Ke Aloha Aina, Volume VI, Number 24, 16 June 1900 — Page 3

KE ALOHA AINA

 

 

KE ALOHA AINA, POAONO, IUNE 16, 1900.

 

NA HANA O KA LA TERITORI

 

PONI IA O DOLE I KIAAINA MUA NO HAWAII NEI.

 

Nui na poe i Hiki aku, aka, Aole nae he mau Manao Ohohia i Hoikeia mai e lakou.

 

            Ma ka hora 10 o keia kakahiaka, i malama ia ae ai ka poni ana aku ia Dole i kiaaina mua no na pae moku o Hawaii nei, oia ke alo o ka Hale Mana Hooko. Ua nui no na poe i akoakoa ae malaila, aka, aole nae he mau manao ohohia i hoikeia aku e lakou. Ua hoomaka ia na hana ma o ka pu'e ana a Rey. E.S. Timoteo a mahope iho, ua heluhelu ia mai la kona hookohu kiaaaina e Mr. Mott a na Lunakanawai Kiekie Frear i hoohiki aku iaia no ka lawe ana a malama i ke kumukanawai o Amerika Huipuia a me ko ke Teritori Hawaii. Ua haawi mai o Dole he haiolelo loihi mahope iho o kona hoohiki ia ana, a i ka wa i pau ai ua maki ae la na koa Amerika a me na koa Hawaii mamua o ke alo o ke Kiaaina no ka haawi ana aku i ko lakou hoomaikai nona. Ma hope iho oia wa ua hoi aku la o Dole no loko o ka Hale Mana Hooko a malaila i haawi ia ae ai he anaina ike nona.

            E malamaia ana he aha hulahula nui i keia ahiahi maloko o ka pa o ka Hale Mana Hooko, a e hoomalamalamaia ana ua Hale la me na kukui uwila o na waihooluu like ole.

            A o keia mau inoa malalo iho nei na poe i koho ia mai la no ka lawe ana ae i ke kulana hookele ana no ke aupuni teritori o Hawaii nei, e Peresidena Makinile a me Kiaaina Dole.

            Morris M. Estee o Kaleponi, i Lunakanawai Apana Amerika no ke Teritori Hawaii, he malihini.

            John C. Baird o Waiomina, i Loio Apana Amerika no ke Teritori Hawaii, malihini.

            Daniel F. Ray o Ilinoi, i Ilamuku Amerika no ke Teritori Hawaii, malihini.

            William Haywood o Honolulu i Luna Ohi no na Luna Aupuni, malihini.

            Walter Frear o Honolulu, i Lunakanawai Kiekie no ka Aha Kiekie o Hawaii.

            Clinton A. Galbrath o Hilo i Kokua Lunakanawai no ka Aha kiekie o Hawaii, malihini.

            Antonio Perry o Honolulu, i Kokua Lunakanawai no ka Aha Kiekie o Hawaii.

            Abr@ F. Humphreys o Honolulu, i Lunakanawai Ekahi no ka Aha Kaapuni Ekahi o ka Teritori Hawaii.

            Reuben D. S@man o Honolulu, i Lunakanawai Elua, Aha Kaapuni Ekahi, malihini.

            John W. Kalua o Maui, i Lunakanawai no ka Aha Kaapuni Elua o ke Teritori Hawaii.

            W.S. Edings o Honolulu i Lunakanawai no ka Aha Kaapuni Ekolu o ke Teritori Hawaii.

            Gilbert F. Little o Hilo, i Lunakanawai no ka Aha Kaapuni Eha no ke Teritori Hawaii, malihini.

            Jacob Hardy o Kauai, i Lunakanawai no ka Aha Kaapuni Elima no ke Teritori Hawaii.

            J.M. Oat o Honolulu i Luna Leta o ka Teritori o Hawaii.

            E.R. Stackable o Honolulu i Luna Dute Awa no ka Teritori o Honolulu i Loio Kuhina no ka Teritori o Hawaii.

            H.E. Cooper o Honolulu i Kakauolelo no ka Teritori o Hawaii.

            A.M. Brown o Honolulu i Makai Nui Kiekie no ka Teritori o Hawaii.

            Charles F. Chillingworth o Honolulu i Hope Makai Nui Kiekie no ka Teritori o Hawaii.

            J.F. Brown o Honolulu i Komisina no na Aina Aupuni.

            J.A. McCandless o Honolulu i Luna Nui no na Hana Hou.

            A.T. Atkinson o Honolulu i Luna Nui no na Hana Hoonaauao.

            H.C. Austin o Honolulu i Luna Hooia.

            W.D. Alexander o Honolulu i Ana Aina.

            A.T. Hawes Jr. o Honolulu nei i Kakauolelo pili kino no ke Kiaaina.

            He nui na wahi kaawale no na Kakauolelo, aka, ua piha wale no ia me na poe noi oihana.

 

HE WAHINE KA HOPE ILAMUKU.

 

            Wasinetona, Iune 5. He wahine ke lawe ae ana i ke Keena o ka Hope Ilamuku no Amerika Huipuia ma Hawaii. O keia wahine, oia no ke kaikamahine a Daniel A. Ray ka mea i koho ia mai la i Ilamuku no Amerika Huipuia ma Hawaii. O Miss Ray eia oia ke paa nei he kulana ma Wasinetona, nona ka uku he $1,200, aka, e ukali aku ana oia i kona makuakane no Hawaii. O ka loaa ana iaia he mau ike ma Wasinetona, ua olelo ae kona makuakane, ua kupono loa oia no ka lawe ana ae i keia kulana hope, me ka manao ana e loaa mai ana he mau apono ia ana mai ka Loio Kuhina mai o Amerika Huipuia.

 

            I keia la e pau ai ka hoohana ia ana o na dala Hawaii, a e pani ia mai ai hoi ko lakou mau makalua e na dala Amerika.

            He aha hulahula nui ke haawi ia ana maloko o ka lanai i kukulu ia iho nei ma Waikiki iho o ka Hale Mana Hooko.

            He 31 ka nui o na ona rama o ka la 11 o Iune, i hoea ae imua o Lunakanawai Wilikoki, a ua hoopai ia mai lakou ma ka $2.00 pakahi.

 

HE KAAO KAILI PUUWAI

-: NO KA :-

UI MINEWA

-: A ME NA :-

Kaikunane Eiwa

 

I Hooliloia i mau Manu Nene Ahiu a i ole na Keiki i Hoehaehaia

 

Kakauia no KE ALOHA AINA.

 

            A iloko o na sekona pokole wale no, aia hoi, ua holopuni ae la ke ahi maluna o ua wahi mokupuni la e hooneoneo ana i na mea ola a me na mea ulu, a o na kanaka wale no o luna o ua wahi mokupuni nei ka lakou i hoopakele ae ai mai ko lakou inaina ae, a he mea oiaio iloko o na sekona pokole wale no, ua nalohia aku la kona nani, a he mau pohaku aa pele hoi ke wanaoa ana malaila.

            A i ka ike ana ae o na kilokilo Ronio nei, ua hooko aku kana mau kauwa i ke kauoha me ka pewaewa ole, ua huli ae la oia a ninau aku la i kana pinao punahele e lele poh@ la me ka ikaika iloko o ke poiuiu o na paia lewa i ka i ana aku me ka leo nui moakaka.

            E Sinada, ka pinao hooko kauoha pololei, e hoike hou mai ano, eia no anei ko kakou mau enemi ke nee mai nei imua?

            Ae, e ka haku maikai eia no na enemi ke hoomau mai nei i ka nee imua malalo o ka lawe mama ana mai a kekahi mau hoeleele. Aka, aole nae i huhu kona hoomaha ana iho, aia hoi, ua poha mai la kona leo me ka hooho hou ana mai me hikilele nui.

            Loli na kino lio a'u e ike nei e, aia he mau kino mau ao panopano eleele ke pii hikiwawe ae la no luna o na aouli me na enemi. E kuu haku e, ua nalowale laua mai ka ike ana a kuu mau maka, aka, aia no nae laua ke nee mai la no keia aupuni.

            Ua lele ae la ua pinao nei me ka ikaika, e hakilo ana ma o a maanei me ka iini mau ana hoi e ike aku i ke alahele a na enemi i lawe ae ai, a i kona wa i hoonele loa ia ai, ua huli iho la oia ilalo me na manao pihoihoi a kahea mai la.

            E kuu haku Ronio, ua nalowale ua nalowale ko kaua mau enemi, ke halo nei au ma o a maanei, aka, aole nae o'u ike. Nolaila, @ ia mai ke alahele e loaa ai ia kakou ka palekana.

            Kulou iho la ke poo o ka luahine kilokilo no keia mau hoike a kahi pinao me ka noonoo pu ana i kana hana e hooko aku ai, a i ka hala hope ana ae o kekahi mau sekona, ua ike ia aku la oia i ka lalau ana aku i kahi popo eleele me ka hapai ana ae iaia mailoko mai o ka ipu poki o kana mau mea kupua.

            I keia manawa i olokaa ae ai ua luahine nei i ua wahi popo la maluna o kona lima me ka puana ana ae me ka malie.

            E R@la, kekahi o na kupua ike ika o Ainapo, a o kekahi hoi o ko'u mau kokua ikaika o na la i aui aku la, ano, i keia wa eia au iloko o ke kulana kupilikii, a oia ko'u kumu i ui aku la ia oe, e loaa mai he mau kokua ana mai ia oe mai iloko o keia minute no.

            A i ka hookuu ana iho o Ronio i kona ie, ua ike ia aku la, ua wahi popo nei i ka lele ana ae, me he mea la e hoike maopopo mai ana no ua makaukau au no ka hooko ana aku i kou mau makemake me ka paewaewa ole.

            I ka hoopau ana ae o ka popo i kona lelele ana, ua oili koke ae la he leo mailoko ae ona i ka i ana ae me ka leo nui moakaka:

            E kuu haku Ronio, e maliu mai i ka'u hoike ana, ua makaukau loa au e hooko i kau kauoha, ina no ka lanakila a make paha, aole no ia he mea no'u e hoi hope ai, oiai no ke ola e kamau ana iloko o kuu puuwai, i ole loa au e haalele ia oe, a hiki i ka pahu o kou manaolana, a nolaila, e hoike mai heaha kau i makemkae ai ia'u.

            Na keia mau huaolelo maikai i puka mai la mailoko mai o kahi popo kupanaha, i hoopiha mai i ka puuwai o ke kilokilo me ka hauoli a ike ia aku la na minoaka e pahola ana maluna o kona mau papalina a ia wa no i pane mai ai oia,

            E Ronila nou ko'u @ hoomaikai palena ole ana, oiai, akahi no a maopopo ia'u eia no ka ke aloha pili paa ke lalawe mau nei iloko o kou houpo no'u, a ke paulele nei no hoi i kau mau olelo i hoike mai nei, a maanei e hoolohe mai, o ko'u makemake a'u i manao ai nau e hooko, oia keia, ano, eia he elua mau kupua ke hookokoke mai nei i ko kakou aupuni aloha no ka wawahi ana i kona ihikapu, he mau mea ikaika loa laua, a o ka'u e iini nui nei nau e hooko, oia ka huna ana i ko kakou aupuni me ka mana nui i loaa ia oe, i wahi hoi no na enemi e hiki ole ai ke ike mai, no ka mea, eia laua ke nee mai nei ma kekahi alahele pohihihi loa.

            Ae, ae wahi a ka pono i hooho ae ai ua maopopo aku la ia'u kou manao, nolaila, eia au ke hooko nei no ka make a me ke ola paha me ka manao hoi hope ole.

            Ma keia wahi i hapai ae ai a @ aku la iloko o ka lewa, a he @ ana e like ka ikaika me kekahi pu kuniahi, aia hoi, @ ana ka @.

 

            Ua loaa mai la na hoike mai Wasinetona mai, he wahine luna aupuni ke noho mai ana ma ke ano he Hope Ilamuku no na paemoku o Hawaii. He kulana kiekie loa keia i loaa mai la i keia wahine, a ua haahaa iho la ke kulana o A.M. Brown imua ona. O ka luna aupuni wahine mua loa keia i manao ia a loaa mai @ kona hookohu ia ana, aka, malia eia hou aku no na wahine a hoonoho ia ae me kakahi kulana luna aupuni.