Ke Aloha Aina, Volume VI, Number 25, 23 June 1900 — Page 6

This text was transcribed by:	Kate Motoyama
This work is dedicated to:	with respect to John E Bush, ka leo o ka lahui, nupepa ka oiaio

KE ALOHA AINA

6 KE ALOHA AINA POAONO, IUNE 16, 1900

Mui ka aoao 1 mai.

HE MAU REGIMANA KOA HOU NO MANILA

Wasinetona, Iune 1 E lawe koke ia ae aina he alahele hou e ke Keena Kaua no ka hoopau koke ana ae i ke kaua ma Pilipine. He mau regimana kaua ko ke hoouna hou ia aku ana i Manila i keia kou mehana ae, a i ka wa e p@u ai o ka ua e hoomaka hou ai ka puali kana lio i ke koe ana i na kopi.

Ua hoike mai o Kenerala MacArthur i ke keena kana, he manao io kona e loaa ana he mau kokua ikaika ma ka aoao o na Amerika i na e hoomehuahua ia aku ana na regimana koa kaua lio. Mamua o ka nooholo ia ana aku o keia manao, e launa mua ana o Kuhina Root me Kenerala Otis a me Kenerala Schwan.

Mai ka hoomaka ana o ke kaua me Amerika Huipuia he 11,518 holoholona i hookua ia aku i Manila, 6,698 oia heluna me lio.

He elua mau moku lawe holoholona e hoea mai ana i Kapalakiko me ka mahina o Iulai, mai Manila mai. Ua manao ia no ka lawe hou aku i mau regimana kaua lio, e hoolimalima ia aku ana he mau moku hou.

HE OIA MAU NO NA FILIPINE.

Manila, Mei 31. He heluna o na pu raifela i haawipio ia mai ma Cayapo, a he @ui aku koe i apu ia. O ke Kiaaina o Benquet, he kanaka waiwai a hoaloha no Aguinaldo, ua hopu pio ia ma ka la inehinei ma Alii.

Aia he mau puali o na Kenerala Grant a me Funston ke uhai la i na kipi i komo mai iloko o ke taona o San Miguel, ma kahi kokoke maanei i ka Poalima nei, a pepehi iho la he elua Amerika me ehiku i hoeha ia, a me ka hopu pio ana ia Kapena Robata o ka regimana 23 a elua koa.

UA MANAO WALE IA O AGUINALDO.

Manila, Mei 31. O Megia Peyton C. Marsh o ka regimana 33, e uhui ana ia Aguinaldo, ua hoea aku la oia i Aparri me ka maalahi ma kona alahele maluna o na mauna o Luzon akau. Ua hoike mai oia ua halawai oia me kekahi puali i manao wale ia he mau kona kiai no Aguinaldo, ma o aku o ke awawa o Cagayan. Ma ka hakaka ana ua ku ke alakai o na Pilipine, e kau ana maluna o kekahi lio. Ua hoopakele ia oia e kona mau hoa, aka, o ka lio a me ke eke ili ua paa i ka hope pio ia e ua Amerika. Maloko o keia mau eke ih, ua loaa iho ia he mau palapala pilikino na Aguinaldo. Ma kekahi ia ae ua ike aku la na koa kiai o ka regimana paele 49, he kini make o kekahi aliikoa Pilipine maluna o kekahi lana, a e kiai ia ana e elua mau koa, a e lawe ia ana e ka wai o ka muliwai Cagayan, a mamuli o ka ikaika loa o ke ao ana a ka wai, ua hiki ole i na koa ke hopu pio aku ia lakou. U amanao wale ia o Aguinaldo ua aliikoa la e kiai ia ana e na koa elua.

NEE NA KOA NO PEKINA.

Tien Tsin, Mei 31. He kaaahi kuikawa i holo aku la no Pekina a keia auina la, me keia mau mahele koa malalo iho: Amerika 7 alii a me 58 kanaka; Beritania, 3 alii a me 72 kanaka; Italia 3 alii me 31 kanaka; Farani, 8 alii me 72 kanaka; Rukini, 4 alii me 71 kanaka; Iapana 2 alii a me 24 kanaka. Ua lawe aku keia m u pua i kuwaho he elima mau pukuniahi kani pinapinai no ke kiaia ana i ko lakou mau kanigela. Ua houwawaia ae e kuo ia mai ana lakou ma ka puka mua e komo aku ai i Pekina, mawaho mai o ka pa pohaku.

I ka wa a na Rukini e hookokoke aku ana ma ka la inehinei i na papu maluna o na waapa, ua kipu mai na papu a auhee aku la na Rukini. Ua hoomaopopo ia mahope iho he mau kipu ana ia no ka hoohanohano ana i kekahi luna aupuni Kina, maluna o kekahi mokukaua Kina.

NA KOA AMERIKA HOU NO

MANILA.

Wasinetona, Iune 4. Ua olelo ae o Kenerala Corbin, ua manao ia e kukulu i puali o 40 000 ko akumau ma Pilipine elike me ka loihi i makemake ia, a no ka hooko ana, oia no ka unuhi ana mai i na koa ma Cuba. O ka nui o na koa maloko o na puali ma Manila i keia wa he 62,000, a ua mahele pono ia hoi mawaena o na koa kumau a me na koa kuikawa. E hoihoi ia mai ana na koa kuikawa a pau, a e hookuu ia ana ko lakou wahi i ohi la ai ma ka la 30 o Iune o keia makahiki ae, a i wahi e holopono ai na hana e hoomaka ana ka hoihoi liilii ia ana mai o na koa ma ka mahina o Novemaba.

A i wahi hoi e hoemi ole ia ai ke kulana ikaika kaua o Kenerala MacArthur, ua hoomakaukau ia ka hoouna na aku i na pualikoa kumau no Pilipine, elike me ka hikiwawe e loaa ana no ke pahi ana oia kani o na koa kuikawa a haalele aku ana. Ua haawi ia aku ia ke kauoha ana i ka regimana kau lio Eono no ka hookoakoa ana ma Kapalakiko no ka holo ana aku i Manila. He hookahi mahele o keia regimana e haalele ino @ a ma ka la 15 o kei mahina, a o ka elua ma ka la 1 Iulai. Ua manao wale ia he nui na regimana koa ma Cuba i hiki ke unuhi ia mai mahope o ke koho balota o ka la 15 e malama ia ana malaila.

He nui no na poe i hiki aku ma ka lealea heihei lio o Kapiolani Paka ma ka auina la Poaha nei.

NA POO HOU O KA OIHANA

MAKAI.

Ma ke kakahiaka Poakolu nei ma kaheaia ae ka puali makai no ka hookoakoa ana ae ma ka halawai, a ma ia wa i hoike mai ai o Loio Kuhina Kupa i ka manao pui o ko lakou kahea ia ana mai no ka akoakoa ana aku, oia hoi na hoea ma la kona wa e pau ai ma ia kulana, a nolaila, ua lawe mai la oia e hoolauna i ke kanaka e pani mai ana i kona hakahaka, oia o E. P D de, ma ke ano i Loio Kuhina ma ke koho ana mai la a Kiaaina a D de, a o Ilamuku raunu hoi a Makai Nui Kiekie no ke Teritori Hawaii, Mahope io o ka pau ana o na hoolauna, ua haawi ia mai he mau haiolelo mawaena o na poo hou o ka oihana makai a me ka mea i haalele mai la i kona kulana e haawi ana i na hoopomaikai no na paahana o ia oihana, a ua hookuu ia na hana me na leo huro mai makai mai.

NA HANA HUKI HAE MA KA

HIGH SCHOOL.

Ua malamaia ae ka hana huki have me ka halekula High School no ka wa mua loa; ma ke kaakhiaka Poakolu nei, ua hoea ae he lehulehu wale o na kumukula a me na haumana mai na halekula like ole aku o ke kulakakauhale no ka makaikai ana i ka Lawelaweia mua loa ia ana o keia hana ma ka pahu have o kekahi halekula ma keia mokupuni. He ewalu kaikamahine nana i huki ae i ka have Amerika maluna o ka pahu have oia halekula i ka wa a ka bana e puhi ana i ke mele lahui o Amerika Huipuia. Ua haawi pu ia ae he mau haiolelo e Pereridena Dole mamua o ka hookuu ia ana o na hana i ke ano a me ka manao o ka huki ia ana o keia have maluna o ia halekula.

E HOOMAU AKU ANA ANEI!

E hiki ana anei i ka Aha Kaapuni ke hooman aku ma ka Poalima a me ka Poaono me na la mahope aku? O keia ka ninau nana i hopihihihi i ka ike o na Lunakanawai a me na loio ma ka auina la Poakolu, nei no ka mea, ma ka hora 12 o ia po e pau ai ke kuleana o na Lunakanawai Stanely a me Day's ma ka noho hou ana aku e hoolohe i na hihia e lawelaweia ana maloko o ka Aha Kaapuni Aka, ua hookaka ia no nae ma kekahi p@uku e ke kanawai, e olelo ana, e hoomau ia no lakou m@ ka lawelaew ana i ko lakou mau kulana a hiki o ka wa e loaa ai ko lakou mau puni, aka, ua manao wale ia ae nae na Lunakanawai ua kohoia mai la keia mau pani ma ke la 5 iho la o Iune. Ina pela, alaila, e hoomaha ana ka eha a hiki i ka wa e hoea mai ai kela mau hookohu i na lunakanawai hou.

Ladana, Iune 5. Ua loaa mai la i ke Keena Kana keia mau hoike malalo iho nei mai a Haku Robata mai.

Six Miles Spirit, hora 8:30 p. m. Iune 4. Ua hoomaka ko makou nee ana i keia kakahiaka i ka wehena kaiao, a maki aku la no umi mile a hiki i Six Miles Spirit, o na kapa wai elua e paa ia ana e ua enemi. O na puali kau lio o Henry a me Rosas, me na puali West Somerset, Dorst, Bedford a me Sussex ua halawai aku lakou me na enemi iloko o ka wa pokole a uhai aku la ia lakou no aneane hookahi mile, a ia wa i halawai ae lakou me na kipu ikaika ana a na pukuniahi o na Boa, i huna la ma kekahi kulana maikai.

O na mau pukuniahi koikoi i waiho ia ma ke alo o ke kolamu, na hoouna awiwi ia aku lakou no mua no ka haawi ana aku i na kokua, e like me ka hikiwawe i na bipi kauo a me na hoki ke lawe aku ia lakou. Ua kiai ia na pukuniahi e ka puali o Stevenson a mahope o kekahi mau kipoka ana ua haalele aku la ka enemi i ko lakou kulana.

Ua hoao ae na Boa e lele kaua mai ma ko makou aoao Hema, aka, ua hoohoke hou ia aku no nae lakou e na puali kaha lio a me na Yeomanry, i kukuaia e ka puali o Maxwell.

Aka, ua hoomau mai no nae lakou i ka onou ana i ko makou aoao Hema, ua hoouna aku la au he kauoha ia Ian Hamilto, e nee ana he ekolu mile me ko makou aoao hema, e huipu mai. Ua hana ia keia hoonee ana I opa aku i na enemi a emi hope aku la lakou no Pretoria. He manulana ko'u no ka uhai ana aku mahope o lakou, aka, o ka mea nae nana i hoopahua oia ke pokopoko o ka la ma keia aoao o ka honua, i ka hala hope ana ae @e elua hora mahope o ko makou maki a me ka hakaka ana, ua hoomoana iho la makou maluna o ke kahua i lilo pio mai ai la makou ia @

O ka puali Guards B@g@aia oia na kokokoe loa ma ka Hewa loa o na papu e pale la ia Pretoria, a maloko @i o ana @ @ mai ke taona mai.

O French me ka puali kaua liu Ekolu a me Eha a me ka puali Raifela o Nu Wale @ms ala lakou ma ka akau o Pretoria.

E weheia ana ka halekuai o ka Hui Kuai Lole Amerika, i ike ia mamua ka Halekuai Lole Hawaii ma keai Poaono, loaa 16. he nui na waiwai e loaa makepono ia ana.