Ke Aloha Aina, Volume VI, Number 19, 12 May 1900 — I NA ALOHA AINA. [ARTICLE]

I NA ALOHA AINA.

Oiai ua loaa mai nei ia kakou ke kope o ke kanawai o ke Aupuni Panalaau o Hawaii, a ka Ahaolelo o Amerika i hana mai nei, ka mea a kakoui kaukai aku nei, malaila, e alakai ia aku ai na hooponopono ana i ole ai e mauae wale aku mamua o ka mea pono maoli ke hana ia, nolaila, ma ko makou hoomaopopo ana iho i ke ano nui o ua kana- wai la, ua kaa mai la ka pono nui a me na pomaikai ma ka poho lima o ka Lahui Hawaii ma o ka mana koho balota la, a no ia mea, ke ao aku nei no makou me ka hoonaauao ana aku, mai ae aku ia oukon ka īa|mi e komo pu aku, a e hoohaukae pu aku ia oe, me na aoao a Ahahui e ae e noke mai nei i ke kukulu ma kou komo ana aku a kakauinoa a lilo i lala no kekahi o ua mau Ahahui la, aia lakou e ake mai ana me na olelo pelo i mea e lilo pio aku ai kou pono kuokoa. O ka makou e ao aku nei, e ku malie kakou pela, a oiai, eia no na ahahui alakai o ka lahui, oia Ke Aloha Aina me Kalaiaina ke mau nei no, a ke hoomakaukau mai nei na alakai no ke kahea ana mai ia kakou e komo pu aku ma kekahi halawai makaainana nui e whe ia aku ana ma keia mua aku, a malaila e maopopo ai ia kakou, ka aoao pono a kakou e ku ai a paio aku me na aoao e ae, a ma ko makou hoomaopopo ana i na manao o kekahi o na alakai o na ahahui, wahi ana i aoao kuokoa no ka pono loa, a waiho i na aoao e ae me lakou iho. A i hoowalewale ia mai kakou mai ae aku.