Ke Aloha Aina, Volume VI, Number 38, 22 September 1900 — KE ANO O NA HANA. [ARTICLE]

KE ANO O NA HANA.

(Kakauia no KE ALOHA AINA) Ma ke ano o na hana kakou e @ [hilinai?] ai, aole ma ka olelo wale. Elike me na mea e ikea nei ma Hawaii nei pela no na hana a ka Aoao Repubalika ma Amerika, @ Aoao Repubalika he aoao @@@ huihui e @[lawe pau?] i ka waiwai ma ko lakou mau lima, pela no ia ano i

ko na Repubalika Hawaii. Aia ka pono o ka paa o ka mana aupunii, nolaila, nui na dala hoolilo a e nui aku ana no hoi na kipe. Eia iho na moho o ka Aha Elele koho moho holo balota e holo ana paha no Hilo e hui ai, nolaila, i mea e ike ia ai a e lohe ia ai, e lawe pau ia ana na bana puhiohe a me ka bana pila umeume, a e hui pu ana hoi na hana hoohiluhilu ma na kai huakai ana me na pakini a me na cimebala, i maliu ia mai ai e na Hawaii. No ke kahua kumu ole ma ke kalaiaina ana, nolaila, keia mau hana keaka. Aka, aole oukou e maliu mai, oiai ko oukou la keia.