Ke Aloha Aina, Volume VI, Number 36, 8 September 1900 — Page 1

KE ALOHA AINA

 

HOOKUMUIA I MEI 20, 1835

BUKE VI.      HONOLULU, POANO, SEPATEMABA 8, 1900   HELU 36

 

PAHOLA KE AHI MA PEKINA     HOOMAKA NA HANA PAKAHA WALE           

Like Ole ka Manao o na Alakai Lahui – Hoopau o Amerika i ka Hoouna Ana i na Koa.

            Maluna o ka mokuahi Aorangi i loaa mai ai keia mau lono makamaka hou, penei:

            Ladana, Aug. 24. O ke puhi ahi, hakaka a me ka mokuahana, oia ke ukali la ma ka hoopakele ana ia Pekina. Ua hoopuka ae la ka Daily Mail he hoike mai ke kapitala mai o na pake no ka la 17 o Augute, a hoike mai ana, aia ke pahola la he pauahi nui maloko o ke kulanakauhale imeperiala. O ke alakai Rusia, ua hoole aku la ia i ka apono ana i ka manao o na kenerala e ae, aole e hoopoino ia na mahele aina imeperiala, a o na hakaka alanui eia no ke hoomau ia nei.

            O Kenerala Chaffee, ua manao oia ua lawa no hoopai i loaa i na pake, a he hana naauao ole ka lawe pio ana ae i ka halealii imeperiala. Ua unuhi aku oia i na Amerika mahope o ka wawahi ia ana o ka puka pa. Aka, o ke Kenerala Rusia nae, ua olelo ae oia, ua kukala kaua aku kona aupuni e Kina, nolaila, aole e hiki iaia ke hoopau i ke komo ana aku e kaua i na mahele kapu.

            Ua hoike ia mai aia ke hoonoho ia la na koa no ke kue ana aku i na hana pakaha wale e malama ia la maloko o ke kulana kauhele. O na pauahi na manaoia ma@ li no ia o na hoa malu ana a ka pake. O ka halealii imeperiala i hopu pio ia, ua manao ia aole oia e hoopoino ia ana.

            AOLE MAU KOA HOU NO KINA.

            Wasinetona, Aug 23. O keia loli ana ae la o ke kulana ma Kina, ua hooholo ke aupuni e hoopau i ka hoouna ana i na koa i Kina. O na koa he 4000 e au ia i ke kai no ka Hikina a me k@ 3000 e makaukau nei no ka holo ana aku, e hoouna ia aku ana lakou a pau no Manila. E holo aku ana keia mau puali ma ia alahele hookahi, mahope o ko lakou kipa ana aku ma Nagasaki, e holo aku ai lakou no Manila. Ua hoopuka ae o Kuhina Root, aole e hoouna hou ia aku ana na koa i Kina, no ka mea, aole o lakou makemake hou ia malaila.

            HAULE O SHARKEY

            Na Ioka, Aug 24. Ua malamaia ae ka hakaka kuikui puu paa mawaena o Sharkey a me Fitzsimmon, ua lilo ka lanakila i ka inoa hope iloko o elua puni, ma ke ahiahi o ka la 24.

            NA LONO NO AFERIKA HEMA.

            Ladana, Aug 23. O keia malalo iho na hoike i loaa mai i ke Keena Kaua.

            Pretoria, Aug 22. Aia ka mahele koa o Bula ke maki la no Van Wykes Vlei, he 15 mile ma ka hema aku o Belfast ma ka la inehinei. O kona poino he 20.

            Ua hoike mai nei o Paget mai Ho@man's Krall, ua malama ia he hakaka mawaena o na koa hope o Grobler a me Baden-Powell ma ka la inehinei. Ua auhee aku o Gobler no ka hikina aku o ka muliwai Pinaar. O ka poino o na Rhodesia, o Konela Spreckley a me eha kanaka i make, a me ehiku i hoeha ia. Ua hoea aku ia lakou ma Oyferkril ma keia kakahiaka. O Plumer a me Bickman aia ke uhai la i ka enemi.

            Ua hoomaopopoia i ka ike ana o Dewet he hana hiki ole iaia ka hoomau ana aku i kona alahele no ka hikina, ua hoi hou aku ia oia no Magaliesberg, me na poe kakaikahi i hoeha ia, me ka manao no ka hoi ana aku no ka paualaau o ka Muliwai Alani. Ua loli ae kona kulana mai kona wa i haalele iho ai ia Bethelehem me eono a i ole ewalu pu a me 2,000 kanaka. O ka hapanui o kana mau pu ua pau i ke ka@ i i@, a o na poe i koe me ia ma kahi o 300 kanaka.

            Ua olelo ia ae, ua kau aku la o Steyn ma kela aoao o ka muliwai Pinaar me kekahi puali kiai kino uuku, ma ke alahele no ka huipu ana me Kreuger ma Machadodorp.

HOOMAKA KA PAPA NANA I KANA HANA

            Ma ka hora 6 o ke kakahiaka i Poaono nei, Sept 1, i hoomaka aku ai ka Papa Nana Koho Balota o ka mokupuni o Oahu nei i kaua hana, elike me ke kauoha a ke kanawai, mai ia hora poniponi o ke kakahiaka a hiki i ka hora 11:30, ua hiki aku la ka huina o na poe i hoopaa aku i ko lakou mau inoa i ka 250.

            O ka hapanui o na poe i hele aku e hoopaa i na inoa oia no na Hawaii. He poe pake kekahi i ae ia aku e loaa ka mana koho. Iwaina o na poe i hoea aku imua o ka Papa Nana, he poe kekahi i i nele me ka ike kakau a i ole me ka ike heluhelu i na olelo Enelani a i ole Hawaii, a oia poe ka ka Papa Nana i hoole mai ai i ka loaa ana o ka mana koho ia lakou.

            Aole he hoohiki kumukanawai i malaila e like me na hoonuinui olelo o na la i hala i ike ia ma ka noho ana iho la o ka Papa Nana. O na lala o keia Papa oia no o Lorrin Andrews, Luahoomalu, D. L. Naone a me M. A. Gonsalves mahope o kekahi mau la o ka noho ana a ka Papa Nana ma Honolulu nei, e hele kaapuni aku ai lakou ma na kuaaina. Nolaila, e na Hawaii a pau e ala, a e hele e hoopaa i ko oukou mau inoa i loaa ka mana koho balota no keia kau e hiki mai ana. Aohe mea a ka manao a hopohopo ai.

 

Allen me Robinson

He mau mea kuai Pa@u, Na Lako Kukulu Hale. Pena @ Aila a pala pu no hoi me ka Na@hu.

            Keena Hana ma Alanui Me@hier

HOOPAI IA HE 15 MAKAHIKI HOOPAAHAO

            Ma ka po Poalima nei i hoopuka mai ai na kiure i ka lakou olelo hooholo e ahewa ana la Samuel Barney, ka haole i kipa ai ia Lorbeer a make loa, ma kahi kokoke i kahi hoolulu ka@ ma ka la 12 o Augate, ma ke degere ekahi o ka lawe ola, mahope o ka olelo hooholo a na kiure i hookau aku ai o Lunakahawai Siilimau he hoopai o 15 makahiki hoopaanao no kapa hewa i lawelawe ai. O Kaue hoi aole i make kana kanaka i powa ai, ua loaa iaia ka hoopai o 20 makahiki like ole no hoi ka manao o ke kanawai.

MOKU HAUKIPILA SOLACE

            Ua hoea mai la ma ke kakahiaka Poaono nei ka moku haukipila Solace mai Kina mai ma kena alahele huli hoi no Kupalakiko. E hoihoi pu ana oia no Amerika he mau koa ma@ me a me kekahi mau koa i @ ia ma ke kahua kena o Kina. Mawaena o keia poe pilikia e Konela Robat@ Meade, ke kanaka nana e alakai ana i ka puali@ Amerika ma ka hoo@ @ e Tientsin. He rumatika ka mai nana i hookaawale mai la iaia mai ke kahua hakaka mai o Tientsin.

            PIHOLO A MAKE

            Ma ka Mauna Loa i loaa mai ai he lono no ke piholo ana he kanaka Hawaii nona ka @ e Keola ma Hoopaloa. Kona Hema, ma kela Poakolu aku nei i ka wa o ka Mauna Loa malaila.

            Ma kela Poalua aku nei i hoopomaikai ia mai @ i ko makou makemake F.J. Testa, me Aekahi moopuna wahine hui oe@umepu, mai ka puhala mai o @ kaikamahine, Mrs. Isabela W@ton, aia ka makua @

maloko o ka Ha K... Laki no.