Ke Aloha Aina, Volume V, Number 40, 7 October 1899 — Page 1

KE ALOHA AINA

Hilo Bay, Hawaii

Ua Mau Ke Ea O Ka Aina i Ka Pono

Hookumuia i Mei 20, 1895

 

BUKE V     HONOLULU, POAONO, OKATOBA 7, 1899.    HELU 40

 

KA NUPEPA KE ALOHA AINA

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule.  No ke kope hookahi he 5 keneta.

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

E pai ia no na Olelo Hoolaha, na Kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

Ka Nupepa Puka Pule

KE ALOHA AINA

Hookahi makahiki ....$2.00

Eono mahina ....$1.00

Ekolu mahina .... .50

Hookahi mahina .... .20

EMMA A. NAWAHI.

Puuku o

KE ALOHA AINA

EDWARD L. LIKE.

Lunahooponopono a Hope Puuku.

S. P. Kanoa.

Hope Lunahooponopono.

 

NUHOU KUWAHO.

He Kipu Weliweli.

Chittanooga, Tenn. Sept. 22.  O Julia Morrison, ka lede alakai o ka paani a Mr. Plaster o Parisa i keia po. na ki aku oia a make loa o Frank Leiden, ka luna hoohana, i ka wa a ka paku e pii ae ana ma ka hale keaka hou ma Chattanooga.

 

O kahi o ka pepehi kanaka i lawelawe ia ai, maluna no ia o ke kahua hana keaka, a imua o na poe makaikai he 2,000.  Ua make koke no o Leiden a ua hopu ia o Miss Morrison.  He 21 ka nui o kona mau makahiki, i ikeia no ka ui, a e noho ana ma Kansas.

 

I keia auina la, ma ka hoomaamaa ana, ua ao ikaika aku o Leiden iaia no kekahi mau kumu ano ole a ua pa’i aku oia ia Leiden.  I keia po i ka wa a ka paku e pii ana, ua hele mai la no ke kahua e malamaia ai ke keaka me ka puka hou ana ae he mau huaolelo hahana mawaena o laua ia wa no i emi hou aku ai oia i hope a unuhi ae la he pu panapana mailoko ae o kona aahu.  He ekolu manawa ana i ki ai, a haule aku la o Leiden iluna o ka papahele imua o ke anaina i hoopiha ia me ka weliweli.  O na poka ekolu i ki ia ai. ua kapoo aku ia iloko o ke poo o Leiden.  He nui ke pihoihoi i ikeia a ua nui no hoi na huaolelo piha inaina i hoopuka ia.

 

AOLE I HOOKO NA PILIPINE I KA LAKOU MEA I OLELO AI.

Manila, Sept. 23, hora 4:45.  Aole he mau lono o ka huakai aku nei a na mokukaua i Subig Bay,

 

Aole i hooko no Pilipine i ka lakou noi no ka haawipio ana mai i na Amerika paahao, a aole no hoi lakou i hoouna mai i kekahi o kona alii no ka huipu ana me Kenerala Otis, elike me ka lakou i ae mai ai.  Aole he mau lono i lohe hou ia mai no na aliikoa Pilipine i launa kamailio ai me MacArthur a huli hoi aku la no ko lakou laina.

 

He ekolu manawa i hoao ia ai e powa Tavera, ke alakai o na Pilipine kokua ia Amerika.

 

NA HOIKE A OTIS NO KEKAHI LELE KAUA.

Wasinetona, Sept. 23.  Ua tele garapaia ia mai keia mau hoike malalo iho no ka lele kaua ana mai o na kipi maluna o kekahi kahahi kokoke i Angelos.

 

Manila, Sept. 23.  Aukukana Keperala, Wasinetopa:  Ua holo pono na lawelawe ana a na kipi ma ka hoohu ana i kekahi kaa ma ka la inehinei, ma kahi kokoke i Angeles.  Ua lele kaua mai lakou maluna o na kiai o ke alahao.  O na p@:  Kapena Parry, hoolako ai, ua hoeha lihi ia ma ka lima Charles Ziemans, koa no ka puali haukipila, make Same Steele no ka regimana 17, ua kukonukonu loa.  Charles S. Price hoehaia a me kekahi kanaka e ae i maopopo ole, make.  Ua hoauhee ia aku na Pilipine, me ka haalele ana iho he eono poe i make ma ko lakou alahele.

 

LOAA AKU UA MAKE.

 

HOPU IA NO KE APUKA.

I keia Poalua ua hopu ia iho lo o Fred Iaukea, ke kakauolelo o ka Aha Kaapuni no ke apuka ana i ka inoa o J. A. Magoon maluna o kekahi palapala nona ka waiwaiio ma kahi o $100.

 

O ka bela i hookau ia aku maluna ona ma kahi no ia o $1000.  Ua hoike ia aku ka lohe i kona makuakane, Mr. C. P. Iaukea, a ua manao ia aole no i hewa ka mea i hoopii ia.

 

KA MOKU LAWEKOA GRANT

Ua hoea mai ia ma ka po Poakahi nei, ka moku lawekoa Grant me 1,350 koa o ka regimana kuikawa 26 me ka lakou hana ma ko lakou alahele no Manila.  O keia kekahi o na regimana kuikawa i kahea ia no keia wa kaua me na Pilipine he hapanui o keia mau koa ua komo mua ma ka hakaka o Cuba mawaena o na Amerika a me na Sepania.

 

Maluna aku la o ka oneki o ka mokuahi Malulani o keia ahiahi Poalua, i hoihoi ia aku ai ke kino wailua o Jeremiah Hauaiko, Aloha wale ia opio.

 

HE ELUA MAU MOKU LAWE KOA NO MANILA.

Ua hoea mai la ma ka hora 7 o ke ahiahi Poaha nei ka moku lawekoa Elder mai Kapalakiko mai, a he mau hora mahope mai na ku mai ka moku lawekoa Tacoma mai ia awa hookahi no.  Ua haalele like aku laua ia Kapalakiko ma ka la 21 iho nei.

 

E lawe ana ka Elder he 512 kanaka o ka regimana 27, a o ke Tacoma hoi he 727 kanaka no ia regimana no.  Ua hookaulua iki iho la laua no ka hooili nanahu a hoomau loa aku ma ko laua alahele no Manila.

 

Ua lele mai na koa o keia mau moku a paikau ae la ma na alanui i keia kakahiaka me kja lakou bana.

 

PIHA KANALIMA MAKAHIKI

Ma ka Peakahi nei i piha ai na makahiki he 50 o ke ku ana o ka hui o Hakafila Ma.  Maloko o ko lakou halekuai, oia hoi, o Halekauila, i haawi mai ai na hoahui i na hookipa pumehana ana i na poe i hoea aku no ka pahole ana aku i ko lakou mau hoomaikai.  Ua hoonaniia o loko a me waho o ka hale me na kahakahana o ka hae Geremania.  He elua bana i hoea ae maiaiia e hoonanea ai.

 

Ua haawi makana aku keia hui i na ahahui kokua aloha he umikumamakolu, ma ka $1,000, me ka haawi makana pu ia o kona mau limahana.

 

ALOHA WALE!

Ua haalele mai i keia oia ana ia kekahi o na la o ka pule i hala, ma Kalaopapa, Molokai.  o K Mahoe Kahoohiki, kekahi o na hoa paaua o keia oihana iloko o na makahiki lehulehu i hala.  N ka ma’i hookaawale i lawe aku iaia a noho ia aina.  Aloha wale oia!

 

He elima ka nui o na moku koa Amerika iloko nei o ke awa i ka Poalua nei, oia ke Tacoma, Grant, Sherman, Relief a me Aalee. a no lakou ka huina o na kanaka maluna aku o 1000.

 

OLELO HOALOHALOHA A KA HUI MALAMA OLA A NA KEIKI POOLA O KA INTER ISLAND STEAMER NAVIGATION CO.

Ka Mea Hanohano Mrs. Kalaniumi,  Aloha oe

Ua ili iho la maluna o makou, ke kaumaha i ka lohe ana mai, ua oluolu i ka Makua Lani i ka lawe ana aku i kou kaikunane i aloha nui ia James Keau.  Kekahi lala o ko makou Hui Malama Ola.

 

Nolaila, ke waiho haahaa aku nei makou na laia a pau loa o ka Hui Malama Ola o na keiki Poola, I. I. S. N. Co.

 

E hooholoia:  O makou na lala a me na Luna Nui o ka Hui Malama Ola ma ko makou mau komita Ia. ke komo pu nei me oe iloko o ke kanikau kumakena pu ana me ka paumako minamina pau ole no ke makou hoaloha oiaio i aloha nui ia. 

 

E hooholoia:  Ke pule nei makou i ke Akua Mana Loa e hoomama mai i kou noho na kaumaha a me kona mau hoaloha.  Ke k@  ike nei ma ia haawina hookahi, a na ka Haku e malama ia kakou a pau loa iloko o Kona lima aloha a lokomaikai piha.

 

E hooholoia:  I hookahi kope o keia olelo hoalohaloha i ke kaikuahine Mrs. Kalaniumi, a i hookahi hope i Ke Aloha Aina.  Me ka mahalo, S W H Kawelohehi, D K Kekino.  D. Kawaihoa, D W Namalo, S W Mahi, J Kaanaana, J Kaahalama.  Na Komite.

 

Hanaia a kakauia i keia la 3 o Okatoba, 1899.

 

Ua hoopuka @ aupuni ia mai nei ke kuahaua a Peresidena Makiaile e kue nei i ka hoolilo ia ana aku o na aina aupuni, maloko o na nupepa namu.

 

E hookaulua iho ana ka moku lawekoa Tacoma i ka holo ana no Manila a hiki i ka Poaha ae nei, mamuli o kekahi poina i ikeia ma kona ipuhao.

 

Aia maluna o ka mokuahi Pekena e huli hoi ana no Amerika Huipuia o A. J. Vanderbilt kekahi o na keikikane ekolu a ka ona miliona Cornelius Vanderbilt.