Ke Aloha Aina, Volume V, Number 33, 19 August 1899 — Page 5

KE ALOHA AINA

POAONO, AUGATE 19,1899

 

hoolako ia lakou me ka ai e lawa ai no elua pule, a oia wale no hoi ka akuana maluna o na waapa a o ko lakou mau pno kino a pau ua paalele ia aku no ia maluna o ka moku me koe mai o kahi lole e pili ana i ka ili.

            I ka hora 5 oia ahiahi ua ike mai la lakou ia Kauai, aka, mamuli o ka poeleele ana, ua kalewa lakou mawaho o Kauai, a hiki i ke ao ana, ua komo mai  la llakou iloko o Mana, Kauai, ua haawi mai na poe puuwai aloha o Mana i na kokua ana i na olulo me ka hoouna pu mai ia lakou no Waimea maluna o ke kaahi, a malaila i kau mai ai lakou maluna o Maki a hoea mai la ianei ma ka La Pule nei.

            Ua olelo ae o Carlson ka malama moku ekahi o ke Columebia, he manaoio kona ua piholo ke Columebia he eono hora ma hope iho o ko lakou haalele ana aku iaia, no ka mea, he umi kapuai ka hohonu o ke wai maloko o ka moku i ko lakou wa i haalele aku ai.

            O ka nui o na poe i koe aku me ka moku poino, oia o Kapena F.D. Walker, Alii Hookele Harris, Eogina Ekahi Delany, me eneginia elua me ekolu, a me 14 luina.  Ma ka La Pule nei i haalele iho ai ka mokukolo Amerika Iroquois me ka holo ana aku no ka huli ana i na poe i koe, a in a aole lakou i pae ae ma Kauai, alaila, e holo ana oia ma kekahi huakai huli maka hema aku o Kauai.  Aolo i inisua ia ka moku a o ke poho i koho ia he $28,000.

 

NA LONO HOPE NO KE COLUMEBIA.

            Ma keia kakahiaka Poalua i huli hoi mai ai ka mokuahi kolo Iroquois mai Kauai mai, me ke koena o na olulo i pae mai ma Mana.  A mai ia lakou mai hoi i loaa mai ai na lono hope loa no ke Columebia, oia hoi ua haalele aku lakou i ka moku ma keia auina la Poalima aku nei, aka, aole nae i piholo ke Columebia, ua haalele ia aku oia me kona mau pea a pau i hookuu ia, a e lawe ia ana hoi oia e na kikiao makani no kahi i mapopo ole.  E lilo ana oia i mea e hooweliweli ana i na moku e maalo ao an malaila no ka hookui ana aku me ia.

            Maluna o ke Kalaudina i loaa mai ai na lono mai Maui mai no ka pepehi ia ana he Pake, ma kela po Poakolu aku nei, ua loaa aku kona kino ma kekahi la ae, e waiho ana iloko o ka mala kulina, me kekahi mau @@@ @ pa@i e kau ana maluna o kona kino.  Aia ke huli ia la ka limakoko, aka, aole nae i loaa a hiki i ka haalele ana o ka moku ia Maui.  Ma Kamaole, Kula, kahi i hana ia a o keia hana woliwoli.

 

HE LETA MAI IAPANA MAI.

Dear Cousin Eddie,

Aloha kaua a nui:

            Ua loaa mai ia'u ka oukou mau leta, a ua hauoli hoi i ka ike ana iho he maikai no ko oukou mau ela kino e noho ia ma ko kakou ho me aloha.  No ko'u ola kino aole ia he maikai, a no kekahi mau la ko'u waiho ana iluna o kahi moe, aka, ua lokomaikai no nae ke Akua i ka hoopakele ana mai i ko'u ola.

            O ka'u mea nui wale no e hoike aku nei, he nui ka ino e pahola nei ma Hakodate i keia mau la, oia hoi ka ua, ka makani, ka uwila a me ka hekili, he ikaika ke ku'i ana o ka hekili a'u hoi i ike ole ai ma ko kakou ana.

            Ma kela pule aku nei, o na kanaka e noho ana ma kela aoao o ke kaikuono, ua hoike mai lakou, ua loaa he hale i ka uwila, a o na poe oloko he kane, wahine a me elua mau keiki, ua pau i ka make.  Ua hoike pu mai lakou he moku okohola kekahi i ili ma ka akau aku nei ma kahhi i kapa ia o Sapporo.

            Ua loaa mai nei he lono telegarapa mai ke Keena Kanikela Beritania mai ma Iokohama i keia kakahiaka a'u e kakau aku nei, e hai mai ana he ekolu mau mokukaua Beritania i haalele aku la ia Ioko hama no Hakodate nei, a he mau mokukaua e ae no hoi kekahi i ma naoia e hoea mai ana mamua o ka pau ana o keia mahina.

            Ke upu aku nei o ka loaa mai o na mea hou o ka aina.  Ua lawa me ke aloha nui, a na ke Akua e kiai ia kakou.  E haawi i ke aloha a nui i ka ohana a me na hoalohe o kaua.

            Owau iho no me ke aloha kou cousin,

A.K. NAWAHI

Hakodate, Iulai 29, 1899.

 

MAKEMAKE I AUPUNI HOU POHA KA LEA O KA MOIWAHINE LILIUOKALANI.

Aole ke Aupuni he Repubalika, Aka, he Oligate.

(Mai ke Call mai.)

            Wasinetona, Aug. 4.  E pai ia ana e ka nupepa Pou ma ka la apopo he launa kamilio ana me Liliuokalani.  Moiwahine o ua Paemoku Hawaii, e noho nei maanei.  Ua loaa i ka Moiwahine mamua he lehulehu wale o na leta mai ka home mai, me ka olelo ana, o ka makemake o na kanaka, oia no ka loaa ana i mau poo aupuni.  Me kona pakui mai.

            O na hoike no ke kue ana, he mea maopopo, aia na mokupuni iloko o ke kulana hannaele.  O makou--a'u e olelo nei o makou, no ka mea, ua helu au ia'u iho kekahi o ko'u mau kanaka--aole he kanawai, aka, o na mea wale no i loaa he mau makahiki lehulehu i hala ae nei a me na mea kakaikahi i hookau ia iho me ke paewaewa maluna o makou e ka Repubalika Hawaii.

            Aole loa he mea oia ano he pono kaulike.  Aole no hoi he like o ke kulana o na kanaka i kona wa e hele ai imua o ke kanawai e like me na illkeokoo, a o kekahi poe o na aina e, aole no e loaa ka lakou mea e i@ni.  Ua lawelawe ia na kanawai me ka hoopalaleha ia.  O ke aupuni he Oligate, aole hoi he Repubalika.  Aole au e kamailio hoino ana no@a.  O ka'u wale no e hoao nei, oia ka hoike ana i ka helehelena o ke kulana maoli.  Aole loa na lahuikanaka o na paemoku i maopopo i ko lakou hopena, a i ole o ke aupuni e hookau ia aku ana maluna o lakou.

            Ua hoopuka ae o Liliuokalani i kona paulele i ka manao maikai o Amerika, me kona manaolana i ka w@ e holo ai ke kulana o ke aupuni no na paemoku, e koho ia na luna aupuni mai keia aina aku.

 

MA KE ALAHELE NO BOSTON.

            Ma ke Kinau o ka La Pule nei i hoea mai ai o Rev. S.L. Desha, ka makua o ka ekalesia o Haili, ma ko na alahele e holo ana no Bosetona, ma ka halwai nui a Rev. E.S. Timoteo ma i hala mua aku ia.  E haalele iho ana oia a me J. Kauhane ma ka mokuahi Alameda e hoea mai ana ma keia mau la iho.  Ua lohe ia mai mamua o ko Rev. S.L. Desha haalele ana aku i kona mau hoahanau ma kela Poalima aku nei, ua haawi mai lakou he paina aloha nona, a he nui hoi na kukai aloha i malama ia mawaena o lakou.

 

HOOPAI IA NO KA AIHUE.

            Ua hopuia o Kahal@ no ka aihue i ke kaa b@ge o W.O. Atwater, i nalowaie ma ka po Poakolu, a ma ke kakahiaka Poaono nei i loaa aku ai ua kaa la me ka lio e ku ana ma ke alanui LIlihu, a mamuli o ke ano hoohuoi o Lotanela Kekai, ua lele mai la oia mailuna mai o ke kaa hapaumi a hele aku la e nana pono i ke kaa a ike iho la o ke kaa no ia o W.O. Atwater, a i ka wa i hemo mai ai o Kahale me ka manao e kau maluna o ua kaa la ua hopu ia iho ia oia.  He $50 ka uku makana a Atwater i haawi ia i ka mea e loaa ai o ke kaa.  Ua hookolokolo ia oia no keia newa a ua hoopaiia he elua makahiki hoop@@hao.

 

HOPU PIO IA KE SATURNUS PUHI IA E NA PILIPINE HE MOKUAHI AMERIKA.

Hoohuoi ia he Mkuahi Beritania. --Ka Manaoio o Peresidena Makinile.

            Ladana, Aug. 5.  Ua telegarapa mai nei na agena o ka Lloyd ma Manila e hoike mai ana, ua hopu @io ia e na kipi ma San Fernando, me ke puhi pu ia i ke ahi ka mokuahi Amerika Saturnus e ke anapuni ma ke ano he moku halihali nanahu aka, ua hoohana ia no nae oia he moku lawe nanahu a me ka lawe koa.

            Nu Ioka, Aug. 3.  He lono tlelegarapa kai loaa mai i ka nupepa La mai Ladana mai, e olelo ana.  He mau hoike kai loaa mai nei mai Manila mai, e olelo ana, o ka mokuahi Beritania Florida he wahi mokuahi hoi nona ke kaumaha he kanaha toua, mai Hongkong mai, ua hopu ia ma ke kaikuono o Lingayen ma ka ia 25 o Iune, e ka mokukaua Oregona, a ua hoohuoi ka mokuka@a Amerika Princeton, he mokuahi kipi oia.  O kona mau palapala hoike he plolei, aka, e lawe aku ana nae ka Princeton iaia no Manila, no ka hoolohe ia ana o na mea e pili ana nona.

            Nu loka, Aug. 4.  He lono kai loaa mai nei i ka nupepa Honua mai ka Hotele Champlain, e olelo ana.  He manao io ko Peresidena Makinile e pau ana ke kaua ma na paemoku Pilipine mamua o ka hono ana o ka Ahaolelo ma ke kau ae nei o Dekema@@.  O ka hopu pio ia ana o Aguinaldo he manaoio ko ka aha o ka hoopau ia ana no ia o ke kaua.  Pela peha.

 

PACIFIC IMPORT COMPANY. PROGRESS BLOCK.  ALANUI PAPU.  KUAI KUIKAWA NUI NO KEIA PULE WALE NO.

Ua loaa mai nei ia makou he heluna nui o ua.

HALII MOE

Eia ke kuai ia aku nei ma ke kumukuai makepono no e like ne ia i loaa mai ai ia makou.  O ka makou Halii $1.50, oia kekahi o na waiwai nani i kuai olela ma keia kulauakauhale.

AAHU HOLOION A LEDE

O na ano like ole, ma ke kumukuai haahaa loa.  He nui na nani e ae e hoikeikeia ana ma keia keena.

He Kuai Kuikawa o na

OGANADI

Ma ka 10 keneta o ka i-a

I keia pule e hoikeikeia ana na

PIQUES

I nounoa pololeia mai @@@@@@ Euelani a me Geremania.

Eia makou ke kuai nei i ua

Victoria Lawns, Lilina Inia a me na LIlina Lawns.

Nolaila mai poina i ke kipa mai, a e ike nou iho i keikumukuai @@@@@@ loa

He heluna nui o @a

Lole Auau o na Kene me na Wahine.

Ua loaa mai ia makou he heluna nui @ na @@@@@@ o na Waihooluu like ole.

Pacific Import Co.