Ke Aloha Aina, Volume VI, Number 10, 10 March 1900 — Page 3
| This text was transcribed by: | Paige Okamura |
| This work is dedicated to: | Awaiaulu |
KE ALOHA AINA
POAONO MARAKI 10, 1900
LONO HOPE LOA NO BULA
-----
OIA MAU KONA KULANA HAKOKO MA KE ALAHELE
-----
Lawe ia o Cronje no Cape Tow
-- He 100 Kanaka a me 5 Alii i
koe mai o Kekahi Puali.
-----
Ma ka moku lawekoa Thomas i kipa mai la i keia kakahiaka a hala loa aku la no Manila, i loaa mai ai ia makou keia mau lono makamaka hou e pili ana no ke kahua kaua o Aferika, penei:
KA BULA HOIKE HOPE.
Ladana, Feb. 28. O keia malalo iho nei k Kenerala Bula hoike hope i hoouna ia mai i ke Keena Kaua:
Landwanika Feb. 28; hora 5 a.m. Ma o ka ike ana, ua nui na auwaka ma Laugewatcheg Spruit na lawe hou ae la au he alahele hou ma Tugela, ua hoomaka aku makou i ka nee imua ma ka la 26 o Feberuari i ka ike ana he maalahi keia alahele, ua lawe ia aku la na pukuniahi no kekahi aoao ma ka hema o ka muliwai, a nee aku la na puali ma ka po Poakahi, ia wa no nae e hamau mai ana na Boa i ke ki ana, aole i hookuihe ia ka manao o na kanaka. Ma ka Poalua ae, ua haalele iho la o Kenerala Barton me elua bataliona o ka Sixth Brigade a Dublin Fusilia, a maki aku la ma kahi he @ile me ka @apa no kai o ka muliwai, a pii aku la ma kekahi pali nihinihi loa nona ke kiekie o 500 kapuai, a lele kaua aku la maluna o ka enemi me ka lawe pio pu aku i piko o ka Pieter Hill a me 60 pio.
LAWEIA O CRONJE NO CAPE TOWN.
Paardeberg, Feb. 28 Ua haalele iho la o Cronje a me ka ohana ia nei malalo o ke kiai ana a Mekia Kenerala Prettyma@ a me ka City Imperial Volunteers a me kekahi puali kaua lio.
O ke koena o na pio, ua lawe ia aku lakou mahope malalo o ke kiai ana a ka Ela o Errola a me ka regimana Gloncester a me hookahi haneri koa o ka puali City Imperial Volunteers. O na keiki a me na wahine ua hoihoi ia aku no ko lakou mau home.
Ua noii aku au i ke kulana o na Boa i paa ai, na ike au i ko lakou noeau ma ka hana ana i na mea e hiki ole ai ke lawe pio ia.
LUKU WELIWELI IA NA KOA INNIS@ KILLING.
Ladana, Feb. 28. Ua hoopuka ae ka nupepa Morning Post i kekahi lono hakaka i hoouka ia.
Ma ka po nei o ka puali Inniskilling, Fusilia, i huipu ia me kekahi mau koa Dubelius Fusilia a me Connaughts, ua hoao aku lakou e lawe i kekahi puu ma Peiters. Ua ki hoomau ia mai lakou, aka, aole nae lakou i kuemi hope mai a hiki i ka hoea ana i ka auwaha o na Boa. Ua auhee aku na Boa, aka, ua lele kaua hou mai la lakou me ka hahana nui ma ka aoao o na koa Irelani.
Mai ia po holookoa a hiki i ka hora 9 o ke kakahiaka, ua pau aku ko makou kanaka me ka haalele ole i ko lakou kulana iloko o na kipu hahana ia ana mai me ka nui o na poino. Ma ke kahea ia ana o na inoa o keia poe i komo ai iloko o keia kaua weliweli, he elima wale no alii a me 100 koa i pane mai i ko lakou mau inoa.
HOAO O CRONJE E MAHUKA.
Ladana, Feb. 28. He lono kuikawa kai loaa mai la mai Cape Town mai e olelo ana:
Ua hoao ae o Kenerala Cronje e mahuka ma ka po nei me kekahi poe Boa, aka, ua kipaku ia aku nae ihope.
AOLE E TAU ANA KE KAUA.
Nu Ioka, Feb 27. O Mautague White, he Amerika e hana ana no na Boa, ua olelo ae oia:
Ina no e hopu pio ia ana o Cronje; aole no ia he mea e pau ai o ke kaua. He puupuu ikaika ia, aka, aole nae ia he mea e poino ai. Aole e pio ke kaua a hiki i ka haule pio ana o Pretoria, a i ka wa e hoea aku ai na Beritania i ke kulanakauhale o Transvaai, he mau tausani o na ola e poina ana. He manaoio ko na Boa aole he hiki ke lawepio ia o Pretoria, a he nui na la o ko lakou manaoio ana. No ke komo ia ana mai e uwao, aole he maikai loa o ka nanaiana. Aole o'u manaolana e komo mai ana o Europa e keakea, koe wale no paha o Rusia. NO ka Emepera Wiliama o Geremania, he makemake kona e hoopau ia ke kaua, aka, he pohihihi nae ke alahele ana i manao ai no ka hookele ana aku. A o ka manaolana wale no i koe aia maluna o Amerika Huipuia.
-----
Ma ke ahiahi Poaha nei, maloko o ka luakini o Kawaiahao, ua hoohui ia iho ma ka berita laahia o ka mare o Mr. Jock J. Maguire me Miss Emma Ai, e ka Rev. H. H. Pareka. He nui a lehulehu ko laua mau hoaloha i hoea ae e makaikai i ko laua hipuu ia ana. He maikai ka mare no na mea a pau.
Ua waiho aku la ka Rev. V. H. Kito@t i kana noi i ka hookuu ana mai iaia mai ka noho kahunapule ana no ka luakini o Sana Anaru, mamuli o kona makemake ana e huli hoi aku no Enelani no kekahi manawa, ua ae ia mai ia me ke kaumaha e ka Bihopa Wilisi, ma ka la 30 o Iune ae nei e hoomaha ai oia.
-----
KE KOI POHO KOIKOI.
---
Ma ke kakahiaka Poakolu nei ua loaa aku la ia Hope Ilamuku Chillingworth he palapala koi poho mai a Leo Lawton aku, he wahine haole, no ka huina o $1500. O ke kumu mua o keia koi poho mamuli no ia o kona lawelawe ino ana i ka mea hoopii me ka hookau aku iaia iluna o ke kaapio me ka lima ikaika, a lawe ia aku la no ka halewai, malaila, ua hoopaa ia no hookahi hora paha, ma ka la 13 o Feberuari.
O ka elua o na kumu hoopii ma o ka lawelawe oolea ana a ka Hope Ilamuku Chillingworth, e hoomailo ia ana oia e ka ma'i a me ka eha ma kona wawae ma o ka okupe ana, ua lawe ia aku la no nae oia i ka halewai, mamuli o keia mau hana a ka mea i hoopii ia, ua waiho oia iluna o kahi moe ma o ka ikaika hou ana o ma'i, a ua nui hoi kona lilo i ke kauka no umi la, a ua nui kona lilo ma ka lapaau ia ana, nolaila, ua hoehaeha ia oia ma ke kino a me ka manao.
Ua hoole ae o Hope Ilamuku Chillingworth i ka oiaio oia mau olelo me ka hoopuka ae mamuli o ka nui o na hoopii i loaa aku iaia no ka nui o na wahine e inu ana maloko o na hale inu rama, a ua huli pono aku la oia i ka oiaio oia mau hoike. Ma ka po o ka la i hoike ia ae la, ua kipa aku la oia ma ka hale inu rama Commercial, a malaila i loaa aku ai iaia keia wahine a me kana kane e inu ana, ua hoopaa iho oia i ka inoa o na hoike a hopu aku la i ka pakipa no ke kuai i ka waiona i na wahine. Ua noi mai ke kane a keia wahine e hookuu ia oia, i hoea ole aku ai laua imua o ka aha hookolokolo, aka, ua hoole aku nae ka HOpe Ilamuku me ka olelo pu aku ma ka halewai e hoolohe ia ai ko laua manao, a laweia mai la maluna o ke kaapio. Ma ke kau ae nei o Mei e hoolohe ia ai keia hihia ano nui.
-----
E hoomau ia aku ana ke komo kauhale ana o na Luna Nana no elua pule hou, he hookahi hoi manawa o ka la.
He $100.00 a ka Papa Ola e haawi makana ana i na mea a pau e hoike aku ana i ke Keena i kekahi ma'i bubonika
No na la mua ehiku o keia mahina e nele nei, o ka nui o na make i hoopaa ia aku i ke Keena o ka Papa Ola he 28. Nui no.
O na poe mea mekini humuhumu a pau o kahi i hoomalu ia e kii koke ae i ka lakou mekini ma ka hale hoahu o ke aupuni ma Aala ae nei, a ke hoopuka ia aku nei ko lakou mau inoa.
He haole kai loaa aku e moe ana iloko o Ema Kuea, ma ka po La Pule nei. Ua hoike mai oia, aole ana dala, aole hoi ona wahi e moe ai. Nolaila, ua laweia aku oia no ka halewai e hoopaa ai no ka @kae.
-----
Nuhou Kuloko
---
Eia no o Murata ke hoomau mai nei no i ke kuai hoemi ana i na papale o kona halekuai.
Eia ke aupuni o Kina ke malaina nei i kona lahui ma ka haawi ana he hookahi paona raiki i na pake pilikia i kela a me keia la.
O ka Amerika Maru a me ka Auseteralia na mokuahi e kapalulu mai ana i keia awa ma ka Poakolu ae nei, mai Kapalakiko mai.
Ua loaa mai na lono aia o H. Levy, ke kupakako o ka Hotele Hawaii iloko o ke kulana nawaliwali loa, a ke hopohopo loa ia la kona kulana palekana.
Ua pii ia ae he kanaka elemakule e kekahi kaapio ma ke alanui Moiwahine, ua hopu ia ke kalaiwa no ka hoohemahema i kona lio, a e uku hoi i na poho a pau o ka lapaau ia ana o ka mea poino.
-----
MA KE KAUOHA
---
HOOKAHI HANERI ($100.00) DALA MAKAN.
---
Keena o ka Papa Ola,
Honolulu, Maraki 6 1900
O ka huina o Hookahi Haneri
($100.00) Dala e uku ia no ia e ka Papa Ola i na poe a pau maloo o ka Apana o HOnolulu koe na poe hana @kuia o ka Papa Ola a i ole he kauka, e hoike mua mai ana he ma'i bubonika i ke keena o ka Papa Ola.
C.B. WOOD,
Peresidena o ka Papa Ola.
48 1w
-----
O keia lalao iho na poe e kii ae i ka lakou mau mekini humuhumu lole ma ka hale hoahu ukana o Aala:
1 M. Morita,
2 Weaver Bl@ck, rumi Helu 25
1 " " " " 20
1 " " " " 12
1 " " " " 38
1 Lako Baba Weaver Block, rumi Helu 16
1 Moses Nahale.
1 T.M.
1 Kinshinya
1 John Hila Nihoa
1 Yo Wai Kee
1 Yaramoto
1 John Kapono
2 John Iuch.
1 K. Matsuki
1 Chong Sing,
1 Mrs Kawiakama
1 M@raea,
1 Look You.
1 @elakiakahi
1 Kaauwai.
3 Y. C.
1 Akah@ahi
1 Kaauwai
3 Y. C.
1 Akahi@ahi.
1 @akaka
1 Kawiheenui
1 M. A. Kemoke@
1 Mrs. J. Kawainui.
1 Ishihara
1 Kaluna Piimoku
1 @ Oki
1 Ching Hung
1 Henry Maki
1 You Wai Kee
1 M. Romera
1 D. K. S. Keanu
1 Ohta
1 Sing Wo Chong
1 Mrs. Ka@ Hoopii
1 O@
PAPA OLA,
J. J. PLONSKY,
Luna Malama Hale Hoahu Ukana o @