Ke Aloha Aina, Volume V, Number 46, 18 November 1899 — Page 8

KE ALOHA AINA

 

HE MOOLELO WALOHIA

NO KA

UI SOPAEA.

ILOKO O KA HANOHANO.

A ME

TOME BAKALA

Ka Ilihune.

 

Hoohenoia no KE ALOHA AINA

            A i ka wa i hemo ae ai na pani puka e keakea aua i ka @ke ia aku o na mea hana oloko, kahi hoi e hiki ole ai i na poe kuleana ole ke komo aku ilaila.

            A o keia hoi k@ wa i ike mai ai o ke koa kiai i keia kanaka opio e ku aku nei me kona mau aahu lepo i hele a nahaehae, aole ia he mea okoa, aka, o kona haku opio no ia i kaawale aku no kekahi mau makahiki mai ko lakou alo aku.

            Me ka hookaulua ole, i kukuli iho ai oia imua o ke koa opio me ka hoike ana aku i na hiona o ke aloha a me ka makee.

            A oia ka ua opio la i haawi mai ai i kona aloha nui i kahi koa, me ka haawi ana mai i na huaolelo hoolana no ka hoopii ana ae ma kekahi kulana hou ae.

            A me kona mau lima ponoi, ua omau aku la oia i kekahi lipine ma kona umauma, he hoailona hoi no ko ka opio hookiekie ana ae iaia

            A me keia ano i haalele iho ai oia i kahi koa e hoomau ana i kona kulana kiai, a nee pololei aku la kona alahele no ka halealii o kona makua hookama.

            A aia hoi na koa e ku kiai ana, ma kela a me keia aoao o ke alanui ke haawi mai la i ko lakou aloha nona, iloko o na leo hooho hauoli e wawalo ana i ka lewa, me ko lakou hoohewahewa ole nona, ko lakou alakai wiwo ole o na la i hala.

            Na keia mau leo i hoopuiwa aku i ka manao o ka moi a me kana wahine, a holo koke mai la laua e nana no keia mau leo hauoli e wawalo nei, malia paha he haunaele kuloko.

            Aka, ua hoopau ia nae ia mau manao, ma o ko laua ike ana mai i kekahi kanaka e kau ana maluna o ka lio me kona aahu nahaeae, a o na alukoa hoi eia lakou ke ukali nei ma kona aoao.

            Na keia mea i kono mai ia laua e hele aku e nana pono, a he mea oiaio, ua halawai koke mai la ka ike me ko laua mau maka, aole ia he mea okoa, aka o ka laua keiki no, ka mea nona keia hanohano a laua e kalele nei i ka omuku. Ua holo koke mai la laua a puili ae la iaia iloko o na waimaka e hiolo ana, mamuli o ka ike ana mai i ke kulana poino maluna o ka laua keiki.

            A i ka mao ana @e o ka hana a ka waimaka maluna o ko lana mau lihilihi, a oia no hoi ka laua i ninau koke mai ai iaia, pehea la i hoea mai ai keia kulana pilikia maluna on a.

            Ua hoike aku la oia me ka huna ole i kekahi mea iaia, ke kumu nui hoi o keia pilikia i hoea mai la maluna on a, kona alo ana mai iloko o hana pakaha ma ke alahele, a me kona kokoke loa ana e lilo i moepuu ma ke alahele, iloko o ka lehulehu o na poe i kue mai iaia.

            He mea oiaio, aole i lilo ko lakou ine@ iaʻu, i mea e hoemi hope ia mai ai koʻu hoea kino ana mai imua o ka mea a kuu puuwai i aloha ai.

            He@h@ waiwai o na inea inakamae ma keia ilihonua, ke nele kekahi opio i kana mea i aloha ai, ua like ia me kekahi k@ hoomakaʻukaʻu i nele kona kona makemakeia.

            O na lani ka mea nana i hoohuli hope mai i koʻu alahel, no ka ike hou ana i na hlhlena o ka meea a koʻu puuwai i aloha ai, a ke ake nei kuu uhane e hel koke aku e haawi i kaʻu m u puili aloha ana me ka ui Sopaea, ka mea nona au e ola nei i keia la

            I ka hooki ana ae o ka opio i kana kamailio ana, ua lohe koke ia aku la ka leo puoho o kona mau makua i ka i ana mai:

            O ka ui Sopaea! Aia oia ma ke kuahu o ka materemonio i keia la, oia hoi, ma ka hora 7 ponoi o keia po, e awaiaulu ia ai oia me kekahi keikialii mai Auseturia mai, ka mea noi i noi aku i na makua o ka ui la iloko o na makana makamae kumukuai nui.        

            No keia mau huaolelo hoohikilele ana i lohe aku la mai ka lehelehe mai o kona mau makua hookama, aia hoi, ua ike ia aku la ka puapuai mai o ka ula ma kona mau papalina, me he mea la, e hoike mai ana, aia ka wela o ka inaina ke hookohi mai la iloko o kona puuwai me he mea la, e iniki hala ole ana ia loko o kona iwihilo.

            A puana ao la oia me keia mau huaolelo a ke kanaka koa e hoi hope ole ai:

            Naʻu e hookaakaa aku i ka maka o ke kahunapule nana laua e mare ana, a e lilo ai hoi na hana o keia po i mea waiwai ole.

            Ke ike ae la kakou i na olelo oolea a ua opio la, e hoike ana i kona manao hoi hope ole, aia no ka palena he nooko ia mamuli o kona makemake ole e lilo ka mea a kona puuwai i aloha ai ia hai.

            I ka pau ana ae o keia mau kukai olelo ana, oia no hoi ka wa i hoolakoia mai ai ka opio me na pono a@hu hou, i kupono i kona makemake.

            Mahope iho o kona kahiko ana mau paa lole hou nona, ua pahola koke ia mai la he papaaina i luluu i na mea ono e kela a me keia ano e koʻu ai ka puu.

            Aka, ua li o nae keia mau mea ono i lawe ia mai imua o kona alo i mea ole, oiai ke kuko a me ka liʻa e hana mao ole an@ iloko on a, me he wai mapuna la e pip@ ana.

            A no keia kumu, ua haalele koke iho la oia i ka rumi aina, a puka aku la no ka haawi ana aku i ke kauoha no ka hina ia mai o kona l@o@ mamuli o kona makemake e hele holoholo no kahi a kona iini i noi ai.

            A elike me kana kauoha, pela i hooko koke ia mai ai iloko o ka wa pokole a me ka hoohakalia hou ole iho, ua haalele koke iho la oia i ka Paahi, a hoonaua aku la no ka ike lihi wale aku no i na helehelena o kana aloha.

            Ma keia wahi, e kali iki iho kakou i ke kamailio ana no kahi To me, e hou hewa nei i kona wahi pa, uku kino, no kahi e ike lihi aku ai no ka ui ana i paulele ai, a e nana ae hoi kakou ia Sopaea a me kona mau makua.

            Mahope o ka hala ana o kekahi wa loihi, ua hoea mai la kekahi lono, e hoike ana, ua make ia o Tome ka mea hookahi wale no a kona puuwai i aloha ai, ua hoohiki paa iho la oia imua o kona mau makua a me na kauwa lawelawe imua o kona alo, aole loa oia e mare hou i ke kane a pau na la o kona ola ana.

            Me keia mau huaolelo ana i hoopuka ai, ua lilo ia he mea hoehaeha loa i @ manao o kona mau makua, a o ka oi loa aku no paha, oia kona luaui makuakane, mamuli o keia manaopaa o kana kaikamahine hookahi wale iho no, ka pua maemae laha ole iloko ko laua kihapai ohana.

            I kekahi manawa o ka la, ua lawe aku la oia iaia e holo kaa ma na wahi mawaho aku o ke kulanakauhale, i mea hoi e hoololi ia ae ai na manao kaumaha iloko o ka laua lei he keiki.

            Aka, oia mau hoonana ana iloko o ka mailani ia, aole ia i maliu ia mai, oiai, ua paa a aaki hoi ke aloha wela o ka ipo iloko on a, me he kuikele la e hou ana i na lala o kona kino.

            Aka, aole nae i hoohala a hoopau manawa wale kona luaui makuakane i ka lawe hele ana iaia mao a maanei, a i kekahi wa maloko o ka paahi, kahi a kana aloha i wale ai i na la i hala ae mahope, kahi hoi a laua e kuilima pu ana iloko o na hoinainau ana.

            I ka hala ana ae o kekahi mau la loihi o keia noho pili@a ana iloko o ke kaumaha, i kekahi awakea, i ka wa a na kukuna o ka la e hoolei pau ana i kona ikaika hahana maluna o ka aina, ia wa i ike ia aku ai kekahi keiki opiopio e maalo ae ana malalo o ka puka aniani a ka wahine opio e kalele ana iloko o na manao kupilikii o ke aloha walania, nana hoi i hoolulumi aku iaia iloko o ka aina moeuhane, a na kekahi leo i hoaia ae iaia mai kona hiamoe ana.

KE LIULIU MAI NEI NO KA HOLO AKU.

            Eia ke liuliu mai nei no ka auana aku ma kekahi huakai mamao kahi moku kolo Amerika Iroquioa. E haalele iho ana oia i keia awa no ka mokupuni Midway mahope iho o ka hoea ana mai o ka moku haukipila Solace ianei, i manao ia e hoea mai ana i keia la, oiai, aia maluna on a e loaa mai ai na lako ana aina no ka hoohana ana ma Midway. E noho ana lakou no kekahi mau la loihi, a me he mea la, e hoohala ana lakou i ko lakou Kariaimaka malaila. Eia na luina ke kuai mai nei i na makau a me na aho lawaia no ka hoonanea ana i ko lakou mau hora hana ole.

            He nui na poe e loaa mai nei i ka maka eha i keia mau la, a ua olelo ia ae mamuli no ia o ka hoopulu ia na o na alanui me ka wai kai, a i ka wa e puehu ai ka lepo e komo ana ko lakou awaawa iloko o ka maka.

Kauka Ookawara

(ME IAPANA)

Kauka Lapaau i na Maʻi a pau me na Maʻi Pili Ili.

            MANAWA HANA: Hora 9. a.m. a hiki i ka 12m. Hora 7pm a hiki i ka 5p.m. Na na La Sabati hora 9a.m. a hiki i ka 12 m

            E loaa no oia ma ka hale o Lilia Piikoi ma ke Alanui Kukui

KALANA AINA "KAIUALANI"

            Ke waiho nei ma ka aoao hikina e keawawa o Kalihi, e kokoke ana i ke kula Kamehameha. Ua lilo mai ia makou keia aina i kapaia o

MOKAUEA

ma Kalihi, a i ike ia no ka Moi Kalakaua mamua. E mahelehele ia aku ana i mau

HOME LIILII

            He wa maikai keia e loaa ai i na Hawaii Ponoi he mau Home Nani me ka emi loa. E kuai ia aku ana na Apana Aina ma ua kal@ Kaiulani nei ma ka $200 a hiki i ka @250 no ka apana, he 50 kapuai ka laula a he 100 kapuai ka loa he mau alanui akea he 30 kapuai e pili ana i kela a me keia apana; a ae ia no e uku i $10 no ka apana i kinohi a i $5 a $10 e uku ia i kela a me keia malama elike me ka makemake o ka mea kuai.

            E hookomo aku ana makou i ka wai i ka wa e makaukau ai na poe kuai mai e kukulu i na hale.

            E hookaawale ia ana hoi e makou kekahi apana nui kupono i mea hoomanao i ke Alii Opio

KAIULANI

-a e kapa ia aku ana o-

Kaiulani Paka

            O ka manai@ mai keia aina e huli ana i ke awa o Puuloa. oia ka helu ekahi ma ke kulanakauhale o Honolulu nei.

            No na mea i koe e ninau ia

W. C. ACHI & Co

            Na Boroka o na Waiwaipaa. Honolulu, Oct. 9, 1899.

Ua Nee Aku

            Ma keia ke hoike aku nei au i koʻu mau hoaloha a pau, ua haalele aku au i kuu keena hana mua e ku nei ma ke Alanui Moiwahine, mahope o ka Hale Aupuni. A e loaa no au ma ke poo o ke Alanui Liliha, ma ka hale inu kope mua o Chee Kwai @

            Manawa Hana: Mai ka hora 8a.m. a hiki i ka hora 6p.m. o na la a pau

KAUKA CHAN KAM CHIN

 

HE KUAI HUIKAWA NUI.

E HOOMAKA ANA

I KEIA POAKAHI, NOVEMABA 13, 1899.

Pale Pakaukau me Kawele Lima.

Eia ke hoikeikeia nei ma ka Puka Aniani. O ka loaa ana mai la no ia

Lole Aahu o na Opio

Ua hoemi loa ia ko lakou mau kumukuai no ka hoopau ana aku ia lakou

LEI AIWAHINE.

Ua hoemi loa ia ko lakou mau kumukuai mamua he $1.50 i keia wa e loaa no ka ….75 Pakahi

HAINAKA ONA LEDE

He 200 kakini o na Hainaka Valencia nani e loaa no he 2 i ka 25 cts

KAIKINI HULUHULU

O keia na kakini Huluhuli Manoanoa o na Kane kumukuai mamua he 50 keneta ua hoemiia he 3 paa……..$1.00

HAINAKA SWISS

Ua hana ia lakou me ka mikioi loa, a he nani na nanaina ke ike iho. E hoomaka i kou wae ana nou iho i keia wa he 4……$1.00

SILIKA FOULARD

Kikokiko me Laalaau a ua kupono i mau lole aahu no ka i-a……$1.25

KALIKI ROYAL WORCESTER a me R.& C. P. D

B. F. EHLERS Co.

Alanui Papu.