Ke Aloha Aina, Volume V, Number 7, 18 February 1899 — Page 7

KE ALOHA AINA

POAONA,  FEBERUARI  18,  1899

 

 

HE KAAO KAILI PUUWAI

 

-----: A ME NA:-----

 

Kaikunana Eiwe

 

--------------------

 

I Hooliloia i mau Manu Nene Ahiu

a i ole na Keiki I Hoehaehaia

 

-------------------

 

Kakauia no KE ALOHA AINA

 

-------------------

 

O MINEWA ILOKO O KA EHAEHA.

 

            Na heia moeuhane i hoohiaa ae i ka kaua Minewa, a hiki hou ole aku la hoi iaia ke hiamoe, a no ia kumu, ua ala loa ae la oia a hele aku la e huli i mau mea ai nana no ka hoopiha ana iho i kona maka poniuniu o ka pololi ai.

 

            Nolaila, me ka naau i piha me ka kaumaha a me ka luuluu, ku ae la oia iluna a hele aku la ma na lae kahakai e huli ana i na i'a liilii e holo ana ma kaheka, no ka hoohala ana i ka pololi ma ka hamu ana ia mau mea.

 

            I keia wa a ka kaua Minewa e kuoe hele nei ma na lae kahakai, aia ke alaula malamalama  o ka la ke pii malie mai la maluna o ka ilikai

 

            Mamuli o ke ano pouliuli, ua hiki ole iaia ke ike iho i na i'a liilii e maaloalo ae ana mamua o kona alo, a ua lilo hoi ia i mea e hoouluhua loa ia ai o ua Minewa nei.

 

            I ka ike ana ae o ke kaikamahine opio, he mea makehewa wale no kona hoomau ana aku i ka hopuhopu ana i na i'a liilii e maaloalo ana a nalo aku,

 

            Nolaila, ua hooholo iho la oia he mea pono nona ka hoi hou ana aku iluna ona puu pohaku kiekie a makaikai aku i ka nani o na kukuna malamalama oia kakahiaka nui poniponi me na ao opua e kau haaheo mai ana ma na paia laua, me kona mau pepeiao e hoolohe ana i ka @we hone mai o ka leo o ke kai iluna o ka pueone.

 

            Maluna o kekahi puu pohaku i okuu iho ai oia, a haliu aku la hoi kona wau maka i ka hikina, a nana ao opua e kau mai ana ma na paia  lani, i hoohanini mai i kona mau waimaka a hu mai la kona aloha no kona mau kaikunane i hooliloia i mau holoholona. a mihi iho la hoi no kona paa ole ana aku ia lakou e noho pu mai no me ia.

 

            A oiai no ka kaua Minewa e welea i ka nani o na ao opua me na waimaka e oili mai ana mai kona mau lihilihi, aia hoi, ua hoopuiwaia ae la oia i kekahi mea pouliuli e panee malie mai ana iluna o ka ili o ke kai.

 

            Ua lilo keia mea poaliuli, e nee mai nei i mea ano nui i ko Minewa manao, a aia hoi kona mau maka ke kaulona pono la me ka iini nui ana i ike pono i ua mea la.

 

            Hala ae la he mau minute o ka nee malie ana mai o ua mea pouliuli la; ua hiki ia Minewa ke hoomaopopo iho he pahu huinaha no ia, aka, o ka ukana moloko, he mea hiki ole ia i ke kaikamahine oio ke koho aku.

 

            Ia manawa no i ikeia aku oia i ke ku ana ae a iho aku la no lalo o ka aekai me ke kali maiie ana o ka hiki koke mai o ka pahu ana e ike nei i ka paialewa ia mai e na ale o ka moana.

 

            A no kekahi mau minute wale no kona kali ana iho no ua pahu ia, aia hoi, ua pae mai la ia iuka o ka aina, a maluna o ke paui o ua pahu a e kau ana hekahi mau hua palapala.  Na ka puuwai aloha e hoopakele ae ia oe, a i ole e noho pio no oe no ka wa mau loa.  A maluna  o ke poo o ua pahu huinaha la e kau ana he sila aupuni.

 

            Ua lilo keia pahu huinaha a me na hua palapala e kau ana i mea e hoopihoihoi loa ia ai o kona puuwai, a komo koke mai la hoi na kulo ana iloko ona e wehe ae i ke pani, i ike pono ai oia i ka manao o  keia mau huaolelo.

 

            Nolaila, me na lima palanehe, lalau malie aku la oia i ke pani o ka pahu, a hapai malie ae la, oiai, aole i paa i ka Iaka ia, a me ka hikilele nui, ua ike iho la oia he kanaka opio ui, ka ukana o ua pahu la, a me kona mau lima a me na wawae i paa i ke kupee ia me ua kupee hao nunui.

 

            Aole o  Minewa i hoala aku i ke kanaka opio e  waiho kahela ae ana, aka, ua ku iho la oia me ka naau kahaha a kilohi iho la i ka oiwi nani o ke kanaka opio.  A lohe pu ia aku la kona leo i ka puana ana ae me ka malie.

 

-----------------------------------------

 

NAHU HE WAHINE I KONA

ALELO.

 

---------------------

 

                        Ua loaa mai nei he lono mai Manoa mai, ua nahu iho la kekahi wahine i kona alelo i kkona wa i loaa ai i ka nia'i huki a ua kokoke a kaawale loa kekahi apana.  Ua pehu ae la ua alelo la, me ka hiki ole iaia ke hanu kupono, a eia oia ke waiho nei iloko o ke kulana nawaliwali loa.

 

            Ma ka po Poaono nei, ua hoea aku la he ekolu kauka, a oki iho la i kona pu-ai me ka hookomo ana aku i kekahi ohe i wahi no ke ae e komo aku ai iloko o kona akemama.

 

----------------------------------------------------

 

            Ua holo ia e ka Iwalani kekahi manawa holo loa mai anei aku a hiki i Kailua, Kona, ma keia huakai mama aku nei ana no ke kii ana i ke Keikialii Kalanianaole, iloko o 16 hora me 30 minute, a he 14 hora me 30 minute ma kona hoi ana mai nei, a hoea mai la i anei ma ke kakahiaka Poakahi nei, a me auina la no i hala aku ai oia no kona  @ awa maa mau.  Ua hookaulua oia he 10 hora me 45 minute ma Kailua.

 

 

HOPU IA HE POE HOOPAE

OPUIMA.

 

--------------------------

 

            Ma ka aina la Poakolu ua hopu ia iho la he ekolu poe e hoao ana e hoopae malu i kekahi mau tini opiuma, mawaho o Laeahi.  He mea mau no ka oihana dute awa ke kiai mau ana ia waho o  laila i ka wa e hoea mai ai o na moku o na aina e, aka, aole nae i manao ia e loaa ana ia lakou he ulia pomaikai ma keia la.

 

            Ma ka hora 6 o ke kakahiaka oia la i hoike ia ae Ia, ua ulu ae la he hoohuoi iloko o Luna Nui Stratemeyer, a nolaila, ua hoouna aku la oia i kekahi o kona mau kanaka no waho o Laeahi maluna o na lio, aa oia hoi na kau aku la oia maluna o ka mokuahi kolo Eleu.

 

            Ua kaalo ae lakou ma ka aoao o na waapa he lehulehu wale e lawaia ana, aka, aole nae ka Eleu i huli aku ia lakou, a ma kahi mamao mai a lakou, ua ike aku la lakou he wahi waana me ekolu kanaka o luna e hoe ana no uka aina. . I ka ike ana mai o ua wahi waapa nei i ka Eleu e holo pololei aku ana imua o lakou, ua hoohuli koke ae la oia i kona ihu a holo mai la no kahi o ka Eleu.

 

            He hookahi haole a me elua kanaka Hawaii oluna o keia waapa, i ka hoea ana mai o ua poela i ka moku, ua hoole ae lakou i ko kalou hewa, aka, aole nae i hoopau ae o Stratemeyer i kona manao hoohuoi.  Nolaila, mahope iho o ka pau ana o ka lakou mau kamailio ana, ua hookuu ai aku la na  lawehala, a holo aku la hoi o Eleu e huli hele i na paha he oiaio naa  olelo a ne poe ekolu o luna o ka waapa i hoole mai ai i ke lakou hewa.

 

            Maloko o ka ohenana ua ikeia aku la kekahi mau eke e lana ana iluna o ka ilikai.  Ua hooiho koke aku ka Elau no kahi o keia mau eke pahaohao, a loaa iho la ua hoopiha ia lakou ma ka opiuma.

 

            Ma ka helu pono ia ana o na tini opiuma ua hiki aku la ka huina i ka 941 tini.  I ka wa i loaa ai o na tini opiuma, oia no ka wa o Stratemeyer i haawi aku ai he hoailona i kona mau kanaka mauka o ka aina no ka hopu ana mai i na lawehala. Ua hoi  hou mai la lakou no Iuna o ka moku a haawipio mai la.  Ua hoihoi ia mai la lakou maluna o ka Elua a hoopaa ia iho la ma ka halewai me ka hookau ia ana aku o  kekahi bona koikoi maluna o na lawehala.  O Hauseu ka inoa o ka haole i loaa aku ai maluna o ka waapa, he haole hoi @ paa mua no me 20 tini opiuma.  Ua lohe mai makou o Keoni Kalaukoa kekahi o na kanakaa i loaa aku ai maluna o ka waapa.

 

           

HOOPAAHAO IA A PAU KE OLA.

 

---------------------------------

 

            Ua haokau ia aku la ka hoopai a pau ke ole maluna o Muramoto he Iapana, no ka hoopoino ana i kekahi wahine Iapana nona ka inoa o Maida, a mamuli o kona lima ikaika ana a me kekahi Iapana okoa aku nona ka inoa o Sailo, ke kumu i make ai o keia wahine.  Na na kiure haole i ahewa iaia, a na Lunakanawai Stanley hoi i hookau aku i ka hoopai hoopaahao a pau ke ola me ka uku pu ana he $50 maluna ona.  No keia hihia hookahi no hoi na dala makana he $500 a ke aupuni i haawi ai i ka mea nana e hopu o Sailo.

 

----------------------------------------------

 

MAKE POWA IA O JOE.

 

----------------------

 

            Ke huli ia nei ka limakoko-----Malalo o Kapuukolo i loaa aku ai kona kino make.

 

-----------------

 

            Ma ke aumoe o ka po Poaona nei i loaa aku ai ke kino make o kekahi Malaia nona ka inoa o Joe, a ne na palapu e kau ana maluna o kona poo i hoike maopopo mai, ua make powa ia oia.  Na kekahi Pake i lawe aku i ka lohe i ka oihana makai no kekahi kanaka make, a i ole  i ona loa e waiho ana ma ka puka o kona rumi.

 

            Ua hoouna kokeia mai o Holi a me ke kaa o ke aupuni no ke kii ana aku i ke kino make.  Ua lawe koke ia mai oia no ka Halewai a malaila i huli pono ia ai kona kumu i make ai.

 

            He elua mau puke i loaa aku mahope o kona poo, a mailaila ke koko e kahe mai ai, a i manaoia mamuli no ia o ka uhau ia ana me kekahi mea o@lea.

 

            O kahi o keia Malaia e noho nei, ma ka hale no ia o Sam. K. Aki i noho mua ai, ma Kapuukoio ae nei, a ma ka haie hoi maluna me kekahi mau Hawaii a he mau Iapana. a he mau Iapana no hoi ko ka hale o lalo a me ka Pake.

 

            Ua manaoia ua kaualako ia a waiho maluna o ka lanai o ka hale o Ialo, elike me ke kulana i loaa aku ai, no ka mea, ina i haule mai oia mai ka lanai mai o ka hale o luna, aole e waiho kona kino ma kahi i loaa aku ai, a e loaa pu aku ana hoi na kulu koko ma kahi o kaona poo i hookui aku ai.

 

            Na keia hoohuoi i kono mai i ka oihana makai e ha@u aku mahope o ka meheu o ka puuwai eleele.  Mahope o ka noho ana o ka aha k@r@nera ma ke Sabati nei i lawe ia aku ai oia e kanu.

 

            O ka olelo hooholo a ka aha, ua make o Joe mamuli o ka palapu ma kona poo.  Hoohia mai ka lima mai o kekahi mea.  He limahaua o Joe @ kona wa i make iho la no ka Hale H@na Hao.

 

 

MAKE O KAMALO.

 

-----------------  

 

            Ma ka auina la Poalua nei i make ai o Kamalo, mahoope hoi o kona noho ana maloko o  Kawa no hookahi makahiki, e auamo ana i ka hoopai hoopaahao a pau  ke ola, no ka hewa pepehi kanaka:  He kanaka Hawaii oia  a ua piha iaia na makahiki he 32.  O kona hewa i hoopaahao ia ai oia no kona pepehi ana a make loa kekahi wahine Pake ma hahi kokoke ma Wailuku, Maui, ma ka la 29 o Novemaba, 1897.  He ma'i akepau kona kumu i make ai.

 

---------------------------------------------

 

NUHOU KULOKO.

 

-------------------

 

            Ua hala aku la na moku lawekoa Senatoa a me ka Ohio na Manila, ma ke ahiahi Poakahi nei.

 

            Maluna o ka mokuahi Pekina e holo aku ai o Mr. a me Mrs. James Campbell no Amerika Huipuia.

 

            Ua hala aku la no Ewa o Toma, ka makai Iapana, no ka huli ana ia Sailo, ka mea nona kela puu dala mahuahua a ke aupuni i haawi makana ai.

 

            Ma ke Sabati ae i upu ia ai e hoea mai ana ka Aorangi, mamuli o ka haule ana he elua la no ke kali ana i na eke leta o ka hikina mai.

 

            He nui na hae i hapa ae ma ka Poakolu nei, no ka hoomanaolana i ka piha makahiki o ke piiholo ana o ka mokukaua Maine ma ke awa o Havana.

 

            He elua haole o Honolulu nei, i hoeha ia maai nei ma kela kaua o Manila mawaena o na Amerika a me Pilpine, oia o Arthur Sherer a me Jack Wetherboe.

 

            Ua hoea mai nei o H. A. Wilimana opio maluna mai nei o ka mokuahi Auseteralia, me ka manaolana e loaa ana no iaia kona makuakane, aka, ua poho nae ia mau manaolana ana.

 

            E malama ia ana ka halawai makahiki a ka Hui Hooulu a Hoola Lahui ma ka home hoohanau Kapiolani, ma keia Posono iho, Feb. 18, ma ka hora 10 a. m.  Ua makemake ia na lala a pau e akoakoa ae malaila.

 

            Ua lilo ae la ia Evans kahi mokuknna @ Nin@a no ka $3000.  He wahi mokukuna oia e @00 tona kaumaha, a e hoolilo ia aku ana oia i moku halihali wahia mawaena o Laupahoehoe a me Honolulu nei.

 

            O ka Poakolu nei kekahi la uiu moku nui o loko nei o ke awa i ike ole ia no kekahi manawa loihi i hala ae nei.  He 12 ka nui o na moku like ole me ka hui pu ole ia aku o na moku hele pili aina, penei 34 mokupea  5 mokuahi o na aina e, 3 mok@ o Amerika Huipuia a me @ mokukaua.