Ke Aloha Aina, Volume VI, Number 5, 3 February 1900 — Page 7

This text was transcribed by:	Kate Motoyama
This work is dedicated to:	with respect to joseph nawahi, ke aloha aina

KE ALOHA AINA

KE ALOHA AINA POAONO, FEBERUARI 3, 1900.

HE KAAO KAILI PUUWAI

--:A ME KA:--

Kaikunane Eiwa

I Hooliloia i mau Manu Nene Ahiu

a i ole na Keiki i Hoehaehaia

Kakauia no KE ALOHA AINA.

A i ka hooki ana iho o na maka ainana i ka haawi ana i na leo huro ua kunou haahaa aku la ua Ronio nei ma ko laua aoao me ka wahine opio me na minoaka ana, aka, no ka wahine opio, aole keia hoohanohano ana i mea e hoohauoli ia ai o kona puuwai, a ma kahi o ka hauoli e ike mau ia aku ana na waimaka e hoopulu malie ana ma kona mau papalina lahilahi, i ka hoomaopopo ana ae eia oia iwaena o ka poai o na malihini kahi hoi aole he hoaloha nana e hoonana aku i ke kaumaha o kona puuwai no kana Bonona.

Maanei i huli ae ai ke kilokilo a me ka leo olu waipahe pane aku la oia i ka wahine opio i ka i ana aku.

E kuu Minewa maikai e ae ana anei oe e hele pu kaua i ka home o kuu haku i ike lihi aku ai oe i kahi o ke ala a me ke onaona i noho ai, ka home hoi i olelo ia aohe lua o ka nani e like aku me ia? E ka ui hoomahie e ae ana anei oe i ko'u makemake, a i ko kaua wa e hoea aku ai ilaila, e hoomaikeike no au ia oe i ae keena nani loa a ke gula maemae loa a me na pohaku daimana e ahu mokaki ana, ka rumi hoi aole he mau ipukukui nana e hoomalamalama, aka, na keia mau waiwai makamae e hoopiha ana i kona mau pia me ka malamalama, he mea makehewa nae ia'u ka hoopau manawa wale ana aku. Nolaila, e pane mai e ae ana anei oe i ko'u manao

Aole he leo i pae aku mai ka lehelehe o ka kaua Minewa, a aia hoi, na maka o ua Ronio nei ke kaulono pono la i ka nohea, a no kekahi mau minute ke kulou ana o ka ui Minewa, aea ae la kona poo a pane mai la.

E ka wahine lokoino e hele aku no ka home o kou haku, a mai koi ia'u, no ka mea, ua hoole loa ko'u lanaikehala i ka ae ana e hele pu aku me oe.

Na keia mau huaolelo i hoopiha ae i ka puuwai o ka luahine me ka maina, a me ka leo oolea haawi aku la oia i na kauoha i na koa e ku koke ana malaila no ka iho ana mai iluna o ka waapa a lawe aku i ka wahine opio me ka lima ikaika, a he mea oiaia, ua like ka mana o kona leo me ke ka moi, a na weli nui ia hoi e na mea a pau. Nolaila ua hiki ole i na koa ke kue aku i kona makemake, aka, me ka naau i piha me ka menemene lehei aku lakou no luna o ka waapa a hopu la hoi i ke kino laahia o ka kakou Minewa.

A ma keia manawa i loheia aku ai na leo kue o ke anaina kanaka nei i akoakoa aku i ka ike pono ana i na kupee hao ma na lima a me na wawae o ka wahine ui me ka hoono pu ae hoi e hoopa oia la mau hana hoomainoino o maluna o ka ui nohea.

E like me ka makemake o ka lehulehu, pela ua kilokilo nei i hooko aku ai. Unuhi kokoke ae la hoi oia he huihui ki mai kona poli ae, a me ia mea i wehe ae ai oia i na kupee hao a ka lokoino, a ia wa no hoi i hapai aku ai na koa ia Minewa, a i keia manawa pu no i poha hou ae ai na leo hoono o na kanaka i ka ui o keia wahine, o na ui puuwai kupaa hoi a pau o ka aoao uo lea ua haulepio iho ia malalo o na kapuai o Minewa me ka iini nui ana o lakou pakahi e molia no lakou i ko lakou mau oia i na ia he mea i hooko ia ai o ko lakou mau kuke palaualeio, a nee mai la hoi lakou imua me ka akenui e ike pono i na helehelena nani o ka wahine ui i like hoi ka ula ohelohelo o kona mau papalina me na hua ohia o ko lakou mau kuahiwi.

Na ke a mau lao uwauwa o na kanaka i hoopiha mai i ka moi opio me ka uluhua. Nolaila, ku ae la oia iluna a haalele aku la i ka aleo a iho la aku la hoi no lalo o ka haleahi me ka haawi pu ana aku i ke kauoha i kekahi o na koa kiai e hoike aku i ke kahu kaa ua makemake ia ke kaa moi e lawe kekeia mai.

Mahope iho o ka haawi ana aku o ke koa kiai i kona kunou haahaa ana i kona haku moi, aia hoi, me ka mama nui i loaa iaia holo aku la oia me ka puahi nui e hoike i ke kauoha a ko lakou haku mai i kona kahu kaa.

A he mea oiaio, iloko o na a kona pokole wale no, aia hoi, ua oili mai la ke kia nani mailoko mai o ka halekaa i kinohinohi ia kona mau aoao me na wai gula, a e kuu welu ana na uhi welewela nani okomoia me na pohaku makamae maluna o ka hale o ke kaa, a he nani hoi kona nanaina i ka wa a na kukuna o ka la e pa aku ai.

E hukiia ana keia kaa e na lio keokeo he 12, a ua like hoi ko lakou aiai me ka hau o na mauna. A e hookele ia ana lakou e kekahi kanaka i aahu ia me kekahi kahiko nani, ma kona aoao e noho ana he kanaka me kona mau lima e puili anana he elua hoi e ku ana ma ke anou mahope o ke kaa, o keia poe a pau he poe lawelawe no no ke kaa, a ua kahiko la iloko o na lole nani loa.

Me ka puahi nui i holo mai ai ua kaa ia no ke anuu o ke anuu o ke alo o ka halealii, a i kona ku ana iho oia no ka wa o ka moi i oili mai ai mailoko mai o kona home nani, e ukali ia ana hoi e kekahi kanaka aoo kekahi hoi o kona mau ukali pilikino o ke aloalii.

Ua kahikoia laua iloko o na aahu nani me na molina gula e kau ana ma na aoao, a o na pilali gula hoi e hea ana ma ko laua mau poohiwi, m ko lau amau poo e kau ana na papale mahiole, a ma ko laua mau pohaka e kiewa ana na pahikaua i okomoia me na pohaku makamae kumukuai kiekie, aka, o ka mea nae nana i hookaawale ae i ke kulana o ka moi onio mai kona ukali ae oia na hoku alii e kau ana ma kona umauma, a me ka lei daimana e kau ana maluna o kona ai.

A na keia mau mea i hooi ae i ka helehelena nohea a ua moi opio nei, a he nani kaili puuwai maoli no e hoohaule ai i na wahine ui o ia mau la, a ua nui no hoi na ui i i hoohihihi aku i kona nani, aka, aole nae he hookahi iwaena o lakou a wawahi aku i ka puuwai kupaa o ua moi nei.

Me ka hoohakalia ole iho kau ae la ua moi opio nei maluna o kona kaa, a i ko laua noho pono ana iho me kona kokoolua, oia no ka wa i hooko aku ai ke kalaiwa i kona mana, a niau palanehe aku la na kaa nei no ka uwapo hoi a na kanaka e haianiu ana ka pahu hopu.

A he mea oi io, iloko o na minute pokole wale no, aia hoi, ua kapa lulu aku la ua kaa nei i kahi a na kanaka e akoakoa, a i ko lakou ike ana mai o ko lakou moi no keia, ua haawi ae la lakou he mau leo huro nona me ka hookaawale ae hoi i wahi no kona kaa e hoea aku ai i kahea ka luahine kilokilo a me ka kana Minewa e haiamu ia ana e na kanaka.

I ka ike ana mai o Ronio o kona hu ku moi keia i hoea aku la e launa pu nae ia, oia no kona wai i haal le aku ai i kana pio a me na helehelena hauoli e pahola ana maluna o na nee koke mai la oia imua a kulikuli iho la ma ka aoao o ke kaa a i kona ku ana ae iluna hopu mai la oia i ka lima o kona hako a muki iho la, ho e nae kona mau maka i haule iho maluna o kana kauwa, aka, aia oia ke hakapono la maluna o keia wahine ui lua ole.

Eia ku kukuluia nei na pa laau ma ke alanui Moi ma kahi a ke ahi i hooneoneo ai.

Ua lohe ia mai, ua pau kekahi mau buke himeni o ka luakini o Kawaiahao i ka uhaehaeia i ka wa o na puke a me na Iapana e hoomalu ia ana.

JOHN MALAEY

Mea Hana Umeke Laau.

Ua hiki ia'u ke hoohinuhinu i na PUNIO me k@ maiau loa. O ua Umeke Laau pukapuka ua hiki loa ke ki@iia. E hookoia no na kauoha me ka eleu. E kipa mai e ike no oukou iho.

He Kuike ka Rula.

Keena Hana: Ma ke alanui Moi, Helu 160. Leleo, Honolulu 1S t-1 m.

HE KUAI HOEMI NUI LOA

Na Lole Silika no na Baikikala

a pela aku, 50 keneta o ka i-a.

Na Pique Keokeo maikai loa o ka hiki ana mai nei no ia 20, 25 a me 35 keneta o ka i-a.

Na Lole Huluhulu Pelekane, o na waihooluu like ole 50 iniha ka hele a me ke kaulio ana, $1 00 o ka i'a.

Na Lilina INia i kupono nona holoku, 12 i a ka loihi, $1 00, $@

$1 50, $2 25, $3 00 a me $4 00 o ka mea hookahi.

Kinamu Amoskeag pau loa o ka waihooluu, 27 iniha laula, i k@ no no Lole Aahu, na Lole Hoonolu, a plea aku, 8 ia i ka $

Faianela o na waihoolu maikia, 8, 10, 12, 14 i a no ka $1 00

Na Halii Moe Pequot, mai ka 1 1-/4 ia laula a ka 2 1/4 ia laula.

Na Halii Moe Lilina, 40 iniha a ka 3 ia laula.

Na Koena o na Lole, Lole Huluhulu

Lihilihi a pela aku.

B. F. EHLERS Co@

Alaniu Papu

HE AGENA

Kaliki Royal Wrocester.

N. S. SACHS DRY GOODS

Ua wehe ae nei makou

nui na WAIWAI PAIKINI HOU@

i ike oleia ma Honolulu nei

HE NUI WALE NA KOLOKA NANI@

Eleele, Bolu a me Fawn.

HE LEHULEHU WALE NA LOLE I WA@

I kupono i ka aahu ma na La N@

NA PAPALE O KELA ME KEIA AN@

Papale Felts a me Papale Ie.

He Emi ka Makou Kumukuai

MAI POINA E KIPA MAI.

N. S. SACHS DRY GOODS CO@

HE MEA HOOLAKO I NA KANAKA.

Ua Nee Aku.

Ma keia he hoike aku nei au i ko'u mau hoaloha a pau, ua haalele aku au i kuu keena hana mua e ku nei ma ke Alanui Moiwahine, mahope o ka Hale Aupuni. A e loaa no au ma ke poo o ke Alanui Liliha, ma ka hale ina kope @a o Chee Kwai Kee.

Manawa Hana: Mai ka hora 8 a. m. a hiki i ka hora 6 p. m. o na la a pau.

KAUKA CHAN KAM CHIN.

PIANO KUAI @

He Piano hou loa, Pia@ kai i hana ia ma Geremania @ na kamukuai mamua @ e kuai ia aku ana no ka @ le eo. Ina e inoino ke k@ e hana wale@a no me ka @ maloko o hookahi maka@ ka wa e lilo ai. E aina@ keia Keena.