Ke Aloha Aina, Volume V, Number 41, 14 October 1899 — Page 3
| This text was transcribed by: | Jean Howard |
| This work is dedicated to: | Awaiaulu |
KE ALOHA AINA
KE ALOHA AINA POAONO, OKATOBA 14, 1899
=================================================
HE KAAO KAILY PUUWAI
--:NO KA:--
UI MINEWA
-:A ME NA:-
Kaikunane Eiwa
--------------------
I Hooliloia i mau Manu Nene Ahiu a i ole na Keiki Hoehaehaia
--------------
Kakauia no KE ALOHA AINA
A oiai no ua mau opio nei e nana hoomau ana i kahi waapa hookalakupua e palalewa la ana ilona o na ale kawahawaha o ka moana, aia hoi, ua hookapalili ia ae la ko lau@ mau pouwai i ka ike ana aku i ka hoohuli ana ae o ka hoe waapa i kona wahi halelana ukulii a motio pololei mai la no uka o ka aina.
Na keia hoohuli ana ae o kanaka aukau i kona alahele i hoopiha mai i ko Minewa puuwai me ke kaumaha, a oia kana i huli ae ai a pane aku la i kona kokolua
Ke hu mai nei ko’u aloha no kela mea e hoe mai ia i kona waapa no uka nei o ka aina, malia paha he olulo oia no kekahi moku poino e ake ana e loaa aku na koknua ana iaia, aka, ma kahi nae o ka loaa ana iaia he mau kokua ana, e panai ia aku no na poino oi ae maluna ona e ka kanaka elemakule lokoino a haku koi o keia mau mokupuni:
Nolaila, e kuu aloha e hiki ana anei ia kaua ke haawi aku i na kokua ana iaia, oiai, ua piha na kanaka o keia aina i ka inaina ia kaua, ina he malihini, he mea maopopo, aole loa lakou e hoopakele aku ana iaia.
O keia mau olelo a kana aloha aole o Boliona i hoole aku, aka me ke ahi o ka wiwo ole e lalapa ana iloko o kona puuwai, ua panai aku la oia:
Ae, oia wale no ka kaua hana pono e hana aku ai, no ka mea, he mea maopopo aole ia no e hoopakele ia ana ke ola o kela hoe waapa. Nolaila, he hookahi wale no hana pono, oia hoi ke iho ana aku i kahakai a hoike aku iaia o ke ala no ia imi hou aku ke ola.
I ka holo like ana ae o keia manao mawaena o laua, oia no ko laua wa i haalele iho al i kahi a laua e ku ana a hookolo aku ia hoi ma ke alahele a ka waapa e holo ae ana no ka pae mai iuka o ka aina.
A mamua ae o ka pae ana mai o ua wahi waapa nei no uka o ka aina, aia hoi, ua hoea aku la ua mau opio nei i ka lae kahakai, a nana hoomau aku la i ua wahi waapa nei, oiai oia e hookokoke mai ana no uka o ka aina.
A i keia mau minute no hoi, aia ua waapa nei ke hookomo mai la ma kahi a na opio e kunei, a ua hiki ia laua ke hoomaopopo aku i kahele elena o ka mea hoe waapa aole ia he kane elike me ka laua i kuhihewa ai, aka, he kino wahine ia.
Hoomau mai la ua wahine nei i ka hoonee ana i kona waapa imua a mamua o ke ale o na opio i pae mai ai ka ihu o kona wahi waapa,
A ma keia manawa i ike pon@ aku ai ka kaua mau eueu aole ia he wahine opio, aka, e hoike mai ana kona mau manaina, ua kaalo aku kona mau makahiki o keia oia ana maluna aku o ke kanaono.
E aahu ana oia he kahiko ulaula i hele a pulu i ke kai, a ma kona poo hoi e kau ana he papale oo@a i hoopaa ia me kekahi lipine melemele.
O kahi waapa ana e kau ana li@ panana i ki loa ia i kupono wale no nona hookahi a ua aneane loa hoi oia e piholo mamuh@o ke kono nui ana o na hun@kai.
I kona ike ai a mai i ka kaua mau opio e ku aku ana ma ka lae kahakai oia no kona manawa i lele mai ai iuka o ka aina, a mamua o ke alo o ka wahine opio i kukuli iho ai ua wahine malihini la me ka lalau ana mai i na lima palupalu o ka kaua Minewa, a haawi pu iho la i na muki aloha ana me ka owaka ana ae o kona mau lehelehe, e namunamu ana he mau huaolelo hawanawana liilii ihiki ole i na opio ke lohe aku,
Aole o Minewa i ae aku i keia mau hana a ka wahine malihini, a molaila, me ne lima aloha lalau iho la oia e hapai ae la i ka luahin@ me ka puana ana iho:
E ka wahine hapauea e ku aae iluna, no ka mea, he lepo loa keia wahi.
Aole nae oia i ekemu mai, a o kona nanaina ua hele a malukiluhi e hoike maopopo mai ana i ka inea o kana huakai i alo mai ai, aka, o kona mau onohi ike aia ia ka kaulona pono la maluna o ka wahine opio, me he me la, e hoike okoa mai ana no, aia he hana nui ke lalawe la iloko o kona puuwai.
I keia manawa no aia o Boliona ke akenui la e lohe i ka moolelo o keia luahine malihini a me kana wahi e hele nei maluna o kona wahi hale lana pamaiki, a no ka hiki ole iaia ke uumi iho ua ninau okoa aku la oia i ka ana aku:
E oluolu ana anei oe e hoike mai owai kou inoa, a e hele ana ihea kau huakai?
O ka kilokilo Ronio ko’u inoa; a e hele ana au e huli he wahine opio nona ka inoa o Minewa i kaulana i ka ui a me ka nohea, i hoa e kohu pono ai ke kaunu ana a kuu haku opio.
---------------------0------------------
Eia ke piha hou mai nei ina uwapo me na poe lawaia hahalalo a me alalauwa,
Ua hookaulua iho makou i na hunahuna o na aina mamao, mamuli o ka loaa olehe kewa.
EO NO IA HAWAII UUKU
------------------
Ua loaa ma la ia makou na hoike ana, e pili ana i na Elele Hawaii o ka Euanelio ma Bosetona, ma ka nana ia ana maloko o ka papa kuhikuhi o na hana o ka la, ue ike ia o ko Hawaii nei mau Elele ma ka huelo loa, aka, ma ke kahea ia ana o ka inoa o na Elele o na wahi like ole o ka honua, ua kaa ke eo i ke Hilo Elele, ma ka lilo ana o kona inoa mua kai kahea ia, iloko o na paipai lima ana, oia like no hoi me kekahi mau hoa Elele Hawaii e ae i komo pu ma ia haawina hookahi.
Nolaila, ua kaa ke e@ i ko Hilo Elele ma ka mua, aia Hawaii hui ia ma ka hope. Ua puka no ko kakau inoa maikai ma na aina mama@, a ke hauole nei ko makou puawai no ke kaa ana ia Hawaii uuku ke eo.
-----------------------
Ua haawi ae ka bana o ka regimana 32, he aha puhiohe ma ka Hoetle Hawaii, ma ka auina la Poalua nei.
Ma na lona a ka Mauna Loa i lawe mai nei mai na Kona mai, na ike ia aku ka uwahi pele i ka oili mai mai ka piko ma o Mauna Loa.
Ua kipa ae ma ke hoikeike o Omaha ka hui keaka Buffalo Bill Wild West Show. Ka hui keaka hookahi a lawe ana he mau k anaka Hawaii oia hoi o John Kulia, Nakea, a pela aku, ma ka la 1S o kela mahina aku nei. He nui ko lakou ohohia malaila.
KALANA AINA “KAIUALANI”
Ke waiho nei ma ka aoao hikina o ke awawa o Kalihi, e kokoke ana i ke kula Kamehameha. Ua lilo mai ia makou kela aina i kapaia o
MOKAUEA
Ma Kalihi, a i ike ia no ka Moi Kaiakana mamua. E mahelehele ia aku ana i mau
HOME LIILII
He wa maikai keia e loaa ai i na Hawaii Ponoi he mau Home Nani me ka emi loa. E kuai ia aku ana na Apana Aina ma ua kalana Kaiulani nei ma ka $200 a hiki i ka $250 no ka apana, he 50 kapuai ka lauia a he 100 kapuai ka loa he mau alanui akea he 30 kapuai e pili ana i kela a me keia apana; e ae ia no e uku i $10 no ka apana i kinohi a i $5 a $10 e uku ia i kela a me keia malama elike me ka makamake o ka mea kuai.
E hookomo aku ana makou i ka wai i ka wa e makaukau ai na poe kuai mai e kukulu i na hale.
E hookaawale ia ana hoi e makou kekahi apana nui kupono, i mea hoomanao i ke Alii Opio
KAIULANI
--a e kapa ia aku ana o –
Kaluiani Paka
O ka nanaina mai keia aina e huli ana i ke awa o Puuloa, oia ka helu ekahi ma ke kulanakauhale o Honolulu nei.
No na mea i koe e ninau ia
W. C. ACHI & Cl
Na Boroka o na Waiwaipaa, Honolulu, Oct. 9, 1899. tf
NO KEIA PULE!!!
--------------
Eia makou ke hoikeike i na KOLOKA Opera a me Hele Holoholo ma kumukuai kupono i ko keia wa.
Pela pu i na PALEKOKI SILIKA a me HULUHULU o ke ano hou..
------------------
Na LAKO HOONANI i kuni ia i keia Pule no ka 5, 10 a me 25 keneta pakahi.
--------------
He nui na Mea Hana Nani no na home e hoemi loa ia ana.
---------------
E kipa mai e ike no oukou iho.
B. F. EHLERS Co – Alanui Papu
KUAI HOEMI O NA PAPALE MA KAHI O K ISOSHIMA
NO EKOLU PULE E HOOMAKA ANA I SEPATEMABA 30, 1899.
Na Palule Silika a me Iapana, e loaa no ma ke kumukeai emi loa (graphic of a hat)
Na Papale Kane a me Wahine,
Na Papale Ohe a me Lau Niu,
Na Kahei Papale, a me Hinai,
He lehulehu wale o na Papale
Kamalii ma ko makou Halekuai
Nolaila e na makamaka e kipa mua mai ma ko makou halekuai mamua o kou hele ana ma kekahi wahi okoa aku.
K Isoshima.
HELU 10 ALANUI MOI.
-------------------------------------------------
MISS M. E. KILLEAN
-----------
He Waiwai Hou o na Panale ua loaa mai nei.
Ua makemake au e hoike aku i ko’u mau hoaloha, e haawi ana au he Kuai Hoemi Nui no ka la 11 o Iune.
Na Papale Sela me na Papale i Hoowehiweheia.
MISS M. E. KILLEAN.
------------------------------------------
HE KUAI NUI O NA LIPINE.
E hoomau aku ana ka HUI KUAI LOLE HAWAII i ka kuai ana i na Waiwai mua i loaa ai he ruiai no na Waiwai Hou e hiki mai ana. Ma keia Austeralia ae e hiki mai ana he mau Waiwai Hou loa no na la nui a oia hoi keia malalo iho nei:
Na Lipine! Na Lipine!!
E kuai ia aku ana ma ke kumukuai haahaa loa. He 5 keneta o ka i-a a pii aku.
Na Palute o na Keiki he 60 keneta.
Na Lolo Keokeo o na Keiki he 50 keneta.
Na Lihilihi he 5 keneta a pii aku.
Na Hilika Keokeo he 60 keneta o ka i a.
Na Papale Eleele o na Keiki he 50 keneta.
Na Paiki Ili Kaahele he 250 a pii aku.
Na Namalu he 75 keneta a pii aku.
E wiki mai o haule auanei mahope.
K@ oukou haahaa.
MOSES PALAU.
Luna Nu.