Ke Aloha Aina, Volume V, Number 38, 23 September 1899 — Page 8

KE ALOHA AINA

KE ALOHA AINA, POAONO, SEPATEMABA 23, 1899

8

 

 

HE MOOLELO WALOHIA

-: NO KA:-

UI SOPAEA.

ILOKO O KA HANOHANO.

-:A ME :-

TOME BAKALA

Ka Ilihune.

Hoohenoia no | KE ALOHA AINA

 

            Aka, elike me ka haawina i loaa i ke koa opio o ka maka'u ole a me ka lehia maopopo ma ia hana nana i hooneoneo aku ia lakou me ka oi o kana pahikaua,

Mahope iho o ka haalele ana wai o na maluhiluhi i kona kino, ua kau hou ae la oia maluna o kona lio, a hoomau aku la i kana huakai noloko o ke kulanakauhale uluwehiwehi o Paris, kahi ana i li'a mau ai e komo kino aku iloko o na hakilo ana no ua mea ana i lohe ai ma ka aina hanau,

            Mahope iho o ka pau ana o kana mau hooponopono ana maluna o na kino o na poe ana i pepehi ai, kau ae la oia maluna o kona lio a hoomau aku la ma kana huaki hele no kahi ana i hakoikoi mau ai o kona lunaiikehala.

            He mau bora loihi keia kuoe hele ana, o mai la na kukuna malamalama maluna o ua kula uliuli o ua aina la, a mawhoo ka puka o kekahi hale hotele i lelel iho ai oia ilalo, a haawi aku la i kona lio na na kauwa lawelawe o ka hotele e malama ai,

Hele aku la oia a waiho aku la i na hoakaka ana e pili ana i na ano o kona kulana, a ua haawi ia na kuhikuhi no kona rumi e noho ai, a pela oia i hoi aku ai no kahi i hoike ia mai nona, a mahope o kona kahiko ana iaia iho, ua hele aku la oia noloko no ka rumi aina no ka hoopiha ana i kona houpo lewalewa elike me ka mea mau.

            Ma ka auinala, ua haalele iho la oia i ka hotele ahele aku la oia no ka hale hoikeike, kahi hoi e malama ia ana o na lealea like ole e kani ai ka aka a na poe makaikai i hoea aku malaila.

            Aia maloko o keia mau wahi e piha mau ia ana e na keikiahi, na keiki a ka poe hanohano a pela no hoi ka ka poe waiwai, a he hookue hoi lakou ke ike mai i na keiki a ka poe ilihune e komo aku ana ma ia mau wahi, ma ke ano he hana hoohuikau wale n@ ia i ko lakou mau kulana pakahi.

            Aka, aole ka opio i nana aku ia mau mea, ua hele pololei aku oia ma ka noho e ha@m@ ia e na poe makaikai, a ma ia wahi oia i noho iho ai e nana i na lealea o ka la o ua poe keiki lua loli la.

            Ua hoikeike ia @ la imua o kona mau maka na lealea ana i kamaaina loa ai ma kona aina hanau, a i ka hiki ana i kahi o na bipi hoohakaka. Ua ike ia aku la na poe i lehia ma ia hana, e komo ana iloko o ka rina hakaka, no ka hooko ana i ka makemake o ko lakou mau haku opio.

            He mea ehaeha no ka ike ana aku i keia poe e haka a ana no ka hakoko ana, i wahi e hoopakele ia ai o ko lakou mau ola mai ke kiwi a me na kapuai o na holoholona hihiu hae.

            I ke kolu o ka la o kona hele ana ma ua wahi nei, ua ike ia aku la na poe lio me na ihe ma ko lakou mau lima no ke kaili ana i ka makana mai ka pulima mai o ke keiki a ka moi. Oia hoi he kiaha gula.

            I ka wa i kani mai ai ka leo o ka o le hoailona no ka ulele ana, ia wa no i ikeia aku ai na moho pukani o kela a me keia aoao.

            Mahope o na kakele ana me ka hahana nui, ua ike ia aku la na poe kakaikahi e ku mai ana iluna o ka rina, no ke kali ana i ka moho hou e komo aku ana no ka hookuku me ka poe lanakila.

            Mahope iho o ka hala ana o na minite he umi o ke @li ana, aia hoi, ua ike ia aku la kekahi opio e holo pololei mai ana ma kahi o na lunakanawai o ka la no ka hoike ana kau, ua makemake oia e komo pu i na lealea o ka la.

            Mahope iho o ka nana pono ia ana o kona kulana makaukau, ua apono ia wai la oia e komo pu iloko o na lealea oia la.

            I ka wa i loaa mai ai o kona ae ia e komo pu iloko o na lealea, ua huli koke ae la oia a holo pololei aku la i kahi o na lealea e hanaia ana, a elike me ke kulana o ke kanaka i maa i ke kau lio, pela no oia i haawi ae ai i kana mau hana e piha ai na makaikai a me ka lehulehu i ka hauoli no kona mau hana.

            I keia wa no oia i holo pololei aku ai imua a hoolele aku la i kona liko i 15 kapuai maluna ae o ke poo o na moho i loaa ka lanakila, i haule aku la mawaho o ka rina e haiamu ia nei, a wawalo ae la na hauoli mao a maanei o ke anaina, me ka piha pu i na manao pihaohao a keia opio hoonana nui wale.

            No ka lua o ka manawa, ua holo kikaha ae la oia ma ka aoao o na moho i lankila, a me ia ano oia i kaohi mai ai i kona lio iloko o na leo hauwawa o ka lehulehu, no ke kali ana no ka manawa e hoomaka hou ai o na hana.

            I ka wa i kani ai ka o-le no ka hoomakaukau ana, oia no ka wa i ike ia aku ai ka oni ana o ke kino o na moho a pau e kalele ana maluna o ka omuku o ko lakou mau noho lio, no ka hoomakaukau ana e hui me kanaka opio e ku nei ma ko la kou aoao.

            Aka, no ka opio me e kau nei maluna o kona lio, aole oia i aui ae i ka akau a me ka hema, aole hoi ma kela a me keia aoao.

            Iloko o keia wa a na poe e hakilo aku nei i ka hana a keia kanaka opio, aia na manao lili iloko o keia poe e ku pu nei me ia ma ke kahua o ka lealea.

            I ke poha hou ana mai o ka leo o ka o ia, oia koke no ka wa i onou mai ai o na moho i lankila maluna o ke kino o keia kanaka opio a lakou i kuhihewa ai, he mea hiki wale no ia ke paani ia, a pela iho la lakou i lele al@ka mai ai maluna ona.

            He mau minute wale no keia ulele ana iho o lakou, ua ike ia aku la ka hapanui o na mholo e @olo ana mailuna aku o ke kua o ko lakou mau lio pakahi, elike me ka helelei ana o na lau laau, i ka waa kekahi kikiao makani e pa ai.

            O ke akamai ike kakele ma na me na mea kaua, he kawa ia na keia opio i lehia loa ai, a iloko wale no o 15 minute, aia hoi, ua ike ia ula he hookahi wale no mea kino e kalele ana kona mau lima mamua o ka omuka o kona noho, no ke kali ana no ka haawi ia mai o ka makana, a i ole no ka hooana ia mai paha i poe hou e kakele pu me ia.

            Aka, aole nae oia i ike iki i kekahi mea e hele mai ana, a hiki i kona haalele amoli ana iho i ke kahua o na lealea o kala, me ka loaa ole o ka makana a me ona hoa hoi e lealea ai iloko o ke kahua lealea.

            No keia ike ana o ka opio, ua hoonele ia oia ma na ano a pau, ia wa no eia i hoohuli ae ai i ke poo o kona lio, a kuupau aku la i ka holo, me ka nana hou ole mai ihope, iloko ona leo hooho hauoli e wawalo mai ana mahope o kona kua.

            Aka, o ke kanaka puuwai koa a piha eleu, aole oia i haliu hope mai a hiki i kona nalo ana aku mai na maka aku o ka lehulehu, a ua loilo hoi keia i mea kamailio nui ia ma muli o keia hana hoohaahaa maopopo o ke keiki a ka moi, a me na poe na lakou e haawi i ka makana o ka la.

            Aka, he mea ole ae la i ka manao lili o ke Keikiahi e hana mao ol la iloko o kona puuwai, a ua lilo hoi na helehelena ui o ua opio la, i mea nana ehoonaukiuki ai i na wa a pau ana e hoomanao ae ai me ka walania.

            Aole he mau lealea hou i malama ia mahope o ko ka opio hala ana aku, nolaila, ua hookuuia ae la ke anaina o na hana lealea, me ka piha hoowahawaha ia.

            I ka hala ana o ka pula @ o ko ka opio hoomaalo ole ana aku i kahi o na lealea maa e malamala ai ua lilo la i mea hoohuoi ua kekahi poe, aka, i ka pau ana oia manawa, ua hoea hoea aku la ola ma kahi o na lealea e malama mau ia ana a komo aku la oia iloko, me kona ano i hoololi ia.

            Mamuli o keia ano, ua hiki ole i na poe makaikai ke hoomaopopo mai, o ka opio no piha ia naua i lawe ae i ke eo i kekahi mau la mamua aku, a pela i noho pu iho ai oia iloko o ka huikau o na poe makaikai, e nana hou ana i na lealea o ka la.

            Ua hoomau ia na hana a hiki i ka hora 4 o ke ahiahi, o keia ka wa o ka poe hakaka kuikui puupuu e haawi ana i ka ai hoopau maluna o ko lakou mau enemi pakahi. Mamuli hoi o ke akeana e hoopakele i ko lakou mau ola iho.

 

MA KANA HUAKAI MUA LOA.

 

Livapulu Sept. 6. He oi ae mamua o ka Hikina Nui, a e hooulu ana mawaena o kona mau oneki i like me ka huiua lahui o kekahi kauhale, i hoohemo aku ai ka Okeanika o ka laina. Hoku Keokeo mai ka Mersey aku ma kana huakai mua ma ke alahele maluna o ke Atelanika i keia po,

            Maluna o ka uwapo malaila aku na ohua a me ua hoaloha e kau ai kekahi puulu kanaka nui i  ike mua ole ia mai ka wa mai o ka Hikina Nui i hooholo ia ai he ahpa keneturia i hala ae nei.

            A ua like me na wa hookahakaha mokukaua ka nui o na moku holo muliwai e akoakoa ana me he ukulii la i ka moku Okeanika. Me kona loihi he 704 ka puai a me kona mau tona he 17,000 tona, ua lilo na mea a pau i mea ukulii imua ona.

 

OLELO HOOLAHA.

 

Ma keia la 18 o Sepatemaba, 1899. Ua hoonoho au i kuu hoahanau ia Wong Ngora, (Pake) i hope no'u no ka malama ana i kuu Aina mahiai, e waiho la ma Manoa, Honolulu, Oahu, no ko'u wa, ekaawale ai ma keia Paeaina, a o Wong Ngnorn ka mana no ka lawelawe ana i ko'u mau pono a pau, a he mana iaia ke koi poho, a hoopii ma ke kanawai i ka mea a mau mea paha ke kue mai i ko'u pono.

WONG TUCK.

Honolulu, Sept. 18, 1899.

 

KAUKA IAPANA OOKAWAI.

KAUNA LAPAAU I NA ANO MA'I A PAU ME NA MA'I PILIPILI.

Manawa Hana: Hora 9. A.m. A hiki i ka 12m. Hora 7p.m. A hiki i ka 8 p.m. A hiki i ka 12 m.

E loaa n o oia ma ka hale o Lilia Piikoi ma ke Alanui Kukui.

 

KAUKA IAPANA KOJIMA.

Kauka Lapaau no na Ma'i a Pau.

Manawa Hana: Hora 9 a.m. A hiki i ka 19m. Hora 7 p.m. A hiki i ka 8 p.m. No na La Sabati hora 8 a.m. A hiki i ka 12m

Keena Hana: Alanui Beretania, mawaina o ka hale kauka o Kauka Kobayashi a me Kauka Uchida.

 

OLELO HOOLAHA.

            Ua nalowale ma keia hoi ana mai nei o ka mokuahi Claudine ma ka no Poaono nei a ao ae Sabati, la 10. Ua nalowale ia ka paiki o ka'u moopuna, ma luna o ka moku, o ke ano o ka paiki. He paiki Kepani. Ua kakau ia  no ka inoa ma kekahi pepa i hoopili ia mawaho penei: Kamaile Anoa, Keola. Ina paha ua hemo ia kela pepa i hoouili ia ai mawaho, e hoomanao iho ka mea i loaa ai. He mau lole liihi wale no ko loko oia paiki. Ina eia ua paiki la i nalowale ai, ma luna i kekahi mea, ke noi ia aku nei kona i kekahi mea, ke noi ia aku nei kona oluolu e hoihoi ae ma ke Keena o KE ALOHA AINA. A e l@ no he uku makana kupono iaia.

 

KA HALEKUA HOEMI NUI.

THE SURPRISE BARGAIN STORE

Helu 34, Alanui Ka'epa ma Ewa iho o ka Halewai.

Ua loaa mai ia makou he heluna nui o na Waiwai Hoa o na ano like ole, a eia ke kuai ia nei ma ke kumukuai haahaa loa. Kuka Aila o na wa ua ma ke kumukuai makemakepono loa. E kipa mai a wae no oikou iho.

 

Ma ka Auseteralia, Aug. 30

Ua Loaa mai he 21 Pahu i piha

-ME NA-

KAMAA NANI

-NO KA-

HALE KAMAA O FAIRCHILD.

 

O na kumukuai o na waiwai maloko ka halekuai e OKI IA ANA A HIKI I KE 50 KENETA O KE DALA. Omi, ua makemake makou e lilo ko makou halekuai I HALE MA KA PAPA EKAHI, nolaila, o ka makou waiwai hoioakoa e kuai ia aku ana ma KA HAPALUA O KONA WAIWAHO i hiki ai ke hookaawale kokeia aku a loaa he wahi kaawale no na Kamaa Hou e hoea nei ma na mokuaahi a pau no ko makou halekuai.

            E hele koke mai i loaa ia oukou na pomaikai o keia KUAI HOOPAU KUIKAWA.

 

Hale Kamaa o Fairchild.

            B.F. BOYDEN. Luna Nui F. Ihi o na Alanui Papu me Hotele

 

UA LOAA MAI, HE HELUNA

....O NA....

Pena a me na Aila Pena,

Na Hulu Pena,

Na Kapuahi Aila,

Nakapuahi Fisher,

(ua hoomiia ke kumukuai)

Na Palau na ano apau.

Na lako Mahiai.

Ho, Oo, Kopala, Kipikua,

Na Bakele o na like ole,

Na Ipuhao, Ipu Ti,

Na Lako Aniani,

E loaa mai ana he mau waiwai hou maluna o ka mokuahi Auseteralia. Nolaila, e kipa mai, a e wae no oukou iho, he emi loa ka makou ma kumukuai.

 

Hawaian Harware Co., Ld

(HUI LAKO HAO HAWAU. I KAOPALENAIA)

Alanui Pepa, ma o ka Banako o Spreckels.