Ke Aloha Aina, Volume VI, Number 30, 28 July 1900 — Page 6

KE ALOHA AINA

 

6                      KE ALOHA AINA, POAONO, IULAI 28, 1900               

---

HE MOOLELO WALOHIA

-- : NO KA : --

LEDE ELENORA

Ka Ui Nohea i Hookaawale ia

mai ke Alo aku o na Makua.

-- : A I OLE : --

Ka Wahine Opio i Auamo i na

Koikoi a Kona Makuakane

i Hana ai.

---

MOKUNA X.

 

KA AIHUE IA ANA ELENORA.

  A i ka ike ana o Nora ua hoea mai na sekona ana i makemake ai e hooko aku ai i kona mau iini lapuwale maluna o ka opio me ka mama nui i loaa iaia lehei aku la oia a puliki aku la i ka opio me ka hoao ana e kaili ae mai ka poli aku o Lucy, ka wahine opio.

  Aka, aole nae i hookoia keia mau upu ana a ua wahine aoo nei, no ka mea, ua haalele mai ka ikaika i kona mau lala, ma o ke kaumaha a me ka hookeai ana no kana keiki. Iloko o na aumeume ikaika ana, a me ke kahea ana o Lucy i na kokua, i kono aku i ka wahine lokoino e hookuu i kana mea i kuko aie hoopoino i uku panai no ka hala a kona mau makua i lawelawe ai.

  I ka wa i hookuu aku ai o Nora i kona puliki ana i ka opio Elenora oia koke no ka wa i haalele iho ai o Lucy i kona enemi me ka piha weliweli a kuupau aku la i ka holo me ka mama nui no kahi e loaa ai ia laua ka palekana me ka ui opio e hiipoi ana mamua ona. Aole no hoi i huli hou aku ihope, no ka mea ua hoopiha ia kona puuwai me ka makau i na nanaina pupuka o ka wahine aoo.

  Aole no nae oia i hookaulua iho malaila, aka, i ka wa a ka wahine opio e ahai la ka pupuhi me ka mama nui i loaa i kona mau kapuai no kahi o kona mau hoa e luana ana, me na leo aka pahenehene e wawalo hele ana iloko o ua ululaau nei, i haalele iho ai oia i kana wahi i pee loihi ai a k@moe aku la no kahi a ka waapa e waiho @.

  A iloko o na ae kona pokole wale no aia o Nora ke panee la i ka waa @a no loko o ke kai ma ke alahele huli hoi no ka moku.

  He mea oiaio, ua loaa hou no ka holopono iaia, ma keia huakai me ka ike ole ia e kekahi mea kino kai naka, a i kona kau ana iluna o ka moku ua hookuu hou aku la oia i ka waapa e auwana hele i ona iho.

  I ka hoea ana aku o ua Nora ne iluna o ka moku aole oia i huli ho aku no lalo o ka lua ukana, aka, ua komo aku la oia iloko o kekahi keena i hookaawaleia no na lede, a maloko oiaila i komo aku ai oia a pee iho la me ke kali ana hoi o ka huli hoi mai o na poe makaikai mai kahi mokupuni mehameha.

  A ma ka puka aniani o ua keena nei i ike aku ai oia i ka maaloalo mai o na kanaka o luna o kahi mokupuni mehameha ma na lae kaha kai, me he mea la, e hoike okoa mai ana no, he mea nui ka lakou e huli ana, a ia wa i haupu ae ai ua Nora nei, aole keia no kekahi mea e aku, aka, nona ia, a ia sekona i puia ae ai oloko o ua keena la i ka leo aka pahenehene i kona ike ana iho ua hoohoka aku la oia i na poe e huli ana nona.

  A ike aku la oia i kekahi mau kanaka e holo ae ana i kahi o ka waapa ana i lawe malu mai ai, e lana hele ana iluna o ka ilikai. O, aole oukou i manao he mau lima kanaka ka mea nana i ho kou aku i keia waapa, wahi a Nora i puana ae ai.

  A maanei hoopau ae ai ki wahine aoo i kona nana hou ana aku luka o ka aina, no ka mea, ua maopopo iaia ua kokoke loa ka manawa no na poe mauka olaila e huli hoi mai ai no luna o ka moku.

  Nolaila, maloko o na keena nei i moe malie iho ai oia, a hoolohe aku la i ka haluku mai o luna o ka ino ku i na kapuai o na poe makaikai, na leo hauoli hoi e hauwalaau ana. A iloko o hapaha hora mahope iho ua lohe ae la oia i ka hakui mai o na enekini paahana o ka moku a hoomaopopo ae la oia, eia ka lakou ke huli hoi nei no ke kulanakauhale.

  He eha hora o kona pee malie ana me na manao hoonauki, aole he mau ulia pomaikai i loaa mai iaia, aka, i ka wa nae ana i hoopau loa ae ai i ko manao e loaa ana iaia he haawina pomaikai, aia hoi, ua lohe aku la oia i kekahi leo hawanawana liilii e hookokoke mai ana ma kana wahi e pee ana.

  Hoolono malie aku la oia i keia mau leo hawanawana, a lohe maopopo aku la, aole ia no kekahi mea okoa aku, aka, no Augusta no ia a me Stela, ka wahine lawelawe.

  A iloko o ka manawa pokole wale no ua hoea mai la laua no kahi a Nora e pee nei, a mamua o ke alo o Augusta e hiipoi ana oia ia Elenora kana lei aloha.

  Iloko o keia sekona no ua holo pololei aku la oia no mahope o ke pani puka o ua keena la me ka ike oleia mai.

  He oiaio, aole i piha na sekona he umi o kona nalo ana aku, aia hoi, ua komo mai la na wahine me ka laua pu olo makamae e pau ana. A maluna hoi o ka punee e waiho ana maloko o ua rumi nei i noho iho ai o Augusta.

  Aole he kukui e hoomalamalama ana ia loko o keia rumi, a o na hora no hoi ia e hookokoke aku ana i ke aumoe, aole no nae o Augusta i kauoha aku e lawe ia mai ona kukui, aka, ua manao iho la oia aole he kupueu maloko o ia keena nana e pakaha lima nui aku i kana Elenora aloha.

  A no kekahi manawa kona hooluliluli malie ana, ua keia ia aku a ka opio o ka hiamoe nui, i ka ike na o ka makuahine opio ua hiamoe kana kamalei ua hookuu aku a oia iaia e hooluolu maluna o ka punee, me ke kauoha paa aku hoi a Stela ke kauwa lawelawe e kiai nakaala i ke kamaiki a hiki i kona huli hoi hou ana mai.

  I ka hooki ana iho o ka leo kauiha o ua Augusta nei, ua puka aku la oia iwaho me ka haalele ana iho ia Stela hookani e noho maloko o ua keena nei.

  Ua noho iho la o Stela me ka piha maluhiluhi no ka hele makaikai ana i ka mokupuni mehameha, a no ka loaa ole ana iaia he hoa e walaau pu ai, ua hoomaka mai la ka hiamoe e hookau maluna o kona mau lihilihi me ka hiki ole iaia ke pale ae.

---

 

AOAO KUOKOA HOME RULA.

---

Na Rula Hooponopono no na Apana Koho.

---

KAHI HOOPAA INOA A ME KAHI KOHO.

  1.      O kela a me keia i hoopaa ana i kona inoa no ke kupono e koho balota maloko o ka Mahele Koho, kahi ana e noho ana wale no. Aole mea e hoopaa i kona inoa no ke koho ana, mawaho ae o ka Mahele Koho, kahi ana e noho ana.

  2.      Ina ua noho kekahi maloko o na Mahele Koho i oi aku i ka hookahi, nana e koho i ka Mahele Koho kahi ana e hoopaa ai i kona inoa no ke koho ana.

  3. Na Apana Koho a me na Mahele Kahi Koho.

APANA KOHO EKAHI.

PUNA, HILO A ME HAMAKUA, MOKUPUNI O HAWAII.

  Mahele Koho Ekahi. O na wahi a pau o ka Apana o Puna, koe o Keaau a me Olaa. Kahi koho, Hale Hookolokolo o Pohoiki.

  Mahele Koho Elua. Na aina o Keaau a me Olaa, Puna, a me na wahi a pau e pili ana mai ka palena o Puna a hiki i Hilo ma ke awawa o Honolii, Kahi Koho, Hale Hookolokolo ma Hilo Taona.

  Mahele Koho Ekolu. Mai ka moe na o ke Awawa o Honolii a hiki i ke moe na o ke Awawa, o Kawainui. Kahi Koho, Halekula @ Pap@ikou.

  Mahele Kohu Eha. Mai ka moe na o ke Awawa o Kawainui a hiki i ka moe'na o ke Awawa o Wakaumalo. Kahi Koho, Halekula me Honomu.

  Mahele Koho Elima. Hoomaka mai ka moe'na o ke Awawa o Waikaumalo a hiki i ka moe'na o ke Awawa o Kaula. Kahi Koho, Hale Hookolokolo o Laupahoehoe.

  Mahele Koho Eono. Hoomaka mai ka moe'na o ke Awawa o Kaula a hiki i ke Awawa o Kalopa, (Awawa o Kuliu.) Kahi Koho, Halekula ma Kaohe.

  Mahele Koho Eniku. E hoomaka ana mai ke Awawa o Kalopa a a hiki i ke Awawa o Malanahae. Kahi Koho, Hale Hookolokolo ma Honokaa.

  Mahele Koho Ewalu. E hoomaka ana mai ke Awawa o Malanahae a hiki i ka palena o Kohala. Kahi Koho, Halekula o Kukuihaele.

APANA KOHO ELUA.

KOHALA, KONA A ME KAU, MOKUPUNI O HAWAII.

  Mahele Koho Ekahi. O na wahi a pau o Kohala Akau. Kahi Koho Hale Hookolokolo ma Kohala.

  Mahele Koho Elua. O na wahi a pau o Kohala Hema, Kahi Koho Hale Hookolokolo ma Waimea.

  Mahele Koho Ekolu. Kohala Hema a hiki i ka palena akau o Holualoa. Kahi Koho, Hale Hookolokolo ma Kailua.

  Mahele Koho Eha. Palena Akau o Holualoa a hiki i, a e huipu ana hoi @  Keei ma Kona Hema. Kahi koho ma ka Halekula ma Konawaena.

  Mahele Koho Elima. Mai ka palena hema mai o Keei a hiki i ka palena akau o Kau. Kahi koho, Hale Hookolokolo o Hookena.

  Mahele Koho Eono. Mai ka palena mai o Kona Hema a me Kau, a hiki i ka palena komohana o Punaluu Kahi koho. Hale Hookolokolo ma Waiohinu.

  Mahele Koho Ehiku. O na wahi a pau i koe o ka Apana o Kau. Kahi koho, Halekula o Pahala.

APANA KOHO EKOLU.

NA MOKUPUNI O MAUI, MOLOKAI A ME LANAI.

  Mahele Koho Ekahi. O kela wahi o Molokai, e huipu ana o Kalaupapa a me Kalawao. Kahi koho, Halekuai o Kalaupapa.

  Mahele Kohu Elua. O na wahi a pau i koe o Molokai. Kahi koho Hale Hookolokolo ma Pukoo.

  Mahele Koho Ekolu. Ka apana o Lahaina a me ka mokupuni o Lanai. Kahi koho, Hale Hookolokolo ma Lahaina.

  Mahele Koho Eha. Ka apana o Kaanapali, kahi koho, ma ka Halekula o Ho@kohau.

  Mahele Kono Elima. O na wahi e pili ana me Wailuku e w@ho aku ana ma ka akau o na Puuone, e huipu ana me Waihee a me ka mokupuni o Kahoolawe, kahi koho Hale Hookolokolo ma Wailuku.

  Mahele Koho Elua. O na wahi a pau i koe o ka awawa o Wailuku, koe nae ka apana o Honuaula, kahi koho, Hale Dute ma Kahului.

  Mahele Koho Ehiku. Ka apana o Honuaula, kahi koho Hale Hookolokolo o Honuaula.

  Mahele Koho Ewalu. O kela mahele o ka apana i ikeia o Kula a me ka mahele @na o Hamakuapoko.

---

E nana ma la aoao 7.