Ke Aloha Aina, Volume VI, Number 2, 13 January 1900 — Page 3

KE ALOHA AINA, POAONO, IANUARI 13, 1990.

EKOLU MAKE O KA POAHA

KE IKAIKA MAI NEI KA PAHOLA ANA A KA MA'I.

He Elua Mau Apana Hou e Puhi ia Ana--Paa o Honokaupu i ka Hoomalu ia.

He ekolu mau make o ka Poaha nei, Ianuari 11, i hoomaopopo ia no ka ma'i bubonika. O keia mau make a pau noloko wale no lakou o ka apana e hoomalu ia nei. O ka make mua i hoomaopopo ia o Pauli, he keiki opio nona na makahiki he 12, ua loaa aku oia ma loko o kekahi rumi o ka hale hooli malima o Eleanora Prendergast (Penikala), e ku nei ma Ewa o ka luakini o Kaumakapili. Ma ka Poakolu ua ikeia kela keiki ma kahi o na hana piliwaiwai e malamala ana, aka, ma ke kakahiaka Poaha nei, ua hoike mai la ola ua ma'i oia aka, mamua ae nae o ka hoea ana aku o ke kauka ma ka hora 7 oia kakahiaka, ua make mua iho la oia he hapaua hora mamua o ka hoea ana aku o ke kauka. Ma kana nana pono ana i na helehelena o ka ma'i e hoomailo ana maluna o ke keiki opio, ua ike ia iho la oia ua loohia oia me na haawina o ka ma'i bubonika, a lawe koke ia aku la kona kino make ma ia kakahiaka no ke puhi lehu ia ana. O ka elua he Pake, nona ka inoa o Ah Chow, i laweia aku no ka hoomalu ana ma Kakaako mamua koke aku nei. aka, ma ke kakahiaka Poaha nei, ua pehu ae kona a'i a make koke iho la, ma ka nana ana a ke kauka, ua loaa oia i ka bubonika. Ua hoouna koke ia aku oia no ke puhi ana ma Kahakaaulana. Mamuli o ka make ana o keia Pake iwaena o kahi hoomalu, ua hooholo iho la ke aupuni e hooloihi hou aku i na la o ka hoomalu ana malaila no 15 la, e hoomaka ana mai ka lai make ai e keia pake. O ka ekolu o na make he kanaka Hawaii, nona ka inoa o Keola, he mau la pokole wale no kona kaa ma'i ana, aka, aole nae i manaoia e ikaika loa ana a hiki i ka hora 8:30 o ke ahiahi Poaha nei, ua hoea aku o Kauka Garwin no kahi o ka mea ma'i, a ma ka hora 9:30 ua hookuu mai la oia i keia ole ana. I ka huli pono ia ana o kona ma'i, ua ike ia iho la ua pehu kona mau poaeae, ekahi hoi o na hoailona o ka ma'u bubonika. O kela mau Hawaii elua i make iho la ua kokoke loa no laua a elua i kahi hookahi, o ka hale a Pauli i make ai, mahene pono no ia o kahi a Keola i make ai.

HE MA'I HOU.

Ma ke aumoe o ka Poaha nei, ua loaa aku la he wahi keiki Pake ma na helehelena o ka ma'i bubonika maluna ona e waiho ana maloko o kekahi hale e noho ia nei e na pake, ma ke kihi o na alanui Moi me Rikeke, ma kahi kokoke i ka hale kaawai Helu 1, ua lawe koke ia aku ka mea ma'i no ka haukapila, a o na poe hoi e noho ana maloko o ka hale, ua kiai ia lakou e na luna nana.

E PUHIIA ANA I KE AHI.

Ua hooholoia ae la e ka Papa Ola, e puhi ia na apana 11, a me 15 i ke ahi, o keia hoi na apana e hookokoke ana i ka apana 10. Ma ka Poaha nei i hookaawaleia aku ai na waiwai like ole o ka apana 10, no ka liuliu ana e hooneoneo aku i na hale maluna oia apana me ke ahi.

PAA I KA HOOMALU IA.

Mahope koke iho o ke kani ana o ka hora 1 o keia awakea Poalima i ka wa a na poe a pau e noho nanea ana maloko o ka apana i loaa ai ka wahine Iapana i ka mai nona ka inoa o Shiro, e waiho nei ma Kakaaka, a i loaa hou iho nei he wahi keiki Pake i ka ma'i fiva eleele, ma ka po Poaha nei. A maloko hoi oia apana e ku ana ka hale kaawai, ka hale haawi laau o ka Papa Ola a me ke Hotele Occidental, aia hoi, ua holo mai la he pualikoa aupuni a hoopuni ae la i na apana holookoa ia iloko o ka manawa pokole loa, me ka paa ia hoi o na poe a pau e paina ana maloko o ka Hotele a me na poe i hoea aku a kii laau me ke Keena Haawi Laau o ka Papa Ola. Ua manao ka Papa Ola, ua pili aku ka mai mailoko aku o ke taona o na pake, a hoopunana iho la maloko o keia apana. Ke manao wale ia nei e puhi ia aku ana na hale a pau e ku nei maluna o keia apana me ke koe ole hookahi.

EIA HOU NO UA MAKE.

Ma keia kakahiaka Poalima, Ianuari 12, ua loaa aku la he keiki Hawaii nona ka inoa o Noa Kainapu, ua make maloko o kekahi hale ma Kapuukolo ae nei. Ua hoea aku he kauka o ka Papa Ola, a ma kana hoike ua loaa keia keiki i ka ma'u bubonika. Ua lawe koke ia aku oia e puhi i ke ahi, a o na poe e noho pu ana maloko oia hale, ua lawe ia aku lakou no ka hoomalu ana ma Kakaako.

He keaka no ko ka Orpheum i keia po.

O ke Gaelic ko ka po la apopo me na hunahuna mea hou o na aina mamao.

Ua loaa mai nei na lono mai Ewa mai, ala ke pili la na mea kuai malalo o laila, a o ke eke palaoa e kuai ia la ma kekahi mau wahi, ua lipoa aku kona kumukuai i ka $2 o ke humu o ka pilikia o na kuaaina, mamuli no ia o ka ae ole ia o na waiwai oloko nei e puka iwaho.

E HOOPAU IA ANARU.

Ma ka halawai ana a ka Papa Ola, ma ka hora 8, o ka auina la Poaha nei, ua lawe ia mai la ka noonoo ana no ka hana a ka Makai Nui o Hawaii, ma o ka lawe ana ae i ka mana e hoomalu i ke Kinau no ewalu la ma Hilo. Ua hoole ae na hoa o ka Papa Ola i kona kuleana i ka lawelawe ana ia hana, a ina oia e hooko ana i kona manao, e hookaawale ia aku no oia mai ka oihana ana e paa ia. A olelo ae kekahi o lakou, ua oi loa aku ka pono e lilo na kauka apana i mau agena no ka Papa Ola, a o ka lakou mau ao ana oia ka Anaru e hoolohe ai. He keu maoli ka mana o ka Papa Ola i keia mau la e nee nei.

HOOPAI IA NO KE KUE I NA RULA.

Ma ka Poaha nei ua hookolokolo ia a hoopai ia o J. Smith, he keiki hoehoe waapa, mamuli o kona lawe ana i kekahi wahine nona ka inoa o Kamala no luna o ka mokuahi Helene, ma ka po Poakolu iho nei, a ua kue hoi ia i na rula o ka Papa Ola. Ua hoopai ia oia he $10, me ka hoopai pu ia o Kamala no ia huina dala like no.

UA HALA O P. KAUIMAKAOLE.

Mauka ae nei o Koiuiu, ma ke ahiahi Poaha nei, Ianuari 11, hora 6:35, i haalele mai ai i keia ola ana o Paulo Kauimakaole, kekahi o ko makou Luna Pepa i hilinai nui ia. mamuli o na hoomailo ana a ka nawaliwali maluna o kona kino palupalu. O Hana i ka Ua Lanihaahaa kona one hanau. He makuakane oia no na keiki lehulehu, a ke noho nei lakou me ka hoonele ia i ka makua ole. Aole i liuliu na la i hala ae nei e ka make ana o kana wahine. a ua ukali aku ia no hoi oia ma ka meheu o kana wahine. Ke komo pu aku nei makou i na u pu ana me na keiki i hoonele ia i ka makua ole, a me na pilikana a pau. Aloha no ia elemakule aloha aina kupaa.

LILO I KE DORIKA KA MANA HOLO LOA.

Ua hoea mai la ka mokuahi Dorika ma ka po Poaha iho nei he @ la, 3 hora a me 53 minute mai Iokohama mai. O keia ka manawa holo i ikeia mawaena o keia mau awa, a ua hoemi iho la oia i ka manawa holo loa e paa ia nei o ka mokuahi Kina he elua hora ka emi iho. a ke upu ia nei e loaa ana no i ka mokuahi Kina keia manawa hou.

UA MAKEMAKE IA.

Na kanaka Hawaii, no ka hana luina holomoku e ka Hui Mokuahi o Wai@. E ninau ma ke keena. kihi o alanui Moiwahine me Papu. 1m.

E HAAWI MAKANA IA ANA.

HE KII BEBE NANI!!!

O na poe a pau e kuai ana ma ko makou papahele elua a oi aku 50 keneta e loaa no iaia he tikiki, a o ka maa nui o na tikiki e waiho aku ana ma ke ahiahi Poaono, Dec. 23, e loaa no iaia keia Kii Bebe e hoikeike nei ma ko makou puka aniani, e hoomaka ana ka haawiia ana o na tikiki ma ka la 4 o Dekemaba.

NA WAIWAI O KEIA KEENA.

LOLE AAHU O NA LEDE ME NA OPIO.

KALIKI PALEKOKI PALULE.

NA MEA HOONANI O NA ANO A PAU

PALE PAKU PALE WAWAE HULUHULU MOE

B. F. EHLERS Co.

Alanui Papu.

HE AGENA

Kaliki Royal Wrocester.

Nuhou Kuloko.

Mai poina i ke keaka o ka Ofiuma i keia po.

Ua hookaapuia na alanui Moi, a me Kalepa ma Honokapu i na poe hele wawae.

Ua hopuia he koa kiai no ka ae ana i ka poi e hemo aku mailoko o kahi e hoomaluia nei. He nui na hana hewa e ae a na koa kiai i hoikeia aku i ko lakou mau poo.

He elua ano ma'u e laha nei i keia mau la me ka ikaika oia ka ma'u bubonika a me ka ma'u puupu ulalii, a ua loaa he luina o mokupea Robert Lewers i ka ma'i ulalii.

O ka halewai o Ahio, hale hoolimalima o Penikalaka ma Kaumakapili, a me ka halekaa o ani ma Koiuiu, kekahi mau hale e puhi ia ana i ke ahi ma keia mua iho.

He eono ka nui o ka mai e waiho nei maloko o ka haukipila ma Kakaako, he ekolu Hawaii a me ekolu Iapana. A o na poe i lawe mua ia aku no ia wahi, aole he mea i hoi ola hou mai. Ua malama ae na keiki uapo he manewanewa no Kahekili, kekahi o ko lakou hoa luhi o ka uwapo. He hana maikai ia e na makamaka, he hana aloha ia na keia poe, me ko lakou kuai ana i mau lipine ma ko lakou mau papale. Ua nalo o Kahekili iloko o ke kapuahi kupa kanaka Kahalaaulana.

HALEKEAKA OHANA ORPHEUM. I Keia Po!!!

I KA HUI KEAKA BOSTON LYRIC COMPANY. OLIVETTE KA INOA O KA PAANI.

NA KA HUI KEAKA ORPHEUM.

Uku Komo 25 a me 50 karista. Na noho mahope he 10 keneta no na Keiki malalo 12 makahiki. Na Noho Mua 57 keneta. E loaa no na noho ke hookani i ka Telepona 540.

J. M. MONSARRATT Maunkea. HE LOIO A LUNA HOOIAIO.

Maloko o na Aha Hookolokolo a pau e hawaii a me Amerika Huipuia. He mau mea hoale aku i na poe waiwai paa.

Keena hana: Alanui Kalepa makai iho ko o ka Hale leta.

GOO KIM. KUKIMA

HELU 210. Alanui Nuuanu.

Kia me makou na Lole Manalima o na Waihooluu like ole, na Kalakoa Pale Pakaukau Lilina, Lihilihi Pauku keokeo, Victoria Lawna, Ogundi Maau, Pahu Lole, Silika Pako, a poha aku. E kipa mai a e wae no oukou iho i keia mau waiwai hou. E loaa no ma ke kumukuai emi loa.