Ke Aloha Aina, Volume VI, Number 36, 8 September 1900 — NUI NA HAWAII E HELE NEI E HOOPAA INOA. [ARTICLE]

NUI NA HAWAII E HELE NEI E HOOPAA INOA.

He mea hauoli no makou ka ike ana aku eia na Hawaii ke holomoku nei ma ka hele ana e hoopaa i ko lakou mau ino imua o ka Papa Nana e noho nei ma Honolulu Hale no ke koho ana i ka lakou mau moho i manao ai i wahaolelo no lakou ma keia Kau Ahaolelo ano nui e hiki mai ana. Ua like ia ka pii ikaika mau ana o na poe hoopaa inoa ma ka aoao o na Hawaii, no ka mea, mai ka Poaono mai, Sept. 1, ahiki i ka Poakolu @, ua like me ekolu la o ka noho ana o ka Papa Nana, ua hoea aku la na inoa i ae ia e ia papa e paa ka mana koho i ka 640, a he elua hapakolu oia mau inoa he po Hawaii. Ma ka hoike a ka Lunahoomalu,

e noho an alakou i keia pule holookoa maanei, a me he la me keia pule hou aku paha kekahi, a ia wa e hele kaapuni aku ai ka Papa Nana ma na apana koho a puni ka mokupuni, a ma kona huli hoi ana mai i ke kulanakauhale nei e wehe hamama hou ia ai a hiki i ka la 9 o Okatoba. Nolaila, e na poe o na apana koho mawaho aku nei, mai nana maka i keia pomaikai nui e hiki aku ana imua o oukou, aka, e apo mai me ka hopohopo ole, a hoopaa iho i ko oukou mau inoa, aole wale o na poe o keia mokupuni ka makou e paipai ikaika nei, aka, no na poe kupono no ia a pau i ke koho balota e noho ana ma na mokupuni like ole o ka paeaina nei. A he manaolana ko makou, ina e pau ana na kanaka Hawaii a pau i ka hoopaa i ko lakou mau inoa no ke koho balota, e lilo ana na na Hawaii e rula ka pahu balota.