Ke Aloha Aina, Volume VI, Number 19, 12 May 1900 — Page 1

KE ALOHA AINA

 

HILO BAY, HAWAII

UA MAU KE KEA O KA AINA I KA PONO

HOOKUMUIA 1 MEI 20, 1895

 

BUKE VI.      HONOLULU, POAONO, MEI 12, 1900.    HELU 19

--

HOOPAKELE IA O WEPNER

--

AIA NA BOA KE EMIROPE

LA NO KA AKAU.

--

Eina Mau Puali i Hoouna ia no

ka Hoopakeleia Ana ia Mafe

kiag--Ke Kulaea ma Manila.

--

            Ladana, Mei 2, hora 4 a. m  He oi aku ka ikaika o ka hakaka ana ma kahi kokoke i Ladysmith, ma na hoike a Haku Rabata no ka Poakahi a me ka Poalua, e hoike ana ia i ka kahana o na kue ana a na koa hope o na puali Boa i na pealikoa Beritania e nee aku ana imua ma ka Poaono a me ka La Pule.

            O Kenerala French i lawe ae la i ke kulana alakai, ai malalo on a he 15,000 kanaka.  Aka, na olelo ae nae kekahi poe he 30,000 kanaka ona.  O ka nui o na Boa mawaena no ia o 6,000 a me 10,000.

            Elike me na lono i loaa mai Pretoria mai no ka la 28 o Aperila, ea makaukau lakou no ka haawi ana mai i kekahi hoouka kana ikaika, a he nui hoi ka lakou mau pukuniahi.  Elike me ka hoihi o ka hakaka ana o kekahi hapa o ka puali o Haku Robata ma Tuaba Nehu, o kona nee ana aku no Pretoria e hoohakalia ia ana ia  Aole he mea i manao e hiki ana ia Kenerala B@tha ke ku hou mai no kekahi mau la kakahiaka i koe.  A ua manao loa ia e hoanahee ia aku ana oia e na kanaka o Haku Robata.

            Ua lele kana aku na Boa i na kiai o waho o na Beritania ma Boshof, ke kahua hoolulu o Saku Methuen, aka, aole nae he wahi pomaikai i loaa ia lakou.  Ua kipoka aku na pukuniahi a na Beritania ma Warrenton maluna o na auwaha i paa pono ole o na Boa a kipoka aku la ia lakou ma ka La Pule.

            Ua hona mai la he ahai mama mai M@fekn@g mai o Ootosi, he 61 n@ ma ka akau aku, ma ka la 22 o Aperila me na hoike no na nupepa o Ladana.  O ka hoi ke a ka Morning Post i hoopuka ae ai.  Ua hiki ia makou ke paa hou aku no elua mahina a oi.

            O Konela Plumer i manao ia ua hoopuipui ia aku oia e ka puali Rhodesia, ua nee hou aku la oia no mua.

EMEHOPE NA BOA MA WEPNER.

            Ladana, Apr. 25.  Ua loaa mai la keia mau hoike i ke Keena Kana mai a Haku Robata mai no ka la 25 o Aperila, hora 3:25 p. m.

            Ua emihope aku la na enemi mai ke alo aku o Wepner ma ka po nei a neo aku la no ka hikina akau oia ke alahele o Ladybrand.  O  ko lakou heluna ma kahi no ia o k 4,000 a me ka 5,000.

HOOLE O ROBATA I KO BULA MANAG.

            Ladana, Mei 1.  Ua hoopuka ae na nupepa ua hoouna aku o Kenerala Bula i kana waiho i ka oihana ia Haku Robata mahope iho o kona hoopuka ana i kana mau olelo hoike no Spion K@p, aka, ua hoole aku nae o Haku Robata i ka ae ana i keia manao

@LUA PUALI I HALA AKU LA NO MA-

FEKING.

            Ladana, Mei 1.  O ka mea kakau o ka Express ma Cape Town ua telegarapa mai la oia:

            Ua loaa mai la ta'u he mau hoike oiaio ana, na hoouna ia aku la o Kenerala Hunter no Kimberley no ke alakai ana i kekahi kolamu koa ikaika no ka hoopakele ana ia Mafeking.  O ka puali o Kenerala Barton kekahi i hoomuia i Mafeking, a me he la, e kokua ia aku ana oia e Haku Methuen.

KE KULANA MA PILIPINE.

            Manila, Mei 1, hora 10:40 a. m.  Ua hoike mai nei o Mekia Gilmore o ka regimana 43 mai Calbayon, Sama mai, he mahele koa o kona bataliona kai hoopuni kana ia e na Pilipine ma Catehig no elima la, maloko oia manawa na poino he 19 o kona mau kanaka i make a me elua i hoeha ia.  I ka loaa ana mai o keia hoike ia Mekina Gilmore no keia kulana pilikia o kekahi o kona mau puali, ua hoouna koke aku la oia i na kokua a hoauhee aku la i na kipi.

            Ladana, Mei 1.  Ua hoopuka ae ka Daily Mail i keia mau hoike malalo iho nei mai kona mea kakau ma Hongkong, penei:

            O ke kulana ma Pilipine aole ia iloko o ka holomua, a he nui na pilikia i ikeia o ka oihana kalepa ma ka Hikina.  No na mahina i hala ae nei na manaolana mau na kanaka kalepa e hoea mai ana ka hopena maluhia.  I ka wa o Kenerala Young i uhipu aku ai ia Dagupan a me Aparri me kona mau koa ua manaoia ua hoea mai ka wa e pau ai ka noho ana kupilikii.  Aka, mahope mai nae na ike ia iho la aole he kokokua o Kenerala Otis i keia mau hoonee ana.  A mai ia la a hiki i keia wa, ua loli ae la ke kulana o ka mokupuni mai ke ino a ka lapuwale loa, a na komo ka aina iloko o ka haunaele mau.

            Ua kaena aena Pilipine o nei i ka wa e hoomaka ai o ke kau ua ma ka mahina ae nei o Mei, e oili hou mai ai o aguinaldo mai kona wahi i pee aima na mauna o Luzon Akau, a kukulu hou ae i kona aupuni me ka hoakoakoa pu mai hoi i kona mau kanaka i kau hilii.

KA MA'I BUBONIKA MA MANILA.

            Manila, Apr. 21.  O na make hikiwawe ana o pa Pake a me na Pilipine ma ka makeke Quiapo, ua lilo ia i mea e huli pono la ai a ua ikeia he 15 ma'i ma ia wahi maloko o hookahi pule, a he 14 oia heluna i make.  O keia makeke aie iwaena o ke kulanakauhale.  Iloko o na hale laau apulu i noho ai na ohana o na poe malama pakaukau.  O ke kahi poe iloko o hookahi hora wale no i loaa ai i ka ma'i ua pau aku i ka make.  Ua hoakoakoa ia ae na poe o ka makeke me ke kiai ia o ko lakou mau hale e noho ana no elua pule.  A mahope oia e puhi ai lakou i ka makeke.  O @ noi o ua make bubonika i ike ia @o 119 Pake a me 66 Piipine.

HE HIOHIONA KUPAIANAHA.

            Corning Cal., Apr. 16.  He mau hiohiona kupaianaha kai ikeia ma ka paia lewa akau mai keia wahi aku ma ka hora 7:04 o keia po.  Ma ka hoomaopopo ia ana, me he mea la, he hoku haule, ua pahu ae la nae ia ma kahi he 80 degere mai ka honua ae, me ka haalele ana aku he popo ahi mahope, i pii mahuahua mau ae kona nui.  Mahope o ke pahu ana, ua oili mai la ke hoku haule mailoko mai o ke kikowaena o ka popo ahi a hoomau mai ia i kona iho ana no lalo nei o ka honua.  Ua kau keia kia ahi me ka ike moakaka ia no kekahi mau minute.  He lehulehu wale na makaainana i ike i keia mea kupainaha.

HE WAIWAI HOOMANAO.

            Nu Ioka, Apr. 25.  Ua hoike aku la ke Keena Aupuni ma Wasinetona ia Mrs. Rita L. Ruiz, ka wahine kanemake a Kauka Ruiz, i pepehi ia ai maloko o ka halepaahao o Guanabacio, Cuba, oia, oia e noho ana ma ke ano he pio na na Sepania, o ka noho ana i kakau hope ai i kona mau manao e hoihoi ia aku ia iaia.

            Ua lilo mai keia noho ia Kenerala Fitzhugh Lee mahope koke iho o ka make ana o Kauka Ruiz, i hoea mai ma ka 1, 4 o Feberuari, 1896.  Ua malama ia na noho la e Kenerala Lee, a hiki i kona haalele ana no Kavana he elua maka@ki i hala ae nei, ua haawi aku oia i ka Hope Kanikela Beritania Jerome no @a malama ana, a e malama a hiki i kena huli hoi hou ana mai i Havana ma ke noi a Mrs. Ruiz, ua hoouna ia aku la ua noho la no Wasinetona.

            Ua kakau ia keia mau huaolelo mahope o ua noho la e Kauka Ruiz me kona mau maiau ponoi i hookomo iho iloko o kona koko.

            Kuu Mercedeis, Evangeline, Ricardito, aloha.  E kau mau keiki o keia ola aria, ke haawi nei au i na hoopomaikai ana.  E hoolohe i ka makuahine.  Gude bai, Rita o kuu uhane.