Ke Aloha Aina, Volume V, Number 44, 4 November 1899 — Page 1

KE ALOHA AINA

UA MAU KE EA O KA AINA I KA PONO

HOOKUMUIA I MEI 20 1895

BUKE V. HONOLULU, POAONO, NOVEMABA 4, 1899. HELU 44.

 

KA NUPEPA KE ALOHA AINA

 

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule. No he kope hookahi he 5 keneta.

E loaa no ka pepa maike Keena aku o KE ALOHA AINA, e mai ka lima aku o na Luna Lawe Pepa.

E p@ ia no na Olelo Hoolaha, na kanikau a me na Mele Inoa, me ke Dala kuike. Aole nupepa ma ka owili pakahi e hoouna ia ke ole e hookaa mua ia ka uku pepa

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

Ke Aloha Aina

Hookahi makahiki ………. $2.00

Eono mahina……………….$1.00

Ekolu mahina………………..   .50

Hookahi mahina……………     .20

 

EMMA A. NAWAHI.

Puukuo

Ke - Aloha - Aina

EDWARD @. LIKE.

Lunahooponopono a Hope Puuku

 S. P. KANOA.

Hope Lunahooponopono.

O na kauoha Nupepa me na hookaa Dala, e h@ona pololei mai o ka Puuku ma Honolulu.

Nuhou Kuwaho.

KA IKALEA KAUA O AMERIKA.

Wasinetona, Oct. 15. O ka nui o na pualikoa kaua aina a me moana o Amerika Huipuia ma na paemoku Pilipine, i ka wa o na pualikoa a me na mokukaua malalo o ke kauoha no ka holo ana aku ilaila, e hiki aku ai a pau malaila, e hoea aku ana no ia i ke 70,000 kanaka a me 45 mokukaua. O ka hapanui o keia mau pualikoa e hoea aku ana lakou i Manila, ma ka mahina ae nei o Dekemaba.

NA GULA MAI KOLONAPAIKA MAI

Vancouver, Oct. 16. He hookahi miliona haneri elima tausani dala ma ka lepo gula, i hookomo ia iloko o umikumamakahi pahu hao i hoea mai la i Vanekoua i keia la mai ka akau mai maluna o ka mokuahi Dirigo. Nui no ke gula.

HE ELIMA MAU KENERALA.

Wasinetona, Oct. 17. Ua haawi aku la o Peresidena Makinile i ke kauoha no ka hookiekie ana ae ma ke kulana Kenerala i keia mau aliikoa: Konela A. C. M Pe@ington, Puali Pukaa Elua, Konela Royal T. Frank, Puali Pukaa Ekahi, Konela Louis II Carpenter, Puali Kaua Lio Elima Konela Samuel Overshine, Puali Helewawae Iwakalua-kumamakolu, Konela Daniel W. Burke, Puali Helewawae Umi-kumamahiku. O keia mau alii a pau e hookuu ia aku ana lakou mailoko aku o ka oihana koa mamuli o @e oo ko lakou mau makahiki.

PAKELE O MANILA.

Manila, Oct. 15. Ua loaa mai he mau hoike i na luna aupuni ma ka la inehinei mai kekahi mea mai i hiki ke hilinai ia, ua hoolala ia he papa kuhikuhi no ka hoopoino ana maloko o na apana a na poe nele e hoho ana ma Manila, ma ka wanaao o ke Sabati nei e na Pilipine, aka, aole i hookoia ma o ko lakou hoomaopopo ana ua lohe mua na Amerika. He lehulehu wale o na poe i haalele me ka lawe ana aku i ko lakou mau waiwai. He lehulehu wale o na halekuai e pani mau ana i ka hora 8:30 i paa i ka napoo ana no o ka la.

            Ua papalua iho ka nui o na kiai o ke kulanakauhale, a he pualikoa nui kai hoonoho ia aku ma kahi i manao ia e ulu ae ana ka haunaele. He elua mau pukuniahi o ka Pukaa Eono i hoohuli ia aku ka waha no Tondo, me ka haawi ia aku o na kauoha i na alakai a pau no ke ku makaukau ana. He ekolu mau makai Pilipine i hopu ia no ke komo pu ana ma na hana hooulu kaua.

            Ma Switzerland, e haawi ia ana na uku maikai i na wahine uwi waiu leo maikai, no ka mea, ua ikeia mai nei e haawi ana ka @ waiu he hookahi hapalina hou aku o kona waiu, mamua o ka mea maamau, mamuli o kona nanea i na leo mele i kona wa e uwi ia ana.

LUKU WELIWELI IA NA BOA

MA KA HOOUKA KAUA O MAFEKING.

He 1,500 i Make ma ka @oopahu Ia ana o Kekahi Lua Maina i Piha me na Mea Pahu.

            Ladana, Oct. 19. Ua olelo mai nei ka mea kakau o Cape Town, penei: Ua loaa mai nei he lono i anei mai Deear Junction mai, ua lele kaua aku na Boa ia Mafeking aka, ua hooauhee ia mai. O na poe e malama ana ia Mafeking, i ko lakou ike ana i ke auhee o ka enemi, ua uhai aku lakou no kekahi manawa.

            A ia wa i hana ia ai kekahi hana pahele ma ka hoomaka ana e emi hope no ke taona, e hookuu ana hoi i na Boa e kipaku aku ia lakou ihope, oiai, na Boa e akenui ana e lawe hou ae i ko lakou kulana mua. Ua nee aku la lakou no luna o na lua maina i waiho la no ka hoopakele ana i ke taona. Ua hoike ia ae he 1,500 Boa i make ma ia hoopahu ia ana.

            O ka mea kakau o ka Daily Mail ma kekahi lono ana i hoouna mai nei no ka Poaha nei, e olelo ana oia:

            O ka hakaka i ulele ia ma ka la inehinei ma kahi hoolulu o Beater, ua hana ia e na poe e kiai ana malaila. Ua malama ia ae ka hakaka me ka hahana. O ka nui o na Boa ma kahi no ia o 2,000. I kekahi manawa, ua komo na koa kuikawa iloko o ke kulana kupilikii, a ua kokoke loa hoi lakou e nahaha, aka, mamuli o ka eleu o ka lawelawe ana o na alii a me ka hoohana ana a na pu wili Maxims, ua hoopaa aku lakou i ka nee mua ana mai o na Boa. O ke ki ana a na Boa he waiwai ole. O ko makou mau kanaka, iluna lakou o na lio no ekolu la a me elua po me ka loaa ole he wa hoomaha. O na kanaka Basuto aia lakou ke lakaka la me na Boa. Ua hoike ia mai he 16 Boa i make.

NUI NA BOA I HOEHA IA.

            Ladana, Oct. 19. O ka mea kakau o ke Daily Mail ma Cape Town, e olelo mai ana oia, he mea i mahuka mai no ka hoopakele ana i kona ole kai hoea mai i Grahams mai Rand mai, a nana i hoike mai, ua hoea aku la i Johannesburg ma ka Poakahi nei mai Kiorksdorph aku he kaaahi me 300 Boa i hoehaia. O na ano kokua a pau, wahi a ka lono i hoouna ia mai, na kahea ia ae no ka lawe ana aku i na poe i hoeha ia i ka haukipila. O keia poe i hoehaia mai Mafeking mai no ia.

HAAWI KA MOIWAHINE I NA KAHOAHOA ANA

Ladana, Oct. 20. O ka Moiwahine ua holo aku oia maluna o kona kaa mai ke Kakela Balmoral no ka Halekoa Baliater ma ka la inehinei, no ka haawi ana i kona aloha hope no na koa Sekotis Gordon Highlanders e holo ana no ke kahua kana o Transvaal. Ua haawi aku ka Moiwahine i keia mau huaolelo, penei:

Ua hauoli au i ka ike ana aku ia oukou he maikai ko oukou mau ola, a ua kupono hoi no ka hana. E hele ana oukou no kekahi hana kuwaho, a o kaʻu e iini nei e haawi mai ke Akua i na hoopomaikai ana. O kaʻu e manaolana nei e huli hoi mai ana oukou me ka oluolu a me ka palekana.

HE LONO KAUA

Ladvsmith, Oct. 20, hora 11 am  He lono kai loaa mai Glen@oe e olelo ana, o kekahi pukuniahi a na Boa ua lawepio ia, a o regimana Dovenshire a me Doretshire aia @a ke hakaka la me na Boa.

NA LONO PILI AUPUNI

Ladana, Oct. 19. Ua loaa mai i ke keena kaua keia mau hoike pili aupuni mai Ladysmith mai, e olelo ana: O keia mai Glen@oe. Ua lele kaua ia mai makou i keia wanaao e kekahi pualikoa nui hewahewa o 4,000. Ua lawe ae lakou he eha a i ole elima pukuniahi maluna o kekahi puu ma kahi he 5,400 i a ma ka hikiua aku o ko makou wahi hoolulu. Ua kipoka mai lakou, aole he mau poina a ko lakou mau pukaa i hana mai ai. Ua akoakoa ae ko makou mau puali helewawae, me ka lawe i ke kulana o ka makou pukuniahi a hoopololei aku la maluna o ka enemi.

            Mahope o ko makou kipoka ana aku i ke kulana o na enemi, ua nee aku la ko makou puali helewawae, a mahope o kekahi hoouka kaua hahana a hiki i ka hora 1:30 p.m., ua lilo ae la ia lakou ke kulana ikaika o na enemi, a eni hope aku la na enemi no ka hikina. Ua pau na pukuniahi a na Boa i ka lawe pio ia. Ua hiki ia makou ke ike aku i ko makou mau kanaka maluna o ka piko o ka pu. O ko makou mau koa kaua lio a me na pukaa aole i hoi mai O Kenerala Symons na hoeha kukonukonu loa ia. He koekoe loa ko makou poino. E hoike ia aku ana ma ka telegarapa ma keia mua koke iho.

UA KOMO AIHUE IA.

            Oiai, o Mr. T. F. Lansing a me ka ohana i kaawale mai ai mai ka home mai ma ka La Pule iho nei, ua komo aihue ia ae la kona home, a lilo aku la i ke kolohe kekahi mau lako makamae. Ua hoike ia aku keia aihue i ka halewai. Eia ke hanuia mai nei ka meheu o ke kolohe.

OLELO HOOLAHA

            E ike auanei na mea a pau, owau o Mrs. Kealahau Kaula, ka wahine mare ponoi no ia a Kaula (k) i make, ke hoolaha aku nei au i ke ak@a ke papa, a hookapu loa ia aku nei, na kanaka o kela a me keia ano, na mea no a pau loa, e komo kuleana ole ana i kuu mau apana aina elua, oia hoi keia malalo nei:

            Apana @ Nona ka Ili @ Eka, ma Paulani, Akikewa

            Apana 2. Nona ka Ili 33-100 Eka, ma Kapoka, e waiho ana ma Waihee, mokupuni o Maui, a ke hookapu pu ia aku nei, na holoholona hele hewa, e hele wale ana maluna iho o keia mau apana aina, ua kapu loa, a in a o ka mea hookuli a mau mea paha, e hoolohe o@e ana i kela, a loaa pono aku i kuu Hope a Luna Nui hoi, oia o J.K. Kahale kai aʻu i hookohu ponoi aku ai, a i hooiaio ia, ua loaa ka mana iaia ma ke kanawai e hoopii imua o na @ Hoo@lokolo o keia Aupuni.

MRS. KEALAHAU KAULA

Wahine Mare.

Makaalae, Hamoa Oct. @9, 1899.