Ke Aloha Aina, Volume VI, Number 27, 7 July 1900 — Page 3

KE ALOHA AINA

 

                        KE ALOHA AINA POAONO, IULAI 7, 1900                               3

 

KE KULANA KAUA MA KINA

 

LILO PIO O TIENTSIN I NA

KOA LAHUI.

 

Hoopuni ia na Koa. Hoopakele e

            na Pake Mawaho Aku o Tientsin.

 

            Maluna o ka mokuahi Auseteralia i loaa mai ai i amakou keia mau lono makamaka hou, a no ka pomaikai o ko makou mau makamaka heluhel, ke hoopuka aku nei makou me ka awiwi nui, penei.

            Chef@, Iune 26. O na Amerika a me Beritania kai komo mua aku la ilokoo Tientsia me ka hoohamau aku i na pukuniahi o ka pa kaua me ka wawahi pu aku hoi i na laina o na pake. O na pua@ikoa lahui e ae ua ukali kokoke mai lakou mahope. O ka nui o na poino o na Rusia he 4 i make a me 30 i hoeha ia. O ka poino o kekahi mau lahui e ae he uuku loa o na pualikoa hoopakele malalo o Adimarala Seymour, aia lakou ma kahi he umi mile mai Tientsin aku. Ua hoopuni ia lakou e na koa Pake a me na pake kipi. A ua hoopilikia loa ia lakou mamuli o ka nui loa o ka ma'i a me na poe i hoihaia. Ua hoike ia mai ua hoouna ia aku la na Kanikela malalo o kekahi pualikoa pake nawaliwali, a ua lohe hou ia mai aia lakou me Adimarala Seymour.

            He kookahi tausani koa Iapana e hoolele ia la ma Chefu, a he 2000 loa i manao ia e hoolele ia mai ana ma ka la apopo, a ua hoea pu mai he @liona koa Farani.

 

KAHEA O ADIMARALA SEYMOUR E MAU
KOKUA.

 

            Nu loka, Iune 26, He hoike kuikawa kai loaa mai la i ka nupepa World mai Chefu mai. e olelo ana: O Seymour e alakai ana i na puali hoopakele no Pekiua, ua hoopuni ia oia. Ua kukulu ia na haawi hoailona. Ua hoouna mai la oia he hoike e koi ikaika mai ana e hoouna ia aku o napuali hoopakele me ka awiwi nui, oiai, ala na pake ke opa la ia lakou. Ua hoike mai o Seymour aia me ia na Kanikela me ka palekana.

 

NA KOA AMERIKA NO KINA.

 

            Wasinetona, Iune 26. Ua hokohu ia aku la o Kenerala Ad@a R. Chafee, i alakai nui no na pualikoa ma Kina. a e haawi ia aku ana na koa a pau ana i manao ai ua lawaia no ka @hoopakele ana i na ola a me na waiwai ona Amerika. I keia wa eia ke hoolala ia nei ka hoouna ana aku i na koa mai Manila a me ka puali kaua lio Kono mai Amerika aku. E kau pu aku ana o Kenerala Chafee me ka puali kaualio eono ma ka la 1 o Iulai, a oiai, o kona makemake o ka hiki koke i Kina me ka hakalia ole, nolaila, aole e kipa aku ana ka moku lawekoa Grant ma Honolulu, aka, e holo pololei loa aku ana oia no Nagasaki, Iapana.

 

NA HOIKENO KA LELE KAUA IA ANA

O TIENTSIN.

 

            Ladana, Iune 27, He lono kuikawa kai loaa mai la mai Chefu mai, e olelo ana:

            O ka hakaka i malama ia ma waena o na pualikoa lahui kue i na pualikoa lahui kue i na pualikoa hui o na Pake a me na Boxers e alai ana i ke alanui e hiki aku ai i Tientsin, na hoomaka ia ia ma ke kakahiaka nui. He hookahi haneri me kanalima ka nui o na koa Amerika iloko o ka pualikoa lahui o 2000. Ua emihope aku na pake malalo o na kipoka ia ana. a ia wa i kipo ka ia aku ai na pakaua a hoohamau aku la i na pukuuiahi. Ma ke awakea i pau ai ka hakaka ana.

            Ua malamaia he heihei mawaena o na pualikoa i ka mea mua e komo ana iloko o Tientsin, a o na Beritania a me na Amerika kai komo aku iloko o ka wa hookahi.

 

KA POINO O NA AMERIKA.

 

            Wasinetona, Iune 24. Ua hoohoopuka ae la ke keena kaua i keia la i keia hoike malalo iho nei.

            O keia telegarapa mai a Adimerala Kempff. no keia la no mai Chee Fu mai. e olelo ana. Ma kekahi lele kaua malu ia ana mai ma kahi kokoke i Tientsin ma ka la 21 o Iune iho nei, ua make he ekolu kanaka Amerika me ehiku i hoeha ia malalo o Walter. E hoopukaia aku ana na inoa i ka wa o loaa mai ai. He puali o 2000 kia kai hala aku la no ka hoopakele ana ia Tientsin.

 

KA SEYMOUR HOIKE.

 

            Belina, Iune 27. Ua hoolaio mai ke Kanikela Geremania ma Chefu i na hoike mai a Seymore mai, i hoea mai la i Tientsin ma ka Poakahi nei, e olelo ana, he eiwa ona mile ma ke komohana o ke kulanakauhale, a ala ke hooweliweli ia la, he elua wale no la i koe e hiki ai ia lakou ke paa, he 63 ka nui o kona mau kanaka i make a he 200 i hoeha ia, me ka pakui hou me i he 2000 koa a ka Adimarala i noi mai la no ka hele ana aku e hoopakele ia lakou. O keia puali hoopakele na hualele iho la lakou ia Tientsin ma ka la 25 o Iuna, malalo o ke alakai ana a kekahi aliikoa Rusia.

 

            E loaa no na palule wahine silika nani loa ma kahi o Paihana ma, no ke kumukuai makepono loa. a pela no me na waiwai a @.

 

ILI KA MOKUKAUA OREGONA

 

HOOPAKELE IA O ADIMARALA

SEYMOUR.

 

Ke Pii Mahuahua la ka Poino o

            na Koa Lahui

 

            Ma ka Dorika o ke ahiahi Polaima nei i loaa mai ai keia mau hunahuna hope o ua aina e, a makou e unuhi aku nei no ka pomaikai o ko makou poe heluhelu.

            Sanahai, Iune 29. Ua hoike ia mai la ua ili ka mokukaua Amerika Oregona ma ka moikupuni Hookie. ma kahi he 50 mile ma ka akau o Chefu, a ua hala aku la he moku o ka Hui Indo China, no ka hoopakele ana iaia.

            Ladana, Iune 29. Ua hoea mai la na hoike a Adimarala Seymour i keia po i ke Keena Kaua

            TienTsiu, Iune 27. Ua huli hoi mai la au me na pualikoa a ua hiki ole ke hoea aku i Pekina ma ke a'ahao.

            Ua hoike mai oia i ka nui o na poino o na koa malalo ona.

Beritania--Make 27, hoehaia 75.

Auseturia--Make 1, hoehaia 1.

Farani--Make 1, hoehaia 10.

Italia--Make 5, hoehaia 3.

Amerika--Make 4. hoehaia 25.

Iapana--Make 2, hoehaia 3.

Rusia--Make 10, hoehaia 27

Geremania--Make 12, hoehaia 62

 

NUI KA POINO O NA KOA RUSIA.

 

Tsin Tau, Iune 24, hora 8 p. m. He ewlu tausani pualikoa lahui i hooleleia mai la ma Taku, maloko o ia huina he 1200 Geremania He aliikoa Farani i hoea mai i Taku mai Tien Tsin mai ua hoike mai, nina koa Rusia oko lakou poino ma kahi no ia o 150 i make a he 3000 i hoehaia.

            Ua hoike mai la ka mokukaua Geremania @tis e kiai ana ma ka muliwai Peiho aia na Pake ke hoakoakoa la ma kahi kokoke i Tong Ku a he ulele kaua hahana kai manao ia e malama koke ia ana ma ia wahi.

 

NA HOIKE HUIKAU E AE.

 

            Ladana, Iune 26. Ua hoea aku la ka mokukaua Terrible i hefu me keia mau mea hou mai Taku aku, penei: He 800 koa Si@hs a me 200 koa Welch, Fusilers i hui pu aku la me na pualikoa Amerika, Geremania a me Rusia i oki pu ia e na Pake ma kahi he eiwa mile mai Tieu Tsin aku. Ua manaola he lele kana ke hana ia aku ana maluna o na Pake ma ka po La Pule.

            Ua loaa mai @ na lono hoohikilele mai Nanking mai e hoike mai ana, ala ke pii mao ae la ke kulana kupilikii malaila a ua upu ia he manawa wale no no ka hookahe koko e poha ee ai. Ua hai mai la ke Kuhina Pake Liu-Kin Yau maloko o ke telegarapa i na luna aupuni o Beritania, ua haawi aku la oia i ke kauoha he elime mau mokukaua Pake e ka ana maloko o ke awa no ka holo koke ana i Nanking. Ma ka noi pono ia ana o ka heluna a me ka ikaika o na Pake, ua ikeia he 360,000 oa e hoopuni la ia Pekina, a ua olelo ia ae o ka nui e ua pukuniahi me lakou. he 22@ pukuniahi Crensot, 18 pu Krupa a me 150 pu kani pinapinai Maxim. O ka lakou mau lako poka ua kokoke loa e pau. A nana Gemania ma C rlowitz e hana nei ka lakou mau poka. He ekolu hapaha o keia heluna he poe i komo mua ole iloko o ka oihana koa, a he hemahema loa hoi i ka lawelawe ana i na pu o keia ae hou.

            Aia ke nee mua la na hoomakaukau ana mawaena o na koa lahui o ka regimana ekahi o na koa Inia he 100,000, ua haalele aku la ia C@leutta ma ka la inehinei, a he 833 mau koa marina i haawila aku la na kauoha ana no ka haalele ana iho i na awa Pelekane. Ma o ka ike ana o ke keena kaua o Beritania he kaua loiho keia e malama ia ana. Ua haawiia aku la na kauoha ana e huna ia lole mehana a me na papale hulu no na koa.

            O ka puali Amur Army Corps, i kahea ia aku la e Rusia, he heiuna ko lakou o 52 000 kanaka me 84 pukuniahi. He manao ko Iapana no ka hoolele ana mai he 15,000 koa maloko o elua pule.

 

HOOHOLO IA E LI.

 

            Nu Ioka, Iune 23. Ua makemake ae na kanaka mahiai o Stanwich, Conn., e il i kekahi @ no kana hana pepehi kanaka i lawelawe ai. He mau la i hala ae nei ua hoena aku keia lio ia William Reynolds, nona na makahiki he 70, a mamuli o ke kukonukonu loa o kona mau palapa ua make iho la oia. Ua ike ia kela lio no kona huhu ino. E lawe ana o Reynolds iaia i ke taona, a ia wa na hoanuu aku la oia a hina iho la ka elemakula ilalo o ka lepo, a mamua o kahiki ana iaia ke ku ae iluna ua loaa aku la oia i ke peku a keia lie me ka lele pu iho maluna e hohi ai. Ua kahea mai o Reynolds a mau@kokua, a ua koe mai keia lio ia lakou me ka weliweli, nui. A no ia kumu ua hooholo iho la ua kauaka o Stanwich e pepehi ia keia lio imua @ ke @

 

            Ua wehe ia ae @ka hale @ rama mauke nei o Leleo ma ka la 4 iho nei o Iulai.

            Aole e kipa mai ana ka moku lawekoa Grant ma Honolulu nei, oiai, ua loaa mai la iaia @ kanaka pupuahulu no ka huio pololei ana i Kina a. e kona piha koa, no ke komo pu ana aku iloko o ka enaena o na hoouka kaua e malama ia la malaila.