Ke Aloha Aina, Volume VI, Number 34, 25 August 1900 — NO KA HOOULU ANA I NA LAAU ILIAHI. [ARTICLE]

NO KA HOOULU ANA I NA LAAU ILIAHI.

Ma ka hoi ana mai la a Kiaaina Dole mai kana huakai nei no Hawaii, ua lawe mai la oia he mau anoano o na laau ulu kuahiwi o ua mokupuni la, no ka hooulu ana maanei ma na kualapa o Puu Ohia. Mawaena o keia mau anoano he anoano laau koa a me iliahi. E hoopulapula hou ia ana keia laau o ka iliahi i manao ia ua nalowale loa ia laan ala mai keia mau mokupuni aku ma o ka hoopoino ia ana i na la Kamehameha I. Aka, ua olelo ia ae nae he nui loa o keia laan e ulu nei maluna o na mauna o Molokai. E hoao ia aku ana e malama maikai ia keia laau kahiko o ka aina nei e ke aupuni ma keia hope aku.