Ke Aloha Aina, Volume VI, Number 20, 19 May 1900 — Page 7

KE ALOHA AINA

 

HE KAAO KAILI PUUWAI

-----:NO KA:-----

UI MINEWA

-----:A ME NA:----

Kaikunane Eiwa

----------

I Hooliloia i mau Manu Nene Ahiu a i ole na Keiki i Hoehaehaia.

---------

Kakauia no KE ALOHA AINA

 

            E kuu hoaloha o keia mokupun malihini e kala mai ia'u, no ka noho pu ole ana aku me oe maluna o kou papaaina, oiai, ua hoomaona ia au me ke aloha o ka wahine opio i kaili lima nui ia aku e ka luahine kilokilo

            A ma keia wahi i helelei iho ai kona mau kulu waimaka, a me ku hookaukaulua ole iho hapai hou ae la oia i ka ohenana a hoolele aku ia i kona lena ike maluna o ka mokupuni a kana Minewa e noho pio ana iloko no o keia manawa ua hoohiki lele ia ae la ua opio nei i ka ike ana aku i kekahi mea nui eleele e lele kaapuni ana maluna oka mokupuni, oia kana i huli ae ai me ke ke ano pahaohao a ninau aku la ia Lolita.

            He mea nui pahaohao ka'u e ike nei i like me he manu la ke ano ke lele kaapuni ae la maluna o ka mokupuni a ka'u aloha e paa pio la me ka ikaika nui a ma kona ala hele e hele e helelei ana na huna ahi a i ko lakou wa e hookui ae i kahi hookahi ua lilo ae la lakou he mau puu ahi mailoko mai o lakou i oili mai ai he mau puu ahi mailoko mai ai he maukukuna malamalama e hoahuwale ana hoi i na puo, na awawa, na kuahiwi, a pela aku o keia mokupuni.

            I keia manawa no i lalau mai ai kona hoaloha aoo i ka ohenana i kona mau maka, ua lohe ia aku la kona leo i ka uhu ana ae a hookuu iho la i kana ohenana ilalo me ka pane ana mai me ka leo inaina.

            Ua ike a ua maopop aku la ia'u aole ka mokupuni i noho me ka nanea, aka, aia oia ke liulie la no kekahi hoouka kaua nui, a'u e manaoio nei aole paha ia no kekahi mea okoa aku, aka, no kaua no ia.

            O kela mea nui eleele au i ike aku ia e lele poui puni la maluna o ka mokupuni me ka ikaika he kiai ia no ua wahi mokupuni la he pinao, a o na huna ahi e oililii mai la ma kona alahele no ka ikaika no ia o ka upoipoi ana o kona mau eheu.

            Nolaila, i mea nou e hoomaopopo ai i ka oiaio o ka'u mau hoike e hapaiae i ka ohenaua a kiola hou aku i ka lepa ike o kou mau maka maluna o ua mea pouliuli la a e ike no oe i ka oiaio o na mea a pau a'u i hoike aku nei ia oe, wahi a Lolita i pane mai ai.

            I ka hooki ana iho o ka leo o ka elemakule oia no ka wa i lalau hou aku Boliona i ka ohenana a hapai ae la i kona mau maka, a no kekahi mau minute kona nana hooma i ana maluna o ua mea eleele nei e lele ana i ka lewa, aia hoi, ua ike io aku la oia he holoholona kino pinao keia e lele nei iluna o ka lewa me kona mau maka hoi e aloalo ana ma o a maanai me ka weli nui, a o la huna e helelei mai ana ia i ka wa o kona mau eheu e opaipai ai me ka ikaika.

            Ai ka pau ana ae o ke pohihihi o ke koa opio Boliona no keia mea kupaianaha e lele nei, ua hooiho oia i ka leua ike o kona mau maka maluna o ka mokupuni, a i wa no i halawai mai ai kona onohi ike me na kanaka e holoke ana ma o maanei i aahu pono ia me na lakou kaua a o kekahi poe o lakou e hookala i na mea kaua, a i ka hoomaopopo ana ae o Boliona na oiaio na olelo a kona hoaloha aoo i hoike mai ai, ua haalele aku la oia i ka hoomau ana aku i ke kilohi ana ia lakou a hoohuli ae la i ka ike o ka ohenana no luna o ka halealii, kahi hoi a ka na aloha e paa pio ana.

            I keia wa pu no i komo mai ai na lili ikaika iloko o kona puuwai me ka makemake ole hoi e ike i ka moi opio o hookokoke ana ma ka aoao o kana aloha.

            A i keia manawa e hoopihaia nei o ka punwai o ke koa opio Boliona me na manao lili punalua, ua haule popo aku la kona lena ike maluna o ka halealii a komo pono aku la no loko o ka rumi kahi a na opua e hoohaehae ana i ka naulu, a i ike pono aku la hoi oia i ka hopili ana mai o kona enemi i kana Minewa ma kona poli me ka haawi ana iho i na muki aloha ana, aka, aole nae oia i kue aku kana aloha. A ike la oia iaia i ke apo ana ae i ka a-i o kona enemi a minoaka ae la, a i ia wa no i puwehiwehi ae ai na maka o ke koa opio i ka wa i nalo aku ai ua mau eueu nei i ka hee nalu.

----------------

 

            E keaka ana no ka Orpheum i keia po.

            Aole no ko makou puuwai i hoopiha ia me na manao hauoli no ka hooholoia ana mai ia o ka Bila Teritori a me ka maopopo ana mai la o ke Kiaaina hou, aka eia no makou ke noho nei me ka u ana no ke aupuni kahiko o Hawaii i kaili lima nui ia e na poe puuwai eleele. U aloha no kakou.

____________________________________________

           

Kauka I. Katsuki

--------------

            Keena hana a me kahi noho alanui Vinia, mawaena o ke ala nui Nuuanu a me Muliwai.

            Na Hora Hana 9 a ka 11 a.m., 7 a ka 8 p.m.

HE MOOLELO WALOHIA

----:NO:---

ALANADELA

------------

Ka Wahine Hoopahaonao o ka Aahu Keokeo

----A I OLE---

Ka Loea Hookani Pila Hapa  o ke Kuu Aumoe.

--------

            A i ka nalo ana aku o na kuahiwi nani o ko kaua aina aloha aka hi no a koma mai iloko o'u na manaolana hauoli no ka palekana o kuu ola. I kekahi la ae ua hoohi kilele ia na mea a pau o ka moku i ka ike ana mai ia'u he kanaka mahuka, a hooholo iho la e hoopaa ia'u a hoihoi hou aku i Sekotia.

            He mea oiaio, ua hooko ia iho lakeia manao, a iloko o na sekona po kole wale no mahope iho aia au he pio no luna o ua moku nei me kuu mau lima a me na wawae i kupea ia me na kaulahao, a kiola ia aku la au no ka rumi paahao o ka moku.

            No kekahi mau la loihi aole a'u wahi mea ike ae no ke alahele a ka moku e holo nei a me na poe puuwai lokoino nana hoi i haawi mui la ia'u i keia kulana ehaeha, aka, ma kekahi ahiahi nae mahope o ka pau ana ae o ko'u paina ahiahi, ua maalo he elua mau luina mawaho o kuu wahi e noho pio ana a ia wa i lohe aku ai au ia laua e kamailio ana me na leo kauinaha no ke kula nawaliwali loa o ko lakou kapena, ke kanaka hokahi hoi i aloha nui ia e lakou.

            I ko'u lohe ana i keia leo hauwa laau, ua kuhea kokoke aku la au ia laua e hele mai imua o kuu alo. a i ko laua lohe ana mai i kuu le o kahea ua hele koke mai laua imua o'u a ninau mai la heaha kau i kahea ae nei ia maua?

            E kala mai e na kanaka maikai no ko'u mahaoi wale ana aku la ia olua, aka, o ke kumu nae mamlui no ia o kuu lohe ana aku nei ia olua e kamailio ana aia ko kakou kapena iloko o ke kulana nawaliwali

            Ae, wahi a na luina i pane mai ai me ka maile, eia ko kakou kapena iloko o ke kulana nawaliwaili loa ma o ka hoomailo ana a kekahi mai ikaika loa, a ua manao ia aole oia e ike ana i ka la apopo, oiai, ua pau kona hoomaopopo ana ae i ka helehelena o ka mea walaau iho iaia.

            Aole aoei he kauka maluna o ke ia moku?

            Aole, wahi a ka pane.

            E na hoaloha he mea maopop e poino io ana oia i na aole he lawelawe iapaau e malama koke ia ana maluna ona. E ae ia mai ana anei au e hole aku i ona la, no ka mea ke manaolana nei no au malia e hiki no ia'u ke haawi aku he mau kokua ana.

HE ULIA POINO WELIWELI

--------------

HE 250 OLA I HALAWAI ME KA MAKE MAINOINO,

-------------

Ma o ke Pahu Ana o Kekahi Luna Maina ma Uta-Na Hiohiona Kaumaha o na Ohana.

------------

 

            Loko Paakai, Uta, Mei 1. O ke kahua maina ma Scofield, Uta, i keia la he niohiona poino loa kona i ike ole ia ma ke Komohana. O ka maina helu 4, i hoohana ia ma ke ano he wahi waiho pauda, ua pahu ae ia, a o ka hopena he 250 ola i make, ka heluna holookoa hoi o na kana e hana ana maloko o ka lua maina i ka wa i pahu ai. A hiki i ka hora 10 o keia po he 85 mau kino make i loaa aku, a eia no ke hoomau ia nei ka huli ana. O na hiohiona oka maina he ku i ka walohia. O na wahine a me na keiki i ko lakou wa e kali ana, e awe kawo ana lakou me ka hoopuka ana i ka inoa o ka lakou mau mea aloha, a i ka wa o kela a me keia kino make e lawe ia mai ai maluna o na manele, e holo mai ana lakou me na leo kuwo a waiho maule iho la ma na kapuai o na kino o ka lakou mau kane a i ole o ko lakou mau makuakane.

            Loko Paakai, Me 2. He lono kuikawa kai loaa mai la i ka Desert News mai Scofield mai, ma ka hora 10:30 o keia kakahiaka, e olelo ana: Ma kahi he 201 kino i loaa. I keia wa ua hoomaopop ia, ma kuhi o 300 a me 400 kanaka i komo iloko o ka lua maina, a ua hoomaopopo ia he heluna nui o lakou i make. O na hiona weliweli aole ia i maopopo i na kanaka o keia wahi, oiai, mo ka po nei na hookaawale ia na wahine mai kahi aku o ka poino i ikeia ai. O keia mau kahua hoolulu elua ua hoomaopopoia ka lehulehu wale o na kane i mare ia e hana ana maliala, no laila, na hooi loa ia aku na nanaina manaonao. Maloko o ka ohana o Hunter he ehiku kane i nalowale. Mawaena o na make he iwakulua mau keikikane.

            O ke ano o ka hoea ana mai o keia ulia poino weliweli, aole he mea i maopopo, a me he mea la, aoole no paha e ike ia ana, a he nui na kumu i kohokoho wale ia ae. Ma kekahi halawai makaainana i malama ia no ka hoopakele ana i na ohana o ka poe i make, he $3,000 i lele ia.

-------------

            Ua huli hoi mai la o W. O. Kamika malupa mai la o ka mokuahi Rio Jaueiro, mai Wuai@lona mai, kekahi o na elele i hoo@na ia aku nei ilaila no ka hooikaika ana i ka pono o ka poe waiwai.