Ke Aloha Aina, Volume VI, Number 6, 10 February 1900 — E HOOMAU I KE KUPAA NO KE ALOHA I KA AINA. [ARTICLE]

E HOOMAU I KE KUPAA NO KE ALOHA I KA AINA.

(Helu 2) Aia ka Elele a ka lahui Hawaii R. W. Wilikoki, imua ponoi o na ihu a me na maka o ka lahui Amerika, ke hana la a ke hooikaika la no ko kakou pono. A ma kana mau leta i hoouna mai ai i Hawaii nei mai Amerika mai, i hoolaha ia ae nei ma ka nupepa KE ALOHA AINA me KA Loea Kalaiaina, ua ike pono kakou e ka lahui Hawaii, i ka laua mau hana i hoolala ai; he mau hana hoi i loaa mua ole i ka noeau o na Elel mua i hala. Aka, he pakui ana aku ia i ka oiaio o na hana a na Elele mua, a he hooia ana aku hoi i ka pololei a ma ka olinolino o ka pono me ka pololei o ka koi kumu a ko kakou Moiwahine, me na memoriala pu a ka lahui Hawaii, a e lilo ai i mea nana e wehe ae i ka hualu o na maka o lakou, a ike pono mai i ke ino a me ka lapuwale o na hana a lakou (Amerika) ia kakou, mamuli o na kii hoolele mai ka laua ipu kukui uwila aku, ka mea nana e uwehe aku ke ino i hanaia e Kuhina Kiwiniwini, a me na poe kipi o ka poai mikanele kuko ino. Oiai oia e noho la i Amerika, a e lawelawe la ma ka hooikaika ana me kona hoa, oia hoi ka Loio E. Caypless, ua kaulea mai la oia ia kakou penei: "Nolaila, e kupaa mau ka lahui, a e hoomau no ma ia kulana." Ae! He leo @ [aie] ia a he leo kauoha hoi, i like me kela leo kaue i ana "Hai aku oe no'u, e hoomau i ke kupaa no ke aloha i ka aina." Ma ka helu mua, ua hai au au ia oukou e kuu lahui, i kana

na nui a kakou e hapai like ai, kela me keia mea ma kona home iho. He hana no keia a na Poo Alakai o na Ahahui o kakou e kuahaua mai ai, iloko o kekahi mau makahiki i hala ae. Oia hana no hoi ka'u e hpai houaku nei ia kakou, e ala mai a hana aku. E waiho aku i ko

kakou mau leo pule imua o ka Haku ke Akua, me ka nonoi haahaa aku i kona oluolu a me kona lokoimaikai; e aloha mai, a e kokua mai ia kakou; he lahui kanaka liilii, palupalu, hemahema, i hoopilikia wale ia e ka ka lahui pepeekua a ikaika. E hoolohe a kokua mai no ke Akua ia kakou, ke haua kakou i keia apana hana me ka oiaio a me ka manao 10. Eia ka lua o ka'u manao nonoi ia oukou e ka lahui, e haawi mai kela a me keia mea i na kokua ana, no ka Elele a kakou e noho mai la i Amerika, a e hana mai la me ka hooikaika ana no ko kakou pono. Ke i mai la oia penei. E hana mai no ka lahui ma ko lakou aoao, ma ke kokua ana mai i kahi kuleana e hiki ai ka noho ana ae o keia wahi, a i kumu hoi e ikaika ai ka hana ana. Aia ka leo o ka Elele a kakou e ka labui la. He leo aloha keia mai ke kai mai. Oia, o ka mea ua loaa e haawi mai no, aole me he mea la, i auhau ia. Malia paha e ui mai aua oukou ia wai oukou e haawi aku ai i ka makou man kokua? Ae! He niuau maikai no ia, a eia ka'u pane. O ko na mokupuni, i na he hi- ki e loaa ia lakou kekahi mea a lakou i hilinai ai, alaila iaia lakou e haawi aku ai i ka lakou mau kokua, a na ia mea e hoouna

mai i ka Peresidena Nui o ka Hui Kalaiaina, D Kalauokalani ma Honolulu nei, a i ole, ia Mrs. E. A. Nawahi no hoi, Puuku o KE ALOHA AINA. A ina aole e loaa he mea i hilinai ia, alaila, hoouna pololei mai no kela a me keia i kana kokua, i kela mau inoa aela. No Honolulu nei hoi, i na loaa pono mai ia'u kekahi hookohu komite maikai no keia hana, alaila, e hele aku ana au iwaena o na mea a pau, no ka houluulu mai i na kokua aloha no ka Elele a ka lahui R. W. Wilikoki. Na'u no me ke aloha, EDWARD KEKOA. Honolulu, Feb. 5, 1900.