Ke Aloha Aina, Volume VI, Number 12, 24 March 1900 — Page 1

KE ALOHA AINA

KUPULIKII NA BOA.  KE AUHEE LA IMUA O NA PUALIKOA O ROBATA

Aia na Peresidena o na Repubalika Iluna o ke Kahua, Aka he Mea Ole ia i na Beritania.

 

            Maluna o ka mokuahi Aorangi o ka La Pule nei, i loaa mai ai ia makou na nuhou o na aina mamao, a no ka pomaikai o ko makou mau makamaka heluhelu ke hoopuka aku nei makou i kana malu lono hope loa i lawe mai ai penei:

            AUHEE NA BOA.

            Ladana, Mar. 8, hora 4:28 p.m. Ua telegarapa mai nei o Haku Robata, ua paa pio hou iaia he pukuniahi Krupp, he mau hale lole a me na kaa ukana.  Ua hoopuka pu mai ia oia, ua lawe ia ae la e Kenerala Clements o Norval Ponts.

            Ladana, Mar. 8, hora 5:47 p.m.  O keia malalo iho nei na hoika a Kenerala Robata i hoouna mai la:

            Poplar Grove, Mar. 8.  He elua mau puali kaua lio me kekahi puali pukaa lio a me ka mahele koa o Kenerala Kelly-Kenny, i make aku he umi mile no ka hikina i keia la.  Ua lawe ia na Boa ma ke ano kikilele loa ma ka la inehinei.  Ua nee aku lakou me ka pupuahulu loa a haalele iho la i ka lakou mau mea ai i hoomoʻa ai mahope o lakou.  Ua hopu pio ia e makou he pukuniahi Krupp a he lehulehu wale o na hale lole me na kaa ukana.

            O ko makou poino; make o Lutanela Keswick a me Frieslick hoeha ia o Lutanela Bailey o ka puali Lancers 12 a me D@screspigay o ka puali Second Life Guards a me Lutanel Shropshire, ua manao ia ua lawe ia oia e na Boa.  He elua kanaka i make a me kanaha kumamaono mau kanaka i hoeha ia a me hookahi i nalowale.

            Ua laweia ae la o Jamestown ma ka Poaha, Mar. 8, a ua olelo ia ae aia na Boa ke emi hope la mao aku o Aliwal North, nolaila ua malaelae loa o Cape Colony mai na Boa mai.  O na kokua no Robata, aia ke hele mai la mai Natal mai  O ka mahele koa o Kenerala Warren me kekahi mau puai pukaa, ua haawi ia aku la ke kauoha no ka huipu ana me Robata ko lakou alihikaua nui, e hoomakaukau la no ke kue ikaika ia ana mai ma ka nee ana aku maloko o ka muliwai Vaal a me ka manao no ka hoopuni kaua ia Pretoria.

            He mau tausani o na kanaka i hoike ia mai aia ke hoohana ia la ma ke kapitala o Transvaal no ke kukulu ana i na pale, o kona hana ia ana me ka malu, ua hookapu ia no poe i ka hele wale ana mawaho o ke taona.

            Aia malalo o ke alakai ana a Kenerala Dewet na pualikoa Boa ma ka muliwai Modder.

            Ladana, Mar. 8.  He lono kai loaa mai la mai Molteno e olelo ana:  Ua laweia ae la o Burghersdrop me ke kue ole ia ma ka po nei.

NA PERESIDENA ILUNA O KE KAHUA KAUA.

            Ladana, Mar. 9.  Ua loaa mai i ke Keena Kaua keia mau hoike mai la Kenerala Roberts mai.

            Poplar Grove, Kakahiaka Poalima.  O na Peresidena Kruger a me Steyu, ua hoea like ae laua ma ka hakaka o ka la 7 o Maraki a holo aku la e hoohauoli i ko laua mau pualikoa.  O ke pio na maopopo loa ua hoopuka ae na kanaka, aole e hiki ia lakou ke ku aku imua o na puali pukaa Beritania a me na pualikaua weliweli o na koa kaua lio.

            Poplar Grove, Mar. 8. O Paresidena Krueger, i hoea ae mahope loa o kona mau pualii, ma ka la inehinei, ua hoao aku oia e hoopaa i ka emi hope ana o na Boa, aka ua hoole loa mai lakou i ke ku hou ana aku.  Ua hoao aku ua makai o Bloemfontein e paa i ke auhee ana o ua puali Mokuaina Kuokoa, a ua hooopuka ae no lakou aole lakou e hoomau aku ana i ka hakaka ana me ka hoahewa aku ia Peresidena Steyu.

            NA LUINA NO DURBAN.

            Durban, Mar. 8. O ka puali kaua moana mai Ladysmith mai, ua hoea mai la ia i keia la malalo o ka hoomalu ana a Kapena Lambton.  O ko lakou huina ma kahi o 200, a ua hookipa ia aku lakou me ka hauoli.  Ua laina ia kahi hoolulu kaaahi e na kanaka mai ka mokukaua Terrible mai, a o ka launa ana mawaena o @a hoaloha, he nui na nanaina ku i ka walohia.

            I ka wa o na poe ke pukuniahi i hana i na hana ano nui no ka pale ana ia Ladysmith i make mai ai ma ke alanui e alakai ia ana e ka bana a me ka hae o ke Terrible, ua lawe pu ae hoi lakou i ka have weluwelu o ka mokukaua Powerful, @ pulelo ae maluna o ke taona i ka wa o Ladysmith e paa ia ana e na Boa, a ua ia mea i hooi ae i ko lakou ohohiaia.

            Ua paina lakou ma kekahi hale e pili pu ana me ke kahua hoolulu.  He maikai ka helehelena o ka hapanui o na kanaka aka, e hoike mai ana no lakou i na hiohiona maluhiluhi.  O ko lakou  mau aahu ua pau i ka weluwelu.  Mahope o ka paina ana ua laweia aku lakou no Simonstown no ke kau ana aku iluna o ko lakou mokukaua oia hoi, ka Powerful.

            E LAWE IA ANA NO ST. HELENA.

            Ladana, Mar. 8. Ua hooholo ae na mana kana e hoouna koke aku ia Kenerala Crouje a me na pio e ae no ka mokupuni St. Helena, no ka noho ana malaila a hiki i ka pau ana o ke kaua.

            Ua koho aku la o Haku Robata ia Haku Batbrust, ke Konela o na koa lahui imua o ke kahua kaua, no ka lawe ana i na pio malalo o kona malama ana no St. Helena.  Ua hoopuka pu ia ae ua hooholo ka Aha Kuhina aole e noonoo ia ikeia wa ke kuapo i @a pio.

AOLE E PAU ANA KA HOOUNA ANA I NAKOA.

            Ladana, Mar 1.  Ua olelo ae o Haku Landsdowne, aole o keia mau lanakila he elua mea ia nana e hookualilii mai ai i ka hoouna ia ana o na koa.  Ma ka pule e pau ana i Maraki 3, he ewalu mau moku e haalele iho ana ia Enelani e lawe ana he 4,700 kanaka, i ka pule e pau ana i Maraki 10, he umikumamalima mau moku e lawe and he 11,800 kanaka e haalele iho ana no Aferika Hema.  I ka pule e pau ana i Maraki 24. he eiwa mau moku e haalele iho ana me 8,900 kanaka a i ka pule e pau ana i Maraki 31 he eono moku me 3,200 kanaka e haalele iho ana, no lakou ka huina a pau he 38,800 kanaka, a no ka mahina mahope aku he 17,800 e hoomakaukau ia and no ka hoouna ana aku, no lakou na moku aole i hookaawale ia.  O ka auwai o ka hoomahuahua mau ana i na koa, aole e hoomaloo ia.

NOI O PERESIDENA KHUEGER I KA MALUHIA

            Ladana, Mar. 9, hora 5:10 p.m.  Ua lohe ia mai la i keia auina la o na lono maluhia ua hooiaio ia mai la, ua noi aku la o Peresidena Krueger ia Haku Salisbury no ka hoopau ana i ke kaua, me ka hoike pu mai maloko o ke telegrarapa i na manao ana i makemake ai e apono mai.  Ua hoomaopopo ia o keia manao o ka Peresidena Krueger ua halawai ia me na kue ia ana aku e ka Haku Salisbury, a i olelo ae aole he mau hoao ana no ka hoihoi hou ana aku i ke kuokoa o Transvaal e noonoo ia ana e ke aupuni o Beritania i keia wa.

 

KA POINO O NA SEPANIA.

            O keia malalo iho nei ka hoike e pili ana i ka nui o @a poino o na Sepania ma ka hoouka kaua o Cuba mawaena on a me Amerika Huipuia.  Ma ke maluna o ua kahua kaua 2,355 make mai n@a palapu 1,@91; make i @@ @@@@ lenalena 90,699; make i ka @@@@@@@@, a pela aku, @0,190; nalowale ia: huina @@ poino a pau i @@@@@ iaia he @@@@@kau!!.