Ke Aloha Aina, Volume VI, Number 35, 1 September 1900 — Page 1

KE ALOHA AINA

UA MAU KE EA O KA AINA I KA PONO

 

BUKE VI.      HONOLULU, POAONO, SEPATEMABA 1, 1900.           HELU 35.

 

HAULE PIO O PEKINA

KOMO LANAKILA NA KOA LAHUI ILOKO O KE KAPITALA.

Mahuka ka Emepera Wahine no Sinan Fu--Hoopakele ia na Ola ma Pekina--He 187 ka Nui o na Poino.

            Ma ke Gaelic i loaa mai ai keia mau lono makamaka hou, a makou e unuhi awiwi aku nei, penei:

            Pekina, Poalima, Aug 17. Elike me na aelike i hana ia e na alihikaua o na koa lahua, ua nee aku ia na Rusia a lawe ae la i ka puka mua o ka ipuka pa hikina ma ke kakahiaka nui o ka la14, Poalua, aka, ua hiki ole nae ia lakou ke komo aku i ka puka elua. Ma ka hora 2 o ka auina la o ka la 14, o na Beritania a me na Amerika ua komo aku lakou ma ka puka e kokoke ana i na keena kanikela, a ua halawai mai lakou me ka kue liilii ia ana. He nui na kue ikaika i halawai me na Iapana maluna aku o ka puka pa hikina. Ma ke aumoe o ka po o ka la 14, ua hoopahu aku la lakou i ka ipuka pa a komo aku la iloko o ke kulanakauhale. He lehulehu wale na pake i pau i ka make. He maikai na poe a pau maloko o na keena kanikela, aka, ua ano wi nae.

            O ka nui o na poino o na keena kanikela o Pekina ma o ka hoopuni kaua ia ana he 67 i make a me 120 i hoeha ia.

            Ua hoikeia mai ua mahuka ka Emepera Wahine no Sinan Fu, he mau la pokole mamua o ke komo ana aku o na koa i Pekina.

            He mokukaua Iapana kai haalele aku la ia Iokohama no Sana hai, elike me ka hoike a ka Daily Mail, no ka hoolele ana aku no ia i na koa no ka malama ana i na kupa Iapana. Ua hoike pu mai ka Daily Mail e hoolele aku ana o Geremania  he mau koa ma Sanahai.

           

NA LONO HOPE LOA

UA MANAOIA UA KOMO AKU LA NA KOA I KE KULA-

MAKAUHALE KAPU.

Aia ko ke Malama ia la na Hakaka Kawika Ana ma na Alanui-Aole ho Lono no ka Paa o ka Moiwahine.

            Ma ka mokuahi Auseteralia i loaa mai ai keia mau hoike hope loa.

            Ladana, Aug 22, hora 3:55 a.m. Ma na nu kou i hoea pololei mai la i Ladana i keia awakea mai Kina mai, aole he mau hoike e hooiaio mai ana ua hopu ia ka Moiwahine.

            O na kanikela o na aina e wahi a ka mea kakau o ke Daily Mail aia lakou ke hele ia no Tiensin. Ua hoike mai no ia mea kakau hookaki ua lawe pio aku ua koa lahui i ke kulanakauhale kapu ma ke la 15 o Augate.

            O na have o na koa lahui, wahi a ka mea kakau o ka Daily Mail ma Sanahai, ke pulelo la maluna o ka halealii. Eia no ke hoomau ia nei ka hakaka ma ua alanui. He nui na kokua i haawi ia mai e 4000 pake Karistiano. O ka hiki ana i na keena kanikela ke paa no lakou iho, ma o ke kaai ia ana mai ia o na poka e na pake.

            Ladana, Aug 21, hora 3:55 a.m. Mamuli paha o ke oki ia ana o ka uwea, he uuku loa na nuhou e pili ana i ke kulana ma ke kapitala o Kina i loaa mai. O na mea i hoea mai i Ladana, e hoike mai ana aia na puali ke makemake la e loaa on a mau kokua ia ana aku.

            Ua hoike mai nei ke kapena o ka mokukaua Fieranesea mai Taku mai, ua loaa mai la ke noi ikaika mai Pekina mai no ka hoouna ana aku i mau pualikoa me ka Lakalia ole, a ma ka pa@ e aku ia nei le 100 koa marina Italia i hoonua ia aku me ka awiwi nui.

 

LANAKILA HOU NA BOA

HOPU PIO HOU IA NA KOA BERITANIA.

Koi o Kenerala De Wet ia Baden-Powelilo Haawi Pio-He 4000 Koa i Hopu Pio ia.

            Ladana, Aug 17. Ua loaa mai la keia mau hoike i ke Keena Kaua mai a Kenerala Robata mai, e hoi ke mai ana, he hopohopo kona ua pakele aku la o De Wet mai na poe e uhai la. Ua olelo ae o Haku Robata he manaoio kona, o ka pakele ana o De Wet, mamuli no ia o kona mahere ana i kona mau kanaka iloko o na puali liilii.

            Delegoa Bay, Aug 18. Ua lele kaua mai la o Kenerala De Wet maluna o na Beritania, a hoauhee ia aku la na Beritania me ka hopo ia ana he 4000 kanaka.

            O De Wet i ikeia aku ka Morgan o ke kaua o Transvaal, ua pakele aku la oia mai a Haku Robata aku, me ka mahuka pu aku mai na upiki lehulehu i hana ia nona e na Kenerala, a ua loaa iaia he holopono ma ka huipu ana me ka puali o Delarney. A ia wa i huli koke ae ai a lele kaua aku la i na Beritania me ka hakalia ole, me ka hoauhee ana aku ia lakou a hopu pio iiho la he ehiku pu a me 4000 koa.

            O keia nee o kelakela ma ka aoao o ke Kenerala Boa, ua lilo oia he mea nui ma na hoonee kaua ana o Aferika Hema. O na Kenerala Beritania a pau, ua hoohaiki aku lakou ia De Wet ma kekahi iu u manawa. O Kitchener a me Bula, na alualu aku laua iaia no 1000 mile maluna o na puu, a i keia ua aole wale oia i pakele, aka, ua huli mai la oia a haawi mai la he puupuu ikaika i na poe e uhai aku ana iaia.

            Eia ke himeni ia nei maloko o ka halekeaka Orehena, o Vincent Bradley, he wahine paele, ka mele Hawaii i kapu ia "Kua Li Poai Mai" He nui @

 

IWAKALUA MAKAHIKI HOOPAAHAO.

            Imua o ka Aha Hookolokolo Kaapuni ma kela Poaha aku nei i hookau ia aku ai ka hoopai koikoi maluna o Kane, ke kanaka i hoao ai e powa i ke ola o kekahi pake kalaiwa kaa nona ka inoa o Tong Sing, ma ke alanui e hoea aku ai i Puu Ohio ma ka la 1 o Iulai.

            Mahope o ka hoike ana o Tong Sing i na hana lokoino i hookau ia aku maluna ona, a ka aha hoi i ike maoli ai i kona kulana nawaliwali, na palapu e kau ana maluna ona, a me kona poo i nele i ka lanoho, aole i loihi na kiure i ka noonoo ana i ka lakou olelo hooholo, na hoopuka mai la lakua e haawi ana i na ahewa ana ia Kane no ka hewa ana i lawelawe ai, me ka Poalima mai i hookau aku ai o Lunakanawai Silliman i kaua hoopai koikoi e hoopaahao ia oia maloko o Kawa no iwakalua makahiki.

 

Nuhou Kuloko.

            He keaka no ko ka Orpheum i keia po.

            Ma ka la 10 o keia mahina me e hoomaka ai na kula aupuni.

            E malama ia ana he mea lealea hoihoi lio mawaho o Kapiolani Paka, ma ka Poakahi ae nei.

            Ua hauwawa ia mai ua puka hoa ae la ka ma'i bubonika me Kapalakiko, a he haole ka mea i make.

            O na Hawaii ekolu i h@ haunaele ai ma kahi o Palekapu, a poino ai kona pepeiao, ua hoopai ia lakou no ka hokoea he $10 pakahi.

            I keia kakahiaka i hoea mai ai ka mokukaua Chile General Raquedano mai Kapalakiko mai, makona alahele no Iapana a me Kino.

            Ua manaoia e kuai ia aku ana he mek@i hana hau e ka Papa Oia no ke kahua ma'i lepera o Molokai no ke @ ana i na @ a me na ia mai ka ino @ koke @ o na poe ma'i.