Ke Aloha Aina, Volume V, Number 7, 18 February 1899 — Page 8

KE ALOHA AINA

 

8          KE ALOHA AINA, POAONO, FEBERUARI 18, 1899.

 

HE MOOLELO WALOHA

NO KA

UI sopaea.

Iloko o ka Hanohano

A ME

TOME BAKALA

Ka Ilihune.

 

[Hoohenoia ne KE ALOHA AINA.]

 

            He oiaio, o ka ilihune a me ka nele ke kumu nui nana i koi mai ia’u e haalele aku i kau wahine a me ka maua wahi keiki uuku no ka hoi ana i Sekotia, ina paha, he wahi pono koe o maua malaila i hao ole ia e ka manao alunu a puni waiwai o ka moi o Wale nei.

            A mamuli oia manao, ua kamoe io mai la ko’u alahele no ka hiki aku i ka home a me ka lepo a o’u mau kupuna i hooili mai ai maluna ou.

            Aka, mamuli o kekahi ulia, na paa ihe la au i ka hopu ia, a lilo iho la i pio malalo ou e ka haku o na powa a me kou mau ukali.

            O keia mau olelo i komo pono loa aku la iloko o ke ahi powa, a me kona mau ukali pu, oia koke no ka wa a ke alii powa i kauoha koke ae ai, e wehe koke ia ae ka hao heopaa lima ma kona mau lima a me na wawae pu.

            A e lilo hoi oia i kanaka lanakila me kona hoohiki pu mai hoi, e lilo oia i hoahanau no ua puulu powa la o ke kuahiwi.

            A oia hoi kana i hooko koke aku ai me ka hakalia ole, me kona ike no, aia no he wa ma ia mua aku e kahuli ae ai kona ano powa oia ma nawa a i kona ano ano mau; mamuli wale no o kona manao, i wahi e pakele ai o kona o’a, a e ku ai hoi kana makaia maluna o ka mei.

            Ua kauoha koke ia ae la na kauwa lawelawe oloko o o ua wahi la, no ka haawi ana mai i mau mea ai na ua wahi hoa hou nei o lakou, a ua hooko io aku la oia ma ka hoopiha ana i kona houpo me na mea ai i hoolakoia mai.

            Ua lilo iho la hoi oia he hoa kuka maikai loa no ke alii powa, a me kona mau ukali a ua hoopaneeia hoi ka huakai hele maa mau a na powa mamuli o ke ao ana i ko lakou hoa hou ma na kulana lawelawe o ka oihana powa, ka hana hoi a lakou i hookaawale ai mai ka huiaku mai o ka lehulehu.

            I ka uhi ana mai o ka poeleele maloko o ua wahi noho la o na powa, ua liuliu ae la ka haku powa a me kona mau ukali no ka iho ana e komo iloko o ke kulanakauhale alii o Wale, a o kahi luau pu hoi kekahi o kahi Tome e iho pu aku nei e komo iloko o ke kulanakauhale.

            O ua wahi kanaka nei ka pailaka nana e alakai nei i na hele @u waiwai o ka moi, a mamuli hoi o kana alakai ana, ua akaka wale iaia na hale hoahu waiwai o ka moi a me ke kulana kiai oia mau wahi, ua lele aku lakou me ka manao hoohakalia ole a hao i ka waiwai o ua mau wahi ia me ka palanehe, a maala@i noi o ke kiina me ka loaa ole he mau poino:

            Mamuli io o keia hana maikai a ua wahi makuakane nei o Tome, ua liilo io iho la keia hana ana i hoike e hooiaio ai i ka manao o na mea a pau, ua hooko oia i ka mea a kona waha i hoohiki ai.

            A huli hoi aku la lakou me ke kaumaha o na holoholona i na waiwai a lakou i hao mai la mai kahi hoahu mai o ka moi, me ka pilia i ka hauoli nui.

            Ua pii ae la hoi keia ma kekahi kulana he ukali no na alii powa nei, mamuli o ka holopono o kana mau alakai ana, a ua mahuahua hoi na waiwai pio i loaa mai, me ka nui ole o ka luhi.

            I kela po keia po, e iho mau ana lakou iloko o ke kulanakauhale, a ua na’i ia hoi na pono a pau o ka moi, a ke hele aku nei oia i kau wahi o ka pakele mahunehune o kona ola.

            A mamuli o keia kulana kupilik@ a ua moi lokoino nei a Wale, ua hoala ae oia he mau pualikoa nui hewahewa no ka heleana aku e kue i na koa o ke alii powa, ka mea hoi e anehenehe mai la i na wa a pau, no ka hopu pio ana iala malalo o kona mana, ke kumu nui hoi e hookonokono nei e hue aku i ke alii powa.

            O keia mau hoolahua ana n@e a ka moi, ua lilo i mea waiwai ole oiai, ma na wahi ana i manao ole ai e hoea ana na powa malaila, aia he mau lono e hoea mau aku ana imua o ua moi ia, ua pau aku la i ka hao ia na waiwai oia mau wahi.

            A na eia mau lono hoonaukiuki i hoopiha iho i ka puuwai o ua moi la me ka i@na nui, a haalele koke aku la oia i ka hoomoana ana iloko o na pakaua, a puka mai la oia me kona mau ahikoa, e komo aku iloko o ka nenelu olo o o na ululuau o ua mau Hilana la o Wale.

            He la nui keia a ka moi e hele aku nei, oiai, ua paniku i@ na alahele a pau e komo aku ai iloko o na ululuau, a o ke kanaka e loaa aku ana iloko o ua mau ululaau la, he laia oia noloko o ka hui powa, a o kona hoopai wale no, he make.

            Ua lilo keia kuahaua a ka moi i mea weliweli uui ia e na mea a pau, a ua pau aku hoi ka hapanui o na poe noho kuahiwi i ka haalele i ko lakou mau home ponoi, malalo o keia kuahaua a ka moi, i wahi hoi e holopono ai kana mau hana i hoolala ai.

            E@ke no me kona nele i ka halawai kino ana aku me ua poe ahikanana la o ka waokele, pela no oia i hoonele ia mai ai me ka ike ana aku i na kahoaka o kekahi mea kino e maalo ae ana mamua o kona alo, a i ole hoi, mamua paha hoi o ka maka o kona mau aliikoa, he neo, a he neo loa no.

            Ne ka nele ana me keia kulana hana, nolaila, ua ulu ae la ka manao iloko ona, e mahelehele huinakolu oia i ke ano o kana hoolala ana i kana kahua hana e hoopuni ai i ka home o na powa.

            E waiho ae kakou i ka moi a me kona mau pualikoa nui hewahewa kukulu kii ana i kai o Kahua a nana ae hoi kakou i na keiki wikani oloko o na ululaau, ka poe hoi a ka moi i upu ai e anai loa aku ia lakou mailuna aku o ka lepo o ka honua, no ka hooko ana i kona inaina.

 

NA MOKU LAWEKOA.

 

            Ma ke awake Poaha nei i hoea mai ai na moku laweloa Ohio a me Senatoa. Ua haalele like aku laua ia Kapalakiko ma ka la 1 o Feberuari. O ke Senatoa kai haalelel mua aku ia Kapalakiko he mau hora ke kowa, aka, ua hoea e mai nae ka Ohio i keia awa mamua ona. O ka nui o ka koa maluna o ke Senatoa he 684 mai na alii a na kanaka, a he mau wahine hoi kekahi nana aliikoa maluna ona. Ka Ohio he 734 mai na alii a na kanaka me kekahi mau wahine.

            Eia keia mau moku malalo o ka hoomalu ana a Kenerala Egbert. O keia mau pualikoa o ka regimana Iwakalua-kumamalua, o lakou kekahi o na pualikoa i komo kuhohonu iloko o ka hoouka kaua hahana o ka lawe pio ana kaua hahana  ka lawe pio ana i kekulanakauhale o Santiago, Cuba, mai na poe Sepania mai, na nui kona mau aliikoa a me na kanaka i make a hoeah ia ma ia kahua. O Kenerala Egbert ke Alihikaua nui o keia mau puali, he elua ona manawa i ku ai i ka poka i kona wa e alakai ana i ka regimana koa Eono ma ka hoouka kaua ma El Caney, Cuba.

            E noho iki iho ana keia mau moku no ka hoopiha nanahu ana, a ma ka La Pule a i ole ma ka Po@kahi aku e holo loa aku ai ana no Manila.

 

            Aole he wahi meheu i loaa i ka oihana makai, no ka mea nana i powa i ke ola o Joe, aka, aole no nae i pauaho ka oihana makai i ka huli ana aku i ka limakoko.

            Ua hookuu wale ia mai na luina o ka Piladelapia i hoao ai e lawe i kekahi waapa o na keiki o ka uwapo o Burua, mahope hoi o ko lakou a’o ikaika ia ana mai.

            E noho ana ka Aha Euanelio o ka mokupuni o Hawaii, ma ka luakini ma Waiohinu, Kau, ma ka Poaha, Mar. 9, hora 10 a.m. E makaala ae e na lala me ka eleu.

            C. M. Kamakawiwoole,

            Paauhao, Hamakua, Feb. 9, 1899

            Nui a lehulehu na poe i holo makaikai aku iluna o ka mokukaua Oregona ma la La Pule.

            Aia malunao ka Senatoa a me ke Ohio, he $4,000,000 e lawe ana no ka uku ana i na koa ma Manila.

            Ua hoolele ia mai iuka nei o ka aina he 100 pahu kupapau e ka moku lawelkoa Senatoa, no ka hoihoi ana aku i na koa Amerika i make ma Honolulu nei no Ameriak Huipuia.

            Ma ke kakahiaka Poaono nei, i hoea mai ai ka mokukaua Piladelapia mai Sana Diego mai, mahope o kona hoopiha nanahu ana maanei e holo loa aku ai oia no Samoa.

 

HOOLAHA HOOPAU HOOKOHU AGENA.

 

            E ike auanei na kanaka pau, o maua o Ailau (w) a me S. K. Kahikina (k) no Kalaupapa, Molokai. Ke hoopau loa aku nei maua i ko E. H. Boyd noho Agena ana no maua. Aole loa he mana laia e ohi ai i na uku hoolimalima makahiki o ko maua mau Apana Aina e waiho ana ma Manoa, Kona, Oahu.

            O na palpala hoolimalima a palapala e ae paha i hana ia e E. H. Boyd ma ko maua inoa, e lilo ia mau palapala i mea mana ole ma ke kanawai.

            O maua iho no me ka oiaio.

            Ailau (w),

            S. K. Kahikina (k),

Kalaupapa, Molokai, Feb. 10, 1899.

 

OLELO HOOLAHA.

 

            E ike auanei na kanaka a pau ma keia, owau o Kealoha Kalaehao i ikeia mamua o Kealoha Harbottle. Ke hoole, a ke hoopau loa nei au i na Palapala Hooilina, a mau Palapala noho hope paha e paa ia nei e kekahi o ko’u mau ohana a poe e ae paha ina he mau Palapala kekahi oia ano me ko’u ae ole, a ike ole mamua e kue no wau e like me na mea i hooakaaka ia maluna ae.

            Owau no me Oiaio,

            Kealoha Kalaehao.

            Honolulu, Oahu, Feb. 3, 1899.

 

HOOLAHA HOOKAPU KAI LAWAIA.

 

            Ke papa a hookapu loa aku nei maua i na kanaka o kela a me keia ano, aole e hele wale e lawaia ma na kai o Lualualei a me Nanakuli, a me na nuku wai e pili ana i ua mau kai nei i oleloia. A ua hookohu pono aku maua ia Paikai (k) i hope a i Luna Nui no maua, e malama i ko maua mau pono a me na pomaikai ma ua mau kai nei i oleloia, a ua loaa i ua hope nei o maua ka mana, e ohi mai i na Auhau o ka poe e makemake ana e loaa ke kuleana lawaia ma ua mau kai nei i hoike ia.

            A o ka mea a mau mea e kue ana i keia, he mana ko ua hope a Luna Nui nei o maua e hopu a e hana aku e like me ke kanawai.

            O maua iho ma ka oiaio.

            D. N. Poinalo,

            M. K. Leleo,

            Na ona o ke kai lawaia o Lualualei a me Nanakuli.

            Waianae, Oahu, Jan. 31, 1899.

 

OLELO HOOLAHA.

 

E ike auanei na kanaka a pau, owau o Mr. S. E. Wooley, ke Konohiki o Laia, Oahu. Eia maluna e kuu aina he mau holoholona komohewa i Bipi (k) eleele, pookeokoe, ua poomuku na pepelao, i kuniia i ka hao (?) ma ka uha hope hema; a me i Lio (w) hulupala, aole i laka, kiko keokeo ma ka lae, aole i kuni ia. Nolaila, ke kauoha ia aku nei ka mea a mau mea paha nona keia mau holoholona e kii koko mai iloko e na la he 15, e hoomaka ana mai ka la 30 aku o Ianuari 1899, me ka hoihoi pu mai i ka’u mau dala lilo no keia hoolaha ana a me ka uku o ka hele ana maluna o kuu aina. A i na aole e kii ia mai ana a hala na la he 15 e lilo loa no keia mau holoholona ia’u.

            S. E. Wooley,

            Laie, Koolauloa, Oahu, Ian. 28, ’99.

            Jan30--3wk dly a wkly.

 

Kuahaua Akea me ka Hauoli

 

Imua o oukou e ko maua mau hoa o ka pupuu hookahi.

            Aloha oukou a pau loa:--

            O mana o na mea no laua na inoa malalo iho nei, ke waiho akea aku nei maua imua o ka Lahui Hawaii, i ke kuleana mahele iloko o ka Halekuai Temple of Fashion, i kapaia Ka Heiau o na Paikipi e ku nei ma ke Alanui Papu, Honolulu, mokupuni Oahu.

            O ka huinia waiwaiio o keia Hale kuai i keia wa he $18,000, ae like me ko maua manao lokahi, manao hana, ua lawe maua i ke koikoi o ke kaumaha ma ko maua aoao, ma ka lawe ana he 450 mahele. Nolaialila, o ka huina o na mahele (share) i koe he 3,600.

            Nolaila, ke nonoi aku nei maua i ko oukou manao hana e lawe kela a me keia Hawaii ponoi i mahele a mau mahele paha e like me ka  hiki ma ka $5.00 o ka mahele, a ua loaa i kela a me keia mea lawe mahele ke kuleana o 5 keneta ka emi i na waiwai a pau ana e kuai ai i na waiwai, a e loaa pu no i ka mea paa mahele ka uku o 10 pa keneta o ke dala i ka piha ana o ka makahiki.

            Nolaila, i hoomaka ana ka ohi ana i na mahele mai keia la 4 aku o Feberuari, a pau ma ka la 1 o Maraki, 1899. A e hoomaka ia no na hana. E loaa no maua ma Ka Heiau o na Paikini, no na poe a pau e makemake ana e kuka pu me maua ai ole me ko maua hope noka manawa M. G. Silva ma ka Halekuai, no na poe mawaho o ke kaona, a ma na mokupuni, ua hiki no ke hoounaia mai ma na leta ma keia mau inoa.

            O maua me ke aloha,

            Edward K. Hanapi.

            Moses Palau.

            Honolulu, Feb. 3, 1899.          tf

 

HE KUAHAUA AKEA!!!

 

            I kulike me ka mana i loaa ia’u ma ka Palapal Aelike o ka Hui Hoahu Dala o ka Lahui Hawaii. Ma keia ke kauoha ia aku nei na poe a pau i lilo i mau lala, a i kakauinoia hoi malalo o ua aelike ala e hookaa mai i na koena o na uku auhau a me na uku e ae i oleloia no ua Hui ala, a no ka mea hoi e piha ana ka makahiki mua, o ke ku ana o keia Hui, ma ka la 1 o Maraki, a ua makemake pu ia no hoi na poe Hawaii e komo pu mai ma ke kakoo ana i na hana imua me ka ikaika a me ke ahonui.

            Moses Palau,

            Peresidena Nui o ka Hui Hoahu Dala o ka Lahui Hawaii.

            Honolulu, Ian. 10, 1899.         3m.

 

OLELO HOOLAHA.

 

            E ike auanei na mea a pau loa. Owau o D. Kaihenui, e noho a @ ma Kailua, Oahu, ke papa a ke hookapu loa aku nei i na Aina o kuu wahine mare ponoi i make kauoha ole, e waiho la ma Kaawa, Koolauloa, Oahu. Aole e moraki malu ia e kekahi mea, a kuai malu i keia mau Aina, a lawe paha ma ke ano aie. Oiai, ua hoolaha mua au iaia no kona haalelel kumu ole ia’u iloko o’eah makahiki a oi, a ua papa au i na mea a pau, aole e hoaie iaia a olelo iho kahi mea he poho kona a koi mai ia’u o mahele no kona poho a luhi paha i malama ai iaia.

            He mau lio kekahi aole e lawe a kuai malu aku, ala au a ike mua. Oiai he ikolu wale no poe hiki o ia o Ululani, he kaikuunana ponoi, a me elua pokii o Pau (w), a me Haliaka (w). O lakou ka poe kupono a no kekahi poe a’u i ike ole ai, aole e hiki, oiai, he mau keiki kekahi a maua me kuu wahine mare, Mrs. Kealoha. Aole hoi he kuleana o kana mau keiki ekolu me ke kane mahuahi me keia mau waiwai, oiai, ua kii mai no ua kane ia a noi mai e hoohiki aku naua i kuleana ai i kona waiwai, a ua hana i akela me ko lakou kuleana ole i ka waiwai o kuu wahine mare.

            Owau no me ka oiaio.

            KAIHENUI.

            Kailua, Koolaupoko, Oahu, Ian. 16, 1899      3m