Ke Aloha Aina, Volume VI, Number 15, 14 April 1900 — Page 8

                                                              KE ALOHA AINA                           

POAONO, APERILA 14, 1900

 

HE MOOLELO WALOHIA NO KA LEDE ELENORA

Ka Ui Nohea i Hookaawale ia mai ke Alo aku o na Makua

A I OLE

Ka Wahine Opio i Auamo i na Koikoi a Kona Makuakane i Hana ai

 

MOKUNA VI

HIOBIONA WALOHIA ILOKO O KA RUMI KOMO KAPA

 

Na keia mau huaolelo a Nele i hoohikilele aku ia Augusta, a pane mai la.

He oiaio anei, ua mare oe i keia kanaka e ahewa ia nei.

A ia wa i ikeia aku ai na helehelena kaumaha e pahola ana maluna o Augusta no Nele.

O, Nele nou ko’u kaumaha ana, wahi ana i pa@ai mai ai.

I keia manawa i komo mai ai ka wahine aoo a ku iho la mamua o Augusta a me na waimaka e haloiloi ana pane mai la.

E hoolohe mai i ka’u e ka lede opio, o kela kanaka opio e paa mai la maloko o ka halepaahao, o ka’u keiki ia, ua hemolele loa ia e like me kela bebe e moe mai la maluna o kona punee mai na hana hookau maha i hookauhihi wale ia aku maluna ona.

Ua hoopiwa ia ae la ka wahine opio no keia mau olelo a Nora e pili ana no kana kamaiki.

Aka, o ka hemolele i keia ao, aole ia he mea e hoopakele ae ana iaia mai ka hoopoino ana aku, wahi a Nora i puana hou aku ai, i keia po ua hoao aku kekahi mau kanaka kiekie o ke aupuni e noile hoopakele i ke ola o ka’u keiki, a ua lohe mai la au ua haule ka lakou noi, a nolaila, he hookahi wale no wahi a maua e paulele nei e loaa mai ana na kokua ana, oia hoi mai a oe mai. No ka mea, he mana kiekie kou e launa ai me Daniela Hunter. A nou hookahi wale no ka maua huakai i hiki mai la e nonoi aku i kou ahonui e aloha mai i ka mea i hoopoino ia.

Puliki ae la na lima o ka wahine aoo ma kona puuwai a hoolohe aku la me ke pihoihoi no ka huaolelo o ke ola e poha mai ana mai ka lehelehe mai o ka wahine opio.

O, e ka mea i hookaumaha ia ina ua loaa ia’u ia mana, aole loa au e hoopele ia oe.

Wahi a ka wahine opio a haloiloi iho la kona mau waimaka i ke aloha no na kamahele.

E hoole mai ana anei oe i ke komo pu ana mai e kokua ia’u? He makuahine anei oe i komohia ole ia me ke aloha no kau bebe, ina e haule ana oia iloko o ke poino, aole anei oe e noi ana e hoopakele ia kona ola.

E ka lede ke noi nei au i ka Mea Mana Loa e aloha mai ia oe a me kau lei aloha. No ka mea, e aloha ana ke Akua i ka mea e aloha aku ana iaia, a o ka hewa a ka makuakane e hana ai e ili no ia malua o kana mau hanauna aku.

E ka Haku o ka oiaio, e hoolohe mai i ka’u uwalo ana, ina e haawi mai ana oia ia’u i ka mana e hoopakele no au i ke ola o kau keiki. Aka, auwe, aole ia mana mea a’u, a he hookahi wale no mea i kuleana ia kumuhana oia o Daniela Hunter, a ua maopopo iaia kana olelo hooholo, wahi a ka Lede Augusta.

O kana olelo hooholo ke manaoio nei anei oia ua hewa o Wiliama?

Ke hopohopo nei au oia no kana e hooko aku ana.

Ua manaoio anei nei oe ua hewa ka’u keiki?

Aole e hiki ia’u ke pane aku, oiai aole au i maopopo loa i kona hihia.

E hoolohe mai, wahi a ka wahine aoo, o keia na kumu nana i hoopoino aku i ka’u keiki. O ke kanaka i pepehi ia, he kanaka malama halekuai no St. Inez, maloko o ko makou apana, nona ka inoa Burke. Ua haawi mau mai oia i na olelo pahenehene i na wa a pau ana e ike ai ia. Nele nei. Ua uumi iho oia i keia mau hana hoohaahaa e hoolei ia mai ana maluna ona a i ka hiki hou ole ana ia Nele ke hoomanawanui iho ua hoike aku la oia ia Wiliama. He kanaka manao paa o Wiliama, a iloko o kona inaina nui ua aa aku la oia e paio me Burke, aka, ua hoole mai la oia i ka hala wai ana. Ia wa i hoohiki ae ai oia e hele aku no oia e haawi i laau hahau no ke ao ana aku i ka mea hana iapuwale, a i kona wa e kue mai ai oia auanei kona wa e ki aku ai. Ua haalele iho oia i ka hale me ia manao, a ma ia po no ua @aa aku la o Burke ua make me kekahi puka poka e kau ana maluna o ko na poo, a i ka huli hoi ana mai o Wiliama no kona h@me ua hopu ia iho la oia. A o ke koena aku ua maopopo no ia oe:

He hoike weliweli, a heaha ka kau keiki e olelo ai no ke pale ana iaia mailoko ae o keia poino?

O ka oiaio, ua hele io no oia i huli i kona enemi no ka hoopai ana iaia, aka, aole nae kona enemi i loaa aku iaia, wahi a Nora.

He kumu pale nawaliwali loa kena wahi a Augusta.

Ae, e ka lede he mau kumu pale nawaliwali kona, a o na poe nae i kamaaina iaia, he mana io ko lakou aole oia i hewa.

Aia o Nele ke uwe kuw@ nei, a na ia mea i hoopiha mai i ko August puuwai me ke kaumaha no ka wahine opio iloko o ka ehaeha.

Ae, wahi a Nora i puana hou mai ai, ina e make ana ke kanaka opio e nui ana na p@pilikia e loaa ana ia Nele, aka, ia wa no nae e ka lede aole e oi loa ana na haawina koikoi e loaa ana iaia mamua o ko’u nei, o, ke ike nei au ua oi loa aku ko’u pono e make.

E ka lede na maopopo ia’u he alo ha kuhohonu kou no kau lei aloha ak@, e hooi loa ia aku ana ia i kou wa e ike maopopo ai o kau wahi kamakahi wale no ia e oili mai ana mailoko mai o kou puhaka. A oia aloha welawela ke hana @ ole nei iloko o kuu puuwai, he kakaikahi loa na makua i hiki ke hoakaka ae i ko lakou aloha kukonukonu no ko lakou mau keiki kamakahi. I ka la apopo e make ai kuu keiki maluna o ka amana @ kanaka, aka, ua maemae nae ola e like me kau hapuu. O, ua aloha au iaia me kuu naau a pau, aole loa au e ae e hoeha ia kona puuwai, ina ua hiki ia’u ke hookaawale aku ma ka m@hai ana i kuu ola. Ua unuhi mai au i ko’u ola mai na mea a pau a papahi aku la nona hookahi. E na Lani e hoopakele mai i ke ola o ka’u mea i alo ha ai.

O, e na lani he hana paakiki loa ka pule ana aku e hoihoi hou ia mai ke ola o kekahi keiki make, me ke kokua ole mai o ka Hoola. He hana hewa koikoi loa ka pule ana e hoihoi mai i ke ola, ina ua ike ke Akua ua hewa.

Ae, ua hiki ia oe ke kamailio, ua hiki ia oe ke hauoli, no ka mea, aia kau keiki iloko o na la opio. Eia kau keiki ke waiho nei iloko o ka maha mai na iniki hala ole a na a na kulu kehau huihui a mai na kukuna wela hahana o ka la, e moe malie ana hoi iloko o ka punana o kou aloha. Aka hoi, no ka’u aia oia ke moe la iloko o ka rumi puanu anu o ka hale paahao, a ma ka la apopo e alakai ia aku ai oia e make iwaena o ke akea, koe wale no kou ae aloha mai e hoopakele i kona ola.

 

KA POINO O NA AOAO ELUA.

Wasinetona, Apr 3. Ua waiho mai la o Kenerala Otis i kana hoike piha no ka poino o na aoao elua e hakaka la ma Manila mai ka la mua mai o keia makahiki e hele nei a hiki i keia wa, penei:

Mai ka la 1 mai o Ianuari, he 124 mau hoouka kaua liilii i malama ia maloko o na paemoku Pilipine. O ko makou poino he 3 alii me 78 kanaka i make, 13 alii me 151 i hoehaia. Ko na kipi poino malu@a o na kahua ka hua 126 i make, hou pio ia, 1,453. Na lako kaua i loaa he 3,051 pu raifela, he 165 pukuniahi liilii, a he nui na waiwai o na Pilipine i hopu pio ia.

 

I ka po Poalua nei i haawi hope ae ai ke puali keaka nika i ka lakou keaka hope maloko o ka Orpheum.

Ua like ka @ o kekahi mau alanui o ke kikowaena o ke kulakauhale, me @ he La Pule la, i ka wa o na Pake a me na Iapana i @ ae ai i ko lakou mau halekuai, ma ke ahiahi Poaono nei.

Eia o Harry Juen ke manao nei e kukulu hou i kona hale inu rama i pau ai i ke ahi ma kela pauahi nui, mauka o Leleo, ina nae aole he mau kuia.

He kuai makepono loa o na kamaa wahine a me na kaikamahine ke malamaia nei no keia pule wale no, ma ka Halekuai Kamaa Nui o ke Alanui Papu. O na kamaa $5.00 mamua he $1.50 a me $2.50 wale no.

Ma kahi o na hana maikai a kahi kanaka e hana ai ina ia no ka pono o ka lehulehu, he mea maikai ka haawi ana aku i ka mahalo iaia, pela makou i ka makamaka. Hon. W. C. Aehi no kekahi o kana mau hana e lawelawe nei maloko o ka Ah@kuka o ke aupuni, a me kekahi mau hana e ae no e ike ia aku ai he pono like ia no na mea a pau. He mea maikai e mahalo i na kanaka oia ano.

 

NO HOOKAHI PULE WALE NO

He Kuai Hoemi Nui o na Kamaa Miomio.

Eia ka wa no ka makou kuai hoemi nui no na La P@koa, (Easter . O na KAMAA ILI ULAULA o na Lede a me na Opio Kaikamahine. E hoohuli ia ana ka waiwai, e hoohuliia i ke ala nui me na wawae e komo ana maloko o lakou, Ina e lawe aku ana oukou mai ko makou mau lima aku, e lilo no ia he mea nui, ina he mea nui ke dala ia oe.

Na Kamaa Eleele o na Lede $5.00 mamua i keia Pule $1.50

Na Kamaa Ili Ulaula o na Lede $5.00 ma mua i keia Pule $2.50

Mai kali a keia pule aku, a mai ehaeha hoi i keia kuai makepono i keia pule ina ua loaa i kou mau hoa launa i keia pule.

MANUFACTURE SHOE CO.

ALANUI PAPU.

 

KAA BAKIKALA LOAA

Eia ke waiho nei ma ke Keena o KE ALOHA AINA he kaa baikikala a o ka mea nona keia waiwai e ku koke mai me ka uku pu mai i n@ o ka @lana ia ana me ka maiamaia ana.

Honolulu, Aperila 11, 1900.

 

OLELO HOOLAHA

Ke hoikeia aku nei ka lohe na mea a pau he mau Umeke La’au ka lakou i waiho mai ma ko’u lima ao ka hoomaemae ana. E kii koke mai iloko o na la he 15 mai ka la i puka aku ai keia hoola@, a ke hala keia la i hoikeia ae la, aole i kii ia @ he mana ko’u e hoolilio aku i keia mau Umeke, i wahi e @ ai ko’u o ka hoomaemae @ ia lakou.

Uwau no ke ka oiaio,

A@I ALANA

Koleak@, Honolulu, Apr. 6, 1900