Ke Aloha Aina, Volume V, Number 23, 10 June 1899 — Page 8
| This text was transcribed by: | Judy Tagami |
| This work is dedicated to: | Carol Silva, Kumu Olelo Hawai'i |
KE ALOHA AINA POAONO, IUNE 10, 1899.
HE MOOLELO WALOHIA
---:NO KA:---
UI SOPAEA.
ILOKO O KA HANOHANO.
---:A ME:---
TOME BAKALA
Ka Ilihune.
_______
Hoohenoia no [KE ALOHA AINA.]
A iloko wale no o hookahi hora o keia naku hele ana iloko o ke anaina, ua loaa aku la ka poe nana e hooko i ka makemake o ka lahui, a ke hui ia a pau, ua like me 11 ko lakou nui, ke komo pu me ka kakou koa opio.
Ua waiho koke ia aku la na inoa i wae ia, a ua apono koke ia mai la ma o na leo huro la o ke anaina.
A oia koke no hoi ka wa i malama hou ia ai ka lua o na Ahakuka no ka ahewa ana aku i ka moi, a iloko wale no o umi minute, ua puka mai la lakou me na leo kue ole, e kipaku ana iaia ma ka aina e, ma ke ano o ke kanaka ilihune haalele loa, me ka hoonele ia me na pono a pau o ka inoa moi.
O keia olelo hooholo, ua heluhelu ia mai ia e ka opio Tome, me ka leo nui moakaka, i hiki ole ai i ke anaina ke ala mai na manao huhu a me ka haunaele.
A i ka paa ana, aole loa hookahi mea ia aa e kamailio kue mai, no ka mea, o ka palena hope iho la ia o ka lakou olelo hooholo, a o ka mea wale no i koe, oia ko ka moi manao.
Ua lawe koke ia aku la keia olelo hooholo imua o ke alo o ka moi no kona apono mai, a me ka ole paha.
Mahope iho o ka lawe ia ana aku o keia olelo hooholo, oia no ka wa i ike iho ai ka moi, he alahele keia no ke ala hou mai o kekahi mau hana kipi ma ia mua aku.
Nolaila, malalo o kona ma@a, a i lilo ai hoi oia i mea maikai i ka manao o kona mau makaainana, ua hoole mai la oia i keia olelo hooholo, a ua haawi mai la i ka hoopai na na makainana ponoi no e hookau aku maluna o ke kino o ka moi, ma o kona kolikoli ola ia e kona mau makaainana ponoi, me ka loaa ole he mau kala ana mai iaia aku.
I ka wa i hoike ia mai ai ka hoopai o ka make maluna o ke kino o ka moi punikoko, ua holo koke ae la na leo hoo@o hauoli o na makaainana, no ke kulike loa me ka lakou i makemake ai.
He mea oiaio loa,, ua hoea mai ka hopena o na mea a ka lehulehu i upu ai e hooko ia, a elike me ke kauoha a ka moi hou, e haawi koke ia aku ke kino o ka lawehala iloko o na h@a o na makaainana, me ka hookaulua ole ia.
Ke ike nei kakou ua hoea mai ka moi o Irelani iloko o kona hopena manaonao, i haupu mua ole ai ma mua, e uku ia ana oia me kona hopena weliweli, iloko o ka lima o kona mau makaainana ponoi.
Aohe a kakou nana hou ana aku no na mea i hana ia aku la maluna o ka moi, no ka mea, o ka uku no ia o kana hewa i hana ai, a pela oia i auamo ponoi ai i ke koko o na poe ana i pepehi ai.
Mahope iho o ka pau ana o keia mau hana, oia no ka wa i huli ho aku ai o kela a me keia no kona wahi iho me ka piha hauoli, a aole loa hoi he hookahi mea i aa e hooulu ae i kekahi mau manao kipikipi, i wahi e hoea mai ai ka mokuahana iloko o ke aupuni.
Aia na hoonee hana ana o ke aupuni malalo o ko ka moi mau lima, mamuli o kona wae ana i na kanaka naauao o ka aina i poe nana e hooponopono i ke aupuni, a i kulike ai hoi me ke apono ana a kona lunaikehala.
O na lawelawe ana hoi ma ka oihana koa, mai ka aina a ko ke kai aia ia maluna o ka opio, oia ka alihikaua nui, a o kona leo hookahi wale no ka mea e hiki ke hoolohe ia e na pualikoa, me ka hoolohe ole ia o kekahi mau olelo e ae mawaho ona.
Mamuli o keia mau hooponopono aupuni ano hou, ua ala like mai la na makaainana, na ‘lii a me na kanaka koikoi o ka aina, a kaulona pono i ka nee ana o na hana kuloko o ka aina me ka holomua,
Ua pii paumi ae ka holopono o na oihana kuloko iloko o ka aina, a pela pu no hoi me na hana mikiala o na oihana kalepa kuwaho, e ume mai ana i ka hoolaupai ana o na pono hou maluna o ka aina.
Ua komo kino aku no hoi ka moi a me kana keiki iloko o na hana kokua manawalea i ka poe ilihune, me ka haawi ana i na pono aahu, na lako ai a me na hale e hoomoe ai i ko lakou mau poo me ka oluolu, me ka nana ole ae i ke kulana kiekie i loaa ia laua.
O keia mau hana maikai a pau a ka moi e hana nei, a me kona komo kino maoli ana iloko o na hana lima no kekahi manawa, ua liko ia i mea e hoohauoli ia ai ka manao o na ‘lii a me na makaainana.
Ulu ohaoha mai la hoi na manao ohohia iloko o ko lakouo mau puuwai me ka hauoli nui, a @a kapae ae la hoi kela a me keia ia na ma@ao palaualelo o ka noho wale, a hookahi ka lawelawe like ana i na hana e pono ai ka noho ana, me ke kapae ana ae i na manao hookananuha o ka noho ana palaualelo.
O ka loli ano e ana ae o ke kulana hoopupu o na makaainana, a i ke kulana nee mua o ka noho ana lokahi, he hoike maopopo ia o ko ka moi hou hilinai nui ma kana hoopo nopono aupuni ana.
O kona hele ana ma kela a me keia wahi ana e makemake, aole ia iloko o ka malama ana a @a pualikoa elike me ka moi mua, aka, oia hookahi iho no ia me ka nana ole i na hoopilikia ia mai.
Ua kaalo ae na la, a ua aui ae hoi na mahina o ka noho ana hooponopono aupuni hou, akahi no a hapai mai ka moi i kona noonoo ana no ka hoohui ia ana o kana keiki me ka ui Sopaea o na Hilana o Wale, ka mea hoi a ka moi i akenui loa ai e lilo oia i mea hoohiluhilu no ka nohoalii o Irelani.
Ma kekahi po pouli ua lanipili o ka hooilo, e noke hala ole ana na kulu pakaua oolea iluna o ka lau o na laau, me ke o ahi uila e lalapa ana me kona mau kukuna malamalama, a aia hoi na leo hoiliili o ka hekili ke holoholo ae la ma na paia lani me ka weliweli.
Eia hoi he elua mau kino e maalo nei iloko o keia wa @a@ana o ka ino e pahola ana, e nana ana i ke kulana hoomoana o na pualikoa o ke aupuni, ka poe hoi nana e paa ka maluhia o ka aina.
A o ua mau mea la elua e maalo nei o ke kulu aumoe, @ia no ka moi a me kana keiki, me ka ike ole mai o na makua, eia no kana keiki ke ku kiai nei no ka hanohano o ka nohoalii o kona makua hanai.
A i ka wa a laua i kuka mua ole a@, ua hui ae la laua a elua i kahi hookahi, me ka hoopahaohao ia o ka moi i ka maalo o keia mea pouliuli mamua o kona alo, me kona manao ole ae, o kana keiki no ia, a na ko laua hui ana i kahi hookahi, i hoopau ae i ko ka moi manao kanalua.
E ke keiki opio a ka makaala, heaha keia huakai hele au o ke kulu aumoe, iwaena o na pakaua e hiolo nei a me ka leo nakulu paapaaina o ka hekili e wawalo kupinai mai nei.
Eia anei he mau enemi e hoohalua ana i ka maluhia o ko kaua aupuni, ka mea hoi a’u e hilinai nei, aohe enemi malalo iho o na kaupoku lani e hiki ke aa mai e ku ae me kona naau ekaeka, a hoao e hoohiolo i ka maluhia a’u e hilinai nei, aole loa o’u manao, ke koe nei he anoano oia ano iloko o ka aina nei i keia po.
Pela no e kuu makua maikai, aka, he mea nae ia no kaua e h@poi ia ai iloko o ka umauma o na koa, ke ike mai lakou, @ia no kaua ke komo pu nei me lakou ma ke kiai ana iloko o keia mau hora kupilikii o ka pouli e aaki nei.
He mea oiaio keia au e @aue mai la e kuu keiki, oiai, o ko kaua komo pu ana me na koa e hoomanawanui nei iloko o na iu a o keia noho ana, he mea ia e komo loa aku ai ka pumehana o ke aloha iloko o ko lakou mau puuwai.
Nolaila, e lawe mau i ke kulana o ka makaala e kuu keiki, i hui ia me kou mau manao o ke aloha, e lilo auanei ia i kia hoomanao iwaena o lakou, ma na hana a pau au e lawelawe ai ma ke@a aina malihini ia oe.
No’u iho, ke hilihai nei au maluna ou, no ka mea, aia iloko o kou poholima ke ola a me ka make, ka maluhia a me ka haunaele, a ina aole oe ma ko’u aoao, @ hemahema anei au ma ka’u mau hana a pau e pono ai o ko’u aupuni.
Ua noho ekemu ole iho la laua a i elua ia mau sekona, oiai no laua e hele ana no mua o na wahi hoomoana o na koa, me ka ike aku i na lama kukui a na koa e hakoko ana me na poiwai o Kulanihakoi.
Ia wa i komo like mai ai ke aloha iloko o ko laua mau puuwai, a na ia mea i kono koke mai ia laua e hiki aku no ke kokua ana i ko laua mau koa e noke ia mai la e na Kulanihakoi a pulupe i ke anu.
Me ka leo o ka makua i ke keiki pela i poha koke aku ai ka leo aloha o ko lakou alihikaua opio, i ka i ana aku me keia mau huaolelo e hoohikilele ia ai lakou a pau i keia wa o ke pale ana aku i keia poino e kauiho ana maluna o lakou.
_______
HOOLAHA HOOKO MORAKI A ME KUAI A KA MEA PAA MORAKI.
_______
KE HOOLAHA IA AKU NEI ma keia, mamuli o ka mana kuai i haawiia maloko o kekahi Moraki i hana ma ka la 28 o Augate, A. D. 1896. I hanaia e Kala (k) a me Kaui Kala (w) kana wahine mare, no Honolulu, Mokupuni o Oahu, laua a elua, ia Agnus M. McIntyre, o Honolulu i olelo ia, a ua kope ia ua Moraki la ma ke keena kakau kope ma Honolulu i oleloia, ma ka Buke 163 ma na aoao 318 a me 319.
A ua hoolilo ia aku ua Moraki la ia W. A. Cahill, ma ka Palapala Hoolilo Moraki i hanaia i ka la 10 o Ianuari M. H. 1899, a i hoopaa ia iloko o ke keena kakau kope i oleloia, Buke 187 aoao 146. Nolaila, ke makemake nei ka mea i hooliloia aku ai ka Moraki, e hooko i na olelo o ua Moraki la, no ka uhai ia ana o ua kumu aelike i oleloia ma ua Moraki la, oia hoi, ka hookaa oleia o ka ukupanee a me ke kumupaa i ka manawa hoi i olelo ia maloko o ua Moraki la no ka hookaa ana.
Nolaila, ke hoolaha ia aku nei ma keia, e kuai kudala akea ia aku ana ka Apana Aina a pau loa, na pono a me na pomaikai a pau i paa maloko o ua Palapala Moraki la, i hoakakaia mahope ae nei, ma ke keena kudala o James F. Morgan, ma Alanui Moiwahine, Honolulu i oleloia, ma ke awakea Poalua, Iune 20, 1899.
O ka waiwai i paa maloko o ua Moraki la, oia no ka aina i hookoia ma ka inoa o Koloalu, nona ka Palapala Sila Nui Helu 207, e waiho la ma Kaahaloa, Manoa, Oahu i olelo ia, nona ka nui he 2.72 00 eka; i loaa mai i na mea haawi Moraki ma ke ano he mau hooilina no Koloalu i olelo ia.
He kuike ke dala ma ke gula Amerika, o na lilo palapala i ka mea e lilo aku ai ka aina.
O na mea i koe e ninau ia J. K. Kahookano, Loio no ka mea i hoolilo ia aku ai ka Moraki.
WILLIAM A. CAHILL, Mea i Hoolilola aku ai o ka Moraki.
Honolulu, Mei 24, 1899. @ts
_______
BAIKIKALA HOU “BEEBE”
---NO KE---
$30.00.
Kaa Kane a me Wahine
---MA KA---
Honolulu Cyclery o Bailey.
HELU @SI. ALANUI MOI.
_______
Na Milwaukee Puncture Proof Tires, aole e hiki i @a kui Kiawe ke komo iloko o lakou.
Hoomaemae ana i na Kaa Baikikala poino a pau.
He heluna nui o na lako hoomaemae maloko ona i loaa ole ma na Pa@moku Hawaii.
UA LOAA MAI, HE HELUNA
....O NA....
Kiaha Aniani o na ano like ole,
Mai ke 50¢ a ke $1.75 o ke kakini.
Na Ili Kaa Pakahi,
Mai ka $10.50 a ke $35.
Na Ili Kaa Palua,
Mai ke $32 a ke $45.
Na Ili Kaa Hana, me na Noho Lio,
Hou loa.
Henuihewahewa na Lako ILI.
PFNEI: Na Ili Kaa a me Noho, Eke Ili, Ili Hoopaa, Ili Alum Ili Splitz, a pela aku. Na Ili Bibi Keiki mai Europa mai, Ili Kao a me Ili Hipa me Ili Hulu Hipa.
Na Pihipihi Ili Kaa me Noho Lio o na ano like ole; Lopi Humu Kamaa Helu 8 a ke 25. Na Kapolena Keokeo, Bolu a me Omaomao, 50 iniha laula.
Hawaiian Hardware Co., Ld
(HUI LAKO HAO HAWAII, I KAUPALENAIA)
_______
W. C. AKANA. Kalauki
_______
He loea Maheleolelo mawaena o ka Lahui Hawaii a me na keiki o ka Aina Pua. He makaukau oia ma ka hana ana i na Palapala Hoolimalima, ua Palapala Kuai a me na hana a pau e pili ana i na Waiwai Paa a me na Waiwai Lewa. He waipahe me ke kuka ana.
Keena Hana. Ma Kanaana, kihi o na Alanui Moi a me Alakea
_______
KA HALEKUAIMEAI
---:O:---
LEWIS & CO.
E loaa no na Kamano Paakai Momona ma ke kuai liilii a ma ke kuai aahu. Na Palena o na ano a pau a me na Lako mea-ai o kela a me keia Pno. E hele mai e hoao no oukou ho. Telepona 240.
Aianui Papu, Helu 111.
_______
L. C. ABLES.
MEA KUAI AKU A KUAI MAI.
He mea Hoai@ Dala ma ka Moraki i na Waiwaipaa.
Eia pu me ia o Makanoe C. Amana, he Hawaii i ike nui ia, a i noho maloko o ke keena auhau no eono makahiki. Ua makaukau oia e haawi aku i na kokua i na poe a pau e makemake ana e kuai aku a kuai mai paha i ko lakou mau aina. A ua makemake hoi e hoaie aku i na waiwai hihia ole. E kipa mai.
KEENA HANA: Ma ke Alanui Papu ma Ewa o ka Hale Banako o Irwin ma. feb 27-i@ dty.
_______
Allen me Robinson
He mau mea kuai Papa, Na Lako Kukulu Hale, Pena ame Aila a pela pu na hoi me ka Nanahu.
Keena Hana ma Alanui Moiwahine.
_______
HOOLAHA AKEA.
_______
I KA POE NO LAKOU NA HAle Laau e ku nei ma Hanawi, Puumoi ka Aina K@nohiki, kuleana o Kahale (k) a me Paaoao (w), i lilo mai ia Kalua, @ i @na ia e a’u i keia @a.
Ke kauohaia nei, e kii koke a@ @ hookaawale aku iloko o aoao malama mai keia la aku, a i @l@ a lan@ ia no @ a’u no na p@o @ like me k@ kanawai. Ua hooka@ia ke @ii ku@aoa ole ana i na Niu.
JOSEPH MAIKAALOA KAUHI.
@a Aina.
Hanawi, Hilo, Apr. 6, 1899. Sm