Ke Aloha Aina, Volume VI, Number 26, 30 June 1900 — Page 5

KE ALOHA AINA

POAONO, IUNE 30, 1900 5

 

HOOMAIKAI I NA HOA MAKAAINANA O KA MOKUPUNI OAHU.

 E ka l’a Hamauleo o Ewa, mai Kuhia a kai o Polea nou ko makou hoomaikai nui mamuli o kau olelo hooholo lahalaha ke hiki mai i ka wa kuho balota a ke Teritori o Hawaii nei, o R. W. Wilikoki ka Ele le lahui no Amerika Huipuia, a o na inoa Senate a me Lunamakaai nana o ka Aoao Kuokoa, Home Rula, ua paa ko oukou manao koho no lakou, oia ka makou e hoomaikai aku nei a nui no oukou.

 E ka Ulu nui o Pokai a me ka makani he kaiaulu o Waianae, me oe ko makou hoomaikai palena ole mamuli o ko oukou leo lokahi e ku ho i ka Elele R. W. Wilikoki i Elele no ke Teritori o Hawaii i ka Ahaolelo nui o Amerika Huipuia, a e kakoo pu ana hoi oukou i na moho Senate a me na Lunamakaainana a ka aoao Kuokoa, Home Rula, e mau ia leo ohaoha o oukou a hiki i ka wa koho.

 E Waialua i ka Ehukai o Lalo,

 O ka po Kohaihai,

 Mahina Opolepule,

 Ko Hale Palauhulu,

 I puia e ke Onaona.

 Mahalo nui ia oukou no ke kupaa naue oie mahope o na leo kono ia oukou e komo no ka aoao Repubalika, aka, ua kupaa oukou a ua hooho mai ko oukou leo me ka lokahi e koho ia S. K. Mahoe i Lunamakaainana, a o R. W. Wilikoki he Elele Lahui na kakou, na Senate a me na Lunamakaainana o ka aoao Kuokoa, Home Rula, paa i ka puuwai ou e Waialua, mahalo nui.

 E Laiewai i ke Ehu o na manu, nou keia ilihia. He mai ko leo hea hea ia makou na elele, mai hoi, au i apo mai ai a hoopili i ka umauma welcome au hoi i kono mai ai me na leo kupinai o ka hauoli, aloha nui. E hea i ke kanaka e komo maloko e hanai ai a hewa ae ka waha. Eia no ka uku ia o ka leo aloha ia leo nanahe ou e Laie, au i huro ae ai me ka leo nui R. W. Wilikoki ka Elele Lahui, D. Kalauokalani a me J. K. Kaulia kekahi o na Senate, George Kakauoha i Lunamakaainana no na Koolau, hauoli kakou me oukou pu, no ko oukou kupaa, a e mahalo ia ka Luna Hoomalu wahine Mrs. Ana Kou, ka Elele Mrs. Kaluapalaoa no ka nui o ka hana hookipa, a pela me T. H. Keanu a me Kainuawa no ke ahonui no na kakoo ana mai me makou a hoea no keia Koolau a me na hana kokua e ae, a o ka oi o ko makou mahalo o ka lokahi o Laie ka oi.

 E Kahana i ka makani ahiu, Punaluu i ke kai nehe a me Hauula i Kaliuwaa, welina i ko oukou aloha nui a me ko oukou hooho lokahi ana mai o R. W. Wilikoki i Elele Lahui no ka Ahaolelo o Amerika, D. Kalauokala, ka Pohakuhauoli o Hawaii i Senate, J. K. Kaulia i Linekona no ka moana Pakipika, a e kakoo like i na moho Senate a me na Lunamakaainana i mau ia kupaa.

 E Hakipuu i ka palaoa lawalu ono a ka Ehu a me Waikane, i Kaalaea, o ku oukou leo lokahi e koho i na moho Senate a me na Lunamakaaioana, o ka Aoao Kuokoa, Home Rula, ke haawi noi makou i @a lulu lima pumehana ana o ke aloha no k oukou kupaa, i mau ia kupaa no ka la koho e hoea mai ana.

 Nolaila, o makou o na poe no lakou na inoa malalo na Elele i ko ho ia e ka Aha Elele o ka Aoao Kuokoa, Home Rula, i koho ai e hele kaapuni ma na mokupuni, me na hookipa ana a oukou me na olelo hooholo apono i na kumuhana a ka Aoao Lahui, nolaila, ke hoomaikai aku nei makou i na Ahahui Kalaiaina a me Aloha aina o kela a me keia apana, kahi a makou i kipa ai a nui loa, a na ke Akua e kokua ia kakou, o ka lokahi ka lanakila.

D. KALAUOLANI,

Peresidena o ka Hui Kalaiaina

JAS. K. KAULIA,

Peresidena o ka Hui Aloha Aina

R. W. WILIKOKI,

Elele Lahui.

Honolulu, Iune 27, 1900.

 

HALA KA MAKAI NUI ME NA MAKAI NO MAUI.

 Maluna o ka mokuahi Kalaudene i holo aku ai no Maui, ka Makai Nui Kiekie Baraunu, i ukali ia e Kapena Makai Kaulio Fox, Chester Doyle ka mea mahele olelo, a me ewalu makai kaulio. E holo ana lakou no ka hoolohe ana i ka hihia o na la pana hoohaunaele e hookolokolo ia ana ma Wailuku, ka poe hoi nana i hooweliweli ae ia hapa o Maui, i kela pule aku nei, a i hoeha i kekahi mau makai oia wahi.

 Ua hoolako pono ia lakou me na pono kaua no ka hoohana ana aku maluna o na Iapana i ko lakou wa e kue mai ai.

 Ua olelo ae o Makai Nui Baraunu e huli hoi mai ana lakou ma ka La Pule ae nei, aka, ina no nae aia no ke mau la ke okaikai o ke kulana malaila, e hoea koke mai ana oia no ke kii ana mai i puali makai mahuahua ae.

 O ke kumu i ulu mai ai o keia mau haunaele, ua manaoia mamuli no ia o ka pau ana ae la o ka mana o ko lakou mau palapala kepa ma ka la 14 iho nei o Iune, a ua makemake lakou e hoihoi ia aku keia mau palapala kepa ia lakou mamua o ko lakou waiho ana aku i ka hana.

 

KA MOKU LAWEKOA THOMAS

 Ua hoea mai la ma ka auina La Pule nei, ka moku lawekoa Thomas mai Kapalakiko mai, ma ke alahele no Manila, e lawe ana oia ke mau alii a me na koa hou no Pilipine a i kipa mai la ola maanei no ka hoopiha nanahu ana.

 

HE LONO HOOHIKILELE

PEPEHI IA KE KUHINA GEREMANIA E NA PAKE.

Nee na Mokukana Beritania no Kahi o ka Hana.—Ulolohi na Puali Hoopakele.

 Ma ke Thomas i loaa mai ai keia mau hoike a makou e kuupau aku nei no ka pomaikai o ko makou mau makamaka heluhelu.

 Ladana, Iune 16, hora 4 p.m. He lono kuikawa kai loaa mai la mai Honokaona mai, e olelo ana, o na keena kanikela ma Pekina, ua hoopoino ia, a o ke Kuhina Geremania, Baron von Kettler, ua make.

 Detroit, Iune 16. O Baron von Kettler, ke Kuhina Geremania ma Kina, i hoike ia mai la ua pepehi ia mai la e na Pake ma kekahi haunaele maloko o Pekina, he hunona oia na Henry B. Ledvard, ka Peresidena o ke Alahao Kuwaena o Mikikana, Ua mare ka Barona me Miss Ledyard i ka 1891. I ka wa i lawe ia aku ai o keia lohe i ka home o Ledyard, akahi no lakou a lohe i n@ mea i hoea mai la, ua hoike mai ka ohana aia no ka wahine a Barona me ia maloko o Pekina, a na loaa mai no ia lakou he hoike ma ke telegarapa he pule ae nei i hala, he maikai laua.

 Hongkong, Iune 16. O ka mokukaua holomama Beritania Terrible, ua holo aku la oia no Tientsin i keia kakahiaka me na pualikoa.

 O Kapena Percy M. Scott, o ka Terrible, mamua o kona holo ana aku, ua hoomakaukau iho la oia no ka hoolele ana aku iuka o ka aina, he pukuniahi 12 paona me kekahi mau pukuniahi e ae o ka moku.

 O ka mokukaua Beritania Undaunted, aia oia malalo o ke kauoha i aila ia no ka holo ana aku me ka hakalia ole.

 Nu Ioka, Iune 16. O ke kulana ma Kina, aole ia i loli ae maloko o na hora he 24 i hala aku la, wahi a ka mea kakau o ke Tribune ma Ladana.

 O Adimarala Seymour me na koa marina he 2,300, aole lakou i hoea aku i ka ekolu hapalima e ko alahele mai Tientsin aku no Pekina, a ke hoopoino la @a pake i na alahao mamua o kona alahele, a ke puhi la hoi i na uwapo i ke ahi mahope ona. He nui ke pihoihoi ma Sanahai a me Tientsin. A ua hauwawa ia ae o na puali hoopakele kekahi e makemake la e loaa ona kokua ia ana aku. He alihikaua hope ole o Adimarala Seymour, a hiki ai ke hilinai la, a lua e mau ana ka lakou mau lako ai, ua hiki no iaia ke alakai i na pualikoa a hiki i Pekina.

 Sanahai, Iune 16. O na hoike i loaa mai Tientsin mai i ka ponei, e hai mai ana ia i ka oili ana ae he puhi ahi kolohe ana ma ka aoao hikina o ke kulanakauhale, a ua pau he ekolu mau halepule Enelani a me Amerika i ke ahi, mawaho ae o lakou he lehulehu wale na hale o na poe e. Aole e hiki ke malamaia he mau kukai telegarapa ana, ua pau na pou i ke ahi, a aole hoi he manaolana no ko lakou hooponopono koke ia ana.

 

HE HOOPAI KOIKOI LOA I LOAA I KEKAHI OPIO.

 Maluna o ka mokuahi Kinau i lawe ia mai ai he wahi keiki uuku nona na makahiki he ewalu i hoopai ia e Lunakanawai Apana Waipuilani i aina makahiki hoopaa maloko o ka halekula hoopololei o Keoneula, no ka lawe ana i kekahi mau buke mahope o na hora kula.

 O John Floucon kona inoa, no Naalehu, Kau, Hawaii. Ua hoike ia mai he nui ka inaina o na poe oia wahi no keia hoopai koikoi loa a keia lunakanawai i hookau aku maluna o keia wahi keiki, a ua hoouna mai la lakou he palapala noi i ka Papa Hoonaauao no ka uwao ana no ka pono o keia opio. Ua ukali mai kona mau makua iaia, a e hoao ana laua ma na ano a pau no kahi e pakele ai o ka laua keiki.

 Ma ka huli pono ia ana o kana hewa i lawelawe ai, ua ikeia aole no ia i kaumaha loa e hiki ai ke ahewa ia elike me keia i ike ia iho la, ua hoike ia mai ua hele aku keia wahi keiki me kona mau hoa kamalii mahope o na hora kula, a iloko o kona manao kolohe na lawe mai la oia he mau buke mailoko mai o ka halekula, a o ka makamua loa hoi ia o kana lawelawe ana i kekahi hana kolohe i like me keia ke ano, a pela i nui ai ke kue a ko laila mau kupa i ka hoopai a ka Lunakanawai Waipuilani. E lawe ia mai ana keia hihia e hoolohe hou ia ma Honolulu nei ma keia mua iho.

 E malamala ana he mau lealea hoolele ahi kao ma ka po o ka la 4 o Iulai, ina aole e loaa he mau kuia.

 Ua lehulehu no na hoa @ o Kalani i hoea ae ma ka paina luau a ka Ahahui Aloha Aina o na Wahine i haawi ae ai ma ka auina la Puaono nei.

 Ma ka Thomas i loaa mai ai kealii mau hunahuna o na aina e a makou e kuupau aku nei no ka pomaikai o ko makou mau makamaka heluhelu.