Ke Aloha Aina, Volume VI, Number 21, 26 May 1900 — Page 3

KE ALOHA AINA

 

 

OEHUEHU NA BERTANIA E NEE LA

 

HOOPAKELE IA KE TAONA O MAFEKING.

 

Lawe ia o Na Kukela e Kenerala Bula - Nui na Alakai o na Boa e Paa Pio Laa.

 

            Ma ka hoea ana mai la a ka mokuahi Amerika @ i loaa mai ai ia makou he elua mau la makamaka hou o kana @ nuhou o na aina mamao i ka ka mokuahi Alameda, a eia mai ke unuhi ia aku la no ka pomaikai o ko makou poe heluhelu:

            Ladana, Mei 18. Ua hoopakele ia o Mafeking. O ka lono i loaa mai no ka hoopakele ia ana o Mafeking, ua kau ia ae ia mawaho o ka Manson House, a ua pahola awiwi aku la heia nuhou. Ua akoakoa ae he puolu kanaka nui ma na alanui me ki haawi i na leo huro hauoli.

            Ma ka hora 9 ua hoopuka ae ke Keena Kaua, aole he mau no hou i loaa mai iaia, a ma ka hora 9:40, o ka Hake Meia A. J. Newton, iloko o kona aahu luna aupuni, ua hoike mai la oia i ka nuhou hauoli i na kanaka mawaho.

            Ua ukali ia mai ka Haku Meia e ka Lede Meia no mua o ka Manson, kahi o kekahi kii o Baden-Powell e hoikeike ia ana me na hauolelo malalo, ua "hoopakele ia o Mafeking."

            I ka wa o ke anaina e kowelo ana i na hae Beritania, na puana aku oia.

            Ke makemake nei @ e hoea aku ko oukou mau leo huro i Mafeking.

            Ma keia wahi i hooki iho ai kana haiolelo i ka wa a ka lehulehu i mele mai ai "E @ o Beritania," a mahope iho oia wa na haiolelo hou mai la oia.

            Aole loa kakou e kanalua i ka hopena e hoea mai ana, o ko lakou manao hope ole, e hoea mai ana no ka lanakila ma ka hopena.

            Ludana, Mei 19, hora 4 a.m. O na miliona o na kanaka o Ladana, na hoolilo ae lakou he hapalua o ka po ma na alanui, no ka hauoli ana i ka hoopakele ia ana o kahi @ o Mafeking, a hiki i ka hora 4 o keia wanaao, eia no na kanaka opio ke paikau hele mai nei ma na alanui me ka himeni a me ka huro ana, a he lehulehu wale o na kanaka e akoakoa la ma ka Manson House, Marlbrough House, ma na hui Pall Mall a me ke Keena Kaua, e kowelo ana i na hae me ka himeni ana i na mele lahui. O na manao ohohia na hoike ia ae ia he elua a i ole ekolu maawa, aka, aole nae nae lakou i like me keia po. He mea kupanaha ka ike ana aku i na elemakule e kiola ana i ko lakou mau papale i ka lewa me ka huipu ana iloko o na uwa i ka wa e maalo ae ai ke kii o Konela Baden-Powell. O na wahine hoi ua koani mai lakou i na hae.

 

KA HANA WIWO OLE A KONELA BADEN POWELL.

            Ladana, Mei 18, hora 3:30. O na @ ano nui i loaa mai la mai Lourenzo Marquez mai, mai na hoike no ia i makili mai mai Keena Kaua mai o Pretoria, e hoike ana o na Boa i lele kaua aku maluna o Mafeking i ka Poaono nei, ua haule lakou iloko o ua hana hoowalewale a na Beritania. Ua ae aku o Konela Baden Powell i ua Boa e lawe i kekahi o kona mea papu, a ia wa i hoopuni ae ai oia i kona mau enemi me kona mau koa a lawe pio ae la ia lakou. A ma keia ano i paa ai o Sarel Eloff, ka moopuna a Peresidena Kreuger a me kekahi hapa o kona mau kanaka, a he kanaiima Boa i make.

 

LAWE IA O NU KAKELA

            Ladana, Mei 18. Ua hoike pili aupuni ia ae na hoea aku la o Kenerala Bula a lawe ae la ia Nu Kakela.

            Ua loaa mai ia he hoike mai a Kenerala Bula mai no ka la 18, e olelo ana:

            Ua laweia ae la o Na Kakela ma ka po nei, a a keia la e hoahoakoa aku ana ka Mahele Ehiku @ a me ka puali Kaua Lio Ekolu malaila. Ua hoonua ia aku he puali kaa lio no Kaputu, me ke kipaku ana aku he puali @ o na enemi.

            Na puhiia e na enemi he hale pule i ke ahi me ka hao ia aku he lehulehu wale o na @, aka, mawaho ae o keia aole he @ na poino i ikeia.

            He 7000 kanaka e auhee nei mana@ o makou, a ma kaki o 1000 i hala aku la no Wakkerstrom, a o kekahi poe ma ke alahele o Miller Pass, no ka Mokuaina Kuokoa, a o ke koena iho na hala aku la lakou i ka @, a na olelo no lakou e ku ana lakou a kue mai ma Luinga Nek.

 

HOPUE IA HE MAU KENERALA

            Ladana, Mei 18, hora 4:28 p..m. O keia malalo iho na hoike i loaa mai a Haku Robata mai i ke Keena Kaua:

            Kroonstadt, Mei 18. Ua komo aku o Keneraia Methuen iloko Hoopatad me ke kue ole ia, ma ka la inehinei. Ua haawipio mai na Kenerala Duprey a me Daniele me kanaha kanaka. Ua laweia ae la o Liudley ma ka la inehinei e Broadwood, mahope o @ kua liilii la ana mai. He elua wale no o ko makou mau kanaka i hoeia ia. Aole o Steya malaila, a ua haalele iho koi mau @ aupuni ma ka Le Pule. Ua hoohikilele aku ka puali o Kenerala Hutton me ka hopupio ana aku ma kahi he kanakolu @ mai nei aku ia Kenerala Botha Kenerala Gassen, elima makai Johannesburg a me umi kumamahiku Boa.

 

KE LUKU LA KE KOLERA.

            Ladana, Mei 13. Ua lona mai he mau hoike mai ka mea kakau mai o ke Times ma Bomabe, e olelo ana: Eia ke kolera ke hoo mau nei i ka luku ana iloko o na wahi hoolulu o na poe wi. Ma kahi he eha haneri kanaka i make ma Mandi@: He nui a lehulehu ka mai ma Godra, a ua hiki ole ke ohi aku i na kino make me ka waiho ana no kekahi mau la iwaho o ka la. Ua pau aku aa kanaka i ka holo me ka hiki ole ke hiki ole hoihoi hou mai ia lakou. Ua ike pu la keia mau hiohiona ma Broach.

 

MOIWAHINE VITORIA MA LADANA.

            Ladana, Mei 10. Ua hoea mai la ka Moiwahine i Ladana nei i ke awakea o keia la. E hoohala ana oia he ekolu la maanei. He maikai ke kulana ola o ka Moiwahine, a ua hoohauoli ia hoi no na hookipa pumehana i haawi ia aku ma kona alahele holookoa a hiki i ka Halealii Bakinehama.

 

HE LONO HAUNAELE.

 

            Ma ka hoea ana mai a ka mokuahi Maui, mai Hawaii a me Maui mai, ua lawe mai la oia he lono no kekahi haunaele i malama ia ma ka apana o Kau e na limahana lapaua, a na pepehi ia a make e keia mau limahana he ekolu o ko lakou hoakanaka, no ko lakou hoi hou ana e hana. Ua huli pono aku ke kupakako o ka moku no ka oiaio o keia hoike, a hiki nae i ka wa o ka moku i haalele aku ai ia Kawaihae, Hawaii, aole he mau lono i lohe hou ia mai.

            Ua lawe pu mai oia ha hoike mai Paahau, Hamakua mai, no ke puhi ana o kekahi Iapana i kekahi hale o ka mahilo malaila i ke nui, ma kela ahiahi Puaha aku nei, no kekahi kumu i maupopo ole. Ua hopu ia oia ma kekahi la ae, a hoopaa ia iho la ma ka hale paahao. A mamuli o kona hopohopo i ka hoihoi o ka hoopai o kau @ ana malu na @, no kaua hewa karaima i hana iho la, ua kaawe iho la oia iaia @ ia kakahiaka no, a i ka wa i loaa aku ai na make oia ma ka li ana laia iho me na apana lole o kona mahu i hana ai elike me ke kaula.

 

            E keaia @ no ka Orpheem i keia po.

 

AOLE NO I HOLOPONO.

 

            Ua kahea hou ia ae ka halawai koho elele a ka aoao Repubalika o ka mahele koho ehiku, apana elima, no ke koho ana i ka lakou elele e hoea aku ai imua o ka halawai aha elele e malama ia ana e ia aoao, ma ka po iho la o ka Poalua nei, aka, mamuli o ke ku ana mai a McCauts Steward, ka loio paele, a haawi mai la i kekahi mau keakea aua e hii ole ai ke hoohana ia keia koho ana, ma o ka hiki ole ana ae o ka hapanui o na poe i kakau inoa aku, ua hoopau wale ia ka halawai koho elele, a hoi nele hou aku la na poe Repubalika oia mahele me ka loa ole ana he elele na lakou.

            He 217 poe i kakauinoa aku malalo o keia ahahui, aka, he 89 wale no nae lala i hiki aku. Ua olelo ia ae aole loa i loaa i ka ahahui kela heluna mahuahua maluna ae, aka, ua hoopihapiha wale ia aku no kekahi mau inoa, aia ka pono o ka nui aku o na inoa, a na ikeia he poe kekahi i hoopaa ole i ko lakou mau inoa malaila. Nui na hana hamabaga i lawelawe ia ma keia mahele.

 

NO KA AINA O KA EHAEHA.

 

            Ua laweia aku la maluna o ka mokuahi Lehua, ma ke ahiahi Pualua nei, ma kahi le kanaha poe i loohia me na haawina luuluu o ka mai hookaawale ohana no ka aina o ka ehaeha, ka lua kupapau hoi e kanu ola ia nei keia lahui.

            He kaoo kanaka nui kai hoea ae ma ka @ o na mai e hookau ia aku ai no luna o ka mokuahi, a he ku i ka walohia na hiohiona i ike ia malaila mawaena o na ohana a me na hoaloha a me ka poe e lawe ia ana no ke kahua mai lepera o Molokai i ko lakou halawai hope ana ae a nalo aku no ka wa @ loa. He nui na leo @ a me na waima ka i hookahe ia, a hiki i ka wa i haalele iho ai ka mokuahi Lehua i ke awa o Kou nei. Aloha no kakou.

            He huokahi elemakule i loohia ia me na haawina koikoi o keia mai, i manao ia aole e hala aua iaia he elua a i ole ekolu la, i lawe pu ia aku. Ua kau pu aku ia he ekolu kuikuahine Kalalika no ku haawi ana i na kokua i keia poo pilikia.

 

KAUKA L. F. ALVAREZ.

 

@ ME KAHI NOHO HELU IA

ALANUI K.M.M.A.

 

NA HORA MANA:   8 a ka 10 a.m.

                                    @ a ka 6 p.m.

                                    7 a ka 8 p.m.

NA LA POLE:           8 a ka 10 a.m.

                                    7 a ka 8 p.m.

Telepona 6d@.