Ke Aloha Aina, Volume VI, Number 18, 5 May 1900 — Page 7

KE ALOHA AINA

 

HE KAAO KAILI PUUWAI

-:NO KA:-

UI MINEWA

-:A ME NA:-

Kaikunane Eiwa

 

I Hooliloia i mau Manu Nene Ahiu a i ole na Keiki i Hoehaehaia

 

Kakauia no KE ALOHA AINA.

 

            I ka hooki ana iho o ka leo kauoha o Roni@ i ka pinao, ua kapalulu ae la kona mau eheu me ka ikaika me he mea la e hoike okoa mai ana no, ua maopopo ia ka makemake o kona haku.

            I keia manawa koke no i hapai ae ai ke kilokilo i ka pinao, a hookuu malie aku ia, a ia wa pu no hoi i opaipai ae ai kona mau eheu a lele pohai ae la no ekolu manawa me ka ikaika nui nana i hoonaka haalulu ae i na pala a pau o ka halealii, i like me ka hoonaneue ana a ke olai, a iloko o na sekona pokole wale no, mahope iho ua lele aku la oia no kahi o ka puka aniani e hamama ana, a nalowale aku la iloko a ka p@.

            Maanei e waiho iki ae kaua i ke kamaiho ana no ka lauhine kilokilo, a e nana aku kaua i ka ui Minewa a me ka moi opio.

            I ke komo ana aku o na kiai i ka rumi o ka moi me ka wahine opio e waiho maule ana, aia no ka moi opio ke uhai kokoke mai la mahope a malalo no hoi o ke kauoha a ua moi nei ua hoihoi loa ia aku la o Minewa no luna o ka punee nani.

            A i ka puka ana aku o na kanaka iwaho, ua laka aku la oia i puka a koe kokoolua iho la ua mau opua hiki ahiahi nei.

            A me ka hoohakalia ole iho, lele aku la ua opio nei a muki iho la i na papalina nohea o ka mea nana i hoopupule mai i kona puuwai. No ka wahine opio, iloko o ke kulana ohewahewa ma o ka hoohana ana a ka wai laau a ka luahine kilokilo, hoomohala ae ia oia i kona mau lima, a iloko o ka hikilele nui o ka moi opio, ua paa ae la kona kani a i i ka puliki ia e na lima o ka wahine opio a huki iho @a iaia ilalo no ka muki ana iho i kona mau papalina me ka puana ana ae me ka leo walohia.

            E kuu Bo@, kuu Bo@ aloha, no keaha oe i haalele mai @ ia'u iloko o ka lima o na enemi ua hoonele ia anei kou puuwai me na hoomanao ana no'u? O na aloha au ia oe mai lala @ mai o ka mole o kuu puuwai.        

            A e like me ka makemake o ka wahine opio pela oia i kulou iho ai a haawi aku la i na muki rumo hana @ o ka mea ana i @ A me ka leo maal@ @ D@ nei i wahine @ ole ae ai o k@ @ i ka i aua iho.

            Aole e kuu aloha, aole i hoonele ia kuu puuwai me na hoomanao mau ana nou, a nou hookahi wale ka pana kapalili ana o ko'u puuwai i ke ao a me ka po. E ku'u aloha e hoolohe mai, aole oe i haule iloko o ka lima o na enemi, aka, he mau hoaloha no ia nou mailoko a waho.

            Na keia mau huaolelo i hoopiha mai i ko Minewa puuwai me ka hauole a ike pu ia aku la na hio hiona hauoli i ka pahola ana ae ma i napapalina nohea o ua @ nei.

            Nana pono ae ia kona mau maka i ka mea nona keia leo i pae iho ai aka, mamuli nae o ka mana ikaika o ka laau a ka luahine kilokilo, ma ke kaili aua i kona mau noonoo ao kanaka ua hiki ole iaia ke ike ae i ka like ole o keia heleheleua o ka mea a kona puuwai i aloha ai.

            A me na manao kuhihewa no nae iloko o ka wahine opio o kona aloha kakia iwi no keia, aole oia okalakala ae, aka, ua huli gapa ahi ae ia oia, me he moku la i loaa i ka pea wini ka wahi aoao me ka pi kai ole, a iloko o keia wa i powehiwehi loa aku ai ka ike ana o ka mea kakau a hiki i ka nalo ana aku o ua mau opua la ma kona ike hou ana aku.

            A ma keia wahi e waiho iho ai ka mea kakau moolelo i ke kamailio ana no na opio e kuwili mai la ilo ko o ka rumi kapu o ke kakela,  a e nana aku hoi kaua ia Boliona a me kona hoaloha aoo e noho mai la maluna o ka mokupuni Toledo.

            I ko Boliona hiki ana aku i ka home o kona kamaaina, ua kauoha koke aku la ka haku hale i kana mau kauwa no ka hoomakaukau koke ana mai i mau mea ai.

            He mew oiaio, iloko o na sekona pokole wale no ua makaukau mai la na mea ai, a ia wa no i huli ae o Lo@ a kono @ la i ke kanaka opio no ka naue pu ana aku me ia maluna o kona papaaina no ka hoopiha ana i ka lua o ke maina. Aka, ua luliluli ae la ke poo o ua opio nei a pane mai la.

 

HALEKEAKAOHANA ORPHEUM.

POAHA, POALIMA, POAONO, A ME LA KA AUINA POAONO.

E paani hou ia ana ka paani i ohohia nui.

Uncle Tom's Cabin

E nana ae ia BABY RUTH ma ke ano o Little Eva.

He nui na lealea me na himeni.

E nana ae ia HOGAN ma ke ano o Uncle Tom.

 

E nana ae i na ILIO hanu meheu ka EKAKE na KII HAU.

            Uku Komo 50 a me 15 keneta. No noho mahope he 10 keneta po na Keiki malalo 12 makahiki. Ka Noho Mua 75 keneta. E loaa no na noho ke hookahi i ka T@ 540.

 

HE NANA PUUWAI ELEELE.

 

HOOPAHUIA KA HALE O KE KANIKELA PUKIKI.

 

            Ua Laki Nae Aole he Ola 1 Poino - Ua Manaoia na Kona Mau Enemi Keia Mau Hana.

 

            Ma ka hora 1:15 o keia wanaho Poalima, no hoopahu ia iho ia ka hale o ke Kanikela Pukiki e ku nei ma ke alanui Penesacola, e kekahi mea puuwai eleele i ma opopo ole kona ano, aka, ua ma nao waleia no nae na kekahi no ia o ko Kanikela Ca@ mau enemi.

            O kahi o ka mea hoopahu i waihoia ai malalo ponoi no ia o ka papahele o kona rumi moe, ua maopopo loa ia, mamuli o ka nui loa o ka poino i ike ia ma ia aoao o ka hale. Ua nui na wahi i weluwelu o ka papahele a me ka puka aulani, aka, o ka mea laki loa nae, aole he ola i hoopoino ia mai na apanapana laau i lele liilii ae ma o a maanei o ka rumi.

            Aole wale o keia hale kai hoopoino ia e ka mea hoopahu, aka, o ka hale kekahi o E. R. Hendry e ku ana ma kahi he iwakalua kapuai mai kahi mai o ka mea hoopahu i pahu ae ai, ua nahaha ka puka aniani e haliu aku ana ilaila, a o kekahi mau hale e ae e ku koke ana malaila no hoonaueue pu ia. Ua hoohikilele ia na poe malaila no keia leo pahu, a ua lohe like ia ia leo halulu iloko nei o ke kulanakauhale. O na poe kokoke malaila na hoea ae lakou e ike kumaka i keia mau hana a ka opu lokoino.

            Mahope iho o ka hoike ia ana mai o keia hana weliweli i ka halewai, ua hoouna koke ia aku la na makai no ia wahi. Aka, aole nae he wahi meheu i loaa aku no ka mea @ i kooko aku i keia hana powa i ke ola o ke Kanikela Pukiki.

            Ua olelo ae o Canavaro he mau hana no keia ua kona mau enemi. He makahiki a oi i hala ae nei ua hoao ia no e powa kona ola me ka dainamita. He elua mau kanaka i hoohuooi wale ia na laua kaia mau hana e huli ia nei e ka oihana makai.

 

            O ka Auseteralia ke hoea mai apa i keia Poakolu iho mai Kapalakiko mai.

            He halawai makaainana nui ka ke aoao Repubalika maloko o ka hale paikau i ka po Poakolu nei.

            E malama hou ia ana he hookuku kinipopo mawaena o na paele keaka a me kekahi mau keiki i wau la no ka regimana koa ma keia mua iho.

 

Nuhou Kuloko.

 

            Eia o Kauka Hoffman ke nana akahele nei i na lepo o Kina Taona i ka pau loa o na anoano bubonika i kupu ae malaila.

            Ua haawi hou ia ae ka paani lealea loa a Hogan i kapa ia Uncle Tom's Cabin maloko o ka Orpheum mamuli o ka nui o na poe i noi aku.

            O ka nui o na make o ke kulanakauhale nei, no ka mahina aku la o Aperila he 113, a he 22 oia huina i make i ka ma'i akepau.

            He 26 mau kaikamahine o Iapana i hului ia ae no ka halewai ma ka po Poaono nei no ka hoao ana e wehe i ko lakou mau hale oihana lapuwale mauka nei o Leleo.

            Eia ke hoomaopopo ia nei ka hoi ana mai o na iole iloko o ke kulanakauhale nei, mahope o ka nalowale ana no kekahi mau mehina loihi, a ua olelo ae kekahi poe he hoailona ia no ke kaawale loa ana aku o ka ma'i bubokika mai ke kulanakauhale nei.

            Ua hoea mai la maluna o ka mokupea Andrew Welch na lako o ke alanui kaa uwila o ke Kiekiena Pakipika. E hoomaka koke ia ana ka hoomoe ana i na alahao i ka wa e pau ai i ka hoolele ia mai no uka nei o ka aina na lako hao.

            Eia ke liuliu hou mai nei ka hui heihei lio no ka malama hou ana i na lealea heihei lio mawaho o ka paka heihei Kapiolani, ma ka la 9 a me 11 o June e hookokoke mai nei. Mahope hoi o ka hookuu ana mai la o ka ma'i bubonika i kana mau hana hooweliweli i keia kalanakauhale.

            Ua loaa pu mai na hoike mai Wasinetona, ua hoao ae kekahi mau hoa o ka Ahaolelo e kaili i ka mana o ke koho ia ana o na makaainana o Hawaii nei ma na kulana Kiaaaina a me na Lanakanawai Kiekie. Aka, ke kaualua ia la no nae ka holopono oia kumuhana.

            Ua pakele ae ka hale hoolimalima o ka @ W. C. Achi e ku nei ma ke kihi o na alanui Moi a me L@ mai pau i ke ahi ma keia wanaao Poaha, ma o ka nahunahu ia ana o kekahi pahu i piha me ke kukaepele e ka iole oloko o kekahi keena kuai o ua hale la e noho ia ana e na Iapana, ua laki nae i ka ike koke ia ana e hoo@ ia iho la.

            Ua loaa mai nei na hoike ana no ka olohani ana ae la o na limahana Iapana o ka mahiko o Kihei, mamuli o ko lakou makemake ana e hoemi ia mai ko lakou mau hora hana aia lakou ma Wailuku kahi i hoolohe ia ai ko lakou hihia. He 500 ka nui o na Iapana i Laalele i ka hana.