Ke Aloha Aina, Volume V, Number 39, 30 September 1899 — Page 6

KE ALOHA AINA

 

HE MOOLELO WALOHIA

 

--:NO:--

 

ALANADELA

 

Ka Wahine Hoopahaohao o ka Aa hu Keokeo

 

-     A I OLE –

 

Ka Loea Hookani Pila Hapa o ke Kulu Aumoe

 

Na keia mau kulu koko e hilihili nei maluna o ke kahakahana lole i hoopiha mai i ko Walata puuwai me na manao mokumokuahua, a iki ia aku la hoi oia i ka lalau ana aku i ua wahiapana lole la, a haawi iho la i na nana aloha ana ona me na waimaka e hiolo makawalu ana.

 

Ua like hoi keia hilihili koko me kekahi haawe kaumaha i hookauia iho maluna ona.  Aole e hiki iaia ke neeu aku imua, a o kona lena ike hoi aia ia ke hoolei pau la me ka ikaika maluna o keia hiohiona weliweli.

 

A no kekahi mau minute keia noho ana o Walata me ke kupooli o kona noonoo, aia hoi, ua hoomaka aku la na hoopoluluhi ana o ke kaumaha i kona puuwai, a ia wa uo hoi i lohe ia aku ai kona leo I ka puana ana ae me ka malie.

 

E na lani e hoike mai, ea no anei kau mea i aloha ai ke ola nei. A e na ahe lau makani e laweaku i kuu aloha a waiho aki imua o kona mau kapuai me ka hoike pu aku eia ke nuli aku nei iaia.

 

Mahope o kona holoi ana ae i na waimaka e hiolo ana ma kona mau papalina, aia hoi, ua haliu koke iho la oia maluna o na lau nahelehele iaa paha he mau meheu wawae kekahi e waiho ana maluna o lakou e hoike ana i kahi a kana alohai hele aku ai, aka, aole nae he wahi mooa wawae malaila mawaho ae o ka me heu ana i hele mai ai.

 

A iloko o keia wa hoopiha ia mai la kona puuwai me ka pahaohao, no ka hiki ana o keia wahi apana lole malaila, ia wa koke no nae i komo mai ai na haupu ana, aole he mae nana i lawe iaia, aka, nan a kikiao makani.

 

Ma keia wahi i hoomaka hou aku ai oia i ka huli ana, a he oiaio iloko o na minute pokole wale no he mau kapuai wale no mai kahi a ka lole i loaa aku ai. Aia hoi, e waiho ana he mooa makamaka hou maluna o na lau nahelehele, a ma ia wahi pu hoi e waiho ana he mau maaawe kaula i haukae me na kulu koko, aka, o ka mea kupanaha nae aole kana aloha malaila.

 

Me ka puuwai i piha me ka luuluu i lalau iho ai oia ia mau maaw. Kaula la, hookolo aku la hoi ma ke alahole a kekahi mooa wawae e waiho ana.

 

A no kekahi mau minute leihi keia kuoe malie aoa o Wal@t@, aia hoi, ua hoea aku la oia ma kekahi wahi ahua, aka, aia no nae ke moe la ka meheu mamua ona no ke kukulu akau.

 

Maluna o keia wahi kiekiena i hoomaha iho aloia, me ka hoolei pau ana aku o kona lena iki maluna o na kualono e waiho kahela mai ana imua ponoi o kona alo aole nae no lakou kana mau lia ana, aka, no kana aloha no ia, a i ka hoomaopopo ana ae o ke koa opio, ua hooneleia oia me na haawina pomaikai, ua hoopiha ia mai la kona puuwai me ke kaumaha, a ia wa pu no hoi i loheia aku ai kona leo i ke kalokalo ana ae me ka walohia:

 

Aole, aole loa he wahi kahoaka o ka ulia pomaikai, ma keia alahele pohihihi, aka, aole nae ia he nou hooki ae ai i ka uhai ana aku mahope o keia meheu wawae e waiho nei imua o kuu alo.

 

A i keia Manawa no i haule iho ka ike o kona mau maka maluna o ka mooa wawae e waiho ana.  Ia Walata e nana nei, aia hoi, ua hoopuiwa hou ia ae la oia i ka ike ana aku he Mau aweawea koko makamaka hou loa e hilihili ana iluna o na lau nahelehele, a na keia hiohiona manaonao i kono koke aku ia Walata a haalele iho i kana wahi e hoomaha ana, a hookolo hou aku mahope o ka mea nona keia mau kulu koko pahaohao.

 

Nlolaila, me ka puuwai I piha i ka luuluu I ku hou ae ai ua koa opio nei, a kamoe hou aku la ma kana huakai me ka hooho malie pu ana ae.

 

Ke halialia e mai nei no iau ma o keia mau kulu koko e waiho nei.aole kau mea i aloha ai, ua mamao loa mai keia wahi aku.

 

Iho aku la oia no lalo o ke kiekie na ma kahi a ka mooa kapuai wa wae e kau ana iluna o lau nahele, a i kona hookee ana mawaho o kekahi mau laau e ulu panonohu ana, aia hoi, ua hoohikileleia mai la oia i ka ike ana aku he hapaha mile mamua ona maluna o keikahi kahua oneanea e kuoe malie ana he kino kan e i kahiko ia me kekahi aahu loloa, a ma kana hoomaopopo aku hoi, he moneka no ia.

 

Mamua o kona alo e hii ana oia i kekahi ukana i maopopo ole kona au@ i ke koa Walata, a ma ka aoao hoi o ua moneka nei ua ike aku la oia i kekahi ilio nui eleele e lelele aua, e hoike moakaka mai ana he hoahele oia no ke kanaka malihini.

 

I keia ike ana aku o ka kaua koa opio i keia kanaka e hele nei mamua ooa, oia no kona wa I awiwai aku ai, a mamua o ka hala hope aua ae o ka mile hookah, aia hoi, he mau kapuai wale no ka mamao o ke k@uaka malihini mai iaia aku.

 

O ka mokuahi Pekiua kekahi e hooliloia ia aku ana i moku lawekoa i kona wa e hoea aku ai i Kapalakiko.

 

Nuhou Kuloko

 

Aole i ulele hukihuki kaula na keiki o Welakahao me na keiki Poola ma ka po Poaono nei.

 

E alawa ae e na makamaka i na hoolaha a ka Pacific Import Co., L. B. Kerr. Isoshima a me Kauka Kojima e oili aku nei.

 

E haalele iho ana o A. S. Hart well ka Elele a ke aupuni no Wasinetona, maluna o ka mokuahi Pekina.

 

E kipu hou mai ana na moku lawekoa a nau ma Honolulu nei, ma keia hope aku, pela na lono i loaa mai nei maluna o ka Belgian King.

 

E malamaia ana e ka Hui Kuai Lole Hawaii he kuai hoemi nui ma ko lakou Halekuai Ka Heiau o noa Paikini, ma ka la 2 o Okatoba.

 

Ua hoea mai la ka Auseteralia i ka Poakolu nei me oa mea hou makamaka loa no ka kakou wahaolelo.  E lawe nui i KE ALOHA AINA.

 

Ua hoololi hou ae la ka hui o Waila ma, aole e haalele iho ana ke Kinau no kona mau awa na keia Poakahi iho, aka, ma ka Poakahi no ia o keia pule hou aku.

 

E kii ae e na poe i haawi i ko lakou mau noho ia Ah Tai e hana ai, oia, ua make oia ma ka Poaono nei, ma ka hale o E. C. Winston, mai ka hora 9 a. m. a hiki i kahora 4 p. m.

 

Ua hoopiha ia ae ka Hale Mele Hou e na poe makaikai i ake e ike @ ka hukihuki kaula, aka, ma kekahi kuia nae mawaena o na hui hukihuki kaula, nolaila, ua hooko ole ia elike me ka mea i hoike ia aku.

 

Ua hookuu ia mai o W. H. Marshall mamalo o ka bona o $1,000 ma ka Poahi nei, mahope hoi o kona hoopai ia ana mai e Lunakanawai Wilikoki he 6 mahina hoopaahao.  I ke kau ae nei o ka Aha Kaapuni e noho mai ana ma ka mahina o Novemaba ae nei e hooloheia ai kona hihia.

 

He mau la pokole wale no koo, a pau ke kuai hoemi nui ma ka halekuai o Iwakami.  Nolaila, eia ka wa no oukou e kipa mai ai a ohi i mau waiwai no oukou, no ka mea, aole e loaa hou ana keia mau waiwai ma keia kamukuai haahaa, mahope o ka pau ana o keia kuai hoemi nui.

 

OLELO HOOLAHA

 

Ua makemake ia he Wahine Hawaii makaukau ma ka olelo Eoelani a Hawaii hoi, a he makaukau ma ka malama ana i na wahine hauao.  E muau i ka makuahine ma ka Home Hoolauau Keiki ma Kapiolani Home.

 

KUAI HOEMI NUI O NA LOLE KOENA

 

MA KAHIO

 

L. B. KERR.

 

ALANUI MOIWAHINE

 

NO HOOKAHI PULE WALE NO.

 

A I OLE PELA

 

E LIKE ME KA LOIHI O KE KOF ANA O KEIA MAU WAIWAI.

 

SWISS LAALAAU, LAWNS, OGANADI, KINAMU, PERCALES, ZYPHER, DIMITI, KASIMIA a me CREPONS.

 

Ua kupono loa ko lakou loihi no ka hana ana i mau Palule Wahine Palekoki o na Lede a me na Lole o na Opio.

 

Na Uhi Moe Keokeo o na ano a pau i hana noeau ia.

 

NOLAILA, E HELE KOKE MAIM. E LOAA NO KEIA MAU WAIWAI MA KE KUIKE WALE NO.

 

Aole e loihi keia kuai hoemi nui o na Lole Koena.

 

L. B. KERR.

Honolulu, Alanui Moiwahine