Ke Aloha Aina, Volume VI, Number 17, 28 April 1900 — Page 1

KE ALOHA AINA

HILO BAY, HAWAII

UA MAU KE EA O KA AINA I KA PONO

HOOKUMUIA I MAI 20, 1895

------------

BUKE VI                   HONOLULU, POAONO, APERILA 28, 1900                   HELU 17

------------

KULANA MA AFERIKA HEMA

---

AIA NO NA AOAO ELUA KE ULELE KAUA MAU LA.

---

            Makaukau o Haku Robata no ka Nee Ana no Pretoria, ke Kapitala o na Boa o Transvaal.

---

            Maluna o ka mokuahi Dorika i loaa mai ai ia makou keia mau nuhou makamaka loa a makou e panai aku nei no ka pomaikai o ko makou mau makamaka heluhelu:

            Bloemfontein, Apr. 16,  Eia ke hoomau nei ka ua, a nana e hoohakalia ana i ka nae ana o na pualikoa o Haku Robata no elua la.

            Ladana, Apr. 17.  I keia wa na hoomaopopo ia, me he la, na hoea mai la ka manawa a Robata i manao ai no ka nee ana aku no Pretoria.  Koe wale no ina he mau kuia kekahi e halawai ana me na pualikoa Beritania, maloko o na la pokole lakou e nee aku ai no ka akau.

            Ua manao ia e haalele iho ana o Haku Robata ia Bloemfontein i keia pule, a i ole, i ka hoomaka ana o na la mua o keia pule aku.  O ka nui o na pualikoa i manaoia no ka nee ana aku me Haku Robata, ma kahi no ia o 75,000.

HOOPUNI IA NA BERITANIA MA WEPNER

            Ladana, Apr. 14.  Ua loaa mai i ka nupepa Times keia mau hoike malalo iho nei mai Jammersberg mai, no ka la 13 iho nei o Aperila.

            Ua hoopuni ia ka puali o Konela Galgety e kekahi puali o na Boa he mau tausani me ewalu pukumahi, elua pukaniahi pompoms a me elua pu kani pinapinai Maxim mai ke kakahiaka Poakahi mai.  Ua ku aku na Beritania me ka wiwo ole i na lele kaua ia ana mai a ka enemi ma ka Poakahi, a ma ka po Poalua, a ma ka Poaha, ua hoomau hou ia na kipoka ana me na pukuni ahi a me na pu raifela.

            Bloemfontein, Apr 13  O na lono i loaa mai ianei no ka ulele hakaka i malama ia e na koa o Konela Gaigeta ma Wepner, e hoike ana ia no ka lele kaua ikaika ana aku o na Boa, aka, ua ho auhee ia mai nae lakou me ka nui o ka poino.  Ua hoopau ae na Boa i ko lakou lele kaua ana aku, a huli hoi aku ia no ka akau.

            Aliworth North, Apr. 13.  Ua hoike pili aupuni ia mai, o ka nui o na poino o na Beritania ma Wepner, mahope o eha la i hakaka ai he 18 kanaka i make a me 132 i hoeha ia.  Ua paa na koa o Konela Galgety i ko lakou kulana a hiki i ka Poaono, a ia wa i hoopau ai na Boa i ka hoopuni ana ia lakou.

KAHEA IA O KENERALA GATAERE E HOI NO ENELANI.

            Bloemfountein, Apr. 10.  O Kenerala Gataere, ke alakai mai o ka Mahele Koa Ekolu, e huli hoi aku ana oia no Enelani.

            O ka hoi ana aku o Kenerala Gataere no Enelani, ma ke ano kahea ia mai no ia, aka, aole nae he maopopo o ke kumu i lawelawe ia ai o keia hana.  Ua ahewa aku o Haku Robata i kana hoolala ana i ka lele kaua o Stormberg, nana i hoopoino aku i kona mau koa, a me ka ulolohi loa o kona hoea ana aku no ka hoopakele ana i na pualikoa ma Reddersburg, he hookahi hora me ka hapa, ma keia kumu hope i manao ia ai oia aole i kupono i ke alakai ana i na pualikoa.  E pani ia ana ko Kenerala Gataere hakahaka e Kenerala Rundle.

KA POINO O NA BERITANIA.

            Ladana, Apr. 11.  Ua hoopuka ae la ke Keena Kaua i ka nui o ka poino o na Beritania, mai ka hoomaka ana o ke kaua a hiki iho la i ka la 7 o Aperila, penei:

            Make maluna o na kahua kaua 211 aliikoa me 1,900 kanaka; make ma o ka hoeha ia ana, 46 aliikoa me 465 kanaka; nalowale a lawe pio ia, 163 aliikoa me 3,722 kanaka; make ma'i 47 aliikoa me 1,485 kanaka; make ulia 8 aliikoa me 34 kanaka; poe i hiki ole ke hoohana hou ia, 288 aliikoa me 4,938.  O ka huina o na ma'i a me na poe i hoeha ia e waiho nei maloko o ka haukipila he 13,365.  A ua like ia me 23,000 a oi aliikoa me kanaka i unuhi na mailuna aku o ke kahua kaua.

HE OIA MAU NO NA PILIPINE I KE ALO PALI.

            Manila, Apr. 17, hora 10:45 a. m.  Ua loaa mai la na lono ianei ma ke alaula o ke kakahiaka o ka la 7 o Aperila, he 1,150 mau Pilipine, he 150 i lako me na pu raifela, a o ke koena iho me na pahi, ua lele kaua aku la maluna o ka bataliona o Mekia C@se o ka regimana 40, e hoolulu ana ma Cagayan Mindanao.  E ala kai ia ana na kipi e na Tagalog a me Moro maluna o na lio.  Ua hoohikilele aku lakou i na kia o waho me ke komo ana iloko o na alanui o ke kulanakauhale.  Ua lawe pu mai lakou i na alapii no ke komo ana iloko o na keena oihana o na Amerika.  He nui ke pihoihoi i ike ia, aka, ua hoakoakoa mai la nae na koa a me ke kokua ana ana poe o ke kulanakauhale, ua hoauhee ia aku la na kipi no ua mauna me ka haalele ana iho he 57 kino make.  O ka poino o na Amerika he 3 i make a me 12 i hoeha ia, a iwaena o na poe i hoeha ia he hookahi kapena, a ua laweia aku no luna o ka moku haukipi-la Relief.

------------

NUI KA WI MA INIA.

---

Bosetona, Apr. 16.  O Rev. Rockwell Clancy, he misionari no Alibabad, i kipa mai e ike i kona hoahanau Medford, na olelo ae oia i keia la:

            O ko kulana o ka wi e pahola la, ho mea weliweli ia ke noonoo ae.  Aole e hiki ia'u ke hoike aku i ka heluna o na poe e make ana, aka, i ko'u haalele ana aku ia B@wabo ma ka mahina aku nei o Feberuari, ma kahi he 60,000,000 kanaka i hoopoino ia, a maluna aku nae o 30,000,000 kanaka i hookupilikia loa ia, a iloko o keia huina he 5,000,0000 wale no a ke aupuni e malama ana.

            Aole o na kulanakauhale, aka, o na apana aina kai hoopoino ia, a i kou wa e hoomaopopo ae ai he 80 pa keneta o ka lahui Inia he poe mahiai, na hiki ia oe ke hoomaopopo iho i ka nui o na poi o i ikeia i keia wa.

            I ka wa i hoomaka mai ai o ka wi, na hoomaka aku la na kanaka e hoolilo i na mea a pau i wahi e loaa mai ai ka ai.  Ua wehe ae lakou i na pani puka o ko lakou mau hale a hoolilo aku la, ko lakou mau lako hoonani hale, me na lako mahiai, a i ka wa e pau loa ai ka lakou mau mea e hoolilo aku ai, ua hoolilo aku la lakou i ka lakou ma keiki.

            Aole he nui o ke kuai ia o na keikikane, a nolaila, ua lilo o na kaikamahine kai hoolilo nui ia aku.

Ua ike au i na kaikamahine maloko o kekahi mau wahi e hoolilo ia ana no ke 30 keneta pakahi, mamua koke iho o ko'u haalele ana aku.  Ua kuai ia lakou e na Mahomeda.  Aka, aole nae o lakou kuai i na keikikane, i ka wa i hiki ole ai i na makua ke malama i ka lakou mau keiki ua haalele iho la lakou na na keiki e huli aku no ko lakou pono iho.  O keia poe keiki na hoakoakoa ae lakou ma na ipuka o na wahi kalepa hua palaoa, a o ke alahele wale no e hiki ai ko hoo@ wale aku ia lakou oia ko kiola ana i na poholima piha i na hua palaoa mao a maanei.  Ua ohi aku kela mau keiki i na hua palaoa i ka la holookoa, a i ka uhi ana mai o ka po e loaa ana ia lakou he poholima piha.

------------

            He 14 mau limahana Auseturia i hoea mai la maluna o ka mokuahi Dorika, i lawe loa ia aku e ka mokuahi Lehua no Kihei, Maui.

            Ua paa ae na hanako me ka Poakahi nei no ke komo pu @ mai ma ke kaumaha ana no James Campbell i hala aku la ua@ ala hoi ole mai.