Ke Aloha Aina, Volume V, Number 50, 16 December 1899 — Page 7

KE ALOHA AINA POAONO,  DEKAMABA 16, 1839

 

 

HE KAAO KAILI PUUWAI  -:NO KA:-  UI MINEWA  -:A ME NA :-  Kaikunane Eiwa

I hooliloia i mau Manu Nene Ahiu  a i ole na Keiki i Hoehaehaia ----

Kakauia no KE ALOHA AINA.

 

          Ae, e kuu milimili opio, wahi a ka luahine kilokilo i pane mai ai me ka hoopunipuni nui, he manao io ko'u na i keia kaua e kela kanaka puuwai eleele, no ka mea, ke ike maopopo aku nei au eia ka ihu o kona waapa mahope o ko kaua alahele, aka, e hoolapa nae e kuu haku opio i ko mau noonoo, oiai, eia ke halia wale mai nei no iloko o'u nei e loaa ana no ia kaua ka palekaua.

          I ka hooki ana iho o Ronio i kona leo, aia ola ke haawi mau la i na hoe ikaika ana me ka manaolana hope o ka uhi koke ana mai o ka pouli oia wale no kona puuhonua mai ka loaa ana aku i ke koa opio.

          A no kekahi mau minute wale no keia kokolo malie ana mai o ka pouli, aia hoi, na hoalii paa iho ia ko na mana maluna o ka ilikai, a ia wa pu no i ala mai ai na ale huhu o ka moana me ka pa ana mai o ke kahi makani ikaika mai ke kukulu hema, a nana i hapai mai i na ale kawahawaha i like hoi me na pali kiekie.

          Ke wawalo hele la ko lakou mau leo iluna o ka iewa, a o na kikiao makani hoi aia ke nu la me ka ikaika, a ma keia wahi i nalowale aku ai ka opio Boliona mai ka ike hou ana aku a ka luahine iloko o ka pouli, ma kahi he hapaha mile wale no ka mamao mai iaia aku aole oia i hoemi mai i ka ikaika hoonee mua i kona wahi waapa, aka ke ike ia aku la kana mau mapuna hoe e haole alapine ane iloko o ke kai, a he mea oiaio, aia ka opio ke hoohahani o ai la mahope ona.

          Iloko o keia wa a ka ino e pahola nei me ka ikaika aia kahi waapa o ka luahine kilokilo ke paialewa i la iluna a ilalo me ka weliweli nui a i kekahi manawa hoi e uhi ia ana na wahi waapa lae na hunakai a ua aneane kupilikii maoli kona kulana i kekahi manawa, aka, aole uae ia he mea e hoopihoihoi ia ai o ke kuokilo.

          A no kekahi mau minute keia alo ana o au wahi waapa nei, aia hoi, ua hooi loa ia mai la ka ikaika o ka ino, olapa mai la na alelo manamana o ka uwila, a poha pu mai la hoi me ka leo weliweli o ka hekili a hoonakolokolo ana i na paia lani, a ma ia sekona i puana ae ai o Minewa aloha me ka puawai kaumaha i ka i ana ae.

          I lawe mai nei anei oe ia'u e make iloko nei o ka opu weliweli o ka moana.

          Ma keia wahi i huli ae i o Ronio a nana aku la maluna o kana pio a me ka leo olu wapahe haawi mai la oia i na manao e hoomalielie ia ai na manao pihohoi o ka kaua Minewa.

          E ka wahine opio e hoomama i kou mau kaumaha, a e hoomanao hoi aole au i lawe mai ia oi i anei e make maluna o keia moana nui akea, aka, he mau ulia keia i keia mau ia maluna o keia moana, nolaila, e hoo pau ae i kou mau manao hopohopo, no ka mea, aole au e hoo pau i ka hookeia ana aku i ko kaua wahi waapa maioko aku o na a'e kawahawaha e hoao nei e alapoho ia kaua, a ina ua hopohopo oe a moe malie iho ilalo.

          I keia wa no i lalau iho ai au luahine la i kekahi polo e waiho aua iloko o ka waapa a mahola ae la, me ka hoaahu ana aku maluna o ka kaua aloha, a o ua puolo la, he koloka huluhulu aeae nani ia, a maanei i poha hou aku ai ka leo o ke kilkilo;

          E hooluolu e kuu haku opio, oiai ke ike aku nei au ia oi ua hele a maluhiluhi.

          Aole nae o Minewa i haawi aku i kona mahalo no keia hana maikai a ka luahine i panee mai ai, aka kona puo ke kuiou me kona mau lihilihi e hoope malie ia ana e na kulu waimaka o ka ehaeha, a o kona puuwai hoi aia ke uhaiaholo la mahope o kona mea i aloha ai, a au pali pono paha keia wahi hooheno:

                   Ahi wela mai nei loko,

                   I ka hana a ke aloha,

                   Ke ialawe nei ikuu kino,

                   Konikoni lua i ka puuwai.

          A ma keia wahi i unuhi ae ai ka luahine he ohenana keiaawe mailo ko ae o kona poli me ka hapai ae i kona mau maka, a maioko oua i hoolei pau aku ai oia i ka iena ike o kona mau onohi no luna o ka ilikai iloko o ka aaki paa o ka pouli e imi ana hoi i ke alahele a kona enemi e nee mai ana me ka pihoihoi nui.

 

---------------------

 

NA MAKE O NA HAWAII ---

 

          Ma ka pau ana aku ia o ka mahina o Novemaba, na ike ia iho la ke koikoi loa o ka pahola ana a ka make iwaena o ka lahui Hawaii, no ka mea, iloko wale aku la no o na mahina he 11 i hala aku la ua hiki aku la ka huina o na make o na Hawaii i ka 482, na Iapana 178, Pake 127, Pukiki 84, Amerika 45.  Nolaila, ke ike ae la kakou eia ka make ke auai ikaika nei iwaena o keia lahui, a ua manao ia, e loaa aku ana ka huahelu 500 i na Hawaii mamua o ka pau ana o keia mahina.  Aloha no kakou e holomoku nei i ka make. ------------

          Eia ke kukulu ia nei ke kahua i ka hale hana hia, makai iho o ka ilina o Kawaiahao.

 

HE HUI KAA UWILA HOU -----

 

          Kalivilana, Ohio, Dec. 6.  He hui e noho poo ia ana e Tom L a me Albert Johnson, he mau luna nui ho na kaa alanui, e kukulu aku ana lakou i laina kaa awila ma Honolulu, mokupuni o Oahu, ke kapitala o na paemoku Hawaii.  Aole wale no lakou e hoomoe ana i na laina kaa uwila maloko o na palena o ke kulau kauhale, aka, he mau laina kekahi e hoomoeia aku ana ma au wahi ano nui mawaho aku o ke kulanakauhale.  E kukuluia ana he alanui kaaahi ma ke alanui Kaluaopele no ka pomaikai o na poe makaikai. 

          O na mokuahi halihali ohna (ferry) e hoohana ia aku ana lakou mawaena o na mokupuni.  O keia hui, ua oleloia, ua loaa ia lakou na pono no ke kukulu ana i na laiua kaa ma Honolulu.

 

----------------------

 

UA HOLO LOA AKU LA NO --------

 

          Ua hoea mai la a hala loa aku ia no Manila ka moku lawekoa Sherman mai Kapalakiko mai.  Ua kaiewa oia mawaho o ka nuku a hiki i ka wa i hoea aku ai ka moku kolo Eleu me Koneia Ruhlen a me kekahi mau luna aupuni maluna ona, a ua lakou i hoike aku i ke kulana kupilikii o ka aina nei i na poe o ka moku.  Mahope o ka hooleieia ana mai he 19 koa no na batari pukaa e noho nei maanei a me na eke leta, ua hooholo iho la kekapena o ke Sherman no ka holo loa ana o kona moku no Manila.  E lawe ana oia i ka bataliona ekolu o ka regimana paele 49, a me kekahi mau koa no na puali i hoohakahakaia o Manila, no lakou ka huina o 22 alii a me 650 kanaka a me 25,000 paona ukana.

 

---------------------------

 

HE KINO POHAKU------

 

          Anaconda, Mont, Nov. 23.  No na pule i hala ae nei, na malama ia ae he hoikeike maloko o keia kulanakauhale no kekahi kino kanaka i lilo i pohaku, elike me na lono i lohe ia mai, na loaa aku oia iloko o ka wai o ka muliwai Missouri, kokoke i papu Benton.  He nui na hoopahaohao i ike ia mamuli o ka maikai o kona kino me ke alina ole.  He kanaka kahiko, nona ka inoa o Walton, ua olelo ae oia, o ka mea nona keia kino no Kenerala Thomas Francis Meagher, i piholo ma ka muliwai Missouri he mau makahiki i hala ae nei, mawaena e papu Benton a me Great Falls.  Ua hoike pu ae o Walton i kekahi mea ano e ma ka lima o ke Kenerala, a ua ike ia ka oiaio oia mea.  Nolaila, ua hoopau ia na manao kanalua.  O kona helehelena he like loa me na kii e paa ia nei e kana @ hoa kanaka Ire@@.

 

--------------------------

 

KAUI EMI O NA WAIWAI A KA HUI KUAI LOLE HAWAII-----

 

O na waiwai e kuai ia aku ana me ka makepono loa oia no keia malalo iho, penei:

          Na Kalakoa maikai 30 i-a i ke                              $1.00

          Na Leponalo maikai 20 i-a i ke                                      $1.00

          Na Makalena nani 10 i-a i ke                               $1.50

          Na Pialole Kepani o na Kaue                               $1.75

          Na Keokeo maikai ia 25 i-a i ke                           $1.00

          Na Huluhulu o na Keikikane 75 keneta a pii aku

          Na Pale Puka Aniani nani loa he $4.50 o ka paa

          Na Koloka o kela a me keia ano $4.50 a pii aku

          Na Pua Lei Ma@ he oluolu waipahe ke kaua ana

          Na Kihei Huluhulu o na ano like o e he 40c pii aku

          Na koena Lole like ole e kuai hoemi ia aku ana

          Na koena Lipine maikai e kuai hoopau loa ia ana

O Keia kuai hoopau e hoomaka ana ia ma ka Poakahi ae nei Dekemaba 4, 1899.  He nui wale na waiwai e kuai hoemi ia ana ma keia kuai nui.

Ua hamama mau ka ipuka no na mea a pau e manao ana e komo mai ma ka lawe ana i na mahele hookuleana iloko o Ka Hui Kuai Lole Hawaii.

                             MOSES PALAU, Luna Nui

 

-------------------------------

 

KA WAHINE KIPU POLOLEI------------

 

          Eia ke hoikeike nei maloko o ka halekeaka Ofiuma i keia mau po o Lillian Smith, ka wahine kipu pololei of ka honua nei.

Ua hiki iaia ke ki i ka omole e paa ia ana e kekahi mea ma ka poho o kona lima.  A o ka mea oi loa aku paha o ka paakiki, ola ke kiana i kekahi popo aniani e kowiliwili ia ana mahope o kona kua, a mai ke aniani kilohie paa ana mamua o kona alo e kaulona aku ai oia i ka waha o kaua pu no hope o kahi e kowiliwilw ia ano o keia popo aniani, a i ka wa i poho aku ai o ka leo o kaua pu, ua nahaha liilii aku ia ua popo aniani la.  Ua hoomaka oia e hoikeike i kona lehia ma keia hana, a ua hoopahaohao ia hoi ke anaina no kona akamai lua ole.  Nolaila, mai poina i ke kipa ae e ike iaia.

 

---------------------------------

 

UA HALA AKU LA-----------------

 

          Ua haalele mai ia @ keia ola ana ma ke awakea Poakolu nei o Kuahikane, ka elemakule i pu ia ai e na huila o kakahi kaapio puiwa, ma kela Poalima aku nei, maloko o ka halemai Moiwahine mai na plapu i loaa iaia ma o keia ulia poino.  Ua manao ia e koikoi ana ka umii ana a ke kanawai maluna o Naauao, ke kalaiwa nona keia kaa, mamuli o kona hoohemahema i kona lio.

 

-------------------------------------

 

HE EKOLU MOKUKOA HOU NO MANALI-------------

 

Ma ka po Poalima nei i hoea mai ai he elua, moku lawekoa e lawe ana i ka regimaua koa 42, no lalo o Manila, oia ke Columbia a me ka Dalny Volstok, a no lakou ka huina a pau he 45 alii a me 1,200 kanaka, Aia ka maluua o ke Columbia ka hana o ka regimana a me ka alihikaua kiekie e hoomalu ana i keia regimana.

          Ma ke kakahiaka Poaono ae i hoea mai ai ka Warren a e @@ ana hoi oia he elua bataliona o ka regimana 49, nona ka huina o 800 a oi kanaka, no Manila.

          He regimana paele keia, a he paele wale no na kanaka mai na alii kapena, Lutanela, a hoea loa aku i na kanaka, a pela pu hoi me na puhi ohe.  O na paele i loaa na kulana alii, o lakou kekahi i komo maloko o na hooaka kaua o Cuba a mamali o ko lakou hopo ole i loaa ai ia lakou keia mau kulana.  A maluna o ka moke lawekoa Sherman e ho ea mai ai ke koena o na puali o keia regimana.

 

________________________

 

E HOOKOEIA NO KAU DALA------------

Ke kipa ae ao ma ka halekuai o Rosenberg & Schaumer----

104 Alanui Kalepa Ewa o la Halewai------

Ua loaa mai la ia makou he 20 pahu i piha me na Lole Aahu, a pu hoi me 25 pahu i piha me na Kii Paani.

Na Kii Paani 5 keneta a pii aku

Na Paa Lole Huluhulu $5.80 a pii

Na Pahu Lole, 34 iniha he $4.50

Na Kamaa Rab 50 keneta

@@@@ o na ano a pau 25c a pii

 

-----------------------------------

 

UA LOLA MAI, HE HELUNA  --- O NA---

Pena a me na Aila Pena, Na Hulu Pena, Na Kapuahi Aila, Na Kapuahi Fisher, (ua hoomiia ke kumukaui),

          Na Palau na ano apau.

Na Lako Mahiai, Ho, Oo, Kopala, Kipikua.  Na Bakeke o na like ole,  Na Ipuhao, Ipu Ti,  Na Lake Aniani.

          E iona mai ana he mau waiwai hou maluna o ka mokuahi Ausetreralia.  Nolaila, e kipa mai, a e wae no oukou iho, he emi loa ka makou mau kumakuai.

 

HAWAIIAN HARDWARE CO., LD

@@@ lako hao hawaii, i kaupalenaia

Alauni Papu, ma o ka Kanako o Speckels.