Ke Aloha Aina, Volume VI, Number 35, 1 September 1900 — Page 5

KE ALOHA AINA

POAONO, Sepatemaba 1, 1900

 

 

KE KULANA MA KINA

AIA NO NA KOA LAHUI KE NEE LA IMUA.

 

He 27 Mile Wale no ko Lakou Mamao Mai Pekina Aku –
He Uuke Loa na Kue ia Ana Mai.

 

Maluna o ka mokuahi Siama i loaa mai ai keia mau lono makemaka hou, a ho ka pomaikai o ko makou mau makamaka heluhelu ke unuhi aku nei makou penei:

Chofu, Aug. 12.  Ua loaa mai nei he telegarapa mai Taku mai, no ke awakea Poaono, e olelo ana, na hoea aku la na koa lahui ma kahi he 27 mile mawaho mai o Pekina.  Aole he kana i ulele hou ia mai ke kaua mai o Yangtsun.

E NUE ANA NO KA KUE ANA MAI.

Wasinetona, Aug. 14.  Koe wale no ma ke kue ikaika ana mai o na poe ma Tunchow, ua manao na luna o ka oihana kaua maanei, aia na koa lahui malalo o na pala pohaku o Pekina.  He manaolana ko Kenerala Chaffee e hoea aku ana ka pualikoa hui i Tungchow ma kahi he 26 mile mai Hoaiwu aku, a he 12 mile mai Pekina mai ma ka la 12 o Augate.  Ua loaa pu mai keia hoike mai ia Adimarala Remey, aka, ua paa ia nae mai ka hoolaha akea ia ana ma ke keena kaua.  O Tungchow kekahi wahi ano nui mawaena o Tientsin a me Pekina.  He kahua hoolako nui o na ano like ole no Pekina.  Ua manao ia e ulu mai ana no he kue ana ma Chingchaiwan, i hoopuni ia me na pa pohaku, aka, aole nae i oi aku kona kulana paa, elike ma Tungchow, O Chingchainwan, aia ma kahi he 16 a i ole 19 mile mai Hosiwu aku.

AIA NO KE NEE LA IMUA.

Ladana, Aug. 15.  O na pualikoa lahui, wahi a ka mea kakau o ka St. Peteroboro i ka Times, ma ka la 9 o Augate, ua lawe ae la lakou ia Hosiwu, a ke nee la no Muhohwang, me ka nui ole o na kue ia ana mai.  Ua hoonee ia aku na pukaa me ka hollpono iloko o ka inoino o na alanui, a na Iapana e hoomaemae ia.  Aia na pake ke hoakoakoa ia ma Hsing Ho Sien, kahi i manao ia ai malaila e malama hou ia ai he mau hoouka kana ana.

Sanahai, Aug. 14.  Ua haawi ia aku la ke kauoha i na wahine na opio a me na poe i komo ole iloko @a oihana kuana no ka haalele ana iho ia Pota Ata, malalo o ke kauoha a ka oihana koa @ Rusia.

ULU NA MANAO MOKUAHANA.

Wasinatona, Aug. 15.  O kia lawe ana ae la o na Rusia ia Niuchwang me ka maopopo ole o na kumu kupono, na ia mea i kono aku e hoolele ia na koa Beritania ma Sanagai, a ua kokua ia aku hoi e Iapana.  Aole he naua aku o Geremaina i ua hana a Rusia ma ka akau, aka, ke kue la nae ola i na hana a Beritania ma Sanahai me ka manao e hookahuli i keia kumuhana ma ka hoonoho ana i mau aumokukana malaila me ka hoolele ana i pualikoa no ka malama ana i kona kona mau waiwai.

O Beritania a me Iapana ua kue aku laua i ka lawe ana ae la O Rusia ia Newchang.  Nolaila, ua hoolele aku ka inoa mua i kona mau koa ma Sanahai i kulike me na hoonee ana a Rusia ma ka akau.  O keia hana a Beritania ua hue ia e Rusia, Geremania a me Farani.

KUPILIKII KE KULANA O NA BOA.

Ladana, Aug. 14.  Ua loaa mai la keia mau hoike malalo iho mai ke keena kaua, mai ia Haku Robata mai no ka la 13 o Augate e olelo ana:

O na hoike mai Kitchener mai ma Schoolplaats he ewalu mile ma ka hikina aku o Vantersdorp, na hoopoino ae o Dewet he ekolu o kona mau kaa ukana.  He eono mau Beritania i mahuka mai ke kahua o Dewet i hoike mai, aia o Peresidena Steyu ke hoopaa ia la maloko o ke kahua hoolulu, a na haalele aku o Dewet heluna e o na poka me kanakolu io.  Ua hoolalo mai lakou na hopu pio ia e ina Hamilton he hookahi pukuui@hi.  Ua telegarapa mai nei o Ian Hamilton, he manaolana kona e hoea aku ana oia i Biaaubank i keia la me kona mau koa.  O ka koa kaualio o Mahou aia lakou ke nee la no ke komohana.

O kekahi hoike i loaa mai, aia no o Methuen a me Kitchener ke uhai la ia Dewet am me Steyu me ka la i nehinei, ua hoea aku la i Modderpontein he 10 mile ma ka hikina aku o Ventendorp.  Ua kokoke loa o Metheun e halawai me ua koa hope o Dewet.

Ua hoike mai nei o Smith-Dorrien, ua maki ia e ka regimana Shropshire he 43 mile iloko o 32 hora a o ha koa lahui imeperiala o Ladana he kanakolu miile iloko o umi hora, me ka manao no ke kue ana aku ia Dewet i ka nee ana ma ke alahao Krugerdorp-Potshefstroom.

Ua lawe ae la o Bula ia Ermelo.

He alakai me 182 Boa o Standerton kai haawi pio mai la Clery ma ka la i nehinei.

 

 

 

Eia na manao hoakaka o McCland@han ke hoopuka ia aku nei, a na oukou e ka poe kupono i ke koho balota e noi noo akahele no oukou iho.

 

 

 

UA HOEA AKU LA I KAPALAKIKO.

 

Kapalakiko, Aug. 18.  O J.T. Baker, kana wahine a me Miss H. Hapai, he mau ohua lakou i hoea mai ia meluna o ka mokupea Roderick Dhu, mai Hilo mai. O Baker oia ke kiaaina hope loa malalo o ke aupuni alii, a he hoaloha kahiko no ka Moi Kalakaua i make.  He eono kupuai me eha iniha kona kiekie, a he kulana kilakila.

He kanaka hsawaii koko piha oia a oia kekahi kanaka makaukau maloko o ka mokupuni kahi ana i hele mai ai.  O Himm Hapai, oia ke kaikamahine a kekahi o na lunakanawai o Hawaii, E nolo aku ana lakou no Nu Ioke, a noliaila aku no Parisi.  He 22 ia hoio o ka Roderick Dhu ma keiahuakai.

 

 

 

KA MANAWA HOLO LOA.

 

Plymouth , Aug. 14.  O ka mokuahi Deutschland o ka laina mokuahi Hamburg-American i haalele aku ia Nu Ioka ma ka la 8 o Augate no Hamburg, na hoea mai la i ka hora 8:20 o keia kakahiaka, me ha hoemi ana iho i ka manawa holo no ka huakai hikina i ka 5 la, 11 hora a me 45 minute.  O ka manawa holo loa i holo ia eia i ka la hookahi he 552 nota.

Ua hiki i keia moku ke holo mai Haswaii aku nei no Kapalakiko maloko o eha la.  Nui no ka holo.

 

 

 

KE OLA O NA AMERIKA.

 

Wasinetona, Aug. 15.  Ua telegarapa mai o Kenerala MacArthur i ke keena kaua e pili ana i ke oia o na pualikoa ma Pilipine.

O ka nui o na ma’i iloko o ka haukipila he 3,623, a iloko o na hale iole he 1,261, no lakou ka huina a pau he 5,119 koa ma’i a ua like ia me 8,47 pa keneta o na puali holookoa maloko o na paemoku.

 

 

 

HOAO I LAWE I KONA OLA.

 

M ka La Pule nei, Augate 26 ua hoao iho la kekahi wahine Hawaii e lawe i kona ola nona ka inoa o Beke Panee, ma o ke kiana iaia iho me kekahipu panapanamakai o Kakaako.

Ma ka hoike a na pee e noho kokoke ana ma kahia keia wahine i hoao ai e lawe i konaola, ua hoohikilele ia lakou i ka lohe anaaku i kekahi leo kani pu panapana i ke poha anamai ka rumi mai a Beke Panee e noho ana a i ko lakou holo ana aku e huli pono i keia leo poha pu, ua ikeaku la lakou iaia e moe ana iluna o kahi moe me kekahi pupanapana o paa ana ma kona lima.

Ua hoouna koke aku ke kana a i hiki mua aku i kauka a me ka makai.  O ka makainae la mea i hiki mua aku, a ma ka nan@ia ana o ke kulana o ka wahine kipu, ua ikeia iho la aole ona wahi i poino.

Ua hoomaopopo ia ma ka Beke hoike,ua makemake oia a ki iaia iho ma ka aoao hema. Aole nae i kapoo eku ka poka ma kahii makemake ia, aka, ua ku aku la he kiaha pua a pau iho la i ka nuhaha. Ua lawe ia mai ka pu panapana a me Beke Panee no ka halewai.  Ua piha pono na keena waiho poka o keia pu me na poka, a he hookahi pae i kiia. Ua hookau ia akuka hewa ona rama maluna opa.

 

 

 

LILO KA PEPEIAO.

 

Ma kai ae nei o Honuakaha, ma ka hora 9 o ka po Poaono nei ua halawai iho la o Palikapu me kekahi ulia poino mau wale, a ua lilo aku kekahi apana o kona pepeiao.  O ka mea nana i hoopoino aku iaia aole i maopopo loa, aka, ma kana hoike nae ua hoomaopopo ia, me he mea la na kekahi mau sela moku no ia.

Ma ka manawa i olelo ia ae la, ua hoea aku he eono mau luina ma kona home, i lawe ia mai e kona kaikoeke.  Ua ona lakou i ka wa i hoea mai ai, aka, ua hookipa aku no nae oia ia lakou, ua haawi hou aku no hoi he kiaha loia pakahi ia lakou.

Ma ia wa ua ulu se la he hoopaapaa mawaena o na luina e noho ana, a o ka hopena o keia hoopaapaa anana malama ia he hakaka, ua lele aku oia e uwao la lakou.  Ua pio ke kukui me keia manawa, a oia no ka wa i loaa mai ai he puupuu ikaika ia Palikapu nana i hoihoi aku iaia iluna o ka papahele.

Ua poniuniu ia o Palikapu, aka, ua ike no nae oia i kekahi kanaka i ka paa ana maluna ona, a i ka wa i pau ae ai o ke poniuniu ua ike iho la oia na kaawale kekahihapa o kona pepeiao.

He ekolu mauInina i paa i kahopu ia, a he ekolu i pau aka i ke mahuka iloko o ka pouli.  Ua hiki ole i ka mea poinoke hoomaopopo i ke kumu i moku ai o kona pepeiao.  Ua huli la keia apana i nalowale ime ka manaoia e hoopili aku ma kona wahi i hkaawale mai ai, aka, aole nae i loaa a hiki i ke kakahiaka ana ao, ua hala hoi ka wa kupono no ka hoopii ana.

 

 

 

Ua manao ia ka hoonoho ana aku i makai kumau no kai o Kakaako, mamuli o ka nui o na hana hewa e lawelaweia nei malaila.

Ua hoea mai la ka mokuahi Siama me na lako ai no ka oihana kaua o Amerika ma Pilipine.  Ua hoomau aku oia ma kona alahele mahope o ka piha ana ma ka ninahu.