Ke Aloha Aina, Volume VI, Number 22, 2 June 1900 — KA BANA LAHUI. [ARTICLE]

KA BANA LAHUI.

Ke loaa ole he mau alalai ana, e hoea aku ana ka bana a ka lahui ma ka hoolaa luakini o Pauwela Haiku, Maui, a e ike ana ko laila mau kini i ka nani o Aipo, e li ana ka io i ke anu o Hauailiki, ke loaa ole he mau kuia. He mau lala helu wale no lakou aka, he io nae, pela ka hoike mai a ko lakou alakai puhiohe Sam K. Kamakaia. Ua nui na poe i hoea ae ma ka ahamele lealea a na keiki o Sana Lui i haawi ae ai ma ka po Poaono nei.