa, Waialua, Oahu, Dec. 6, ʻ 98.

          Dec 7-lts wkly

 

KUAI HOOPAU LOA!!

 

NA WAIWAI LIKE OLE A PAU

HAPALUA O KE KUMUKUAI.

MA KAHI O

L. R. KERR

Alanui Moiwahine.

 

-----

 

E hele koke mai, aole e ike hou ia neia kuai hoemi nui.

 

-----

 

Na Kii Bebe me na Kii Paani o na ano Like Ole ua hoemi ia he hapa o ko lakou kumukuai.

 

-----

 

LOLE KII BEBE 25 Keneta.

NA LOLE AAHU HOU ua hoemiia i ko lakou kumukuai.

KALAKOA HOU 30 I-a 1.00.

MIKILIMA 75 ken. o ka Paa.

LIHILIHI HOU 12 I-a 25 ken.

PAPALE NANI ONA WAHINE he emi loa ke kumukuai.

 

-----

 

     UA KUAI AKU MAKOU I NA WAIWAI O KA HUI HALEKUAI NIMMO MA LADA NA EIA KE KUAI HOEMI NUI NEI MA KE KUMUKUAI I IKE MUA OLEIA E NEI MAU MOKUPUNI.

 

-----

 

          L. B. KERR.

     Honolulu, Alanuii Moiwahine.