Ke Aloha Aina, Volume V, Number 36, 9 September 1899 — Page 8

KE ALOHA AINA

POAONO, SEPATEMABA 9, 1899.

 

KUAI HOEMI NUI O NA PAPALE

NO ELUA PULE WALE NO.

Sepatemaba 8 a hiki i  ka la 22.

            E haawiia anahe kuaihoemi nui o na waiwai a pau o ka mokou Halekuai no Elua Pule Wale No.  Nolaila, e hele koke mai i loaa ai keia mau Waiwai ma ke kumukuai haahaa loa, mamuli o ko makou makemake ana e loaa ona kowa no na waiwai hou.

T. MURATA

Hale Hana Papale Nui.

Helu 118.       Alanui Nuuanu.      Telepona 814.      Pahu Leta 844

 

HR MOOLELO WALOHIA

NO KA

UI SOPAEA.

ILOKO O KA HANOHANO.

A ME

TOME BAKALA

KA ILIHUNE.

Hoohenoia no KE ALOHA AINA

            Me keia mau hiohiona walohia e oni mai la mahope o kona kua aia na nanaina hope loa a kona mau maka ma kahi a kana mau aikane e kali mai ia o kona nalo aku mai ka aina aku.

            Aole i haalele ka opio i kana wahi i ku ai a hiki i ka nalo ana aku o ka aina mai kona mau maka aku, a ke nee awiwi mai nei na eheu o ka po e uhi maluna o ka honua holookoa, ka wa hoi a kona mau pepeiao e lohe la i na leo hu o ka makani e kani oeoe ana ma na wahi a pau o na rigini o ua mahimahi la.

            A oiai oia e nanea ana i ke ahe akani, ua hoea maila ke kii a* ke kapena mai no ka hoi ana aku e paina no ko lakou aina ahiahi, a oia kana i k u koke ae iluna a ukali aku la mahope o ka mea nana oia i kii mai.

            A maluna o ka papaaina i luhiehu i na ono like ole, i noho iho ai oia e hookama*na pu me na aliimokiu, ka poe hoi no lakou na nanaina hauoli e haka pono mai ana maluua oia nei.

            A ua lilo hoi na minute i kaana ia mawaea o lakou, i mea hoohauoli i ko lakou mau manao pakahi, ka mea a lakou i manao mua ole ai e loaa ana he malihini kiekie na lakou e lawe aku ai no na kaiaulu o Farani.

            Ua lilo na kukai kamaiho ana mawaena o lakou, i mea e hoohala ia ae ai kekahi mau hora loloa o ka po, me ka hoohihi maoli o ka naau o kekahi poe o lakou no ka waipa he o kana kamailio ana.

            Aole i pili ko lakou mau lihilihi maka a hiki i ke ao ana, ka wa hoi a na kukuna la e oili ae aua maluna o ka ilikai, oia no ka wa a ka opio a me na aliimoku i pii ae ai i ka oneki, aia hoi ua hoopomaikai ia mai ko lakou mau kinonohi ike me na ao olhu e kahiko iho ana maluna o ka piko o na kuahiwi, e hoike mai ana hoi, aia ka aina a ka iini a ka manao ke hoopoluluhi mai la mamua o ko lakou alahele.

            A ia wa i lohe ia aku ai na leo hooho o na luina, e hoike mai ana, eia ka aina mamua o lakou, a ke lohe pu ia aku la na leo kohokoho o ua poe la no na wahi a lakou i kamaaina ai.

            A o keia no hoi ka wa a ke k*pena i pane mai ai i ka opio, i ka i ana mai me kela mau olelo e hoohauoli ai i k ona puuwai, i ka i ana mai penei.

            E ke kanaka opio puuwai palupalu a piha oluolu, ka mea hoi i malamaia me ka hiipoi ia e ka m oi o Pelekane a me kona lahuikanaka, a o kau mau hana koa o ka wiwo ole oia ka papa kuhikuhi o kau mau han a'u e malama nei, i mea hoonaauao i ko'u lunaikehala, i hoopoweiwehi ia.

            Eia kakou ke hookokoke aku nei i na kapakai o Farani, a ma ka hora 12 o keia la e komo aku ai kakou no ke awa kumoku o toulona kahi hoi a ko kakou moku e pilaka aku nei elike me ka makemake a kona mau o na, a oia hoi ka'u e makaukau nei e hookipa aku ia oe ma ko'u home ponoi, kahi hoi e kali mai la o ka'u wahine a me na keiki liilii o ko'u hoea aku mai ka wehi mai o Ladana, ke kulana kau hale i piha i na mea kamahao.

            O keia mau olelo a ke Kapena i puana mai ai imua o ka opio no ke kipa ana aku ma kona hoe i malihini nana a me kona ohana e malama ai, a oia ka ka opio i pane aku ai imua ona:

            E oluolu mai kou ahonui e hoike aku ia oe, he mea hookaumaha paha no'u ka ae ana aku e hoi a noho pu ma kou home, no ka mea, aia he ohana kou, he mea hoopilikia meia ia oe, aole ma ke ana ua hoowahwaha au i kou lokomaikai.

Ndolaila, e kala mai oe ia'u no keia hoole ana aku, a o ka'u wale no e puana ae, e haawi no hoopomaikai ana he nui maluna ou.

            O keia hoole ana a ka opio, ua lilo ia i mea hoehaeha loa i ka manao o ua kapena la, a oia kana i pane hou aku ai:

            He oiaio, o ko'u one hanau keia a ua kupono hoi ia'u ke liko i kamaaina nou e hoomakaikai ma na wahi ano nui o Farani nei, ka aina i piha i na omokoko weliweli o kela a me keia ano.

            Nolaila, he hana hewa anei ka'u i noi aku nei ia oe e hoi ma ko'u wahi e noho ai, e ka manaolana pu hoi, e loaa na hoopomaikai ana he nui maluna ou.

            Na keia mau olelo maikai a ku i oiaio o na olelo a ke kapena, nana i haawi aku i kona ae me ka hoohakalia ole.

            A o keia no hoi ka wa a ka moku e hookokokoke loa aku nei e komo i ke awakumoku, a aia hoi ke pahola a ka pohu lai maluna o ke kulanakauhale holookoa, e hoike mai ana, he aina uluwehi io no o Farani.

            I ka pii ana aku o ka moku i ka uapo, ua hoea koke ae la ka wahine a ua kapena la a me kana mau keiki, a ua hoolauna koke ia mai la oia me ka opio, a mahope o na kukai olelo ana, ua huli hoi aku la oia me kona mau kamaaina me ka hauoli nui.

            He mau la hoomalihini keia o ua opio la, aka, aia nae kona mau maka noii ka hakilo la ma na wahi ano nui o ua wahi la, oia no kona hoomaopopoana, he oi aku na hana no maloko o na palena o na wahi ana e noho nei mamua o Ladana.

            Nolaila, i kekahi ahiahi, ua ulu ae la ka manao iloko ona e hele holoholo ma na hale inu rama, a oia kana i kona aku ai i kona kamaaina e hele pu laua i ka holoholo.

            He mea hauoli loa keia i kona amano, a pela laua i hele pu aku ai ma kahi a ka opio i manao ai o ka hi ia e hooko ia o kona makemake.

            I ko laua komo ana aku iloko o kekahi hale inu rama e haiamu ia ana e na poe puuwai eleele, i piha i na poe ahiu ma ka manao a ma ka lakou mau hana pu h* kekahi e lawelaweana ma ia wahi iloko oia manawa.

            Ua lawe ae a laua i ko laua kulana ma kekahi pakukau iwaenakonu, e kunihi aku ana ma ke alo o kahi a ua poe nei e hoopuka ana i na olelo ino a aoiai hoi lakou e hoke ana i ka hoopuka ana i na olelo ino, a oia ka ka opio i kahea aku ai i ka pakipa, e lawe mai i mau kiaha waina maikai loa nona a me kona hoaloha.

            A oia hoi ka ka pakipa i hooko koke mai ai i ke kauohi a ka opio me ka hoohakalia ole, a aia hoi na maka o na mea a pau e kaulona pono ana maluna o kahi a ka opio e noho ana me kona hoaloha.

            A ia wa o hoi i unuhi ae ai ka opio i kekahi mau hila kikoo kala aupuni mailoko ae o kona poli, a haawi aku la i ka pakipa, nona ka huina o $1000.

            A oia hoi ka ua pak*pa*la i hoihoi mai ai i ke koena, me na manao pihoihoi e kapalili ana iloko o kona puuwai, a hawanawana iho la ma na pepeiao o ka opio, me ka olelo pu ana ae:

            E makaala i kou ola iwaena o na holoholona ahiu o ka waonahele, ka poe hoi aohe na manao aloha iloko o ko lakou mau puuwai, a eia lakou ua akoakoa mai nei a lehulehu wale iloko nei, a ke hopohopo nai au, aole e hele ka uhai loloa o keia poe mahope o olua, i ka wa a olua e kaawale aku ai mailoko aku nei o keia hale.

            A oia ka ua opio la i puana ae ai me ka malie, e hoomahiehie aku ana hoi i na mano pioo o kiai loko, a me ka leo nahenahe malie, pane aku la oia penei:

            E kuu hoaioha maikai, ka mea hoi nana i haawi mai i na hoonaauao ana no ka makaala ana iwaena o kela poe i piha me na manao kolohe o ke ano haahaa loa.

            Ke hauoli hoi kou uhane e ike aku i ko lakou mau helehelena, ka mea hoi a ko'u uhane *ake*ni ai e anai loa aku mailuna aku nei o ka lepo o Farani.

            Ina o lakou keia poe e puuluulu nei a lehulehu wale, alalila, ua makaukau loa au e ho*apu'a aku ia lakou no ka halepaahae, kahi e ao ia ai na poe haihai kanawai a pau ma keia wahi.

            Mahope o na kukai kamai io ana, aia hoi n leo ahiu o ka poe i noho ia iho e ka uhane lapu o ka waiona e hauwawa ana hoi na leo kuamuamu me na puupuu e olohio ana mao a maanei o kahi a laua e noho nei.

            Ua mahuahua loa ae la ka hau naele e hiki ole aike hoomalu aku, aole nae ia he mea na ka opio e kuhau iho ai, oiai kona kokoolua ua hele a naka i ka maka'u.

            A aia hoi ka hou ke hiolo la a puni ke kino o kahi kapena moku, me he mea la, ua pulu oia i na pakaua eloelo o ka hooilo.

            A i keia wa no i ulu ae ai he hakaka weliweli mawaena o ka pakina a me kekahi o na poe hoohaunaele, a ike ia aku la hoi ka huiali anajpa ana ae o ka pahi Poulaka a ka limakoko, me ka manaolana e omau iho ma ke kaniai o ka ea hala ole.

            Elike me ka mama o ka popoki e po'i ana i ka iole, pela ka hikwawe o ko ka opio lelel ana aku e uwao ma* ana o ka limakoko a me ka pakipa, a kaii ae la i ka pahi mai ka lima ae o ke keanaka puuwai eleele, me kona kaolia pu ia ana aku mailoko aku o ka hale inu rama, a waiho aku la ilona o ka lepo, ua pau ka ike a me ka lohe, a ua kokoke loa ka uhan*e e hoi me ka Mea Nana i hana.

 

NA POE HAO AINA O OLAA.

            Ua loaa mai nei he mau lono mai Hil*, uia na haole hao aina i kapaia he Squatters; ke haka pono la maluna o kahi mokupuni nuku o Mokuola no ke kaiii ana mai ke aupuni aku.  He eono mau quatters i hookahua hou aku a ma kekahi mau apana o Olua, a ua lilo hoi ia i mea e hoonauki ana i ka manao o kekahi poe hoohui aina e noho la malaila.   Aka, malia paha o na pomaikai keia a na poe hoohui aina, i keha iho ai he nui na pomaikai e loaa ana ma o ka hoonui aina.

 

            Aia ke aupuni o Iapana ke noonoo la e kukulu i telegarapa uwea ole mawaena o ka hale ipul kukui Moko iima a me Shmoda.

            He mau ia pokole wale no koe, a pau ke kuai hoemi nui ma ka halekuai o Iwakami.  Nolaila, eia ka wa no oukou e kipa mai ai a ohi i mau waiwai no oukou, no ka mea, aole e loaa hou ana keia mau waiwai ma keia kumukuai haahaa, mahope o ka pau ana o keia kuai hoemi nui.

 

KAUKA IAPANA OOKAWARA.

            KAUKA LAPAAU I NA ANO MA'I A PAU ME NA MA'I PILI ILI.

            Manawa Hana:   Hora 9 a.m. a hiki i ka 12 m.  Hora 7 p.m. a hiki i ka 8 p.m.  No na la Sabati hora 9 a.m. a hiki i ka 12 m.

            E loaa no oia ma ka hale o Lana Piikoi ma ke Alanui Kukui.

 

KA HELEKUAI HOEMI NUI.

THE SURPRISE BARGAIN STORE

Helu 34, Alanui Ka'epa ma Ewa iho o ka Halewai.

            Ua loaa mai ia makou he heluna nui o na Waiwai Hou o na ano like ole, a eia ke kuai ia nei ma ke kumukuai haahaa loa.  Kuka Aila o na wa ua ma ke kumukuai makemakepono loa.  E kipa mai a wae no oukou iho.

 

MA ka Auseteralia.  Aug. 30

Ua Loaa mai he 21 Pahu i piha

me na

KAMAA NANI

no ka

HALE KAMAA O FAIRCHILD.

            O na kumukuai o na waiwai maloko o ka halekuai e OKE IA ANA A HIKI I KE * KANETA O KE DALA.  Oiai, ua makemake makou e aio ka makou halekuai I HALE MA KA PAPA EKAHI, nolaila o ka makou waiwai holookoa e kuai ia aku ana ma KA HAPALUA O KONA WAIWAIIO i hiki ai ke hookaawale kokeia aku a loaa he wahi kaawale no na Kamaa Hou e hoea nei ma na mokuahi a pau no ko makou halekuai.

            E hele koke mai i loaa ia oukou na pomaikaio keia KUAI HOOPAU KUIKAWA.

Hale Kamaa o Fairchild.

B. F. BOYDEN, Luna Nui, Kihi o na Alanui Papu me Hotela.