Ke Aloha Aina, Volume VI, Number 34, 25 August 1900 — Page 1

KE ALOHA AINA

UA MAU KE EA O KA AINA I KA PONO

HOOKUMU IA I MEI 20 1885

 

BUKE VI       HONOLULU, POAONO, AUGATE 25, 1900.       HELU 34

 

HALAWAI HOU ME NA PAKE

HE 200 KOA LAHUI I HOOPOINOIA MA YANGTSUN

 

Ke Kulana Kaua ma Aferika Hema. Hoolala ia he Kumuhana no ka Hopu Pio ana ia Robata.

            Maluna o ka mokuahi Pekina i loaa mai ai keia mau nuhou makamaka hou o ke kahua kaua o Kina, a no ka pomaikai o ko makou mau makamaka heluhelu ke unuhi aku nei makou me ka awiwi nui, penei:

            Ladana, Aug. 1@, hora 3:55 a.m. Ma ka hope pio ia ana o Yangtsun, o ka poino o na koa lahui elike me na hoike i loaa mai i ke Daily Express mai Che@u mai, no ka la 8 o Augate, he 200, he hapanui nae o lakou i pau i ka make. Ua maki aku na koa lahui no Yangtsun, wahi a ka hoike ma ka wanaao Poakahi. Ua paa ia keia kulana e 15,000 pake e noho ana maloko o na auwaha ma ka hikina o ka muliwai. Mahope o eha hora o ka hakaka ana, ua hoauhee ia aku na pake mai ko lakou mau kulana pale aku.

            He hoike okoa kekahi i loaa mai ia nupepa no, mai Tientsin mai no ka la 6 iho nei o Augate, e hoike mai ana i kekahi hakaka i malamaia ia kakahiaka e na Iapana mawaho aku o Haiku, e paa ana he heluna nui o na enemi i ko lakou kulana ma W@iho. He heluna mahuahua ko na pake, a mahope o ka hoao ana o na Iapana e hakoko aku imua o ehiku pukuniahi, ua emihope aku lakou no H@ika, me ekolu i make a me 27 i hoeha ia, aka, ua lawe pio ia aku nae e lakou he 200 lio.

            Ma o ka hopu pio ia ana o Yangtsun ma ka Poakahi nei, he elua la mahope iho o ka nee mua ana aku no Pekina, aia ka manao ia la ma Wasinetona, he umi wale no la i koe a hoea aku lakou i na paia pohaku o ke kapitala o Kina. Ma ka lawepio ia ana o Yangtsun he kanaono Amerika i mak@ a i ole hoeha ia, he hapanui o lakou no loko o ka regimana @iwa, regimana Umikumamaha a @ ka Batari F. o ka puali pu@ Elima. O ka nui o na poino a pau ma kahi o 200 kanaka. O ka poino o na koa lahui ma Peita@ng na hoike ia mai ma kahi he @,130, a maloko o keia he@ he 600 Rusia. Aole he poino o na Amerika, no ka mea, aole lakou i komo ma keia kaua.

            Wasinetona, Aug. 10. O na kolamu koa hoopakele aole lakou e kali ana ma Yangtsun no na kokua. E hoomau aku ana lakou i ka nee ana no Pekina.

            Aole he mau hoohakalia hou ana, pela ka hoike i loaa mai nei i keia la mai a Kuhina Conger mai, a maloko p@ o laila i hoike mai ai oia, o ka haalele ana iho ia Pekina, malalo no ia o ke kiai ana a na koa lahui, a i ole pela, o na @00 o na lahui e, maloko oia heluna he 200 wahine a me na keiki, a me 3000 Karist@ano, e pau ana i ka luku ia. Aole he mau hoike pili aupuni i loaa mai i ke Keena Aupuni no ka hoike i loaa mai na Iapana mai, e olelo ana, aole e nee hou ana na koa lahui a hiki i ka la 15 o Augate. ka manawa hoi e loaa ai he heluna mahuahua o 50,000 kanaka.

NA KOA INIA O BERITANIA NO KINA.

            Simla, Aug 9. E waiho ana i ka Puali Eha, o ka ikaika o na pualikoa e holo aku ana no Kina he 446 aliikoa Beritania, 105@ mau alii haahaa Inia 13,970 koa,11,850 koa ukali, 1,150 mau kalaiwa kaa, 2,520 lio, 4,300 lio liilii a me hoki, 12 pukuniahi, 14 pu wili a me 1,800 koa Imeperiala. Ua manao ia o keia puali holookoa e haalele iho ana lakou ma kela mahina aku.

KE KULANA KAUA MA AFERIKA HEMA

            Ladana, Aug 9. O kela malao iho na hoike i loaa mai a Haku Robata mai:

            Ua hoike ia mai ia Kitchener mai mai kekahi pio Beritania i mahuka mai, aia o De W@ ke au la i ka muliwai Vaal. Mahope iho ua lohe aku la au i ke kani o na pukuniahi, aʻu i manao ai na Meth@, oiai, ua kauoha aku au iaia no ka lawe ana ae i kekahi kulana mawaena o Potehefstroom a me Lindique, kahi e hiki ai iaia ke kue aku i na enemi e auana i ka muliwai ma Dewetsdorp. Aia o Kitchener ke nee la ma ka muliwai Vaal me na koa kaua lio a me na koa hele wawae maluna o na lio.

            Ua hoike mai o Kenerala Hunter, ua hopu pio ia eia he 4,140 Boa maloko o na apana o Bethlehem a me Harrismih, a he hapanui o lakou ua lawe ia aku la no Cape Town. He ekolu pukuniahi a me umi kaa i piha me ka poka a me 195,000 puni poka i hoopoino ia aku.

            O ka pakaua o ka muliwai Elands, ke hopohopo nei au na hopu pio ia, he 300 koa Bushmen a me Rhodesians.

            Ladana, Aug 10. Ua hoopuka ae la ka Daily News i keia mau hoike mai kona mea kakau mai.      

            P@etoria, Aug. 9. He ohumu kai hoolala ia no ke kipu ana i na aliikoa Berit aia a paa o keia kulanakauhale, a e lawe ia Haku Robata ma ke ano he pio, kai loaa iho nei. He umi o keia poe ohumu kipi e paa nei ma ka hale paahao. Me he mea ala, he lala no na  hana hooulu haunaele ma Johannesburg

            Ua makaukau na mea a pau no ka hopu pio ana ia Haku Robeta a me ke kipu ana i na aliikoa Beritania, a na ikeia la i na minute hope loa. O ka nui o keia poe ohumu kipi he umikumamalima Ua hoolala lakou no k@ puhi ana i kekahi mau hale ma ka aoao komohana o ke kulanakauhale, me ka manaolana e pau aku ana na koa i ka hoakoakoa ia malaila. Alaila, ia wa e komo aku ai lakou iloko o ka hale a na aliikoa Beritania e noho ana, i hoa@lopa ia e lakou e pepehi aku i na mea a pau maloko. Ua maopopo i na Boa a pau keia mau hoolala, @ he lehulehu o lakou i hauohaia no ka hopu ana ia Haku Robata @ lawe koke aku no kahi o na pualikoa o na Boa me ka hakaliwale. Ua makaukau na lio no ke kokua ana i keia manao. Aia wa i loaa ai ka lohe i na Beritania a hopu ia iho la lakou.

HE MOKU KUPAIANAHA.

            Victoria B.C. Aug. 8. O ka mokuahi Dorika ma kona hoea ana aku i Iokohama ua hoike aku oia ma ka hora 9p.m. o ka la 14 o Iulai maweana kona @oana na kaalo ae la oia ma ka aoao o kekahi mokuahi. Ua ike aku lakou i kona kukui e a ana me ka lohe pu ia aku o kona oeoe, a mahope koke iho o ia wa, ua nalowale iho la oia. A ikeia aku la na @ na laau e lana hele ana iluna o ka ilikai. Ua hoi hope aku ke Dorika a holo kaapuni ae la no ewalu hora ma kahi ana i ike ai i ke kukui, aka, aole mae he meheu o keia moku i ike ia

LUKU WELIWELI IA NA ARMENIA.

            Konatiaopela, Aug. 9. O na hoike i loaa mai Bittli@, Tureke, Asia, e olelo ana he 200 kane wahine a me na keiki luku ia o ke kauhale Armenia o Spangha@ ma ka apana o Sas@ e na pualikoa a me na Kurde malalo o Ali Paaha, ke alihikaua o Bitlia. Ua olelo ia ae na kauoha pu aku oia i keia kauhale e puhi ia i ke ahi.

HOPU IA NO KA LAWE I NA MEA MAKE

            He keiki nona na ma@ he 16 kai lawe ia aku no ka halawai . @ aku e lawe ana he pu pa@ maloko o kona p@ me ka poka. Ma ka P@lua nei, oiai, kekahi hoopaapaa e malama ia ana mawaena o Ho@ a me kekahi keiki okoa aku. Ua @ hakaka aku la oia a i ka wa i hooko mai ai o na keiki la @ @oi, na unuhi ae la o Ho@ kana pu panapana a hoo@e @ ai mai la e ki. A oia no kona @ i hopu ia ai e kekahi makai.

            He k@ka @ la Orphe@m@i keia po.