Ke Aloha Aina, Volume VI, Number 18, 5 May 1900 — Page 6
This text was transcribed by: | Joyce Yoshimoto |
This work is dedicated to: | Awaiaulu |
KE ALOHA AINA
6 POAONO, MEI 6, 1900
HE MOOLI@LO WALOHIA
----:KO KA:----
LEDE ELENORA
Ka Ui Nohea i Hookaawale ia mai ke Alo aku o na Makua.
----:A I OLE:----
Ka Wahine Opio i Auamo i na Koikoi a Kona Makuakane i Hana ai.
MOKUNA VI
HIOHIONA WALOHIA ILOKO O KA RUMI KOMO KAPA.
Aole i pane koke aku ke kiaaina i keia mau leo uwalo a ka wahine aoo, aka, aia no nae kona mau maka ke haka pono mai la maluna ona a i ka hala hope an@ ae he mau sekona, ua pane mai la oia.
E Mrs. O’Leary, na na lani e hoo mama mai i kou mau ehaeha, he mea oiaio, ua aloha au ia oe, a ke komo pu nei hoi e auamo pu me oe i na haawina koikoi i ili iho maluna ou, aka, no ka hoopakele ana i ke ola o kau keiki he mea hiki ole ia ia’u ke hooko aku, oiai, au e hooko piha ana i ka makemake o ke kanawai, a nolaila, he hookahi wale no mana i hiki ole ke kaupalena ia oia ke Akua, e nonoi aku iaia no na kokua ana mai ia oe.
Mai hoopupule mai i ko’u noonoo e hoomanao i kou makuahine aloha a pela oe e aloha mai ai ia’u.
Ua loli ano e ae la ka helehelena o Daniela Hunter i keia sekona, a ia wa i huli ae ai oia a kauoha aku la i kana wahine no ka haalele ana iho i ka rumi, a e like me kana i kauoha ai pela kana aloha i hooko aku ai, aole nae oia i haalele koke iho, aka, ua hele pololei aku la o Augusta no kahi a kana lei aloha e moe la a hapai malie ae la a puka aku la iwaho o ka rumi.
O, e ka wahine aole he mana iloko o’u no ka hoopakele ana aku i kau keiki.
E lawe aku iaia ma ke ano he io ponoi nou. E lawe aku iaia ma ke ano he io ponoi nou. Wahi a Nora @ pane aku ai me ka leo ehaeha.
Aole, e hoolohe mai e ka wahine aoo, ina o kuu hoahanau ponoi a ma kahi o kau keiki, a ina o kuu makuahine palupalu ke hele mai imua o’u a nonoi mai ia’u e hoopa kele ia ke ola o kana keiki. E hoole no au i kana mau uwalo ana e like me a’u e hoole nei ia oe.
Ina aole ia o kou hoahonau, aka o kau keiki ponoi.
E make no oia.
Aole anei oe e hoopakele ana i ke ola o ka’u keiki.
Aole, aole loa.
Na keia mau huaolelo uahoa i pona mai la mai na lehelehe mai o ke kiaaina, i hoopiha aku i ka puu wai o ka wahine aoo me ka walania a me he puupau ikaika la i kui ia aku maluna on@, hehee aku la oia no luna o ka papahele a waiho maule aku la.
He hora mahope iho a keia mau hiohiona walohia e ikeia nei maloko o na paia o ka home o ke kiaaina, aia hoi, ua mau kamahele nei o kuoe ana me na kapuai kaumaha ma ke alahele e hoea aku ai no ka hale paahao iloko o ka pouli nui, a ma ko laua mau lihilihi e hoopulu ia ana e na kulu waimaka o ka ehaeha aka, o ka opio nae e hiipoiia nei e kona makuahine, aole ia i ike ae i keia mau haawina luuluu e hekau nei maluna o kona mama aloha. Ma ko laua aoao hoi e ukali ana ke kahunapule Guderika.
He pouli na alanui o ke kulanakauhale i keia wa a Nora a me Nele e hele nei. Aka, ma kekahi hoailo na nae i haawiia na kauluwela koke ae la ka lewa me ka malamala ma o na ipu kukui he mau tausani e aa ana maluna o na alanui a me na hale i haawi ia ae no ka hanohano o ke kiaaina hou, a ia wa i i hoopiha hou ia ae ai na alanui e na mano kanaka nui e haawi ana i na leo kahoahoa no kona ola, a ua like ka nui o kanaka e haiamu ana e like me na hora o ka la i kaahope aku.
I ka wa o ua mau kamahele nei i kaalo ae ai ma kahi o ka pou hae aupuni e ku ana, ua alai ia mai la o mua o ka lakou alahele e kekahi kaa nani i hoopihaia me na ohua.
O ke kiaaina, wahi a ka Makua Guderika i puana ae ai, e hele ana aua hoi i ka aha hulahula nui e haa wiia ana no kona hanohano. N@na koke aku la oia maluna o kona mau hoahele a ike aku la i ko laua mau maka ua hoopiha ia me ka ina na, a ia wa i haawi aku ai oia i na huaolelo hoomalielie. E na lede mai nana aku iaia.
Ua ikeia aku la ka li-o ana ae o na maka o ka wahine aoo a nau iho la na kui e hoike maopopo mai ana i kona piha inaina no ke kiaaina.
A maloko o na puulu kanaka e hoopiha ana i na alanui i hoomau hou aku ai na kamahele i ka nee ana imua o ko lakou alahele me ka hoomaha ole.
No kekahi mau minute loihi keia hele ana ua hiki aku la lakou i ka hale paahao. E kali mai ana no hoi ka luna paahao me ka nui e lohe i na mea hou, a i kona ike ana mai ia lakou nei ua ku koke ae ia oia iluna a ninau mai la. He manaolana anei?
Aole, aka, o na lani wale no, wahi a ke kahunapule, a pehea kau lawehaia?
He oia mau kona manaolana, a ke kali ala hoi no kona huikala ia mai.
E ua lani e kokua @ial lala i ka wa o ka lono kaumaha e hoea aku ai imua o kona aio. E Mr. Thomas, ka luna paahao maikai e hookuu koke mai ia’u e komo aku iloko o ka @@mi piahao. Ua kauoha ia mai au e ke kiaaina e hele aku a hoike aku iaia, no ka hookokoke ana mai o ka ma e maluna o k@na ola makamae wahi a ka Makua Guderika i panai hou mai ai.
He hana kaumaha a koikoi kena au e hooko aku ai, a pehea e lawe pu ana ana anei oe i keia mau wahi ne no loko o ka rumi? I ninau aku ai ka luna paahao, oiai, no na wahine e lulumi ia ana e na manao kaumaha no ka laua alona e hookokoke aku la i ka hopena o kona ola ana.
O ko’u manao aole ia he hana kupono, wahi a ke kahunapule i pane hope mai ai me ka leo malie, a ua oi aku ka pono owau hookahi ke komo aku e huipu me ke keiki poino, a mahope o ko’u hoike ana aku iaia i ka lono weliweli a me ka haawi ana aku i na huaolelo hoomalielie e hoouna hou mai ai au no laua.
Ua haawi mai la ka luna paahao i ka huhui ki, a ua hele aku la ke kahunapule no kahi a Nora e ku ana me ka paa ana aku i kona mau lima a olelo aku la.
E Nora ua makemake au ia oe, e hoi aku no ke keena o ka luna paa hao, a malaila hoi e kali ai a hiki i kuu hoouna ana mai nou. A ke hele nei au no ka rumi paahao o kau keiki.
E keaka ana no ka Orpheum i keia po.
Ua lawe ia mai ka noonoo ana maloko o ka halawai a ka Aha Kuhina no ka hoakea ana i ke alanui Kikeke ma ke noi ana a ke kahu waiwai o Bihopa, a aole i apono ia.
Ua wawahi ia iho la ka hale kaawai helu 2 e ku nei ma ke alanui Uniona, kekahi hoi o na hale kahiko i kukulu ia he kanakolu makahiki i hala ae nei, a e pani ia ana kona makalua e kekahi hale pohaku naui ma keia mua aku.
HOAO E KOMO AIHUE.
Ma ke aumoe o ka po Poakolu nei, ua hoao ae kekahi mau haole e komo aihue aku iloko o ka hale o ka Moiwahine Kapiolani ma Pualelani, Waikiki, aka, aole nae i hooko ia ko lana ma kuko lapuwale, ma o ka ike koke ana o ke kanaka e noho ana malaila. Ua malama ia he mau @ume@me ana mawaena o na kulohe a me ke kanaka kiai hale i kokua ia mai e kana keiki, aka, ua pakele aku la no nae ua mau haole kelohe la, a nalowale aku la iloko o ka pouli. Ua maopopo na helehelena o keia mau haole i ka mea kiai, a eia laua ke huli ia nei.
KE KAIKAMAHINE HAOLE MUA LOA I HANAU MA HAWAII NEI.
Santa clara, Apr. 20. Ma keia kakahiaka i make ai o Mrs. Maria Whitney Pogue, ke kaikamahine haole mua loa i hanau ma na paemoku Hawaii, mahope o kona kaa ma’i loihi ana. He kanawalu ka nui o kona mau makahiki. O kona mau makua oia o Mr. a me Mrs. Samuel Whitney, he mau misionari i hiki mua loa aku me kekahi mau misionari e ae no ia mau paemoku. Ua hoonaauao ia keia kaikamahine ma Bosetona, a ua hoea mai oia i anei he elima makahiki i hala a e nei.
Ua hala aku la ka Mauna Loa me ka piha ohua a me ka ukana no na Kona.
I ka Poalua ae nei e hoomau hou aku ai ke Kinau ma kana huakai no kona mau awa maa mau o Maui a me Hawaii, mahope o kona hoomaha ana iho nei no ka hooponopono ana i kona mau wahi hemahema.
HE KUAI MAKEPONO LOA.
MA KAHI O
IWAKAMI
ALANUI HOTELE.
E kuai hoemi loa aku ana makou i na
Na Waiwai a Pau Loa.
Oloko o ko makou Halekuai no ka pomaikai o la poe e kipa ana maloko a kuai.
He kumukuai haahaa loa keia e hiki ole ai i kekahi halekuai ke haha mai i like pu hoi ka haahaa o ke kumukuai e like pu meka makou.
Nolaila, e kipa mai e ike nou iho, he ole hoi ka lohe pepela ao wele aku no.
IWAKAMI.
ALANUI I @@@@IF, HONOLULU.